Об утверждении Правил предоставления малообеспеченным гражданам разовой выплаты для оформления удостоверении личности гражданина Республики Казахстан Күшін жойған

Аз қамтамасыз етілген азаматтарға Қазақстан Республикасы азаматының жеке куәлігін рәсімдеу үшін бір жолғы төлем беру Ережелерін бекіту туралы 📌 Ескерту. Күші жойылды - Ақмола облысы Щучье аудандық мәслихатының 03.02.2005 № С-13/6 шешімімен. «Қазақстан Республикасындағы жергілікті мемлекеттік басқару туралы» Қазақстан Республикасы Заңының 6 бабына және «Бюджеттік жүйе туралы» Қазақстан Республикасы Заңына сәйкес жеке куәлігі жоқ аз қамтылған азаматтарды құжаттандыру мақсатында Щучье аудандық мәслихаты ШЕШIМ ЕТТI:

1. Жеке куәлігі жоқ, аз қамтамасыз етілген азаматтарға Қазақстан Республикасы азаматының жеке куәлігін рәсімдеу үшін ұсынылған бір жолғы төлем беру Ережелері бекітілсін (қосымша).

2. Осы шешім Ақмола облыстық әділет басқармасында тіркелген уақыттан бастап қүшіне енеді.

Щучье аудандық мәслихатының 2002 жылғы 27 қарашадағы «Аз қамтамасыз етілген азаматтарға Қазақстан Республикасы азаматының жеке куәлігін рәсімдеу үшін бір жолғы төлем беру Ережелерін бекіту туралы» № С-20/2 шешімімен бекітілген Аз қамтамасыз етілген азаматтарға Қазақстан Республикасы азаматының жеке куәлігін рәсімдеу үшін бір жолғы төлем беру Ережелері.

1. Жалпы ережелер.

1. Аз қамтамасыз етілген азаматтарға Қазақстан Республикасы азаматының жеке куәлігін рәсімдеу үшін бір жолғы төлем беру Ережелері (әрі қарай Ережелер) 258.51 «Жергілікті өкілетті органдардың шешімі бойынша жекелеген азаматтарға әлеуметтік төлем» бюджеттік бағдарламасы бойынша төлемдер ұйымдастыру тәртібін ретке келтіреді.

2. «Қазақстан Республикасындағы жергілікті мемлекеттік басқару туралы» Қазақстан Республикасы Заңының 6 бабы, «Бюджеттік жүйе туралы» Қазақстан Республикасы Заңы Ереже қабылдау үшін құқықтық негіз болып табылады.

3. Ереже «Мемлекеттік атаулы әлеуметтік көмек туралы» Қазақстан Республикасы Заңымен ретке келтірілетін қатынастарға жарамсыз.

2. Төлемдерді жүзеге асыру тәртібі.

4. Бір жолғы төлемдер әлеуметтік қорғаудың бір түрі болып табылады және жеке куәлігі болмауы себепті атаулы әлеуметтік көмек алмайтын, жеке бас әлеуметтік коды жоқ, жан басына шаққандағы кіріс кедейлік деңгейінен төмен аз қамтамасыз етілген азаматтарға беріледі.

5. Аз қамтамасыз етілген азаматтарға бір жолғы ақшалай төлем селолық (қалалық) учаскелік комиссия түжырымы негізінде беріледі.

6. Азаматтардың өтініші негізінде селолык, (қалалық) округтің учаскелік комиссиялары олардың тұрмыстық жағдайын, қамтамасыз етілуі деңгейін тексереді және тиісті акт жасайды.

7. Тексеру актісі бойынша Қазақстан Республикасының жеке куәлігін алмақшы аз қамтамасыз етілген азаматтар тізімі жасалады. Тізімдерді селолық (кент) округтер және Щучье қаласының әкімдері Щучье аудандық ішкі істер бөлімінің көші-қон полициясы бөлімшесі бекітіп, аудандық еңбек, жұмыспен қамтамасыз ету және халықты әлеуметтік қорғау бөліміне беріледі.

8. Бір жолғы төлем көлемі 400 теңге, ол төмендегі шығындардан қүралады: Фотосурет бағасы - 180 теңге Жеке куәлігінің бағасы — 165 теңге Ксерокөшірме бағасы — 35 теңге Халықтық банкте жеке тұлғалардан алынатын мемлекеттік баж салығы — 20 теңге

9. Төлем қаржы аудандық еңбек, жұмыспен қамтамасыз ету және халықты әлеуметтік қорғау бөлімінің есебіне аударылу жолымен жүзеге асырылады.

3. Бір жолғы төлемді қаржыландыру

10. Бір жолғы төлемдер бойынша каржылық шығындар осы мақсатқа аудандық бюджетте көзделген «Жергілікті өкілетті органдардың шешімі бойынша жекелеген азаматтарға әлеуметтік төлем» 258.51 бюджеттік бағдарламасы бойынша жүргізіледі.

4. Төлемді жүзеге асыруға бақылау жасау.

11. Бір жолғы төлемдерге бақылау жасау «Республикалық және жергілікті бюджеттердің орындалуына бақылау жасау туралы» Қазақстан Республикасы Заңына сәйкес жүзеге асырылады.