Об утверждении Правил оказания социальной помощи на погребение несовершеннолетних детей Күшін жойған

Кәмілетке толмаған балаларды жерлеуге әлеуметтік көмек көрсету Ережесін бекіту туралы 📌 Ескерту. Күші жойылды - Ақмола облысы Ақкөл аудандық мәслихатының 25.02.2005 № С 17-3 шешімімен. Ақкөл аудандық әкімияттың халықтың әлеуметтік әлсіз топтарын әлеуметтік қорғау жөніндегі ұсынысын қарап және Қазақстан Республикасының 2001 жылғы 23 қаңтарындағы «Қазақстан Рсспубликасындағы жергілікті мемлекеттік басқару туралы» Заңының 31-бабының 14-тармағына сәйкес және 2001 жылғы 7 желтоқсандағы енгізілген өзгертулер мен толықтыруларды ескере отырып, Қазақстан Республикасының 1999 жылғы 1 сәуірдегі «Бюджет жүйесі туралы» Заңының 12-бабының 1-тармағы негізінде аудандық мәслихат шешті:

1. Кәмілетке толмаған балаларды жерлеуге әлеуметтік көмек көрсету Ережесі бекітілсін (тіркеледі).

2. Осы шешім 2003 жылдың 1-қаңтарынан және Ақмола облыстық әділет басқармасынан мемлекеттік тіркеуден өткеннен кейін күшіне енеді.

Ақкөл аудандық мәслихат сессиясының 2002 жылғы 29 қазандағы №С 29-7 шешімімен бекітілген Кәмілетке толмаған балаларды жерлеуге әлеуметтік көмек көрсету ережссі. Осы ереже Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 31-бабының 14-тармағына сәйкес және 2001 жылғы 7 желтоқсандағы өзгертулер мен толықтыруларды ескере отырып, Қазақстан Республикасының 1999 жылғы 1 сәуірдегі «Бюджет жүйесі туралы» Заңының 12-бабының 1-тармағының негізінде, халықтың әлеуметтік әлсіз санаттарын әлеуметтік қорғау мақсатында әзірленді және кәмілетке толмаған балаларды жерлеуге көрсетілетін әлеуметтік көмек тәртібін тағайындайды.

1. Жалпы қағидалар

1. Кәмілетке толмаған балаларды жерлеуге әлеуметтік көмек отбасының табысына қарамай аудандық еңбек және халықты әлеуметтік қорғау бөлімі арқылы аудандық бюджет қаражаты есебінен көрсетіледі.

2. Кәмілетке толмаған балаларды жерлеуге әлеуметтік көмек көрсету немесе одан бас тарту туралы шешім, құрамы аудан әкімиятының қаулысымен бекітілген атаулы әлеуметтік көмек көрсету жөніндегі комиссия мәжілісінде (бұдан әрі Комиссия) қаралады.

3. Аудандық еңбек және халықты әлеуметтік қорғау бөлімі есептеу жүргізеді, кәмілетке толмаған балаларды жерлеуге көмек тағайындалған азаматтардың тізімін жасайды, ай сайын аудандық қаржы бөліміне қаржыландыруға тапсырыс түсіріп отырады.

2. Әлеуметтік көмекті тағайындау тәртібі.

4. Әлеуметтік көмекті тағайындауға арызды, оны алуға құқығы бар кісі қосымша тиісті құжаттарымен қоса береді.

5. Әлеуметтік көмекті тағайындау үшін құжаттарды қарау, құжаттар тапсырған күннен 10 күн мерзімі ішінде жүзеге асырылады.

6. Әлеуметтік көмекті тағайындаудан бас тартқан жағдайда, комиссия арыз иесіне жазбаша хабарлауға міндетті.

7. Арыз иесі арызы мен құжаттардағы мәліметтердің толықтығына және нақтылығына заңнамаларға сәйкес жауап береді.

3. Қажетті құжаттардың тізімі.

8. Кәмілетке толмаған балаларды жерлеуге әлеуметтік көмек тағайындау құқығын растайтын құжаттар болып, мыналар есептеледі:

1) АХАЖ органдары беретін анықтама;

2) қайтыс болғандығы туралы куәлік;

3) жерлеуді өткізген және оны алуға құқығы бар кісінің жеке куәлігі, СТН.

9. Әлеуметтік көмек тағайындау үшін құжаттардың түпнұсқасы және олардың көшірмесі салыстыру үшін тапсырылады. Салыстырып тексергеннен кейін құжаттардың түпнұсқасы арыз иесіне қайтарылады.

10. Құжаттардың болмауы әлеуметтік көмек тағайындаудан бас тартуға әкеп соғады.

4. Әлеуметтік көмектің мөлшері.

11. Кәмілетке толмаған балаларды жерлеуге әлеуметтік көмек, тиісті жылға «Республикалық бюджет туралы» Заңымен бекітелген есеп айырысу көрсеткішінің 10 айлығы мөлшерінде көрсетіледі.

12. Егер кәмілетке толмаған балалар қайтыс болған күннен 3 айдан кеш қалмай өтініш білдіретін болса, онда көмілетке толмаған балаларды жерлеуге әлеуметтік көмек төленеді.

5. Әлеуметтік көмекті төлеу.

13. Кәмілетке толмаған балаларды жерлеуге әлеуметтік көмек төлеу тиісті банктік операциялар түрлеріне Қазақстан Республикасы Ұлттық Банкісінің лицензиясы бар Банктер арқылы жүзеге асырылады.