Об установлении карантинной зоны с введением карантинного режима Күшін жойған

Карантиндік режимді енгізе отырып, карантиндік аймақты белгілеу туралы «Өсімдіктер карантині туралы» 1999 жылғы 11 ақпандағы Қазақстан Республикасы Заңының 9-1-бабына, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 27-бабына сәйкес, «Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Қостанай облыстық аумақтық инспекциясы» мемлекеттік мекемесінің 2020 жылғы 26 ақпандағы № 2408 ұсынысы негізінде Қостанай облысының әкімдігі ҚАУЛЫ ЕТЕДІ:

1. Осы қаулының қосымшасына сәйкес Қостанай облысының аумағында карантиндік режимді енгізе отырып, карантиндік аймақ белгіленсін.

2. Қостанай облысы әкімдігінің мынадай қаулыларының күші жойылды деп танылсын:

1) «Карантиндік режимді енгізе отырып, карантинді аймақты белгілеу туралы» 2014 жылғы 25 маусымдағы № 286 (2014 жылғы 5 тамызда «Қостанай таңы» газетінде жарияланған, Нормативтік құқықтық актілерді мемлекеттік тіркеу тізілімінде № 4952 болып тіркелген);

2) «Әкімдіктің 2014 жылғы 25 маусымдағы № 286 «Карантиндік режимді енгізе отырып, карантинді аймақты белгілеу туралы» қаулысына өзгеріс енгізу туралы» 2017 жылғы 17 сәуірдегі № 186 (2017 жылғы 24 мамырда Қазақстан Республикасы нормативтік құқықтық актілерінің эталондық бақылау банкінде жарияланған, Нормативтік құқықтық актілерді мемлекеттік тіркеу тізілімінде № 7044 болып тіркелген).

3. «Қостанай облысы әкімдігінің ауыл шаруашылығы және жер қатынастары басқармасы» мемлекеттік мекемесі Қазақстан Республикасының заңнамасында белгіленген тәртіпте:

1) осы қаулының аумақтық әділет органында мемлекеттік тіркелуін;

2) осы қаулыны ресми жарияланғанынан кейін Қостанай облысы әкімдігінің интернет-ресурсында орналастырылуын қамтамасыз етсін.

4. Осы қаулының орындалуын бақылау Қостанай облысы әкімінің жетекшілік ететін орынбасарына жүктелсін.

5. Осы қаулы алғашқы ресми жарияланған күнiнен кейін күнтiзбелiк он күн өткен соң қолданысқа енгiзiледi.

Қостанай облысы әкімдігінің 2020 жылғы 2 наурыздағы № 87 қаулысына қосымша Костанай облысының аумағында карантиндік режим енгізілетін карантиндік аймақ № Аудандар мен қаланың атауы Залалдану алаңы (гектар) Өңдеу алаңы (гектар) 1 Алтынсарин 43 206 790,27 2 Амангелді 9 655 345,652 3 Арқалық қаласы 65 106 447,4307 4 Әулиекөл 51 459 146,792 5 Бейімбет Майлин 23 802 673,862 6 Денисов 68 429 166,893 7 Жангелдин 360 149,3072 8 Жітіқара 16 260 35,4844 9 Қамысты 6 617 26,9 10 Қарабалық 13 349 201,5233 11 Қарасу 131 452,2 589,6014 12 Қостанай 38 604 405,0674 13 Меңдіқара 26 781 63,61 14 Науырзым 24 671,795 738,5653 15 Сарыкөл 44 567 100,277 16 Ұзынкөл 30 220 151,4946 17 Федоров 45 662 590,17 Облыс бойынша барлығы 640 200,995 5622,9003