О вопросах организации и развития лесного хозяйства области Қолданыста

Облыстың орман шаруашылығын ұйымдастыру және дамыту мәселелері туралы Облыс аумағындағы ормандарды сақтау мен қорғау шараларын орындауды ұйымдастыру мақсатында Қазақстан республикасының Орман Кодексінің 15-бабын басшылыққа алып, облыстық әкімият ҚАУЛЫ ЕТЕДІ:

1. Атырау қаласы және аудандар әкімдері, облыстық орман және биоресурстар жөніндегі аумақтық басқармасы (келісім бойынша):

1) облыстық жерді пайдалану және қорғауды бақылау жөніндегі инспекциясымен және облыстық жер ресурстарын басқару жөніндегі комитетімен бірлесіп облыс аумағындағы орман қоры жерлерін заң талаптарына сәйкес тәртіпке келтіруді қамтамасыз етсін;

2) Қазақстан Республикасы Орман Кодексінің талаптарына сәйкес қысқа мерзімде орман қоры учаскелерін пайдалануды куәландыратын мемлекеттік актілерді алуды аяқтасын;

3) ормандардың сақталуын, қорғалуын және тиімді пайдалануылуын бақылау жөніндегі жұмыстарды саралап, нақты іс-шаралар жоспарын бекітіп, заңдылықтың сақталуын қамтамасыз етсін;

4) орман алқаптарының топқа жатқызылуын, санатқа бөлінуін қайта қарап, қолданыстағы заңнамаға және қажеттілікке сәйкес жаңартсын;

5) орман өрттерінің, орманды заңсыз кесу, оны бүлдіру әрекеттерінің алдын алу және кінәлі адамдарды тиісті жауапкершілікке тартуға бағытталған нақты шаралар қабылдансын.

2. Осы қаулының орындалуын бақылау облыс әкімінің орынбасары Қ. Ищановқа жүктелсін.