О нормативах отчисления и распределения части чистого дохода районных коммунальных государственных предприятий Күшін жойған

Аудандық мемлекеттік кәсіпорындардың таза кірісінің бір бөлігін аудару және бөлу нормативтері туралы «Мемлекеттік мүлік туралы» Қазақстан Республикасының 2011 жылғы 1 наурыздағы Заңының 140 бабының 2 – тармағының екінші, бесінші және алтыншы абзацтарына сәйкес Қазығұрт ауданының әкімдігі ҚАУЛЫ ЕТЕДІ:

1. Аудандық мемлекеттік кәсіпорындардың таза кірісінің бір бөлігін аудару және бөлу нормативтері осы қаулыға қосымшаға сәйкес белгіленсін.

2. Қазығұрт ауданы әкімдігінің 2019 жылғы 6 ақпандағы №38 «Аудандық мемелекеттік кәсіпорындардың таза кірісінің бір бөлігін аудару және бөлу нормативі туралы» (Нормативтік құқықтық актілерді мемлекеттік тіркеу тізілімінде №4906 тіркелген. 2019 жылғы 22 ақпанда «Қазығұрт тынысы» газетінде және 2019 жылғы 19 ақпандағы Қазақстан Республикасының нормативтік құқықтық актілерінің эталондық бақылау банкінде электрондық түрде жарияланған) қаулысының күші жойылды деп танылсын.

3. «Қазығұрт ауданы әкімінің аппараты» мемлекеттік мекемесі Қазақстан Республикасының заңнамасында белгіленген тәртіппен:

1) осы қаулының «Қазақстан Республикасы Әділет министрлігі Түркістан облысының Әділет департаменті» Республикалық мемлекеттік мекемесінде мемлекеттік тіркелуін;

2) ресми жарияланғаннан кейін осы қаулыны Қазығұрт ауданы әкімдігінің интернет-ресурсына орналастыруын қамтамасыз етсін;

4. Осы қаулының орындалуын бақылау аудан әкімінің орынбасары Т.А.Қалымбетовке жүктелсін.

5. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазығұрт ауданы әкімдігінің 2019 жылғы «__» желтоқсандағы №__қаулысына қосымша Аудандық мемлекеттік кәсiпорындардың таза кірісінің бір бөлігін аудару және бөлу нормативтері

1. Аудандық мемлекеттік кәсіпорындар үшін – таза кірістің 45 пайызы мөлшерінде.

2. Коммуналдық мемлекеттік кәсіпорындардың иелігінде қалған таза кірістің бөлігі кәсіпорынның дамуына жұмсалады.