О проведении приписки граждан к призывным участкам Қолданыста

Азаматтарды әскерге шақыру учаскелеріне тіркеу туралы Қазақстан Республикасының 1993 жылғы 19 қаңтардағы "Жалпыға бірдей әскери міндеттілік және әскери қызмет туралы" Заңының 12 бабына сәйкес:

1. Қазақстан Республикасының 1986 жылы туған азаматтардың 2003 жылғы 2 қаңтардан бастап 30 наурызға дейін аудандық және қалалық әскери комиссариаттардың шақыру учаскелеріне тіркеуді өткізсін.

2. Қалалар және аудандар әкімдері:

1) қосымшаға сәйкес тіркеу жөнінде комиссия құрсын, қажетті мөлшерде маман-дәрігерлер, медбикелер, техникалық қызметкерлер қызмет көрсетуші кісілер мен көлік бөлсін;

2) азаматтарды тіркеу жөніндегі жұмысты жүргізу үшін әскери комиссариаттарды талапқа сай орындармен қамтамасыз етсін;

3) әскерге шақыру учаскелеріне 1984 жылы туылған азаматтарды тіркеу жөніндегі медициналық комиссиялардың жұмысын қамтамасыз ету жөніндегі іс-шараларды, сондай-ақ емдеу-алдын алу мекемелерінде медициналық тексеруден өтуді қаржыландыру қалалардың және аудандардың бюджеттері есебінен, бөлінген қаржылардың шегінде жүзеге асырылсын;

4) әскерге шақыру учаскелеріне тіркеу үшін аудандық, қалалық әскери комиссариаттарына азаматтардың ұйымдасқан түрде келуі бойынша шаралар қабылдасын.

3. Облыстық денсаулық сақтау басқармасы (Б.Баймаханов), облыстық әскери комиссариатпен (А.А.Саттаров, келісімі бойынша) бірлесе отырып облыстық тіркеу жөніндегі комиссияда жұмыс жүргізу үшін облысты емдеу мекемелерінің дәрігер-мамандарын тарту тәртібін белгілесін және аудандық, қалалық тіркеу жөніндегі комиссиялары облыстық емдеу мекемелеріне жіберген азаматтарды бірінші кезекте тексеруді қамтамасыз етсін.

4. Ұйымдар, кәсіпорындар және мекемелер басшылары, меншік нысанына қарамастан, тіркеу және медициналық куәландыру жөніндегі комиссияның жұмысына қатыстырылатын азаматтардың, сондай-ақ тіркеуге жатқызылған азаматтармен тұрақты жұмыс орындарындағы орташа еңбекақылары сақталатынын еске алсын. Азаматтар шақырылушыларды әскери есепке қою кезіндегі міндеттерін орындау үшін қажетті уақытқа жұмыстан (оқудан) босатылады.

5. Облыстық ішкі істер басқармасы (Р.Х.Өзбекғалиев келісімі бойынша) әскерге шақыру учаскелеріне тіркелуден жалтарып жүргендерді іздеу және әскерге шақыру учаскелеріне оларды жеткізу жөніндегі жұмысты ұйымдастыру ұсынылсын.

6. Осы шешімді орындау жөніндегі атқарылған жұмыс туралы ақпаратты 2003 жылғы 15 сәуірге қарай облыс әкімі аппаратына тапсырсын.

7. Осы шешімнің орындалуын бақылау облыс әкімінің орынбасары С.Н.Громовқа жүктелсін.

Облыс әкімінің 2002 жылғы 15 тамыздағы № 55 шешіміне қосымша 1986 жылы туған азаматтарды шақыру учаскелеріне тіркеу жөніндегі қалалық (аудандық) комиссиялардың ҚҰРАМЫ Комиссия төрағасы - қала (аудан) әкімінің орынбасары Комиссия төрағасының орынбасары - қалалық (аудандық) әскери комиссар Комиссия мүшелері: - медициналық куәландыруға қатысушы дәрігерлер - әскери комиссариаттың өкілі - комиссия хатшысы