Об утверждении Положения о Комитете геологии Министерства экологии, геологии и природных ресурсов Республики Казахстан Күшін жойған
Басқа 0
«КЕЛІСІЛДІ»
Қазақстан Республикасының
Экология, геология және
табиғи ресурстар министрі
____________ М.Мырзағалиев
2019 жылғы «___» __________
Қазақстан Республикасы Экология, геология және табиғи ресурстар министрлігінің Геология комитеті туралы ережені бекіту туралы
«Қазақстан Республикасы Экология, геология және табиғи ресурстар министрлігінiң кейбiр мәселелерi» туралы Қазақстан Республикасы Үкіметінің 2019 жылғы 5 шілдедегі № 479 қаулысына, Қазақстан Республикасы Президентінің 2007 жылғы 27 шілдедегі № 372 Жарлығымен бекітілген Жауапты хатшының өкілеттіктерінің 1-тарамағы 6) тармақшасына сәйкес БҰЙЫРАМЫН:
Тармақ 1
1. Қоса беріліп отырған Қазақстан Республикасы Экология, геология және табиғи ресурстар министрлігінің Геология комитеті туралы ереже (бұдан әрі – Ереже) бекітілсін.
Тармақ 2
2. Қазақстан Республикасы Экология, геология және табиғи ресурстар министрлігінің Геология комитеті:
Тармақша 1
1) осы бұйрық көшірмесін Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберуді;
Тармақша 2
2) осы бұйрықты Қазақстан Республикасы Экология, геология және табиғи ресурстар министрлігінің интернет-ресурсында орналастыруды
Тармақша 3
3) осы басқа да қамтамасыз етсін.
Тармақ 3
3. Осы бұйрықтың орындалуын бақылау жетекшілік ететін Қазақстан Республикасының Экология, геология және табиғи ресурстар вице-министріне жүктелсін.
Тармақ 4
4. Осы бұйрық «Жер қойнауы және жер қойнауын пайдалану туралы» 2017 жылғы 27 желтоқсандағы Қазақстан Республикасының Кодексіне сәйкес 2024 жылғы 1 қаңтарға дейін қолданыста болатын Ереженің 16-тармағы 32), 33), 46) және 62) тармақшаларын, сондай-ақ 2023 жылғы 1 қаңтарға дейін қолданыста болатын 67) тармақшасын қоспағанда, қол қойылған күнінен бастап қолданысқа енгізіледі.
Басқа 0. «Қазақстан Республикасы Экология, геология және табиғи ресурстар министрлігінің Геология комитеті туралы» Ережесі
Қазақстан Республикасы
Экология, геология және
табиғи ресурстар министрлігінің
Жауапты хатшысының
2019 жылғы 1 тамыздағы
№ 7-Ө бұйрығымен бекітілген
«Қазақстан Республикасы Экология, геология және табиғи ресурстар министрлігінің Геология комитеті туралы» Ережесі
Тарау 1. 1-тарау. Жалпы ережелер
1-тарау. Жалпы ережелер
Тармақ 1
1. «Қазақстан Республикасы Экология, геология және табиғи ресурстар министрлігінің Геология комитеті» республикалық мемлекеттік мекемесі (бұдан әрі – Комитет) реттеу, іске асыру және бақылау функцияларын жүзеге асыратын, сондай-ақ мемлекеттік геологиялық зерделеу, минералдық-шикізат базасын өндіру салаларындағы Министрліктің стратегиялық функцияларын орындауға қатысатын Қазақстан Республикасы Экология, геология және табиғи ресурстар министрлігінің (бұдан әрі - Министрлік) ведомствосы болып табылады.
Тармақ 2
2. Комитет өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
Тармақ 3
3. Комитет мемлекеттік мекеменің ұйымдастырушылық-құқықтық нысанындағы, Министрлікке ведомстволық бағынысты заңды тұлғасы болып табылады, мемлекеттік тілде өзінің атауы, мөрі мен мөртаңбалары, белгіленген үлгідегі бланкілері, сондай-ақ Қазақстан Республикасының заңнамасына сәйкес қазынашылық органдарында шоттары бар.
Тармақ 4
4. Комитет өз атынан азаматтық-құқықтық қатынастарға түседі.
Тармақ 5
5. Комитет егер заңнамаға сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.
Тармақ 6
6. Комитет өз құзыретінің мәселелері бойынша заңнамада белгіленген тәртіппен Комитет төрағасының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.
Тармақ 7
7. Комитеттің құрылымы мен штат санының лимиті Қазақстан Республикасының Экология, геология және табиғи ресурстар министрінің келісімі бойынша Министрліктің аппарат басшысы бекітеді.
Тармақ 8
8. Комитеттің заңды мекенжайы: Қазақстан Республикасы, 010000, Нұр-Сұлтан қаласы, «Сарыарқа» ауданы, Әзірбайжан Мәмбетов көшесі, 32-үй.
Тармақ 9
9. Комитеттің толық атауы – «Қазақстан Республикасы Экология, геология және табиғи ресурстар министрлігінің Геология комитеті» республикалық мемлекеттік мекемесі.
Тармақ 10
10. Комитеттің осы Ереженің 1 және 2-қосымшаларына сәйкес ведомстволық бағынысты ұйымдары және аумақтық органдар бар.
Тармақ 11
11. Осы Ереже Комитеттің құрылтай құжаты болып табылады.
Тармақ 12
12. Комитет қызметін қаржыландыру республикалық бюджеттен жүзеге асырылады.
Комитетке Қазақстан Республикасының заңнамалық актілерімен кіріс әкелетін қызметті жүзеге асыру құқығы берілген жағдайда, онда осындай қызметтен алынған кірістер республикалық бюджеттің кірісіне жіберіледі.
Тарау 2. 2-тарау. Негізгі функциялары, құқықтары мен міндеттері
2-тарау. Негізгі функциялары, құқықтары мен міндеттері
Тармақ 13
13. Миссиясы: еліміздің барлық өндірістік салаларын белсенді дамыту үшін минералдық-шикізат базасын толықтыру мақсатында Қазақстан аумағының геологиялық зерделенуін арттыру.
Тармақ 14
14. Міндет: мемлекеттік геологиялық зерделеу, минералдық-шикізат базасын өндіру саласындағы мемлекеттік саясатты іске асыру.
Тармақ 15
15. Функциялары:
Тармақша 1
1) ведомствоның құзыреті шегінде реттеу, іске асыру және бақылау-қадағалау функцияларын жүзеге асыру және Министрліктің стратегиялық функцияларын орындауға қатысу;
Тармақша 2
2) адам мен азаматтың құқықтары мен бостандықтарын қозғайтын нормативтік құқықтық актілерді қоспағанда, ведомствоның құзыретіне кіретін мәселелер бойынша және Министрдің бұйрықтарында оларды бекіту бойынша тікелей құзыреті болған кезде нормативтік құқықтық актілерді бекіту;
Тармақша 3
3) өз құзыретi шегiнде халықаралық ынтымақтастықты жүзеге асыру;
Тармақша 4
4) Қазақстан Республикасының жұмылдыру дайындығы және жұмылдыру саласындағы заңдары мен өзге де нормативтiк құқықтық актiлерiнiң сақталуын қамтамасыз ету;
Тармақша 5
5) өз құзыреті шегінде ұлттық қауiпсiздiктi қамтамасыз ету жөнiндегi іс-шараларды жоспарлау және өткiзу бойынша ведомстволық бағынысты ұйымдардың қызметiне басшылық ету;
Тармақша 6
6) ұлттық қауiпсiздiк саласындағы заңдар мен өзге де нормативтiк құқықтық актiлердiң сақталуын қамтамасыз ету;
Тармақша 7
7) өз құзыретi шегiнде техникалық регламенттер әзірлеу бойынша жұмысты ұйымдастыру;
Тармақша 8
8) Қазақстан Республикасының пайдалы қазбалар қорлары жөніндегі мемлекеттік комиссияның қызметін Қазақстан Республикасы Инвестициялар және даму министрінің 2018 жылғы 15 мамырдағы № 330 Әділет министрлігінде 2018 жылғы 31 мамырда № 16970 болып тіркелген бұйрығымен бекітілген Қазақстан Республикасының пайдалы қазбалар қорлары жөніндегі мемлекеттік комиссиясы туралы ережеге сәйкес ұйымдастыру;
Тармақша 9
9) кәсіпкерлік жөніндегі уәкілетті орган айқындайтын тәртіппен Қазақстан Республикасы Кәсіпкерлік кодексінің 82-бабының 3-тармағында көзделген әзірленетін құжаттардың жобаларына қатысты реттеушілік әсерді талдау;
Тармақша 10
10) жүргізілген реттеушілік әсерді талдаудың нәтижесін Министрліктің ресми интернет-ресурсында орналастыру;
Тармақша 11
11) Қазақстан Республикасы Кәсіпкерлік кодексінің 132-бабының 2-тармағына сәйкес тексерілетін субъектілер қызметінің Қазақстан Республикасының заңнамасында белгіленген талаптарға сәйкестігін бақылауды және тексеруді жүзеге асыру;
Тармақша 12
12) тиісті салада мемлекеттік бақылау және қадағалау саласындағы мемлекеттік саясатты іске асыру;
Тармақша 13
13) өз құзыреті шегінде Қазақстан Республикасы Кәсіпкерлік кодексінің 141-бабының 2 және 3-тармақтарында, 143-бабының 1-тармағында көзделген нормативтік құқықтық актілерді, сондай-ақ тексерулер жүргізудің жартыжылдық кестелерін әзірлеу;
Тармақша 14
14) Қазақстан Республикасының заңдарына сәйкес мемлекеттік бақылауды және қадағалауды жүргізу;
Тармақша 15
15) мемлекеттік бақылау және қадағалау тиімділігінің мониторингін жүргізу;
Тармақша 16
16) мемлекеттік бақылау және қадағалау жүргізуді жетілдіру жөнінде ұсыныстар енгізу;
Тармақша 17
17) Қазақстан Республикасының Кәсіпкерлік кодексіне және Қазақстан Республикасының рұқсаттар және хабарламалар туралы заңнамасына сәйкес лицензиялануға жататын қызметтiң немесе іс-қимылдың жекелеген түрлерiн лицензиялауды жүзеге асыру;
Тармақша 18
18) Қазақстан Республикасы Үкіметінің шешімі бойынша мемлекеттік акциялар пакетіне (жарғылық капиталдағы қатысу үлесі) иелік ету және пайдалану құқығын, сондай-ақ республикалық мемлекеттік кәсіпорындар мен мемлекеттік мекемелерге қатысты мемлекеттік басқарудың тиісті саласына (аясына) басшылық ету жөніндегі уәкілетті органның функцияларын жүзеге асыру;
Тармақша 19
19) өз құзыреті шегінде нормативтік құқықтық актілерді әзірлеу, келісу және бекіту;
Тармақша 20
20) Қазақстан Республикасының атынан жасалатын Қазақстан Республикасының халықаралық шарттары бойынша міндеттемелерді орындау;
Тармақша 21
21) мемлекеттің меншігіндегі, сондай-ақ оның иеленуі мен пайдалануындағы геологиялық ақпаратты есепке алу, сақтау, жүйеге келтіру, жинақтап қорыту және беру;
Тармақша 22
22) геологиялық барлау кезеңділігінің қағидаларын әзірлеу;
Тармақша 23
23) пайдалы қазбалар жатқан аумақтарда құрылыс салуға рұқсат беру қағидаларын әзірлеу;
Тармақша 24
24) мемлекеттің меншігіндегі, сондай-ақ оның иеленуі мен пайдалануындағы геологиялық ақпаратты есепке алу, сақтау, жүйеге келтіру, жинақтап қорыту және беру қағидаларын әзірлеу;
Тармақша 25
25) жер қойнауын пайдаланушының жер қойнауын пайдалану жөніндегі операцияларды жүргізу нәтижесінде алынған геологиялық ақпаратты және оның жеткізгіштерін сақтау және есепке алу қағидаларын әзірлеу;
Тармақша 26
26) геологиялық есептің мемлекеттік сараптамасын жүргізу қағидаларын әзірлеу;
Тармақша 27
27) жер қойнауын пайдаланушылардың жер қойнауын геологиялық зерттеуге арналған лицензиялар және жер қойнауы кеңістігін пайдалануға арналған лицензиялар шарттарын сақтауын бақылау;
Тармақша 28
28) мемлекеттік жер қойнауы қорын басқару бағдарламасын әзірлеуге қатысу;
Тармақша 29
29) жер қойнауын геологиялық зерттеуге арналған лицензияларды беруге өтініштерді беру және қарау қағидаларын әзірлеу;
Тармақша 30
30) жер қойнауының мемлекеттік сараптама жүргізу қағидаларын, Жер қойнауының мемлекеттік сараптама комиссиясы туралы ережені әзірлеу;
Тармақша 31
31) тарихи шығындардың мөлшерiн, геологиялық ақпараттың құнын және алу шартын айқындау;
Тармақша 32
32) Қазақстан Республикасының пайдалы қазбалар қорлары жөніндегі мемлекеттік комиссия туралы ережені әзірлеу;
Тармақша 33
33) қорлар жөніндегі өңіраралық комиссиялар туралы ережені әзірлеу;
Тармақша 34
34) жер қойнауын геологиялық зерттеу бойынша жобалау құжаттарын жасау жөніндегі нұсқаулықты әзірлеу;
Тармақша 35
35) жер қойнауы кеңістігін пайдалану жобасын жасау жөніндегі нұсқаулықты әзірлеу;
Тармақша 36
36) кең таралған пайдалы қазбаларды қоспағанда, геологиялық және тау-кен бөлiнiсiн беру;
Тармақша 37
37) мемлекеттік жер қойнауы қорының бірыңғай кадастрын жүргізу;
Тармақша 38
38) геологиялық есептің нысанын әзірлеу;
Тармақша 39
39) пайдалануға берілетін жер қойнауы учаскелерінің шекараларын айқындау, геологиялық ақпаратты пайдалану және 2017 жылғы 27 желтоқсандағы "Жер қойнауы және жер қойнауын пайдалану туралы" Қазақстан Республикасының Кодексінде көзделген басқа да мәселелер бойынша құзыретті органмен өзара іс-қимыл жасау және үйлестіру;
Тармақша 40
40) геологиялық есептің мемлекеттік сараптамасын ұйымдастыру және жүргізу;
Тармақша 41
41) жерасты сулары бөлігінде мемлекеттік су кадастрын жүргізуге қатысу;
Тармақша 42
42) қатты пайдалы қазбаларды барлау және өндіру, кең таралған пайдалы қазбаларды өндіру жөніндегі операцияларды жүргізу кезінде ұсынылатын жер қойнауын пайдаланушылардың, соңымен қатар жер асты сулары, емдік балшықтарды барлау және (немесе) өндіру, барлау және (немесе) өндіруге байланысты емес құрылыс және (немесе) жер асты құрылысын пайдалану есептерің жинақтау және жиынтық ақпарат дайындау.;
Тармақша 43
43) жеке және заңды тұлғалар жүргiзетiн су объектiлерiнiң сарқылуын болғызбауға бағытталған су қорғау iс-шараларын келісу;
Тармақша 44
44) су объектiлерiнiң жай-күйiне әсер ететiн объектілерді салуға, реконструкциялауға (кеңейту, жаңғырту, техникалық қайта жарақтандыру, қайта бейіндеу), пайдалануға, консервациялауға, жоюға (кейіннен кәдеге жарату) қорытындылар беру;
Тармақша 45
45) жер қойнауын геологиялық зерттеу және кеңістігін пайдалану үшін жер қойнауын пайдалану құқығын беру;
Тармақша 46
46) пайдалы қатты қазбалардың ресурстарын бағалау туралы есепте ресурстардың "Жер қойнауы және жер қойнауын пайдалану туралы" 2010 жылғы 24 маусымдағы Қазақстан Республикасы Заңының 121-бабына сәйкес бұрын бекітілген өнеркәсіптік санаттар қорларының жиырма бес пайызынан астам емес азаюы негізділігін растау;
Тармақша 47
47) өтініш берілген жер қойнауы учаскесінде кең таралған пайдалы қазбалар болып табылмайтын пайдалы қатты қазбалар ресурстарының жоқ екендігін немесе ресурстар перспективасының жоқ екендігін растайтын геологиялық барлау жұмыстарының нәтижелері туралы есептің мемлекеттік сараптама қорытындысын беру;
Тармақша 48
48) елді мекендерді, өнеркәсіп кешендерін және (немесе) басқа да шаруашылық объектілерін жобалауға және салуға облыстың, республикалық маңызы бар қаланың, астананың жергілікті атқарушы органының жер қойнауын зерттеу жөніндегі уәкілетті органының аумақтық бөлімшелерімен келісу бойынша алдағы уақытта құрылыс салынатын учаске астындағы жер қойнауында пайдалы қазбалардың жоқ екендігі немесе олардың елеусіз екендігі туралы оң қорытындысын келісу;
Тармақша 49
49) пайдалы қазбалар жатқан аумақтарда құрылыс салуға облыстың, республикалық маңызы бар қалалардың, астананың жергілікті атқарушы органының рұқсатын келісу;
Тармақша 50
50) жер қойнауын мемлекеттік геологиялық зерттеу ұйымдастыру және жүргізу;
Тармақша 51
51) жер қойнауын геологиялық зерттеу және оның кеңістігін пайдалану жөніндегі операцияларды реттеу;
Тармақша 52
52) жер қойнауын геологиялық зерттеу, сондай-ақ оның кеңістігін пайдалану жөніндегі операцияларға мемлекеттік бақылауды жүзеге асыру;
Тармақша 53
53) жер қойнауын пайдалану саласындағы Қазақстан Республикасы заңнамасының геологиялық ақпаратты есепке алу, сақтау, оның сақталуы мен анықтығы жөніндегі талаптарының сақталуына мемлекеттік бақылауды жүзеге асыру;
Тармақша 54
54) құпия болып табылмайтын геологиялық ақпаратқа, сондай-ақ жер қойнауын пайдалануға берілген лицензиялар туралы ақпаратқа қолжетімділікті қамтамасыз ету;
Тармақша 55
55) жер қойнауын геологиялық зерттеу бойынша есептер нысандарын әзірлеу;
Тармақша 56
56) тиісті координаттары мен жеке кодтары бар блоктарды сәйкестендіру картасын әзірлеу;
Тармақша 57
57) техногендік минералдық түзілімдерді орналастырудың қолданыстағы объектілерін мемлекеттік есепке алуды ұйымдастыру және жүргізу;
Тармақша 58
58) Мемлекеттік жер қойнауы қорының бірыңғай кадастрын енгізу және пайдалы қазбалар қорын мемлекеттік есепке алу бойынша ақпаратты ұсыну қағидаларын әзірлеу;
Тармақша 59
59) жер қойнауының мемлекеттік мониторингін, геологиялық ақпаратты жинауды және жинақтап қорытуды жүзеге асыру;
Тармақша 60
60) өздігінен ағып жататын иесіз және авариялық мұнай-газ ұңғымаларды жоюды және консервациялауды жүзеге асыру;
Тармақша 61
61) пайдалы қазбалар қорларын мемлекеттік есепке алу бойынша ақпаратты мемлекеттік органдарға ұсыну;
Тармақша 62
62) пайдалы қазбалар қорларының мемлекеттiк балансын жүргізу;
Тармақша 63
63) геологиялық ақпаратты жариялау немесе оған ашық қолжетімділік жасау арқылы ашып көрсету;
Тармақша 64
64) керндерді Қазақстан Республикасының шегінен тыс жерге әкетуге рұқсат беру;
Тармақша 65
65) Жер қойнауын пайдаланушылардың уәкілетті органға нормаланатын ысыраптар туралы деректерді ұсыну қағидаларын әзірлеу;
Тармақша 66
66) жер қойнауын пайдаланушының геологиялық ақпараттың сынамалар түріндегі табиғи жеткізгіштерін иеліктен шығаруы және (немесе) сынамаларды Қазақстан Республикасының шегінен тыс жерге әкетуге рұқсат беру;
Тармақша 67
67) жер қойнауын пайдаланушылар ұсынатын нормаланатын ысыраптар туралы деректер негізінде жүзеге асырылатын пайдалы қатты қазбаларды өндіру кезінде ысырапты есепке алу;
Тармақша 68
68) ұңғымадан көмірсутектердің ағымын құжатпен растау арқылы алу, оның ішінде қабатты сынағышпен сынамалау жүргізген кезде және (немесе) мұнай-газдың мол болуына коллектор-жынысты зертханалық зерттеу кезінде растаған жаңа кенжатынның (кенжатындар жиынтығының) ашылуын растау;
Тармақша 69
69) келісімшарттың шарттарында барлау көзделген пайдалы қатты қазбалар кен орнының табылғанын растау (бағалауды талап ететін кен орнының табылғаны туралы қорытынды);
Тармақша 70
70) жер қойнауын геологиялық зерттеуге берілген лицензиялар бойынша жерасты суларына арналған іздестіру-бағалау жұмыстары жобаларына өзгерістерді келісу;
Тармақша 70-1
70-1) 2017 жылғы 27 желтоқсандағы «Жер қойнауы және жер қойнауын пайдалану туралы» Қазақстан Республикасының Кодексі қолданысқа енгізілгенге дейін жасалған келісімшарттар бойынша уранды қоспағанда, пайдалы қатты қазбаларды, сондай-ақ кең таралған пайдалы қазбаларды барлауға және (немесе) өндіруге арналған келісімшарттар бойынша жұмыс тобы мақұлдаған жұмыс бағдарламасының жобасын келісу;
Тармақша 71
71) жерасты сулары учаскелері қорларының мемлекеттік сараптамасын ұйымдастыру және жүргізу;
Тармақша 72
72) жер қойнауын пайдаланушының балансына ұңғымаларды, технологиялық бірліктерді қабылдау және беру;
Тармақша 73
73) Жер қойнауының мемлекеттік мониторингін жүзеге асыру қағидаларын әзірлеу;
Тармақша 74
74) жер қойнауы кеңістігін пайдаланудың салдарын жою актісіне қол қою жөніндегі комиссияны құру;
Тармақша 75
75) жер қойнауын мемлекеттік геологиялық зерттеу бойынша жұмыстарды жүргізуге арналған уақыт нормалары мен бағасын әзірлеу;
Тармақша 76
76) Қазақстан Республикасының заңдарында, Қазақстан Республикасы Президентiнiң, Үкiметiнiң актiлерiнде және Министрдің бұйрықтарында көзделген өзге де өкiлеттiктердi жүзеге асыру.
Тармақ 16
16. Комитеттің құқықтары мен міндеттері:
Комитет құқықтары:
Тармақша 1
1) өз құзыреті шегінде бұйрықтарды шығару;
Тармақша 2
2) Министрліктің құрылымдық бөлімшелерінен, мемлекеттік органдардан, ұйымдардан, олардың лауазымды тұлғаларынан қажетті ақпарат пен материалдарды сұрау және алу;
Тармақша 3
3) Қазақстан Республикасының заңнамасын жетілдіру жөнінде ұсыныстар енгізу;
Тармақша 4
4) Комитеттің құзыретіне кіретін мәселелер бойынша кеңестер, семинарлар, конференциялар, дөңгелек үстелдер, конкурстар және өзге шараларды өткізу;
Тармақша 5
5) қызметінің жетекшілік ететін бағыттары бойынша консультативтік-кеңесші органдарын (жұмыс топтарын, комиссияларды, кеңестерді) құру жөнінде ұсыныстар енгізу;
Тармақша 6
6) өз құзыретіне жатқызылған мәселелер бойынша сараптамаларға қатысу үшін тиісті мамандарды тарту;
Тармақша 7
7) Қазақстан Республикасының қолданыстағы заңнамасында көзделген өзге құқықтарды жүзеге асыру.
Комитеттің міндеттері:
Тармақша 1
1) Комитетке жүктелген міндеттер мен функцияларды іске асыруды қамтамасыз ету;
Тармақша 2
2) өз құзыреті шегінде заңдарды және өзге нормативтік құқықтық актілерді, оның ішінде мемлекеттік құпияларды қорғау және заңмен қорғалатын жеке және заңды тұлғалардың мүдделері саласындағы заңдарды сақтауды қамтамасыз ету;
Тармақша 3
3) Комитеттің құзыретіне кіретін мәселелер бойынша түсініктемелер дайындау;
Тармақша 4
4) Комитет теңгеріміндегі мемлекеттік меншіктің сақталуын қамтамасыз ету;
Тармақша 5
5) бухгалтерлік есепті жүргізу, бухгалтерлік және қаржылық есептілікті жасау және Министрлікке беру;
Тармақша 6
6) Комитетке бөлінген бюджеттік қаражатты толық, уақтылы және тиімді пайдалануды қамтамасыз ету;
Тармақша 7
7) мемлекеттік сатып алу рәсімдерін «Мемлекеттік сатып алу туралы» Қазақстан Республикасының Заңына сәйкес жүргізу;
Тармақша 8
8) Қазақстан Республикасы заңдарының және өзге де нормативтік құқықтық актілердің сақталуын қамтамасыз ету;
Тармақша 9
9) Осы ережеге сәйкес Комитетке жүктелген функцияларды уақытылы және толық орындау.
Тарау 3. 3-тарау. Комитеттің қызметін ұйымдастыру
3-тарау. Комитеттің қызметін ұйымдастыру
Тармақ 17
17. Комитет басшылығын төраға жүзеге асырады, Комитетке жүктелген міндеттердің орындалуына және өз функцияларын оның жүзеге асыруына жауапты болады.
Тармақ 18
18. Комитетті Қазақстан Республикасы Экология, геология және табиғи ресурстар министрінің бұйрығымен қызметке тағайындалатын және қызметтен босатылатын төраға басқарады.
Тармақ 19
19. Комитет төрағасының Қазақстан Республикасының заңнамасына сәйкес Аппарат басшысының бұйрығымен лауазымға тағайындалатын және лауазымнан босатылатын орынбасарлары бар.
Тармақ 20
20. Комитет төрағасының өкілеттіктері:
Тармақша 1
1) өзінің құзыреті шегінде бұйрықтарға қол қояды;
Тармақша 2
2) заңнамаға сәйкес Комитет қызметкерлерін қызметке тағайындайды және қызметтен босатады (еңбек қатынастары мәселелері заңнамалық актілерге сәйкес жоғары тұрған мемлекеттік органдар мен лауазымды тұлғалардың құзыретіне жатқызылған қызметкерлерді қоспағанда);
Тармақша 3
3) Министрліктің келісімі бойынша ведомстволық бағынысты ұйымдардың басшыларын қызметке тағайындайды және қызметтен босатады;
Тармақша 4
4) ведомстволық бағынысты ұйымдардың басшыларын және олардың орынбасарларын қызметке тағайындайды және қызметтен босатады;
Тармақша 5
5) Комитеттің ведомстволық бағынысты ұйымдары басшыларының ұсынымы бойынша филиалдардың директорларын және олардың орынбасарларын қызметке тағайындайды және қызметтен босатады;
Тармақша 6
6) аумақтық бөлімшелердің басшы орынбасарларын қызметке тағайындайды және қызметтен босатады;
Тармақша 7
7) Министрге аумақтық органдардың басшыларын тәртіптік жауаптылыққа тарту туралы ұсыныстар енгізеді;
Тармақша 8
8) өзінің орынбасарларының, Комитеттің құрылымдық бөлімшелері, аумақтық органдары және ведомстволық бағынысты ұйымдары басшыларының міндеттері мен өкілеттіктерін айқындайды;
Тармақша 9
9) өзінің құзыреті шегінде Комитетте сыбайлас жемқорлыққа қарсы әрекет жасауға бағытталған шаралар қолданады және сыбайлас жемқорлыққа қарсы әрекет жасау бойынша шаралар қолданылуы үшін дербес жауаптылықта болады;
Тармақша 10
10) Комитет қызметкерлерін (еңбек қатынастары мәселелері заңнамалық актілерге сәйкес жоғары тұрған мемлекеттік органдар мен лауазымды тұлғалардың құзыретіне жатқызылған қызметкерлерді қоспағанда), сондай-ақ ведомстволық бағынысты ұйымдардың басшылары мен олардың орынбасарларын ынталандырады және оларға тәртіптік жаза қолданады;
Тармақша 11
11) аумақтық бөлімшелердің басшыларына іссапарға жіберу (шетелге іссапарға жіберуді қоспағанда), материалдық көмек көрсету, даярлау, қайта даярлау және біліктілігін арттыру, көтермелеу, үстемеақылар төлеу мәселелерін шешеді;
Тармақша 12
12) заңнамада белгіленген тәртіппен аумақтық органдардың басшылардың орынбасарларын, ведомстволық бағынысты ұйымдардың басшылары мен олардың орынбасарларын, сондай-ақ Комитет қызметкерлерін (еңбек қатынастары мәселелері заңнамалық актілерге сәйкес жоғары тұрған мемлекеттік органдар мен лауазымды тұлғалардың құзыретіне жатқызылған қызметкерлерді қоспағанда) іссапарға жіберу, демалыс беру, материалдық көмек көрсету, даярлау (қайта даярлау), біліктілігін арттыру, үстемақы төлеу және сыйақы беру мәселелерін шешеді;
Тармақша 13
13) құрылымдық бөлімшелердің ережелерін және өзінің құзіреті шегінде Комитеттің ведомстволық бағынысты ұйымдарының құрылтай құжаттарын, сондай-ақ Комитеттің қарамағындағы аумақтық органдардың ережелерін бекітеді;
Тармақша 14
14) Комитет қызметкерлерінің, ведомстволық бағынысты ұйымдардың басшылары мен олардың орынбасарларының (еңбек қатынастары мәселелері заңнамалық актілерге сәйкес жоғары тұрған мемлекеттік органдар мен лауазымды тұлғалардың құзыретіне жатқызылған қызметкерлерді қоспағанда) лауазымдық нұсқаулықтарын бекітеді;
Тармақша 15
15) Комитеттің ведомстволық бағынысты ұйымдарының құрылымы мен штат кестелерін келісімдейді;
Тармақша 16
16) реттелмелі салада мемлекеттік саясатты қалыптастыру жөнінде ұсыныстар тұжырымдайды;
Тармақша 17
17) аумақтық органдардың Комитетпен өзара іс-қимыл жасау құзыреті мен тәртібін айқындайды;
Тармақша 18
18) аумақтық органдар мен ведомстволық бағынысты ұйымдар актілерінің күшін жояды немесе қолданылуын толық немесе ішінара тоқтатады;
Тармақша 19
19) мемлекеттік органдар мен өзге де ұйымдарда сенімхатсыз Комитеттің өкілі болады;
Тармақша 20
20) Комитетте қаржы-шаруашылық қызметіне және мемлекеттік сатып алуды өткізуге жалпы басшылықты жүзеге асырады;
Тармақша 21
21) Қазақстан Республикасының заңдары мен Президентінің актілеріне сәйкес өзге де өкілеттіктерді жүзеге асырады.
Комитет төрағасы болмаған кезде оның өкілеттіктерін Қазақстан Республикасының қолданыстағы заңнамасына сәйкес оны алмастыратын тұлға жүзеге асырады.
Тармақ 21
21. Комитет төрағасының орынбасарларының өкілеттіктері:
Тармақша 1
1) өз өкілеттіктері шегінде Комитет қызметін үйлестіру;
Тармақша 2
2) төраға болмаған кезеңде Комитет қызметінің жалпы басшылығын жүзеге асыру;
Тармақша 3
3) Қазақстан Республикасы заңнамасына сәйкес өзге қызметтерді жүзеге асыру.
Тарау 4. 4-тарау. Комитеттің мүлкі
4-тарау. Комитеттің мүлкі
Тармақ 22
22. Комитеттің заңнамада көзделген жағдайларда жедел басқару құқығында оқшауланған мүлкі болуы мүмкін.
Комитеттің мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.
Тармақ 23
23. Комитетке бекітілген мүлік республикалық меншікке жатады.
Тармақ 24
24. Егер Қазақстан Республикасының заңнамасында өзге анықталмаса, Комитет өзіне бекітілген және оған қаржыландыру жоспары бойынша берілген қаражат есебінен сатып алынған мүлікті дербес иеліктен шығаруға немесе өзге тәсілмен жеке өкілдік етуге құқығы жоқ.
Тарау 5. 5-тарау. Комитетті қайта ұйымдастыру және тарату
5-тарау. Комитетті қайта ұйымдастыру және тарату
Тармақ 25
25. Комитетті қайта ұйымдастыру және тарату Қазақстан Республикасының заңнамасына сәйкес жүзеге асырылады.
Басқа 1. Комитетінің қарамағындағы ұйымдардың тізбесі
Қазақстан Республикасы
Экология, геология және
табиғи ресурстар министрлігінің
Геология комитеті туралы
ережеге 1-қосымша
Комитетінің қарамағындағы ұйымдардың тізбесі
Тармақша 1
1) «Қазгеоақпарат» республикалық геологиялық ақпарат орталығы» жауапкершілігі шектеулі серіктестігі;
Тармақша 2
2) «Қазгеология» ұлттық геологиялық барлау компаниясы» акционерлік қоғамы.
Басқа 2. Комитеттің қарамағындағы аумақтық органдардың тізбесі
Қазақстан Республикасы
Экология, геология және
табиғи ресурстар министрлігінің
Геология комитеті туралы
ережеге 2-қосымша
Комитеттің қарамағындағы аумақтық органдардың тізбесі
Тармақ 1
1. Қазақстан Республикасы Экология, геология және табиғи ресурстар министрлігі Геология комитетiнiң «Шығысқазжерқойнауы» Шығыс Қазақстан өңiраралық геология департаментi» республикалық мемлекеттік мекемесі.
Тармақ 2
2. Қазақстан Республикасы Экология, геология және табиғи ресурстар министрлігі Геология комитетiнiң «Батысқазжерқойнауы» Батыс Қазақстан өңiраралық геология департаментi» республикалық мемлекеттік мекемесі.
Тармақ 3
3. Қазақстан Республикасы Экология, геология және табиғи ресурстар министрлігі Геология комитетiнiң «Солтүстiкқазжерқойнауы» Солтүстiк Қазақстан өңiраралық геология департаментi» республикалық мемлекеттік мекемесі.
Тармақ 4
4. Қазақстан Республикасы Экология, геология және табиғи ресурстар министрлігі Геология комитетiнiң «Орталыққазжерқойнауы» Орталық Қазақстан өңiраралық геология департаментi» республикалық мемлекеттік мекемесі.
Тармақ 5
5. Қазақстан Республикасы Экология, геология және табиғи ресурстар министрлігі Геология комитетiнiң «Оңтүстiкқазжерқойнауы» Оңтүстiк Қазақстан өңiраралық геология департаментi» республикалық мемлекеттік мекемесі.