О кредитовании субъектов малого предпринимательства из средств городского бюджета Күшін жойған

Қала бюджетінің қаражатынан шағын кәсіпкерлік субъектілерін несиелеу туралы 📌 Ескерту. Күші жойылды - Алматы қалалық Әкімшілігінің 11.11.2004 N 4/926 қаулысымен. Шағын бизнесті мемлекеттік қолдау мақсатында және Үкіметтің 2000 жылғы 22 қыркүйектегі N 1440 "Қазақстан Республикасы Үкіметі мен Қазақстан Республикасының жергілікті атқарушы органы беретін несиелер ережелері туралы" Қаулысын орындау жолында, Алматы қаласының Әкімшілігі ҚАУЛЫ ЕТЕДІ :

1. Шағын кәсіпкерлік субъектілері үшін қысқа мерзімді несиелердің мына шарттары бекітілсін:

1) бюджет несиесінің беру үлгісі - жедел несие, заемшы-банкінің есеп шотына барлық бюджет несиесінің сомасы бір жақты аударым жолымен беріледі;

2) бюджет несиесінің берілу мерзімі - 1 жыл;

3) бюджет несиесі ұлттық валюта - теңгемен беріледі;

4) түпкі заемшыға арналған бюджеттік несиенің шекті мөлшері 4 (төрт) миллион теңге;

5) ең соңғы заемшыға сыйлық ставкасы жылдық теңгемен - 10%. 📌 Ескерту. 1-тармаққа өзгеріс енгізілді - Алматы қаласы Әкімінің 2002 жылғы 23 желтоқсандағы N 5/814 қаулысымен.

2. Шағын кәсіпкерлік субъектілерін қысқа мерзімде несиелеуді жүзеге асыру Алматы қаласы бойынша шағын кәсіпкерлікті дамытудың басымды бағыты жөніндегі тізбеге сәйкес жүргізіледі (N 1 қосымша).

3. Шағын кәсіпкерлік субъектілерін қалалық бюджет қаражатынан несиелеу үшін заемшы-банкілерді таңдау үшін конкурстық комиссия құрылсын (N 2 қосымша). Ашық конкурсты ұйымдастыру және өткізу жөніндегі комиссия конкурсты өткізіп жеңімпаз банкіні анықтасын.

4. Алматы қаласы Әкімінің 2001 жылғы 25 мамырдағы N 354 "Қала бюджетінің қаражатынан шағын кәсіпкерлік субъектілерін несиелеу туралы" шешімінің күші жойылды деп танылсын.

5. Алматы қаласы Әкімшілігінің 2002 жылғы 14 наурыздағы N 2/166 "Қала бюджетінің қаражатынан шағын кәсіпкерлік субъектілерін несиелеу туралы" Қаулысының күші жойылды деп танылсын.

6. Осы қаулының орындалуын бақылау Алматы қаласы Әкімінің орынбасары К.Е.Жаңбыршинге жүктелсін.

2002 жылғы 08 тамыздағы Алматы қаласы Әкімшілігінің N 4/520 Қаулысына N 1 қосымша Алматы қаласы бойынша Шағын кәсіпкерлікті дамытудың басымды бағытының ТІЗБЕСІ

1. Жоғары сапалы киімдер мен трикотаж бұйымдарды өндіру;

2. Жоғары сапалы жиһаздар мен фурнитураларды өндіру;

3. Жаңа түрдегі картон-қағаз өнімдерін өндіру, полиграфиялық және баспа өнімдері;

4. Ауылшаруашылық өнімдерін даярлау, өңдеу және сақтау;

5. Балалар тағамын, нан, тоқаш, кондитер бұйымдарын, алкогольсіз сусындарды, минералдық суларды және оларға арналған қаптамаларды шығару;

6. Ет, сүт, колбаса-шұжық, макарон өнімдерін шығару;

7. Жаңа технологиялық түрдегі машиналар мен жабдықтарды шығару;

8. Өнеркәсіп және тұрмыстық электроника мен электротехникалық өнімдерді өндіру;

9. Тұрмыстық химия мен парфюмерлік-косметикалық, зергерлік бұйымдарды өндіру;

10. Дәрі-дәрмектік табиғи шикізатты даярлау және өндіру, сондай-ақ дәрі-дәрмек құралдарын, тану материалдары мен тазалық-гигиеналық заттарды шығару;

11. Жергілікті шикізат базасында құрылыс материалдарының, конструкциялары мен бұйымдардың озық және жаңа түрлерін өндіру;

12. Қаланың инфрақұрылымы саласында шағын кәсіпорындарды құру (дәрілеу, өндірістік және тұрмыстық қалдықтарды өңдеу, пәтер иелері кооперативінің және тамақтандыру объектілеріне қызмет көрсету, сұлулық салондары, көшелерді тазалау, және басқалары);

13. Қалаға шет елден саясатшыларын тартуға бағытталған туристік қызмет және Алматы қаласының демалыс қонақ үй бизнесі;

14. Медициналық және ветеринарлық қызмет көрсететін шағын кәсіпорындар құру;

15. Ғылыми икемді өндірістер мен технологияларды дамытуға байланысты қызмет, жоғары экспорттық қайтарымы бар, былай айтқанда венчурлық фирмалар, олардың өнімі ішкі және сыртқы базарларға арналған;

16. Құрылыс және жөндеу-құрылыс жұмыстарын жүргізетін кәсіпорындар құру.

17. Cауда қызметін жасайтын заңды және жеке тұлғалар, қоғамдық тамақтандыру кәсіпорындары. 📌 Ескерту. 1-қосымша 17 тармақпен толықтырылды - Алматы қаласы Әкімінің 2002 жылғы 23 желтоқсандағы N 5/814 қаулысымен.

2002 жылғы 08 тамыздағы Алматы қаласы Әкімшілігінің N 4/520 Қаулысына N 2 қосымша Шағын кәсiпкерлiк субъектiлерiн қала бюджетiнен несиелендiру үшiн несие-банк анықтау жөнiндегi конкурс комиссиясының ҚҰРАМЫ 1. Жаңбыршин Қозы-Көрпеш Есiмұлы - Алматы қаласы Әкiмiнiң орынбасары-комиссия төрағасы 2. Бисенов Марат Смағұлұлы - Қазақстан Республикасы Ұлттық Банкісi Алматы қаласы филиалы бастығының орынбасары - комиссия төрағасының орынбасары Комиссия мүшелерi: 3. Тоқтасынов Әлiмжан Имтахунұлы - Қалалық қаржы басқармасы бастығының бiрiншi орынбасары 4. Тұржанов Серiк Әбдiқалиұлы - Шағын бизнес Департаментiнiң директоры 5. Иманғожин Алмат Отжанұлы - Салық комитетi төрағасының орынбасары 6. Бексұлтанов Азамат - Қазына басқармасы бастығының Имұхамбетұлы орынбасары 7. Қасенов Қ.Т. - Экономика жөнiндегi комитеттiң қаржы менеджментi және маркетинг бөлiмiнiң бастығы