Об утверждении Правил предоставления инвалидам технических средств передвижения (колясок) Күшін жойған

Мүгедектерге жүріп тұратын техникалық құралдарын (арбалар) беру ережесін бекіту туралы Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 6-бабы 1-тармағының 15) тармақшасына сәйкес және Қазақстан Республикасының 1991 жылғы 21 маусымдағы «Қазақстан Республикасындағы мүгедектердің әлеуметтік қорғалуы туралы» Заңының 35-бабының негізінде Қостанай облыстық мәслихаты ШЕШТІ:

1. Қостанай облысының әкімияты ұсынып отырған, мүгедектерге жүріп тұратын техникалық құралдарын (арбалар) берудегі қоса берілген ереже бекітілсін.

2. Шешімнің орындалуына бақылау жасау облыс әкімінің орынбасары Б.Б. Баймағамбетоваға және облыстық мәслихаттың білім беру, денсаулық сақтау, спорт және халықты әлеуметтік қорғау мәселелері жөніндегі тұрақты комиссиясына жүктелсін.

Қостанай облыстық мәслихатының 2002 жылғы 18 желтоқсандағы № 244 шешімімен бекітілген Мүгедектерге жүріп тұратын техникалық құралдарын (арбалар) беру ережесі

1. Жалпы ережелер

1. Мүгедектерге жүріп тұратын техникалық құралдарын осы Ережемен белгіленген тәртіппен мүгедектің тұратын жері бойынша тегін беруді облыстық еңбек, жұмыспен қамту және халықты әлеуметтік қорғау басқармасы (әрі қарай - уәкілетті орган) жүзеге асырады.

2. Жүріп тұратын техникалық құралдарын (арбаларды) тегін алуға мүгедектердің төмендегі санаттары құқылы:

1) жалпы аурулардан болған мүгедектер, 16 жасқа дейінгі мүгедек балалар, бала кезден мүгедек болғандар;

2) Ұлы Отан соғысының мүгедектері, жеңілдіктер мен кепілдіктер бойынша Ұлы Отан соғысының мүгедектеріне теңестірілгендер;

3) әскери қызметшілердің (мерзімді қызметтегі әскери қызметшілерден басқасы), ішкі істер органдарының және Қазақстан Республикасының бұрынғы Мемлекеттік тергеу комитетінің басшы және қатардағы құрамдарын арасындағы әскери қызметтегі міндеттерді (қызметтік міндеттерді) атқаруға байланысты емес жазатайым жағдайдың нәтижесінде жараланудан болған мүгедектер, немесе әскери және қызметтік борышты орындауға байланысты емес мүгедек болған мүгедектер;

4) әскери қызметті атқарғанда жаралану, контузия алу, мертігу, ауру салдарынан мүгедек болған әскери қызметшілердің (мерзімді қызметтегі әскери қызметшілер), ішкі істер органдарының және Қазақстан Республикасының бұрынғы Мемлекеттік тергеу комитеті қызметкерлерінің арасындағы мүгедектер;

5) себеп-салдар байланысы анықталған жағдайда төтенше экологиялық жағдайлар салдарынан мүгедек болғандар. Кәсіби ауру немесе еңбек жарақаты салдарынан мүгедек болған қызметкерлер жұмыс берушінің қаражаты есебінен техникалық жүріп тұру құралдарымен (арбалар) қамтамасыз етіледі, егер мүгедектер кәсіби ауруға шалдыққан немесе еңбек жарақатын алған кезде олармен еңбек қатынасында тұрса.

3. Мүгедектерге жүріп тұратын техникалық құралдарын (арбалар) беру жөніндегі құжаттарды ресімдеу мен есепке алуды уәкілетті орган жүргізеді.

2. Қажет құжаттардың тізбесі

4. Жүріп тұратын техникалық құралдарын (арбаларды) тегін алуға құқығы бар адам уәкілетті органға уақытын көрсетіп, арыз береді.

5. Арызға төмендегі құжаттар қоса тіркеледі:

1) халықты әлеуметттік қорғау саласындағы орталық атқарушы органның аумақтық органының мүгедекті арбамен қамтамасыз ету қажеттілігі туралы қорытындысының көшірмесі;

2) халықты әлеуметтік қорғау саласындағы орталық атқарушы органның аумақтық органының мүгедектік тобын белгілеу туралы куәландыру актісінен көшірме. Қажет жағдайда радиациялық ықпалға шалдыққан немесе төтенше экологиялық жағдайдың салдарынан мүгедек деп танылған адамдардың қайтыс болуының, мүгедектігінің, ауруының себеп байланысын анықтау жөніндегі ведомствоаралық сараптау кеңесінің шешімі;

3) тұрғылықты тұратын жерде тіркелгені туралы құжат;

4) жеке куәліктің көшірмесі (16 жасқа дейінгі мүгедектер үшін) баланың тууы туралы куәлігінің көшірмесі.

6. Бұдан басқа төмендегі құжаттар тапсырылады:

1) осы Ереженің 2-тармағының 2) тармақшасында көрсетілген мүгедектердің санаттары үшін: көрсетілген әлеуметтік дәрежені растайтын куәліктің көшірмесі;

2) осы Ереженің 2-тармағының 3), 4) тармақшаларында көрсетілген мүгедектердің санаттары үшін: (әскери қызметшілер үшін) әскери билеттің көшірмесі, ішкі істер органдарында қызмет өткергенін растайтын ішкі істер бөлімдерінің анықтамасы; емдеу мекемесі берген сырқат туралы куәліктің көшірмесі.

7. Мүгедекті жүріп тұратын техникалық құралдарымен (арбалармен) қамтамасыз ету үшін қажет құжаттардың түпнұсқалары және салыстыру үшін көшірмелері уәкілетті органға тапсырылады. Салыстырғаннан кейін құжаттардың түпнұсқалары мүгедекке қайтарылады. Қабылданған арыздар нөмірленіп тігілген тіркеу кітабына реттік нөмірі мен уақыты көрсетіліп тіркеледі. Арызға жорналға сәйкес реттік нөмір мен уақыты жазылады, жауапты адам қол қояды. Уәкілетті органның қызметкерлері құжаттардың көшірмелерін куәландырады және іске ресімдейді.

3. Мүгедекке жүріп тұратын техникалық құралын (арба) беру тәртібі

8. Уәкілетті органның мүгедекке жүріп тұратын техникалық құралын (арба) беру немесе беруден бас тарту туралы шешімі мүгедек барлық қажет құжаттармен бірге арыз бергеннен кейін 10 күн ішінде қабылданады. Арбаны беруден бас тартқан жағдайда уәкілетті орган бұл туралы мүгедекке жазбаша хабарлайды. Уәкілетті органның шешімінің көшірмесі мүгедектің ісінде сақталады.

9. Құжаттардың біреуінің жетіспеуі мүгедекке жүріп тұру құралын (арба) беруден бас тартуға әкеліп соғады.

10. Уәкілетті орган мүгедектерге арбаны берген арыздарының (жорналдағы тіркелген) кезек тәртібімен береді.

11. Уәкілетті орган арбаны бере алмаған жағдайда ақшалай өтемақы төленбейді.

12. Уәкілетті орган мүгедектерге тиісті модификациядағы арбаны халықты әлеуметтік қорғау саласындағы орталық атқарушы органның аумақтық органының қорытындысына сәйкес береді.

13. Вело-кресло-арбалар және қыдыру арбалары төрт жылға пайдалану мерзіміне, үйде жүретін арбалар — бес жылға және кіші қарамды арбалар — бір жарым жылға беріледі.

14. Арбалар мүгедектерге пайдалану мерзім ішінде бір рет ғана беріледі. Уәкілетті органның мүгедектерге тегін беретін арбаларын мерзімінен бұрын айырбастау жүргізілмейді.

15. Арбаны пайдаланғанда жөндеу, босалқы бөлшектерді сатып алу мүгедектің қаражаты есебінен жүзеге асырылады. Мүгедекке көрсетілген шығынға ақшалай өтемақы берілмейді.

16. Мүгедекке арба беру жөніндегі іс қағаздарды уәкілетті орган тиісті жорналда тіркейді.

17. Құжаттарды қасақана бұрыс ресімдегені және арбаны заңсыз бергені үшін кінәлі адам заңнамамен белгіленген тәртіппен жауап береді.

4. Жүріп тұру техникалық құралдары (арбаларды) сатып алу және бөлу тәртібі

18. Арбаларды облыстық еңбек, жұмыспен қамту және халықты әлеуметтік қорғау басқармасы облыстық бюджеттің қаражаты есебінен мемлекеттік сатып алулар туралы заңнамаға сәйкес сатып алады. Арбаларды сатып алу тиісті жылға қаралған қаражат көлемінде 258-57-00 «Жергілікті деңгейдегі мүгедектерді әлеуметтік қолдау» бюджеттік бағдарламаның, 258-57-33 «Техникалық және басқа да құралдармен қамтамасыз ету» кіші бағдарламасы шегінде жүзеге асырылады.

19. Облыстық еңбек, жұмыспен қамту және халықты әлеуметтік қорғау басқармасы техникалық жүріп тұру құралдарын (арбаларды) мүгедектердің тұрғылықты жері бойынша аудандық, қалалық еңбек, жұмыспен қамту және халықты әлеуметтік қорғау басқармаларына арбаларды тегін алуға құқығы бар мүгедектердің арыздарының кезегіне сәйкес бөледі. Техникалық жүріп тұру құралдарын (арбаларды) бөлгенде мүгедектің аты-жөні, тегі, мекен-жайы, арбаның модификациясы көрсетіліп, алыс-беріс актісі жасалады. Аудандық, қалалық еңбек, жұмыспен қамту және халықты әлеуметтік қорғау басқармалары мүгедектердің тұрған жерлеріне арбаны жеткізуді қамтамасыз етеді. Арбаны бергенде мүгедектердің арбаны алғаны туралы, модификацияны және уақытты көрсетіп, жүкқұжат ресімделеді. Жүкқұжат істе сақталады.