Об утверждении Правил отлова и уничтожения бродячих собак и кошек в городе Шымкент Күшін жойған
Басқа 0
Шымкент қаласында
қаңғыбас иттер мен
мысықтарды аулау және
жою қағидасын бекіту туралы
«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 6-бабының 2-2-тармағына сәйкес, Шымкент қаласының мәслихаты ШЕШІМ ҚАБЫЛДАДЫ:
Тармақ 1
1. Қоса беріліп отырған Шымкент қаласында қаңғыбас иттер мен мысықтарды аулау және жою қағидасы бекітілсін.
Тармақ 2
2. «Шымкент қаласы мәслихаты аппараты» мемлекеттік мекемесі Қазақстан Республикасының заңдамасында белгіленген тәртіппен:
Тармақша 1
1) осы шешімді Шымкент қаласының Әділет департаментінде мемлекеттік тіркеуді;
Тармақша 2
2) осы шешім мемлекеттік тіркелген күннен бастап күнтiзбелiк он күн ішінде оның көшірмесін баспа және электронды түрде қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін Қазақстан Республикасы Әділет министрлігінің «Республикалық құқықтық ақпарат орталығы» шаруашылық жүргізу құқығындағы республикалық мемлекеттік кәсіпорнының филиалы-Шымкент аймақтық құқықтық ақпарат орталығына жіберуді;
Тармақша 3
3) осы шешім мемлекеттік тіркелген күннен бастап күнтізбелік он күн ішінде оның көшірмесін ресми жариялау үшін Шымкент қаласында таралатын мерзімді баспасөз басылымдарына жіберуді;
Тармақша 4
4) ресми жарияланған кейін осы шешімді Шымкент қаласы мәслихатының интернет-ресурсына орналастыруын қамтамасыз етсін.
Тармақ 3
3. Осы шешім оның алғашқы ресми жарияланған күннен кейін күнтізбелік он күн өткен соң қолданысқа енгізіледі.
Басқа 8. Шымкент қаласында қаңғыбас иттер мен мысықтарды
аулау және жою қағидалары
Шымкент қаласы
мәслихатының 2019 жылғы
29 наурыздағы №47/383-6с
шешіміне қосымша
Шымкент қаласында қаңғыбас иттер мен мысықтарды
аулау және жою қағидалары
Тарау 1. 1-тарау. Жалпы ережелер
1-тарау. Жалпы ережелер
Тармақ 1
1. Шымкент қаласында қаңғыбас иттер мен мысықтарды аулау және жою қағидалары (бұдан әрі – Қағида) «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 6-бабының 2-2 тармағына сәйкес әзірленді. Қағидада қаңғыбас иттер мен мысықтарды аулау және жою тәртібі айқындалады, сондай-ақ қаңғыбас иттер мен мысықтарды аулау жұмыстарына қойылатын талаптарды (ветеринариялық, санитариялық-гигиеналық, техникалық) белгілейді.
Тармақ 2
2. Қағидада мынадай ұғымдар пайдаланылады:
Тармақша 1
1) қаңғыбас жануарды зарарсыздандыру (пішу) – хирургиялық жолмен жануарды тұқым көбейту қабілетінен (өнімділік қабілеттілігінен) айыру.
Тармақша 2
2) қаңғыбас жануарлар – адамға қауіпті аурулармен ауыратын, топталып жүретін жабайы иттер мен мысықтар. Қаңғыбас жануарлардың қарғы, қарғы бауы, микрочиптер, таңба, бирка және иесінің байланыс нөмірі жазылған жетондар тәрізді әлдебіреуге тиесілі екенін білдіретін танымдық белгілері болмайды;
Тармақша 3
3) қараусыз қалған жануарлар – иелерін анықтау мүмкін емес иттер мен мысықтар; иесінен қашып кеткен және иесінің немесе ілесіп жүретін адамның (серуендетуші) тарапынан қараусыз жүрген жануар;
Тармақша 4
4) ұйым – жануарларға жұқпалы ауруларға қарсы екпе жүргізуді жүзеге асыратын және қаңғыбас жануарларды аулаумен айналысатын жергiлiктi атқарушы орган құрған ұйым;
Тарау 2. 2-тарау. Қаңғыбас иттер мен мысықтарды аулау тәртібі
2-тарау. Қаңғыбас иттер мен мысықтарды аулау тәртібі
Тармақ 3
3. «Ветеринария туралы» 2002 жылғы 10 шілдедегі Қазақстан Республикасы Заңының 11-бабының 4-тармағына сәйкес құрылған мемлекеттік ветеринариялық ұйымдар (бұдан әрі – Ұйымдар) қаңғыбас жануарларды аулауды, тасымалдауды, уақытша ұстауды және жоюды жүзеге асырады.
Тармақ 4
4. Қанғыбас иттер мен мысықтарды аулау, жергілікті атқарушы органымен келісіліп Ұйым басшысымен бекітілген кестесі бойынша, сондай-ақ жеке және заңды тұлғалардың өтініштері арқылы жүзеге асырылады. Өтініштер журналда тіркеліп, мыналар көрсетіледі:
Тармақша 1
1) аулау себебі;
Тармақша 2
2) өтініш беруші туралы мәліметтер (азаматтың тегі, аты, әкесінің аты (болған жағдайда), заңды тұлғаның атауы, өкілдің аты, тегі, әкесінің аты (болған жағдайда), мекен-жайы, байланыс телефоны);
Тармақша 3
3) жануардың түрі;
Тармақша 4
4) жануардың мекендеу ортасы (мекен-жайы және мекен-жайының толық сипаттамасы);
Тармақша 5
5) жануардың сипаттамасы;
Тармақша 6
6) аулаудың себебі туралы ақпарат (қауып алу, қозғалмай агрессия)
Тармақ 5
5. Қаңғыбас иттер мен мысықтарды аулау жұмысына медициналық тексеруден өткен, құтыруға қарсы алдын алу екпелерін (вакцинация) алған, психоневрологиялық және наркологиялық диспансерлерде есепте тұрмайтын адамдарға рұқсат етіледі.
Тармақ 6
6. Қаңғыбас иттер мен мысықтарды аулау үшін рұқсат етілген құралдар қолданылады.
Рұқсат етілген аулау құралдарына:
тиісті сертификаты бар, әрекетке қабілетсіз ететін, дозаланған препараттарды қолданатын пневматикалық қару;
торлар;
тор-қақпандар;
сондай-ақ жануарларды өлтірмейтін басқа да құралдар және құрылғылар жатады.
Тармақ 7
7. Қоғамдық орындарда (көшелерде, аула аумақтарында, саябақтарда, гүлзарларда) байлауда қалдырылған және чипі бар жануарлардан басқа, ілесіп жүретін адамның қарауынсыз жүрген, қаңғыбас және қараусыз жануарлар ауланады.
Тармақ 8
8. Қаңғыбас иттер мен мысықтарды аулау қызметін іске асыру кезінде Ұйым мамандарының куәліктері болуы тиіс, олар азаматтардың талабы бойынша көрсетіледі.
Тармақ 9
9. Ауланған қаңғыбас жануарлар иесіне берілгенше не үшінші тұлғаға беру сәтіне дейін уақытша ұсталынатын оқшаулағышқа жеткізіліп, онда 3 күн ұсталады.
Тармақ 10
10. Ауланған қаңғыбас иттер мен мысықтарды жеткізу үшін арнайы көлік құралдары қолданылады.
Тармақ 11
11. Тасымалдауға арналған арнайы автокөлік аулау кезінде зардап шеккен жануарларға шұғыл жәрдем көрсету үшін ветеринариялық құралдар жиынтығымен толықтырылады, табиғи желдетуі мен жабдықталады.
Сондай-ақ, тасымалдау техникалық ақаусыз, арнайы металл торлармен жабдықталған, Ұйымдардың белгісі мен телефон нөмірі бар автокөлікпен жүргізіледі.
Тармақ 12
12. Ауланған қаңғыбас иттер мен мысықтарды жануарлардың өлексесімен бірге тасымалдауға жол берілмейді.
Тармақ 13
13. Ауланған қаңғыбас жануарларды тасымалдау ит немесе мысыққа олардың денсаулығына жарақат немесе басқа да зиян келтірмейтін әдістермен жүргізіледі.
Тармақ 14
14. Ұйымдар әрбір ауланған қаңғыбас жануар туралы ақпаратты өзінің интернет-ресурсында қаңғыбас жануарды аулаған күні және ұйымның байланыс деректері, ауланған жануар туралы ақпарат (сипаттамасы), сондай-ақ ауланған жануарлардың фото суретін орналастырады. Ақпарат сайтта 3 күн сақталады.
Тармақ 15
15. Күнделікті жұмыс аяқталғаннан кейін арнайы автокөліктің шанағына, сондай-ақ барлық құралдар мен металл торларға санитариялық тазалау және зарарсыздандыру жүргізіледі.
Тармақ 16
16. Ауланған қаңғыбас жануарлар уақытша ұстау оқшаулағышына орналастырылады.
Тармақ 17
17. Қаңғыбас иттер мен мысықтарды тіркеу, ұстау, тамақтандыру, тексеру, жою шараларын, сондай-ақ уақытша оқшаулағышты қажетті керек-жарақпен қамтамасыз етуді ұйым жүзеге асырады.
Тармақ 18
18. Уақытша ұстау оқшаулағышында ауланған қаңғыбас жануарларға клиникалық зерттеу және тіркеу жүргізіледі.
Тармақ 19
19. Уақытша ұстау оқшаулағышы металл торлармен және иттерге арналған үйшікпен жабдықталады.
Тармақ 20
20. Ауланған қаңғыбас жануарларға қажетті күтім жасалады және тамақтандырылады, торларды күнделікті механикалық тазалау және зарарсыздандыру жүргізіледі.
Тармақ 21
21. Жануарды орналастыру, иесін іздеу, сондай-ақ жайғастыру мақсатында фотоға түсіру үшін уақытша ұстау оқшаулағышына еріктілер мен азаматтарға ашық және кедергісіз қол жеткізуі қамтамасыз етіледі.
Тармақ 22
22. Дені сау қаңғыбас жануарлар тиісті клиникалық жағдайда зарарсыздандыруға және піштіруге жатады.
Тарау 3. 3-тарау. Қаңғыбас иттер мен мысықтарды жою тәртібі
3-тарау. Қаңғыбас иттер мен мысықтарды жою тәртібі
Тармақ 23
23. Ұйымға қараусыз қалған немесе қаңғыбас жануарларды қайтару және (немесе) беру үшін жүгінген кезде иелері немесе өтініш беруші:
Тармақша 1
1) жеке куәлігі;
Тармақша 2
2) жануардың ветеринариялық паспортын және (немесе) иесі мен түскен фото суретін ұсынады.
Тармақ 24
24. Ауланғаннан кейін 3 күн өткеннен кейін, талап етілмеген емделмейтін ауруға шалдыққан қаңғыбас жануарлар Қазақстан Республикасының заңнамасымен тыйым салынбаған препараттармен, медикаментоздық ізгілікті жолмен жансыздандырылуға жатады.
Тармақ 25
25. Иттер мен мысықтардың өлігін жою биологиялық қалдықтарды кәдеге жаратуға (өртеуге) арналған (инсенератор, крематор, өлекселерді өртейтін пеш және осы мақсат үшін қарастырылған басқа да қондырғылар) қондырғыларда жүзеге асырылады.
Тармақ 26
26. Қаңғыбас жануарлардың өлекселері (қалдықтары) жою үшін Ұйымдарға беріледі.