Об утверждении Правил привлечения и использования грантов Күшін жойған
Басқа 0
Гранттар тарту және пайдалану ережесiн бекiту туралы
Халықаралық қаржы экономикалық ұйымдардан және донор-елдерден тартылатын гранттарды пайдаланудың тиiмдiлiгiн арттыру мақсатында, сондай-ақ сыртқы ресурстарды басқару жүйесiндегi мемлекеттiк басқару органдарының функцияларын реттеу қажеттiлiгiне байланысты Қазақстан Республикасының Yкiметi қаулы етеді:
Тармақ 1
1. Қоса беріліп отырған Гранттар тарту және пайдалану ережесi бекiтiлсiн.
Тармақ 2
2. Қазақстан Республикасының Экономика және бюджеттiк жоспарлау министрлiгі гранттар тарту және пайдалану жөнiндегi жұмыстарды үйлестiрудi жүзеге асырушы уәкiлеттi орган болып белгiленсiн.
📌 Ескерту. 2-тармақ өзгерді - ҚР Үкіметінің 2002.11.30. N 1272 қаулысымен.
Тармақ 3
3. Осы қаулы қол қойылған күнiнен бастап күшiне енедi.
Басқа 4. Гранттар тарту және пайдалану ережесi
Қазақстан Республикасы
Үкіметiнің
2002 жылғы 8 тамыздағы
N 886 қаулысымен
бекiтiлген
Гранттар тарту және пайдалану ережесi
Тарау 1. 1-тарау. Жалпы ережелер
1-тарау. Жалпы ережелер
Тармақ 1
1. Осы Гранттар тарту және пайдалану ережесi (бұдан әрi - Ереже) Дамуға Ресми Көмек (бұдан әрi - ДРК) шеңберiнде Қазақстан Республикасына гранттар тарту және пайдалану тәртiбiн айқындайды.
Тармақ 2
2. Ереже ДРК шеңберiнде гранттар тарту мен үйлестiру процесiн реттеу әрi өтемсiз қаржылық және техникалық көмек жобаларын (бұдан әрi - жобалар) iске асыру кезiнде оларды тиiмдi пайдалануды қамтамасыз ету мақсаттарында әзiрленген.
Тармақ 3
3. Ереженің мiндеттерi мыналар болып табылады:
Тармақша 1
1) Қазақстан Республикасының ДРК шеңберiнде гранттар тартуы процесiнiң ашықтығын қамтамасыз ету;
Тармақша 2
2) жобаларды iске асыруды дайындау, бағалау, iрiктеу, iске асыру, оның мониторингi бойынша жүйелi жұмысты ұйымдастыру;
Тармақша 3
3) бюджеттiк жоспарлау және гранттар тарту процесiнің өзара байланысын белгiлеу;
Тармақша 4
4) гранттар тарту және пайдалану жөнiндегi мемлекеттiк басқару органдарының функцияларын реттеу.
Тармақ 4
4. Ереже ДРК-ге жатпайтын iзгілік, қайырымдылық, азық-түлiктiк және басқа да көмек түрлерiн тарту мен бөлу рәсімдерiне қолданылмайды.
Тармақ 5
5. Ережеде мынадай ұғымдар пайдаланылады:
Тармақша 1
1) уәкiлеттi орган - гранттар тарту және пайдалану жөнiндегi жұмыстарды үйлестiрудi жүзеге асырушы орталық атқарушы орган;
Тармақша 2
2) атқарушы агенттiк - ДРК шеңберiнде ұсынылған гранттар есебiнен жобаларды дайындауды және iске асыруды жүзеге асырушы мемлекеттiк орган;
Тармақша 3
3) ДРК - экономикалық дамуға және жүргiзіліп жатқан реформаларға жәрдем беру мақсаттарында мемлекеттер, мемлекеттердің үкiметтерi, мемлекеттер үкiметтерiнің агенттiктерi, халықаралық және мемлекеттiк ұйымдар, шетелдiк үкіметтiк емес қоғамдық ұйымдар мен қорлар дамушы мемлекеттерге, олардың үкiметтерiне және мемлекеттiк ұйымдарына көрсететiн көмек;
Тармақша 4
4) қаржылық көмек - инженерлiк жұмыстарға, құрылысқа, негiзгi құралдарды жаңартуға (сатып алуға) ақша ұсыну;
Тармақша 5
5) техникалық көмек - материалдық-техникалық, бағдарламалық қамтамасыз ету құрамдастарымен қоса зияткерлiк меншiктi беру (техникалық-экономикалық негiздемелердi, даму жоспарларын әзiрлеу); мемлекеттiк мекемелердi институционалдық нығайту; нарықтық институттарды қолдау; адами ресурстарды дамыту (оқыту), ерiктiлер топтарын iссапарға жiберу;
Тармақша 6
6) донорлар - ДРК шеңберiнде гранттар берушi әрi қызметi Қазақстан Республикасының Конституциясына қайшы келмейтiн мемлекеттер, мемлекеттердің үкіметтерi, мемлекеттер үкіметтерінің агенттiктерi, халықаралық және мемлекеттiк ұйымдар, шетелдiк үкiметтік емес қоғамдық ұйымдар мен қорлар;
Тармақша 7
7) жобаны қисынды негiздеу - грант ұсынуға арналған өтiнiмдердi негiздеуге бағытталған, мәлiмделген жоба (қойылған мiндеттер, белгiлi бiр нәтижелер, iс-шаралар) құрылымын және одан күтiлетiн тиiмділіктi бағалауды қамтамасыз етушi құжат.
Тармақ 6
6. Бюджеттік жоспарлау және ДРК шеңберiнде өтемсiз көмек тарту процестерi арасындағы өзара қатынастардың сипатына қарай гранттар байланысты және байланыссыз болып бөлiнедi:
Тармақша 1
1) байланысты грант Қазақстан Республикасы Үкiметiнiң грант ұсынған донордан одан әрi қарыз алуын немесе донорға Қазақстан Республикасының мемлекеттік кепілдігiн берудi немесе мемлекеттiк бюджеттен бiрлесiп қаржыландыруды көздейдi;
Тармақша 2
2) байланыссыз грант Қазақстан Республикасы Үкiметiнiң грант ұсынған донордан одан әрi қарыз алуын немесе донорға Қазақстан Республикасының мемлекеттiк кепiлдiгiн берудi немесе мемлекеттiк бюджеттен бiрлесiп қаржыландыруды көздемейдi.
📌 Ескерту. 6-тармақ жаңа редакцияда - ҚР Үкіметінің 2002.11.30. N 1272 қаулысымен.
Тарау 2. 2-тарау. Гранттар тарту тәртiбi
2-тарау. Гранттар тарту тәртiбi
Тармақ 7
7. Жобаларды дайындау, бағалау, алдын ала iрiктеу жөніндегi iс-шараларды атқарушы агенттiктер жүзеге асырады.
Тармақ 8
8. Уәкілеттi орган жобаларды iрiктеу, бағалау және iске асыру мониторингi бойынша жұмыстарға әдiстемелiк басшылықты, оларды үйлестiрудi жүзеге асырады, сондай-ақ гранттар тарту мәселелерi бойынша белгiленген тәртiппен донорларға жүгiнедi.
Тармақ 9
9. Уәкілеттi орган гранттар ұсыну мәселелерi бойынша донорлармен келiссөз процесiн жүзеге асырады, Қазақстан Республикасының Yкiметi мен донорлар арасында қаржылық және техникалық ынтымақтастық туралы негiзгi келiсімдердi дайындау, келiсу және оларға қол қою жөнінде белгiленген тәртiппен жұмыс жүргiзедi.
Тармақ 10
10. Жүктелген функцияларды жүзеге асыру үшiн уәкiлеттi орган гранттар тарту және пайдалану саласында консультанттар мен сарапшылар тартуға құқылы.
Тармақ 11
11. Атқарушы агенттiктер уәкiлеттi органның талаптарына сәйкес нысан бойынша толтырылған жобаларды iске асыру үшiн гранттар ұсынуға арналған өтiнiмдердi (бұдан әрi - өтiнiмдер) уәкiлеттi органға жiбередi. Уәкілеттi орган өтiнімдердi жинауды донорлар белгiлеген мерзімдерде, ал белгілi бiр донор болмаған жағдайда және байланысты гранттар жағдайында - әрбiр қаржы жылының қаңтар айында жүргiзедi.
Тармақ 12
12. Уәкілеттi органның өтінімдердi қарауға қабылдауы үшiн мыналар қажет:
Тармақша 1
1) мәлiмделген жобалардың Қазақстан Республикасының әлеуметтiк-экономикалық дамуының индикативтiк жоспарында көрсетiлген Қазақстан Республикасының әлеуметтiк-экономикалық даму басымдықтарына сәйкес болуы;
Тармақша 2
2) уәкiлеттi органның талаптарына сәйкес жобаның қисынды негiздеуiнің және жоба жөніндегi құжаттаманың болуы;
Тармақша 3
3) жергiлiктi атқарушы орган өтiнiмдер ұсынған жағдайда тиістi орталық атқарушы органның салалық қорытындысының болуы;
Тармақша 4
4) атқарушы агенттiк тиiстi кезеңге бiрнеше өтінім берген жағдайда, мәлiмделетiн жобалардың басымдықтар бойынша қойылуы.
Тармақ 13
13. Атқарушы агенттiктің уәкiлеттi органның қарауына өтiнімдердi жiберуi оның донорлардың қарауына жiберу үшiн басым жобалар тiзiмiне міндеттi түрде енгiзiлетiнін бiлдірмейдi.
Тармақ 14
14. Уәкiлеттi орган мәлімделген жобаларды iрiктеудi және бағалауды жүргiзедi, соның негiзінде донорлардың қарауына, ал байланысты гранттар жағдайында - Республикалық бюджет комиссиясына (бұдан әрi - Бюджет комиссиясы) жiберу үшiн тиiстi кезеңге арналған басым жобалардың тiзiмiн қалыптастырады.
Тармақ 15
15. Уәкілеттi орган Бюджет комиссиясының қарауына байланысты гранттар ұсынуға арналған жобалардың тiзiмiн енгiзедi.
Тармақ 16
16. Бюджет комиссиясы байланысты гранттар ұсынуға арналған өтiнімдердi мақұлдаған ретте уәкілеттi орган донорға тиiстi сауал жiбередi.
Тармақ 17
17. Донор жобаны мақұлдаған жағдайда уәкiлеттi орган атқарушы агенттiкке грант туралы келiсімдi дайындау және келiсу жөнiнде жұмыстар жүргiзу қажеттігі туралы хабар бередi.
Тармақ 18
18. Байланысты гранттар тарту грант туралы әрбiр жеке келiсiм бойынша гранттың сомасы және республикалық бюджеттен бiрлесіп қаржыландырудың қажеттi көлемдерi көрсетіле отырып, Қазақстан Республикасы Үкiметінің шешiмi негiзінде жүзеге асырылады.
Тарау 3. 3-тарау. Гранттарды пайдалану тәртiбi
3-тарау. Гранттарды пайдалану тәртiбi
Тармақ 19
19. Грант туралы келiсiм негiзінде атқарушы агенттiк қажеттi жағдайларда уәкiлеттi органмен, ал байланысты гранттар жағдайларында - қосымша Қазақстан Республикасының Қаржы министрлiгiмен (бұдан әрi - Қаржы министрлiгi) келiсiм бойынша заңнамада белгiленген тәртiппен жоба бойынша шот ашады.
Тармақ 20
20. Атқарушы агенттiктер гранттар қаражатын грант туралы келiсiмге, донорлар белгiлеген рәсiмдерге және Қазақстан Республикасының заңнамасына сәйкес пайдаланады.
Тармақ 21
21. Байланысты гранттарды пайдалану кезінде атқарушы агенттiк республикалық бюджеттен бiрлесіп қаржыландыру немесе грант ұсынған донордан қарыз тарту талап етiлетiн тиiстi қаржы жылына арналған республикалық бюджеттi қалыптастыру кезінде Экономика және бюджеттік жоспарлау министрлiгiне белгiленген тәртiппен бюджеттiк өтiнімдер ұсынады.
📌 Ескерту. 21-тармақ өзгерді - ҚР Үкіметінің 2002.11.30. N 1272 қаулысымен.
Тармақ 22
22. Гранттар алушы атқарушы агенттiктер мыналарды қамтамасыз етедi:
Тармақша 1
1) грант туралы келiсiммен көзделген және жобаларды табысты iске асыру үшiн қажеттi шарт болып табылатын өздерiне қабылдаған мiндеттемелердiң уақтылы орындалуы;
Тармақша 2
2) грант туралы келiсiм жасалған күннен бастап отыз жұмыс күнi iшiнде уәкiлеттi органның талаптарына сәйкес жобаны iске асырудың жоспар-кестесін уәкiлеттi органға ұсыну;
Тармақша 3
3) алынған гранттарды мақсатты және тиiмдi пайдалану. Бұл ретте гранттар есебiнен сатып алынған жабдық пен материалдар белгiленген тәртiппен атқарушы агенттiктің теңгерiмінде есепке алынады;
Тармақша 4
4) гранттар есебiнен сатып алынатын тауарлар импорты кезінде кедендік рәсімдердің уақтылы жүргізілуi;
Тармақша 5
5) iске асырылып жатқан жобалар бойынша есептердi уәкiлеттi органның талаптарына сәйкес, есептi тоқсаннан кейiнгi айдың 10-күнiнен кешiктiрмей, тоқсанына бiр рет уәкiлеттi органға уақтылы ұсыну.