Об утверждении Правил оказания социальной помощи на лечение малообеспеченных граждан Күшін жойған

Аз қамтамассыз етілген азаматтарға емделуге әлеуметтік көмек көрсету Ережесін бекіту туралы 📌 Ескерту. Күші жойылды - Ақмола облысы Ақкөл аудандық мәслихатының 31.01.2005 № С 16-1 шешімімен. Ақкөл аудандық әкімияттың халықтың әлеуметтік әлсіз топтарын әлеуметтік қорғау жөніндегі ұсынысын қарап және Қазақстан Республикасының 2001 жылғы 23 қаңтарындағы «Қазақстан Республикасындағы жергілікті мемлекеттік басқару туралы» Заңының 31-бабының 14-тармағына сәйкес және 2001 жылғы 7 желтоқсандағы енгізілген өзгертулер мен толықтыруларды ескере отырып, Қазақсган Рсспубликасының 1999 жылғы 1 сәуірдегі «Бюджет жүйесі туралы» Заңының 12-бабының 1-тармағы негізінде аудандық мәслихат шешті:

1. Аз қамтамассыз етілген азаматтарға емделуге әлеуметтік көмек көрсету Ережесі бекітілсін (тіркеледі).

2. Осы шешім 2003 жылдың 1-қаңтарынан және Ақмола облыстық әділет басқармасынан мемлекеттік тіркеуден өткеннен кейін күшіне енеді.

Ақкөл аудандық мәслихат сессиясының 2002 жылғы 29 қазандағы № С 29-8 шешімімен бекітілген Аз қамтамасыз етілген азаматтарға емделуге әлеуметтік көмек көрсету ережесі. Осы ереже Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 31-бабының 14-тармағына сәйкес және 2001 жылғы 7 желтоқсандағы өзгертулер мен толықтыруларды ескере отырып, Қазақстан Республикасының 1999 жылғы 1 сәуірдегі «Бюджет жүйесі туралы Заңының 12-бабының 1-тармағының негізінде, халықтың әлеуметтік әлсіз санаттарын әлеуметтік қорғау мақсатында әзірленді және аз қамтамасыз етілген азаматтарға стационарда емделуге және аудан көлемінен тысқары жерлерде тексеруден өтуге әлеуметтік көмек көрсету тәртібін тағайындайды.

1. Жалпы қағидалар.

1. Аз қамтамасыз етілген азаматтарға стационарда емделуге және медициналық мекемелерде тексеруден өтуге әлеуметтік көмек (бұдан әрі әлеуметтік көмек) аудандық еңбек және халықты әлеуметтік қорғау бөлімі арқылы аудандық бюджет қаражаты есебінен көрсетіледі.

2. Әлеуметтік көмек көрсету немесе одан бас тарту туралы шешім, құрамы аудан әкімиятының қаулысымен бекітілген атаулы әлеуметтік көмек көрсету жөніндегі комиссия мәжілісінде (бұдан әрі Комиссия) қаралады.

3. Аз камтамасыз етілген азаматтарға стационарда емделуге немесе медициналық мекемелерде тексеруден өтуге мұқтаждық туғанда медициналық мекеменің жолдамасы қолда болған жағдайда әлеуметтік көмек тағайындалады және төленеді.

4. Дәрігерлік-консультациялық комиссияның анықтамасында еріп жүретін кісі қажет деген қорытынды болған жағдайда, аурудың жанына еріп жүретін кісіге әлеуметтік көмек көрсетіледі. Әлеуметтік көмек ауру балаға, сонымен бірге оған еріп жүретін ата-анасының біреуіне, асырап алған кісіге, қамқоршысына және басқа жақын туысына көрсетіледі. «Басқа жақын туысы» деген түсінік Қазақстан Республикасының «Неке және отбасы туралы» Заңына сәйкес анықталады.

5. Әлеуметтік көмек көрсету жөніндегі комиссияның шешімі берілген құжаттардың негізінде шығарылады.

6. Аудандық еңбек және халықты әлеуметтік қорғау бөлімі есептеу жүргізеді, әлеуметтік көмек тағайындалған азаматтардың тізімін жасайды, ай сайын аудандық қаржы бөліміне қаржыландыруға тапсырыс түсіріп отырады.

2. Әлеуметтік көмекті тағайындау тәртібі.

7. Әлеуметтік көмекті тағайындау жөніндегі арызды, оны алуға құкығы бар кісі қосымша тиісті құжаттарымен қоса береді.

8. Әлеуметтік көмек тағайындау үшін құжаттарды қарау, құжаттар тапсырган күннен 10 күн мерзімі ішінде жүзеге асырылады.

9. Әлеуметтік көмекті тағайындаудан бас тартқан жағдайда, комиссия ол туралы арыз иесіне жазбаша хабарлауға міндетті.

10. Арыз иесі арызы мен құжаттардағы мәліметтердің толықтығына және нақтылығына заңнамаларға сәйкес жауап береді.

3. Қажетті құжаттардың тізімі.

11. Әлеуметтік көмекті тағайындау құқығын растайтын құжаттар:

1) стационарда емделу немесе медициналық мекемелерде тексеруден өту қажет деген медициналық мекеменің жолдамасы, ДКК анықтамасы;

2) материалдық тұрмыс жағдайын тексерген актісі;

3) жеке куәлік; СТН;

4) еріп жүретін кісінің жеке басын куәландыратын құжаттың көшірмесі;

5) ата-анасының, асырап алушының, қамқоршысының және басқа жақын туысының жеке басын куәландыратын құжаттың көшірмесі.

4. Әлеуметтік көмектің мөлшері.

12. Әлеуметтік көмектің мөлшері комиссияның шешімімен бекітіледі.

13. Арыз иесі емделуден келген күнінен 3 ай өтпей өтініш беретін болса, онда әлеуметтік көмек төленеді.

5. Әлеуметтік көмекті төлеу.

14. Әлеуметтік көмек төлеу тиісті банктік операциялар түрлеріне Ұлттық Банкісінің лицензиясы бар Банктер арқылы жүзеге асырылады.