Об утверждении Положения и состава Комиссии при аппарате Акима г.Алматы по соблюдению порядка реализации периодических печатных изданий, публикующих материалы эротического характера Күшін жойған

"Алматы қаласы Әкiмi аппараты жанындағы эротикалық сипаттағы материалдар жариялайтын мерзiмдi баспасөз басылымдарын тарату тәртiбiн сақтайтын Комиссияның Ережесi мен құрамын бекiту туралы" 📌 Ескерту. Күші жойылды - Алматы қалалық Әкімшілігінің 08.10.2004 N 4/824 қаулысымен. 23 қаңтардағы 2002 жылғы Қазақстан Республикасының "Жергiлiктi мемлекеттiк өзiн-өзi басқару туралы" Заңына және № 1/30 17 қаңтардағы 2002 жылғы Алматы қаласы Әкiмшiлiгiнiң қаулысына сәйкес Алматы қаласының Әкiмшiлiгi ҚАУЛЫ ЕТЕДІ :

1. Алматы қаласы Әкiмi аппараты жанындағы эротикалық сипаттағы материалдар жариялайтын мерзiмдi басылымдарды тарату тәртiбiн сақтайтын Комиссияның Ережесi бекiтiлсiн (№1 қосымша).

2. Алматы қаласы Әкiмi аппараты жанындағы эротикалық сипаттағы материалдар жариялайтын мерзiмдi басылымдарды тарату тәртiбiн сақтайтын Комиссияның құрамы бекiтiлсiн (№ 2 қосымша).

3. Осы Қаулының орындалуын бақылау Алматы қаласы Әкiмiнiң орынбасары А.З.Мұрзинге жүктелсiн.

Алматы қаласы Әкiмшiлiгiнiң 2002 жылғы 5 шілдедегі N 3/446 қаулысына N 1 қосымша Алматы қаласы әкiмi аппараты жанындағы эротикалық сипаттағы материалдар жариялайтын мерзiмдi баспасөз басылымдарын тарату тәртiбiн сақтайтын Комиссия туралы ЕРЕЖЕ

1. Жалпы Ереже

1. Бұл Ереже баспасөз бен ақпарат саласында Қазақстан Республикасының "Бұқаралық ақпарат құралдары туралы" Заңына , "Әкiмшiлiк құқық бұзушылық туралы" Қазақстан Республикасы Кодексiнен және басқа да Қазақстан Республикасында заңдық нормативтiк-құқықтық актiлерiне сәйкес дайындалған.

2. Алматы әкiмi аппараты жанындағы эротикалық сипаттағы материалдар жариялайтын мерзiмдi баспасөз басылымдарын тарату тәртiбiн сақтайтын Комиссия (бұдан былай - Комиссия) тұрақты түрде жұмыс iстейтiн атқарушы билiктiң үйлестiрушi органы болып табылады. Ол жұмысын Комиссияның регламентiне, жұмыс жоспарына, ескертпелер мен басқа да тиiстi құжаттарға сәйкес жүзеге асырады.

3. Комиссия құрамы жыл сайын құрылып отырады және кем дегенде 9 адамнан тұрады. Комиссияны Алматы қаласы әкiмiнiң орынбасары басқарады. Комиссия құрамына атқарушы билiк органдарының, мүдделi ведомство, мекеме, ұйымдардың өкiлдерi, ғылым, мәдениет және өнер қайраткерлерi, журналистер енедi. Кеңесшi ретiнде құқық қорғау органдарының және ғылыми мекемелердiң өкiлдерi (келiсiм бойынша) қатыса алады.

4. Комиссия қызметiнiң жүзеге асырылуын қамтамасыз етушi жұмысшы органы Алматы қалалық ақпарат және қоғамдық келiсiм басқармасы болып табылады.

5. Комиссия өз қызметiнде Қазақстан Республикасының Конституциясын, Қазақстан Республикасының Президентiнiң Жарлықтарын, Қазақстан Республикасының Үкiметiнiң Қаулыларын, Алматы қаласы әкiмiнiң, Әкiмшiлiктiң, Алматы қаласы мәслихатының шешiмдерiн және осы Ереженi басшылыққа алады.

2. Мақсаттары мен мiндеттерi

6. Мемлекеттiк саясатты жүзеге асыру мақсатында Комиссия өз жұмысын мына бағыттар бойынша жүргiзедi:

1) эротикалық (порнографиялық) сипаттағы материалдарды жариялайтын мерзiмдi баспасөз басылымдары рыногы мен олардың Алматы қаласында қолданыстағы заңға сәйкес таралу мониторингiн жүргiзедi;

2) мерзiмдi, полиграфия және баспа кәсiпорындарының, өткiзушiлердiң және басқа да шаруашылық субъектiлердiң эротикалық сипаттағы мерзiмдi басылымдар айналымына қатысты заңдылық актiлердi қолдану жөнiндегi қызметiн зерттейдi және оған талдау жасайды;

3) өз құзыретi аясында шектеу-рұқсат ету сипатындағы ұйымдық шараларды өткiзедi;

4) заңда белгiленген тәртiпте эротикалық сипаттағы басылымдарды сату ережелерiн қолдану мәселелерiне орай мемлекеттiк органдардың өзара бiрлесiп қимылдау жүйесiн жетiлдiру жөнiндегi ұсыныстарын әзiрлейдi.

3. Құқықтары мен мiндеттерi

7. Комиссияның мынадай құқықтары бар:

1) жергiлiктi атқарушы органдардан, басқа да ұйымдар мен ведомстволардан эротикалық сипаттағы материалдарды жариялайтын мерзiмдi басылымдарды сату тәртiбiне қатысты ақпарат алуға;

2) пiкiр мен ақпарат алмасуды ұйымдастыруға, өз дәрежесiнде заңдарды қолдануға қатысты азаматтардың, қоғамдық ұйымдардың және бiрлестiктердiң арыздарын қарауға;

3) эротикалық сипаттағы материалдарды жариялайтын мерзiмдi басылымдарды сату тәртiбiн бұзатын азаматтарды, заңды тұлғаларды әкiмшiлiк жауапқа тарту үшiн тиiстi органдарға материалдарды бағыттауға;

4) жергiлiктi атқарушы органдарымен бiрлесе отырып, эротикалық сипаттағы материалдарды жариялайтын мерзiмдi басылымдарды сатуға арналған стационарлық орындардың орналасуын белгiлеуге;

5) өзiнiң функционалдық мiндеттерiн жүзеге асыру үшiн белгiленген тәртiпте мемлекеттiк органдардың өкiлдерiн қатыстыруға, жұмыс және сарапшы топтарын құруға;

6) мерзiмдi бұқаралық ақпарат құралдарынан және шетел мерзiмдi баспасөзiн тасымалдаушылардан өнiмнiң алғашқы бiр-бiр даналарын алдыртып, алдын-ала қаралған соң оларды Әдiлет министрлiгiнiң сот сараптамасы Орталығына жiберуге;

7) тармақшасы алынып тасталды - Aлматы қаласы әкімдігінің 01.12.2003 № 5/709 қаулысымен.

8) эротикалық сипаттағы материалдарды жариялайтын мерзiмдi баспасөз басылымдарын сату тәртiбiн бұзушыларды анықтау үшiн рейдтiк шараларды ұйымдастыру керек.

8. Комиссия мiндетiне мыналар кiредi:

1) жарты жылда бiр рет аудандық әкiмшiлiктер мен Қалалық iшкi iстер басқармасына эротикалық сипаттағы материалдарды жариялайтын мерзiмдi басылымдардың тiзiмдерiн хабарлап тұру;

2) тұрақты түрде, кем дегенде жарты жылда бiр рет қабылданған жұмыс регламентiне сәйкес өз отырыстарын өткiзу;

3) Қазақстан Республикасының құқықтық-нормативтiк актiлерiнiң, эротикалық сипаттағы материалдарды жариялайтын мерзiмдi басылымдарды Алматы қаласында сату Ережелерiнiң орындалуы жөнiнде ұйымдық шараларды жүзеге асыруы тиiс.

9. Комиссия шешiмi отырыста оның құрамының кем дегенде 3/4 бөлiгi қатысқан жағдайда құқылы деп есептеледi және ол жалпы қатысушылардың көпшiлiк дауысымен қабылданады.

Алматы қаласы Әкiмшiлiгiнiң 2002 жылғы 5 шілдедегі N 3/446 қаулысына N 2 қосымша Алматы қаласы әкiмi аппараты жанындағы эротикалық сипаттағы материалдар жариялайтын мерзiмдi баспасөз басылымдарын тарату тәртiбiн сақтайтын Комиссияның ҚҰРАМЫ 1. Мұрзин Алмат - Алматы қаласы әкiмiнiң Зарлықұлы орынбасары, Комиссия төрағасы 2. Аяған Бүркiтбай - Алматы қалалық ақпарат Гелманұлы және қоғамдық келiсiм басқармасының бастығы, төраға орынбасары 3. Әлмаханова Роза - Алматы қалалық ақпарат Тұрманқызы және қоғамдық келiсiм басқармасының бұқаралық ақпарат құралдары және реформаларды насихаттау бөлiмiнiң бастығы, Комиссия хатшысы Комиссия мүшелерi 4. Матаев Сейiтқазы - Ұлттық баспасөз клубы Бейсенғазыұлы президентi, Қазақстан журналистер одағының төрағасы 5. Тәуекелов Сiләмбек - "Қазақстан телерадиосы" Республикалық корпорациясының бас продюсерi 6. Сыдықов Ұлықпан - философия ғылымдарының докторы, профессор, Қ.Сәтбаев атындағы Қазақ ұлттық техникалық университетiнiң проректоры 7. Дәдебаев Жаңғара - филология ғылымдарының докторы, профессор, Әл-Фараби атындағы Қазақ ұлттық университетiнiң проректоры 8. Ғапбасов Советхан - Медицина ғылымдарының кандидаты, Ұлттық Рухани тәрбие Орталығының жетекшiсi 9. Степенко Людмила - "Аргументы и факты" Адреевна Жауапкершiлiгi шектеулi серiктестiгiнiң бас директоры 10. Якушев Юрий - М.Ю.Лермонтов атындағы Александрович мемлекеттiк академиялық орыс драма театрының директоры 11. Бекжанова Татьяна - СПИД-ке қарсы жастар Ахмедияновна орталығының қызметкерi 12. Әсемқұлов Таласбек - "Жұлдыз" журналының әдебисын бөлiмiнiң меңгерушiсi,жазушы 13. Досжанов Болат - профессор, Т.Жүргенов атындағы Сапарұлы өнер Академиясының академиялық сурет кафедрасының меңгерушiсi