Об утверждении тарифов на сбор, вывоз и захоронение твердых бытовых отходов по Казалинскому району Күшін жойған

Қазалы ауданы бойынша тұрмыстық қатты қалдықтарды жинауға, әкетуге және көмуге арналған тарифтерді бекіту туралы «Қазақстан Республикасының Экологиялық кодексі» Қазақстан Республикасының 2007 жылғы 9 қаңтардағы Кодексінің 19-1-бабының 2) тармақшасына және «Құқықтық актілер туралы» Қазақстан Республикасының 2016 жылғы 6 сәуірдегі Заңының 50-бабына сәйкес Қазалы аудандық мәслихаты ШЕШІМ ҚАБЫЛДАДЫ:

1. Қазалы ауданы бойынша тұрмыстық қатты қалдықтарды жинауға, әкетуге және көмуге арналған тарифтер осы шешімнің қосымшасына сәйкес бекітілсін.

2. Қазалы аудандық мәслихатының келесі шешімдерінің күші жойылды деп танылсын:

1) «Әйтеке би кенті бойынша тұрмыстық қатты қалдықтарды әкету тарифін бекіту туралы» Қазалы аудандық мәслихатының 2014 жылғы 21 ақпандағы №181 (нормативтік құқықтық актілерді мемлекеттік тіркеу Тізілімінде 4614 нөмірімен тіркелген, «Әділет» ақпараттық-құқықтық жүйесінде 2014 жылғы 27 наурызда, «Қазалы» газетінде 2014 жылғы 28 наурызда жарияланған) шешімі;

2) «Қазалы ауданы бойынша коммуналдық қалдықтарды көму тарифін бекіту туралы»Қазалы аудандық мәслихатының 2015 жылғы 27 қарашадағы №361 (нормативтік құқықтық актілерді мемлекеттік тіркеу Тізілімінде 5262 нөмірімен тіркелген,«Тұран-Қазалы» газетінде 2015 жылғы 18 қарашада, «Әділет» ақпараттық-құқықтық жүйесінде 2016 жылғы 15 ақпанда жарияланған) шешімі.

3. Осы шешім алғашқы ресми жарияланған күнінен бастап қолданысқа енгізіледі.

Қазалы аудандық мәслихаттың 2019 жылғы «12» ақпандағы №276 шешіміне қосымша Қазалы ауданы бойынша тұрмыстық қатты қалдықтарды жинауға, әкетуге және көмуге арналған тарифтер № Атаулары Есептік бірлік Баға (теңге) 1 Жайлы үйлер үшін айына 1 адамға 197,29 2 Жайлы емес үйлер үшін айына 1 адамға 236,75 3 Шаруашылық субъектілер-абоненттер үшін 1 текше метр 2367,52