Об утверждении Правил исчисления совокупного дохода граждан (семьи), претендующих на получение жилищной помощи за счет средств районного бюджета Күшін жойған

Аудан бюджеті қаржысының есебінен тұрғын үй көмегін алуға үміткер азаматтардың (отбасыларының) жиынтық табысын есептеу Ережелерін бекіту туралы 📌 Ескерту. Күші жойылды - Қостанай облысы Жітіқара ауданы мәслихатының 23.10.2006 № 371 шешімімен. «Қазақстан Республикасы жергілікті мемлекеттік басқару туралы» 2001 жылдың 23 қаңтарындағы № 148-II Қазақстан Республикасының Заңына, «Халықты әлеуметтік қорғау мәселелері бойынша Қазақстан Республикасының кейбір заңнама актілерін өзгерістер енгізу туралы» 1999 жылдың 16 қарашасындағы № 477-I Қазақстан Республикасы Заңына сәйкес Жітіқара аудандық мәслихаты ШЕШТІ:

1. «Аудан бюджеті қаржысының есебінен тұрғын үй көмегін алуға үміткер азаматтардың (отбасыларының) жиынтық табысын есептеу Ережелері» бекітілсін.

2. Шешім Қостанай облысы әділет Басқармасында мемлекеттік тіркеуден өткеннен соң күшіне енеді.

Жітіқара аудандық мәслихатының 2002 жылғы 7 қазандағы № 170 шешіміне қосымша Аудандық бюджет қаржысы есебінен тұрғын үй көмегін алуға үміткер азаматтардың отбасының) жиынтық табысын есептеу Ережесі Бұл Ереже аудандық бюджет қаржысы есебінен тұрғын үй көмегін алуға үміткер азаматтардың (отбасының) жиынтық табысын есептеудің тәртіптерін анықтайды.

I. Жалпы Ережелер

1. Тұрғын үй көмегін алуға үміткер тұлғалардың (отбасының) жиынтық табысын оны тағайындауды жүзеге асырушы уәкілетті орган есептейді.

2. Отбасылардың жиынтық табысын есептеу кезінде көмек алуға өтініш берілген өткен тоқсан ішіндегі заттай және ақшалай нысандағы табыстың барлық түрі есепке алынады.

3. Жиынтық табысты есептеу өтініш жасаушының тапқан табыстары туралы берген мәліметтері (жалақысы, зейнетақысы, жәрдемақының барлық түрі, сондай-ақ облыстық, аудандық бюджеттер қаржысы есебінен көрсетілген материалдық көмектің барлық түрлері) негізінде жүргізіледі.

II. Еңбекақы төлеу түріндегі табыстар

4. Табыстың барлық түрлері, сондай-ақ, заңнамаға сәйкес, негізгі жұмысы мен қосымша жұмыс істеген уақытындағы қызметкерге төленген ақшалай сомаларды қоса есептегендегі сыйлық, қосымша ақы, үстеме ақы, ақшалай және заттай нысандағы (қаржыландыру көзіне қарамастан), әлеуметтік жеңілдіктер.

5. Жерлеу мен туылған баланың жәрдемақысының басқа кәсіпорындар (ұйымдар), есебінен төлемдер мен жалақыны есептеу кезінде есепке алынбаған төлемнің басқа түрлері.

6. Қоғамдық жұмыстарға төленген еңбекақы.

7. Қызметкерге берілуге тиісті жалақы мен одан ұсталған соманың көлемі міндетті түрде көрсетіліп, оған бас бухгалтер мен мекеме басшысының қолдары қойылған жалақы жайындағы анықтама жиынтық табысты есептеу негізгі болып табылады.

8. Салық комитетінде міндетті түрде тіркеліп, еңбек шартының көшірмесімен расталған жалақы (көрсетілген нысанда) туралы жеке кәсіпкерден анықтама.

9. Жұмыс берушілердің қарауында үй шаруашылығымен айналысушылардың жиынтық табысын есептеу кезінде нотариалды куәландырылып қол қойылған еңбек шартында көрсетілген шынайы жалақысы есепке алынады.

10. Құрамының біреуі шет елде жұмыс істейтін отбасының жиынтық табысын септеу кезінде олардың жалақылары Қазақстан республикасының Ұлттық банкі айқындаған ұлттық, сондай-ақ шет елдік валюта курсы бойынша отбасының жиынтық табысына қосылатын болып есепке алынады.

III. Зейнетақылар, стипендиялар, жәрдемақылар және басқа да әлеуметтік төлем түрлері

11. Заңдармен және басқа да нормативтік құқықтық актілермен белгіленгендей тәртіпте тағайындалған зейнетақының барлық түрлері.

12. Мүгедектік пен жасы ұлғаю және асыраушысынан айырылуы бойынша берілетін мемлекеттік әлеуметтік жәрдемақылар.

13. Арнаулы мемлекеттік жәрдемақылар.

14. Төлем көздеріне қарамастан студенттерге, аспиранттарға, доктаранттарға, басқа да оқу орындарының тыңдаушыларына төленетін стипендиялар.

15. Жұмысқа уақытша жарамсыздық бойынша жәрдемақылар (оның ішінде бала күтімі бойынша бала күтімі бойынша).

16. Жүктілік пен бала туғанда берілетін жәрдемақылар.

17. Тұрмысы төмен азаматтарға төленетін мемлекеттік атаулы әлеуметтік көмек.

18. Тұрмысы төмен азаматтарға берілетін біржолғы өтем мен материалдық көмек.

IV. Балаларға және басқа да қамқорлықтарға алынған алименттері

19. Балаларға және басқа да қамқорлықтарға алынған алименттер отбасының жиынтық табысына кіреді, ал отбасы мүшелеріне төленген алименттер жиынтық табыстан алынып тасталды. Алынған алименттер берілуге тиіс және есептелу уақытына қарай отбасының жиынтық табысы болып есептеледі. Алиментті төлеушіге тиісті жалақының қайта есептелуіне байланысты алынған қосымша сомалар, қарызға жатпайды және де ол алынған уақытына қарай отбасының жиынтық табысы болып есептеледі.

20. Жауапкер алушыға тиісті соманы төлеген жағдайда кәсіпорындар мен ұйымдардың аударған сомасы көрсетілген анықтамасы,почта бөлімшесінің анықтамасы және азаматтардың жеке өтініштері бойынша алименттер отбасының жиынтық табысы болып есептеледі. Неке бұзылған жағдайда жауапкердің Қазақстан Республикасынан тыс кету себепті алименттерді алу мүмкін кезінде болмаса, жиынтық табысты есептеу кезінде құқық қорғау органдарынан, сот орындаушыларынан жауапкердің жоқ екенін дәлелдейтін анықтама алынады. Жұбайлар арасындағы неке бұзылмаған жағдайда, бірақ көмек алуға өтініш берген кезде әкесінен (анасынан) алимент төлету туралы сот шешімі шығарылса, отбасының жиынтық табысын анықтауда өткен уақыт үшін әкесінің (анасының) табысы есепке алынады.

V. Мертіккен немесе денсаулығына басқалай зиян келтірілген залал орнына алынатын біржолғы өтем сомалары

21. Отбасының жиынтық табысына қызметкердің жарақат алып жұмысқа жарамауына байланысты келтірілген залал орнын толтыруға, заңда белгіленгендей көлемде жұмыс беруші төлейтін біржолғы өтем ақылар мен басқа да шығындар кіреді.

VI. Кәсіпкерлік жұмыс пен басқа да жұмыс түрлерінен түсетін табыстар

22. Жиынтық табыс құрамына кәсіпкерлік қызметтен түскен табыстар кіреді.

23. Отбасы жиынтық табысына, егер жалға тұрғын үй беруші пәтер жалдаушы секілді барлық коммуналдық қызметтерді төлесе, тұрғын үй жалдағаннан түсетін табыстың бір бөлігі кіреді.

24. Жиынтық табысқа құрамына ақшалай және заттай нысандағы ұтыстар да кіреді.

VII. Жиынтық табысты есептеу

25. Отбасының жиынтық табысына тұрғын үй көмегі тағайындалғанға дейінгі тоқсандағы отбасының барлық адамдарының табысы кіреді. Отбасындағы тоқсандық орташа айлық табыс осы кездегі отбасының жиындық табысын үш айға бөлу жолымен есептелінеді. Егер отбасы мүшелерінен бір адам тоқсаннан аз жұмыс істесе, оның жалақысы сол тоқсандағы айға есептеледі де оның орташа айлық табысы жалпы жалақыны бөлу, ал қалған табыстар үш айға бөлу жолымен анықталады.

26. Жұмыссыз болып жұмыспен қамту қызметінде алғаш тіркелген азаматтар үшін, бұрын еш жерде жұмыс істемесе, өткен тоқсан үшін тапқан табысын көрсету талап етілмейді. Табыстың болмауы соңғы жұмыс орнынан шыққандағы еңбек кітапшасының көшірмесімен дәлелденеді. Тұрғын үй және атаулы әлеуметтік көмектерді есептеу кезінде табыстарының дәлелденуі қиын азаматтар үшін мынандай есептік көрсеткіші қолданылады: 16-дан 18 жасқа дейінгі азаматтар үшін - 1 айлық есептік көрсеткіш; жоғарғы және орта арнаулы оқу орындарының күндізгі бөлімінде оқитын студенттер үшін - 1 айлық есептік көрсеткіш; 18-ден зейнеткер жасына дейінгі азаматтар үшін - айлық есептік көрсеткіш.

VIII. Отбасының жиынтық табысын есептеу үшін қажетті құжаттар тізімі Отбасы құрамы туралы анықтама; жалақы, зейнетақы, жәрдемақы, атаулы көмектер туралы анықтама; халықты жұмыспен қамту мәселесі бойынша уәкілетті органнан (жұмыссыздық үшін) анықтама; алименттер көлемі немесе жауапкердің болмау себебі туралы сот орындаушыдан, құқық қорғау органдарынан анықтама; кәсіпкерлікпен шұғылданушылардың салық комитетінен анықтамасы;

18 жастан асқандар үшін (алатын стипендия көлемі немесе табысы жоқ екендігі көрсетілген) оқу орнынан анықтама.

IX. Көмек сұрауға өтініш білдірушінің тапқан табысы туралы берген мәліметтеріне жауапкершілігі

27. Көмек сұрауға өтініш жасаушы тапқан туралы тапсырған мәліметтердің анықтығы үшін белгіленген заң тәртібімен жауап береді.