Вопросы Агентства таможенного контроля Республики Казахстан Күшін жойған
Басқа 0
Қазақстан Республикасы Кедендiк бақылау агенттiгiнiң мәселелерi
Қазақстан Республикасы Президентiнiң "Қазақстан Республикасы мемлекеттiк басқару жүйесiн одан әрi жетiлдiру шаралары туралы" 2002 жылғы 28 тамыздағы N 931 Жарлығына сәйкес Қазақстан Республикасының Үкiметi қаулы етеді:
Тармақ 1
1. Қоса берiліп отырған:
Тармақша 1
1) Қазақстан Республикасының Кедендiк бақылау агенттігі (бұдан әрi - Агенттік) туралы ереже;
Тармақша 2
2) Агенттiктiң республикалық бюджеттен қаржыландырылатын мемлекеттік мекемелерiнiң тiзбесi бекітілсін.
📌 Ескерту. 1-тармақ жаңа редакцияда - ҚР Үкіметінің 2004.03.10. N 300 қаулысымен .
Тармақ 2
2. Агенттiк төрағасына төрт орынбасары, оның iшiнде бiр бiрiншi орынбасары болуына рұқсат етiлсiн.
Тармақ 3
3. Агенттiктi ұстауға арналған шығыстарды қаржыландыру берiлетiн штат санының шегiнде Қазақстан Республикасының Мемлекеттiк кiрiс министрлiгiн ұстауға арналып республикалық бюджетте көзделген қаржының есебiнен жүзеге асырылады деп белгiленсiн.
Тармақ 4
4.
📌 Ескерту. 4-тармақтың күші жойылды - ҚР Үкіметінің 2003.04.01. N 314 қаулысымен.
Тармақ 5
5. Қосымшаға сәйкес Қазақстан Республикасының Үкiметi кейбiр шешiмдерiнiң күшi жойылды деп танылсын.
Тармақ 6
6. Агенттiк осы қаулыдан туындайтын шараларды қабылдасын.
Тармақ 7
7. Осы қаулы қол қойылған күнiнен бастап күшiне енедi.
Басқа 10. Қазақстан Республикасының Кедендiк бақылау агенттiгi туралы ЕРЕЖЕ
Қазақстан Республикасы
Үкiметiнің
2002 жылғы 6 қыркүйектегi
N 981 қаулысымен
бекiтiлген
Қазақстан Республикасының Кедендiк бақылау агенттiгi туралы ЕРЕЖЕ
Тармақ 1. 1. Жалпы ережелер
1. Жалпы ережелер
Тармақ 1
1. Қазақстан Республикасының Кедендiк бақылау агенттігi (бұдан әрі - Агенттiк) Қазақстан Республикасы Үкiметiнiң құрамына кiрмейтiн, Қазақстан Республикасының экономикалық қауiпсiздiгiн қамтамасыз ету мақсатында кеден ісі саласында тiкелей басшылықты, салааралық үйлестіруді және өзге де арнайы атқарушылық, рұқсат ету функцияларын жүзеге асыратын Қазақстан Республикасының орталық атқарушы органы болып табылады.
Агенттік құқық қорғау органы болып табылады.
Тармақ 2
2. Агенттiк өз қызметiн Қазақстан Республикасының Конституциясына , Қазақстан Республикасының заңдарына, Қазақстан Республикасының Президентi мен Үкiметінің кесiмдерiне, өзге де нормативтiк құқықтық кесiмдерге, оның iшiнде Қазақстан Республикасының халықаралық шарттарына және осы Ережеге сәйкес жүзеге асырады.
Тармақ 3
3. Агенттік мемлекеттiк мекеменің ұйымдық-құқықтық нысанындағы заңды тұлға болып табылады, өз атауы мемлекеттiк тілде жазылған мөрi және мөртаңбасы, белгiленген үлгідегi бланкілерi, сондай-ақ заңнамаға сәйкес Қазақстан Республикасы Қаржы министрлiгiнің Қазынашылық органдарында және банктерде шоттары болады.
Агенттiк азаматтық-құқықтық қатынастарға өз атынан түседі.
Тармақ 4
4. Агенттiктің, егер оған заңнамаға сәйкес уәкiлеттілік берiлген болса, мемлекеттiң атынан азаматтық-құқықтық қатынастардың тарабы ретiнде әрекет етуге құқығы бар.
Тармақ 5
5. Агенттіктің штат санының лимитін Қазақстан Республикасының Үкiметi бекiтедi.
Тармақ 6
6. Агенттіктің заңды мекен-жайы:
Астана қаласы, Әуезов көшесi, 116.
Тармақ 7
7. Агенттіктің толық атауы - "Қазақстан Республикасының Кедендiк бақылау агенттiгi" мемлекеттiк мекемесi.
Тармақ 8
8. Осы Ереже Агенттiктің құрылтай құжаты болып табылады.
Тармақ 9
9. Агенттікті ұстауға арналған шығыстарды қаржыландыру тиiстi жылға арналған республикалық бюджетте көзделген қаражаттың есебiнен және шегінде жүзеге асырылады.
Агенттікке кәсіпкерлiк субъектiлерiмен Агенттiктің функциялары болып табылатын мiндеттердi орындау мәнiне арналған шарттық қатынастарға түсуге тыйым салынады.
Егер, Агенттiкке заңнамалық кесiмдермен кiрiстер әкелетін қызметті жүзеге асыру құқығы берiлсе, онда мұндай қызметтен алынған кiрiстер республикалық бюджеттің кiрiсiне жiберiледi.
Тармақ 2. 2. Агенттiктiң негiзгi мiндеттерi, функциялары және құқықтары
2. Агенттiктiң негiзгi мiндеттерi, функциялары және құқықтары
Тармақ 10
10. Агенттіктің негiзгi мiндеттерi:
Тармақша 1
1) өз құзыретінің шегiнде Қазақстан Республикасының экономикалық қауiпсіздігі мен экономикалық мүдделерін қамтамасыз ету;
Тармақша 2
2) Қазақстан Республикасының кеден саясатын әзiрлеуге және жүргiзуге қатысу;
Тармақша 3
3) оның орындалуын бақылауды Қазақстан Республикасының кеден органдары жүзеге асыруға мiндеттi болатын Қазақстан Республикасының кеден және өзге де заңнамасының сақталуын, кеден iсiн жүзеге асыру кезiнде азаматтар мен ұйымдардың заңды құқықтары мен мүдделерінің қорғалуын қамтамасыз ету;
Тармақша 4
4) сауда-экономикалық қатынастарды кедендік реттеудің құралдарын қолдану;
Тармақша 5
5) кедендiк төлемдер мен салықтарды алу;
Тармақша 6
6) лицензиялауды қоса алғанда, Қазақстан Республикасының кедендік шекарасы арқылы өткізілетін тауарларға қатысты тарифтiк емес реттеу шараларын әзiрлеуге қатысу;
Тармақша 7
7) тауарлар мен көлiк құралдарын Қазақстан Республикасының кедендiк шекарасы арқылы өткізу кездегi рұқсат ету тәртібінің сақталуын қамтамасыз ету;
Тармақша 8
8) контрабанда мен қылмыстарға, кеден iсi саласындағы құқық бұзушылықтарға, Қазақстан Республикасының кедендік шекарасы арқылы өткізілетін тауарларға қатысты кеден ережелерi мен салық заңнамасын бұзушылықтарға, қарсы күрес, Қазақстан Республикасының кедендік шекарасы арқылы есiрткi құралдарының, психотроптық заттардың, қару-жарақтың Қазақстан Республикасы мен шет елдер халықтарының көркем, тарихи және археологиялық игілігі заттарының, зияткерлік меншiк объектілерінің, жойылып кету қаупi төнiп тұрған жануарлар мен өсiмдiк түрлерiнiң, олардың бөлiктерi мен дериваттарының, басқа да тауарлардың заңсыз айналымының жолын кесу, сондай-ақ халықаралық терроризмге қарсы күресте жәрдем көрсету және Қазақстан Республикасының әуежайларында халықаралық азаматтық авиацияның қызметiне заңсыз араласудың жолын кесу;
Тармақша 9
9) кедендiк бақылау мен кедендік ресiмдеудi жүзеге асыру және жетiлдiру, Қазақстан Республикасының кедендiк шекарасы арқылы тауар айналымын жеделдетуге ықпал ететiн жағдайлар жасау;
Тармақша 10
10) сыртқы сауданың кеден статистикасы мен Қазақстан Республикасының арнайы кеден статистикасын жүргiзу;
Тармақша 11
11) Сыртқы экономикалық қызметтің тауарлық номенклатурасын жүргiзу;
Тармақша 12
12) Қазақстан Республикасы сыртқы экономикалық байланыстарының, сондай-ақ ұйымдар мен азаматтардың осындай байланыстар шеңберiндегi қызметiнiң дамуына жәрдемдесу;
Тармақша 13
13) мемлекеттiк қауiпсiздiктi, халықтың адамгершiлiгiн сақтау, адамның өмiрi мен денсаулығын сақтау, қоршаған табиғи ортаны, жануарлар мен өсiмдiктердi қорғау, әкелiнетiн тауарларды республикалық тұтынушылардың мүдделерiн қорғау жөнiндегi шараларды жүзеге асыруға жәрдемдесу;
Тармақша 14
14) стратегиялық және Қазақстан Республикасының мүдделері үшiн өмiрлiк маңызы бар басқа да материалдардың әкетiлуiн бақылауды жүзеге асыру;
Тармақша 15
15) өз құзыретінің шегiнде валюталық бақылауды жүзеге асыру;
Тармақша 16
16) Қазақстан Республикасының халықаралық мiндеттемелерiнің кеден iсiне қатысты бөлiгiнде орындалуын қамтамасыз ету; Қазақстан Республикасының кеден iсiне байланысты халықаралық шарттарын әзiрлеуге қатысу; шет ел мемлекеттерінің кедендер және өзге де құзыреттi органдарымен, кеден iсi мәселелерiмен айналысатын халықаралық ұйымдармен ынтымақтастықты жүзеге асыру;
Тармақша 17
17) ғылыми-зерттеу жұмыстарын жүргiзу және құзыретінің шегінде кеден iсi саласында консультация жүргiзу, мемлекеттiк органдар мен ұйымдар үшiн осы саладағы мамандарды даярлау, қайта даярлау және бiліктілігiн көтеру;
Тармақша 18
18) заңнамада белгiленген тәртiппен мемлекеттiк билiк органдарына, ұйымдар мен азаматтарға кеден мәселелерi бойынша ақпараттар ұсыну;
Тармақша 19
19) бiрыңғай қаржы-шаруашылық саясатты iске асыруға, кеден органдарының материалдық-техникалық және әлеуметтік базасын дамытуға қатысу болып табылады.
Тармақ 11
11. Агенттiк өз құзыретінің шегiнде заңнамада белгiленген тәртiппен мынадай функцияларды жүзеге асырады:
Тармақша 1
1) Қазақстан Республикасының кеден саясатын жетiлдiру жөнiнде ұсыныстар дайындауға қатысу, оның iске асырылуын қамтамасыз ету;
Тармақша 2
2) кеден iсi мәселелерi бойынша нормативтiк құқықтық кесiмдердің жобаларын әзiрлеу;
Тармақша 3
3) оларды алу кеден органдарына жүктелетiн кеден баждары мен салықтарының ставкалары мен қолдану тетiгi туралы ұсыныстар енгiзу;
Тармақша 4
4) лицензиялауды қоса алғанда, экономикалық саясаттың Қазақстан Республикасының кедендік шекарасы арқылы өткiзiлетiн тауарларға қатысты шараларын әзiрлеуге қатысу;
Тармақша 5
5) тауарлардың кедендiк құнын белгiлеудің дұрыстығын бақылау жүйесiн ұйымдастыру;
Тармақша 6
6) оларды алу Қазақстан Республикасының кеден органдарына жүктелетін кеден баждары мен салықтарының республикалық бюджетке уақытылы және толық енгiзiлуiн қамтамасыз ету;
Тармақша 7
7) тауарлар мен көлiк құралдарын Қазақстан Республикасының кедендер шекарасы арқылы өткізу кезінде кедендiк режимдердi тиiмдi пайдалануды қамтамасыз ету;
Тармақша 8
8) тауарлар мен көлiк құралдарын кедендік бақылау мен кедендік ресiмдеудiң жүзеге асырылуын ұйымдастыру, оларды жетілдiру шараларын қабылдау;
Тармақша 9
9) бақылауды өз бетiмен және басқа да құқық қорғау органдарымен өзара iс-әрекетте кедендік бақылау аймағы режимiнің сақталуын қамтамасыз ету, кедендiк инфрақұрылым объектiлерiн қорғау жүйесін ұйымдастыру Қазақстан Республикасының кедендiк шекарасын қорғау жөнiндегi басқа да шараларды жүзеге асыру;
Тармақша 10
10) тауарлар мен көлiк құралдарын Қазақстан Республикасының кедендiк шекарасы арқылы өткiзуге рұқсат беру тәртiбiн әзiрлеуге және орындауға қатысу;
Тармақша 11
11) стратегиялық және Қазақстан Республикасы үшiн өмiрлiк маңызы бар басқа да материалдардың, сондай-ақ мәдени құндылықтардың әкетілуін бақылауды жүзеге асыру;
Тармақша 12
12) валюталық бақылауды жүзеге асыру;
Тармақша 13
13) кеден органдарының мемлекеттік қауiпсiздiктi, табиғи ортаны, жануарлар мен өсiмдiктердi қорғау, республикаға әкелiнетiн тауарларды тұтынушылардың мүдделерiн қорғау жөнiндегi шараларды жүзеге асыруға қатысуын қамтамасыз ету;
Тармақша 14
14) контрабандаға және кеден iсi саласындағы өзге де қылмыстарға, құқық бұзушылықтарға қарсы күрес жүргiзудi ұйымдастыру;
Тармақша 15
15) кеден ережелерiн бұзушылықтарға байланысты жұмысты жүзеге асыру;
Тармақша 16
16) халықаралық терроризмге қарсы күресте және Қазақстан Республикасының әуежайларында халықаралық азаматтық авиацияның қызметте заңсыз араласудың жолын кесуде жәрдем көрсету;
Тармақша 17
17) Қазақстан Республикасының кеден органдары лауазымды адамдарының контрабанда туралы, кеден iсi саласындағы өзге де қылмыстар туралы iстер бойынша іс жүргiзу кезiнде заңдылықты сақтауын бақылауды жүзеге асыру;
Тармақша 18
18) Сыртқы экономикалық қызметтің тауарлық номенклатурасын жүргiзу;
Тармақша 19
19) Қазақстан Республикасы кеден органдары мен олардың лауазымды адамдарының шешiмдерiне, заңсыз әрекеттерiне немесе әрекетсiздігіне арналған шағымдарды уақытылы және объективтi түрде қарауды қамтамасыз ету;
Тармақша 20
20) Қазақстан Республикасындағы кеден iсiнің жай-күйі мен оны дамыту бойынша ақпараттық түсiндiру жұмысын жүргiзу;
Тармақша 21
21) Қазақстан Республикасының кеден iсi мәселелерi жөнiндегi халықаралық шарттарының жобаларын әзiрлеуге қатысу, келiссөздер жүргiзу және Қазақстан Республикасының халықаралық шарттарын жасасу;
Тармақша 22
22) кеден iсi мәселелерiмен айналысатын халықаралық ұйымдардың қызметіне қатысу;
Тармақша 23
23) Қазақстан Республикасы халықаралық мiндеттемелерiнің кеден iсiне қатысты бөлiгiнде орындалуын қамтамасыз ету;
Тармақша 24
24) Қазақстан Республикасы мен шетелдiк мемлекеттерде кеден iсi туралы заңнаманың қолданылу практикасын жинақтау және талдау, оның iшiнде ғылыми-зерттеу жұмыстарын да жүргiзу;
Тармақша 25
25) кеден iсi бойынша мамандарды даярлауды, қайта даярлауды және бiлiктiлiгiн көтерудi, кеден зертханаларында, басқа да ведомстволық бағыныстағы ұйымдарда жұмыс iстеу үшiн мамандар даярлауды қамтамасыз ету;
Тармақша 26
26) өз жүйесiнде ғылыми-зерттеу ұйымдарының, оқу орындарының тиiмдi жұмыс iстеуiн қамтамасыз ету;
Тармақша 27
27) Қазақстан Республикасы кеден органдары жүйесінің мүлкін басқаруды жүзеге асыру;
Тармақша 28
28) кеден органдары жүйесiнің лауазымды адамдарын құқықтық және әлеуметтiк қорғау шараларын iске асыруға жәрдемдесу;
Тармақша 29
29) кеден iсi саласындағы құқық бұзушылықтар мен қылмыстардың алдын алу жөнiнде профилактика және құқықтық түсiндiру жұмыстарын жүргiзу;
Тармақша 30
30) шетел мемлекеттерінің құзыретті органдарымен кеден ісі мәселелерi бойынша өзара iс-қимыл жасау;
Тармақша 31
31) Қазақстан Республикасының Үкiметi мен мүдделi мемлекеттiк органдарды республикадағы кеден iсiнің жай-күйі және оны нығайту мен дамыту жөнiнде кеден органдары қабылдап жатқан шаралар туралы хабардар ету;
Тармақша 32
32) өзiне заңнамамен жүктелетiн өзге де функцияларды жүзеге асыру.
Тармақ 12
12. Өзiне жүктелген мiндеттердi iске асыру және өз функцияларын жүзеге асыру үшiн Агенттiктің:
Тармақша 1
1) Қазақстан Республикасының барлық аумағында орындау үшiн мiндеттi кеден iсi мәселелерi жөнiндегi нормативтiк құқықтық кесiмдердi шығаруға;
Тармақша 2
2) мемлекеттiк органдардан, өзге де ұйымдардан, лауазымды адамдар мен азаматтардан Агенттікке жүктелген функцияларды жүзеге асыру үшiн қажеттi ақпаратты сұратуға және алуға;
Тармақша 3
3) өз құзыретінің шегiнде меншiк нысанына қарамастан ұйымдардың басшылары мен басқа да лауазымды адамдарынан, сондай-ақ жеке тұлғалардан кеден заңнамасын бұзушылықтарды жоюды талап етуге және оның орындалуын бақылауға;
Тармақша 4
4) басқа да құқық қорғау органдарымен бiрлесiп Қазақстан Республикасында қылмысқа қарсы күрес бағдарламаларын әзiрлеуге және iске асыруға қатысуға;
Тармақша 5
5) кеден iсi саласындағы әкiмшiлік құқық бұзушылықтар мен қылмыстар туралы iстер бойынша анықтау мен iс жүргiзудi жүзеге асыруға;
Тармақша 6
6) әкiмшiлiк құқық бұзушылықтар туралы хаттамалар жасауға, сондай-ақ әкiмшiлiк құқық бұзушылықтар туралы заңнамада көзделген басқа да шараларды қолдануға;
Тармақша 7
7) Қазақстан Республикасының Үкiметiне кеден басқармаларын, кедендердi, кеден зертханаларын және кеден органдарының міндеттерін шешуге ықпал ететiн өзге де ұйымдарды құру, қайта ұйымдастыру және тарату туралы ұсыныстар енгiзуге;
Тармақша 8
8) Қазақстан Республикасының Үкiметiне кеден iсi, кеден органдарын ұйымдық-штаттық, кадрлық және материалдық-техникалық жағынан нығайту мәселелерi жөнiндегi ұсыныстарын енгiзуге;
Тармақша 9
9) халықаралық қатынастарда кеден iсi саласындағы құқық бұзушылықтардың алдын алу, анықтау және жолын кесу мәселелерi бойынша Қазақстан Республикасын бiлдiруге;
Тармақша 10
10) өз құзыретінің және ұстауға бөлiнген қаржы қаражатының шегiнде кеден органдары қызметкерлерiнің материалдық қамтамасыз етiлуі мен әлеуметтік қорғалуын жақсарту жөнінде шаралар қабылдауға;
Тармақша 11
11) заңнамаға сәйкес өзге де құқықтарға құқығы бар.
Тармақ 3. 3. Агенттiктiң мүлкi
3. Агенттiктiң мүлкi
Тармақ 13
13. Агенттiктің жедел басқару құқығында оқшауланған мүлкi болады.
Агенттiктің мүлкi оған мемлекет берген мүлiктiң, сондай-ақ Агенттiктің теңгерiмiнде көрсетiлетiн өзге де мүлiктің есебiнен қалыптасады.
Тармақ 14
14. Агенттікке бекiтiлген мүлік республикалық меншiкке жатады.
Тармақ 15
15. Агенттіктiң өзiне бекiтiлген мүлiктi және егер, заңнамалық кесіммен өзгедей белгiленбесе, оған смета бойынша бөлiнген қаражаттың есебiнен сатып алынған мүлiктi өз бетiмен иелiктен айыруға немесе өзге де тәсілмен билік етуге құқығы жоқ.
Тармақ 4. 4. Агенттіктiң қызметiн ұйымдастыру
4. Агенттіктiң қызметiн ұйымдастыру
Тармақ 16
16. Агенттік және оның аумақтық бөлiмшелерi Қазақстан Республикасы кеден органдарының бiрыңғай жүйесiн құрайды.
Тармақ 17
17. Агенттiкке Қазақстан Республикасының Yкiметi қызметке тағайындайтын және қызметтен босататын төраға басшылық жасайды.
Төрағаның ұсынысы бойынша Қазақстан Республикасының Үкiметi қызметке тағайындайтын және қызметтен босататын төрағаның төрт орынбасары, оның ішінде бір бiрiншi орынбасары болады.
Тармақ 18
18. Төраға Агенттiктің жұмысын ұйымдастырады және басшылық жасайды, өз құзыретiнің шегiнде шешiмдер қабылдауда дербес және Агенттiктiң қызметi үшiн дербес жауаптылықта болады.
Тармақ 19
19. Осы мақсаттарда төраға мынадай өкілеттіктердi жүзеге асырады:
Тармақша 1
1) Агенттіктің қызметiне басшылықты жүзеге асырады;
Тармақша 2
2) Агенттiктi Қазақстан Республикасының барлық мемлекеттік органдарында және өзге де ұйымдарда бiлдiредi;
Тармақша 3
3) өз орынбасарларының, сондай-ақ департаменттер және Агенттiктің өзге де құрылымдық бөлiмшелерi бастықтарының құқықтары мен мiндеттерiн белгiлейдi;
Тармақша 4
4) өз құзыретінің шегiнде кеден органдары орындауға мiндеттi бұйрықтар шығарады және нұсқаулар бередi;
Тармақша 5
5) кеден органдарының лауазымды адамдарын қызметке тағайындауды және қызметiнен босатуды жүргiзедi;
Тармақша 6
6) азаматтарды кеден органдарының кадрлық құрамына қабылдайды, оларға кеден қызметiнің полковнигiн қоса алғанда бастапқы және кейiнгі арнайы атақтар бередi;
Тармақша 7
7) кеден органдарының қызметкерлерiне жоғары басшы құрамның арнайы атақтарын беру туралы Қазақстан Республикасының Президентiне ұсыныс енгiзедi;
Тармақша 8
8) заңнамада белгiленген тәртiппен кеден органдарының қызметкерлерін көтермелеу, материалдық көмек көрсету мәселелерiн шешедi және тәртіптік жазалар қолданады, оларды заңнамада белгіленген тәртіппен мемлекеттiк наградалармен марапаттауға және Қазақстан Республикасының құрметтi атақтарын беруге ұсынады;
Тармақша 9
9) өз құзыретiнің шегiнде заңнамаға сәйкес Агенттiктің құрылымдық бөлiмшелерi туралы ережелердi, сондай-ақ ведомстволық бағыныстағы ұйымдардың жарғыларын бекiтедi;
Тармақша 10
10) өз құзыретінің шегiнде Агенттіктің құрылымы мен штат санын бекітеді;
Тармақша 11
11) Қазақстан Республикасының заңнамасына сәйкес өзге де өкiлеттіктердi жүзеге асырады.
Тармақ 20
20. Агенттік төрағасының бұйрықтары Агенттiктiң кесiмдерi болып табылады.
Тармақ 21
21. Агенттiктің төрағаның жанындағы консультативтiк-кеңес органы болып табылатын Алқасы болады. Алқаның сандық және дербес құрамын Агенттiктің төрағасы бекiтедi.
Тармақ 5. 5. Агенттiктi қайта ұйымдастыру және тарату
5. Агенттiктi қайта ұйымдастыру және тарату
Тармақ 22
22. Агенттiктi қайта ұйымдастыру және тарату Қазақстан Республикасының заңнамасына сәйкес жүзеге асырылады.
Басқа 111. Қазақстан Республикасы Yкiметiнiң күші жойылған кейбiр шешiмдерiнiң тiзбесi
Қазақстан Республикасы
Үкiметiнің
2002 жылғы 6 қыркүйектегі
N 981 қаулысына
қосымша
Қазақстан Республикасы Yкiметiнiң күші жойылған кейбiр шешiмдерiнiң тiзбесi
Тармақ 1
1. "Қазақстан Республикасы Мемлекеттiк кiрiс министрлiгiнің мәселелерi" туралы Қазақстан Республикасы Үкiметiнің 1999 жылғы 25 ақпандағы N 173 қаулысы .
Тармақ 2
2. "Қазақстан Республикасы Үкiметінің 1999 жылғы 25 ақпандағы N 173 қаулысына өзгерiс енгiзу туралы" Қазақстан Республикасы Үкiметiнiң 1999 жылғы 26 наурыздағы N 307 қаулысы .
Тармақ 3
3. "Қазақстан Республикасы Үкiметiнің 1999 жылғы 25 ақпандағы N 173 қаулысымен бекiтiлген Қазақстан Республикасы Мемлекеттік кiрiс министрлiгiнің Кеден комитетi туралы ережеге өзгерiс енгiзу туралы" Қазақстан Республикасы Үкiметінің 1999 жылғы 29 сәуiрдегi N 512 қаулысы .
Тармақ 4
4. "Қазақстан Республикасы Үкiметiнiң кейбiр шешiмдерiне өзгерiстер мен толықтырулар енгізу туралы" Қазақстан Республикасы Үкiметінің 1999 жылғы 2 тамыздағы N 1093 қаулысымен (Қазақстан Республикасының ПҮКЖ-ы, 1999 ж., N 40, 343-құжат) бекiтiлген Қазақстан Республикасы Үкiметінің кейбiр шешiмдерiне енгiзiлетiн өзгерiстер мен толықтырулардың 1-тармағы.
Тармақ 5
5. "Қазақстан Республикасы Мемлекеттік кiрiс министрлiгiнің Акцизделетiн өнiмдер өндiрiсi мен айналымын мемлекеттік бақылау жөнiндегi комитетiнің мәселелерi" туралы Қазақстан Республикасы Үкiметiнің 2000 жылғы 28 қарашадағы N 1773 қаулысының (Қазақстан Республикасының ПҮКЖ-ы, 2000 ж., N 49-50, 578-құжат) 1-тармағының 1) тармақшасы.
Тармақ 6
6. "Қазақстан Республикасы Қаржы полициясы агенттiгінің мәселелерi" туралы Қазақстан Республикасы Үкiметiнің 2001 жылғы 27 ақпандағы N 283 қаулысының (Қазақстан Республикасының ПҮКЖ-ы, 2001 ж., N 8, 83-құжат) 3-тармағы.
Тармақ 7
7. "Қазақстан Республикасы Мемлекеттiк кiрiс министрлiгiнің Дәрменсiз борышкерлермен жұмыс жөнiндегi комитетiнің мәселелерi" туралы Қазақстан Республикасы Үкiметінің 2001 жылғы 23 қарашадағы N 1508 қаулысының 7-тармағы 1) тармақшасы.
Тармақ 8
8. "Қазақстан Республикасы Үкiметiнің 1999 жылғы 25 ақпандағы N 173 қаулысына өзгерiс енгiзу туралы" Қазақстан Республикасы Үкiметінің 2002 жылғы 23 шiлдедегi N 819 қаулысы .
Басқа 120. Агенттіктің республикалық бюджеттен қаржыландырылатын мемлекеттік мекемелерінің тізбесі
Қазақстан Республикасы
Yкiметiнің
2002 жылғы 6 қыркүйектегi
N 981 қаулысымен
бекiтiлген
Агенттіктің республикалық бюджеттен қаржыландырылатын мемлекеттік мекемелерінің тізбесі
📌 Ескерту. Қосымшамен толықтырылды - ҚР Үкіметінің 2004.03.10. N 300 қаулысымен .
Тармақ 1
1. Қазақстан Республикасы Кедендiк бақылау агенттiгiнiң Ақмола облысы бойынша Кедендiк бақылау департаментi.
Тармақ 2
2. Қазақстан Республикасы Кедендiк бақылау агенттiгiнiң Алматы облысы бойынша Кедендiк бақылау департаментi.
Тармақ 3
3. Қазақстан Республикасы Кедендiк бақылау агенттiгiнiң Алматы қаласы бойынша Кедендiк бақылау департаментi.
Тармақ 4
4. Қазақстан Республикасы Кедендiк бақылау агенттігінің Астана қаласы бойынша Кедендiк бақылау департаментi.
Тармақ 5
5. Қазақстан Республикасы Кедендiк бақылау агенттігiнiң Ақтөбе облысы бойынша Кедендік бақылау департаментi.
Тармақ 6
6. Қазақстан Республикасы Кедендік бақылау агенттігінiң Атырау облысы бойынша Кедендiк бақылау департаментi.
Тармақ 7
7. Қазақстан Республикасы Кедендiк бақылау агенттiгiнiң Шығыс Қазақстан облысы бойынша Кедендiк бақылау департаментi.
Тармақ 8
8. Қазақстан Республикасы Кедендік бақылау агенттiгiнiң Жамбыл облысы бойынша Кедендiк бақылау департаментi.
Тармақ 9
9. Қазақстан Республикасы Кедендiк бақылау агенттiгiнiң Батыс Қазақстан облысы бойынша Кедендiк бақылау департаментi.
Тармақ 10
10. Қазақстан Республикасы Кедендiк бақылау агенттiгiнiң Қарағанды облысы бойынша Кедендiк бақылау департаментi.
Тармақ 11
11. Қазақстан Республикасы Кедендiк бақылау агенттігiнiң Қызылорда облысы бойынша Кедендiк бақылау департаментi.
Тармақ 12
12. Қазақстан Республикасы Кедендiк бақылау агенттігінiң Қостанай облысы бойынша Кедендiк бақылау департаментi.
Тармақ 13
13. Қазақстан Республикасы Кедендiк бақылау агенттігінiң Маңғыстау облысы бойынша Кедендiк бақылау департаменті.
Тармақ 14
14. Қазақстан Республикасы Кедендiк бақылау агенттiгiнің Павлодар облысы бойынша Кедендiк бақылау департаментi.
Тармақ 15
15. Қазақстан Республикасы Кедендiк бақылау агенттігінiң Солтүстік Қазақстан облысы бойынша Кедендік бақылау департаментi.
Тармақ 16
16. Қазақстан Республикасы Кедендiк бақылау агенттiгінiң Оңтүстік Қазақстан облысы бойынша Кедендiк бақылау департаментi.
Тармақ 17
17. "Астана - Жаңа қала" кеденi.
Тармақ 18
18. "Байқоңыр" кеденi.
Тармақ 19
19. "Бейнеу" кеденi.
Тармақ 20
20. "Достық" кеденi.
Тармақ 21
21. "Қалжат" кеденi.
Тармақ 22
22. "Қорғас" кеденi.
Тармақ 23
23. "Қордай" кеденi.
Тармақ 24
24. "Майқапшағай" кеденi.
Тармақ 25
25. "Семей" кеденi.
Тармақ 26
26. "Ұлытау" кеденi.
Тармақ 27
27. "Бақты" кеденi.
Тармақ 28
28. Қаржы-шаруашылық кеденi.
Тармақ 29
29. Қазақстан Республикасы Кедендік бақылау агенттiгiнiң кинологиялық орталығы.
Тармақ 30
30. Қазақстан Республикасы Кедендiк бақылау агенттігінiң Орталық кеден зертханасы.