О повышении базовых ставок земельного налога и ставок единого земельного налога на не используемые земли сельскохозяйственного назначения по Осакаровскому району Күшін жойған

Осакаров ауданы бойынша пайдаланылмайтын ауыл шаруашылығы мақсатындағы жерлерге жер салығының базалық мөлшерлемелерін және бірыңғай жер салығының мөлшерлемелерін жоғарылату туралы Қазақстан Республикасының 2017 жылғы 25 желтоқсандағы «Салық және бюджетке төленетін басқа да міндетті төлемдер туралы (Салық Кодексі)» Кодексінің 509-бабы 5-тармағы, 704-бабы 3 тармағына және Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес, аудандық мәслихат ШЕШІМ ЕТТІ:

1. Қазақстан Республикасының жер заңнамасына сәйкес Осакаров ауданы бойынша пайдаланылмайтын ауыл шаруашылығы мақсатындағы жерлерге жер салығының базалық мөлшерлемелері он есеге арттырылсын.

2. Қазақстан Республикасының жер заңнамасына сәйкес Осакаров ауданы бойынша пайдаланылмайтын ауыл шаруашылығы мақсатындағы жерлерге бірыңғай жер салығының мөлшерлемелері он есеге арттырылсын.

3. Осакаров аудандық мәслихатының келесі шешімдерінің күші жойылды деп танылсын:

1) Осакаров аудандық мәслихатының 2015 жылғы 19 тамыздағы № 505 «Қазақстан Республикасының жер заңнамасына сәйкес пайдаланылмайтын ауыл шаруашылығы мақсатындағы жерлерге жер салығының базалық мөлшерлемелерін және бірыңғай жер салығының мөлшерлемелерін он есе жоғарлату туралы» шешімінің (Нормативтік құқықтық актілерді мемлекеттік тіркеу тізілімінде № 3398 болып тіркелген, 2015 жылғы 19 қырқүйектегі № 38 (7470) «Сельский труженик» аудандық газетінде, «Әділет» ақпараттық-құқықтық жүйесінде 2015 жылғы 25 қыркүйекте жарияланған);

2) Осакаров аудандық мәслихатының 2016 жылғы 9 ақпандағы № 601 «Осакаров аудандық мәслихатының 2015 жылғы 19 тамыздағы 47 сессиясының № 505 «Қазақстан Республикасының жер заңнамасына сәйкес пайдаланылмайтын ауыл шаруашылығы мақсатындағы жерлерге жер салығының базалық мөлшерлемелерін және бірыңғай жер салығының мөлшерлемелерін он есе жоғарлату туралы» шешіміне өзгеріс енгізу туралы» шешімінің (Нормативтік құқықтық актілерді мемлекеттік тіркеу тізілімінде № 3695 болып тіркелген, 2016 жылғы 19 наурыздағы № 11 (7495) «Сельский труженик» аудандық газетінде, «Әділет» ақпараттық-құқықтық жүйесінде 2016 жылғы 25 наурызда жарияланған).

4. Осы шешімнің орындалуын бақылау аудандық мәслихаттың бюджет және ауданның әлеуметтік-экономикалық дамуы бойынша тұрақты комиссиясына жүктелсін (Б.К. Сыздыкова).

5. Осы шешімнің 2 тармағы 2020 жылғы 1 қаңтарға дейін қолданылады.

6. Осы шешім алғашқы ресми жарияланған күннен кейін күнтізбелік он күн өткен соң қолданысқа енгізіледі.