Об утверждении Правил организации санаторно - курортного лечения участников и инвалидов Великой Отечественной войны Қолданыста

Ұлы Отан соғысының қатысушылары мен мүгедектерін санаториялық-курорттық емдеуді ұйымдастыру Ережесін бекіту туралы Қазақстан Республикасының "Қазақстан Республикасындағы жергілікті мемлекеттік басқару туралы" 2001 жылғы 23 қаңтардағы N 148-II ҚРЗ Заңына , Маңғыстау облыстық мәслихатының "2003 жылға арналған облыстық бюджет туралы" 2002 жылғы 20 желтоқсандағы N 23/233 шешіміне сәйкес және Ұлы Отан соғысының қатысушылары мен мүгедектерін санаториялық-курорттық емдеуді ұйымдастыру мақсатында облыс әкімияты ҚАУЛЫ ЕТЕДІ:

1. Қоса беріліп отырған Ұлы Отан соғысының қатысушылары мен мүгедектерін санаториялық-курорттық емдеуді ұйымдастыру Ережесі бекітілсін.

2. Облыстық еңбек, халықты жұмыспен қамту және әлеуметтік қорғау басқармасы (А.Баужанова) Ұлы Отан соғысының қатысушылары мен мүгедектерін емдеуді ұйымдастыруды қамтамасыз етсін.

3. Облыстық қаржы басқармасы (Ж.С.Сәрсенқұлов) облыстық бюджет қаражаты есебінен осы мақсатқа арналған шығындарды мезгілінде қаржыландыруды қамтамасыз етсін.

4. Осы қаулының орындалысын бақылау облыс әкімінің орынбасары Е.Күмісқалиға жүктелсін.

Қосымша Маңғыстау облысы әкімиятының 2003 жылғы 29 қаңтарда N 4 қаулысымен бекітілген Ұлы Отан соғысының қатысушылары мен мүгедектерін санаториялық-курорттық емдеуді ұйымдастыру Ережесі Осы Ереже Қазақстан Республикасының "Қазақстан Республикасындағы жергілікті мемлекеттік басқару туралы" 2001 жылғы 23 қаңтардағы N 148-11-ҚРЗ Заңына , Маңғыстау облыстық мәслихатының "2003 жылға арналған облыстық бюджет туралы" 2002 жылғы 20 желтоқсандағы N 23/233 шешіміне сәйкес жасалған және Ұлы Отан соғысының қатысушылары мен мүгедектерін санаториялық-курорттық емдеуді ұйымдастыру тәртібін белгілейді.

1. Жалпы ереже

1. Санаториялық-курорттық емдеуді ұйымдастыру облыс көлеміндегі санаторий-профилакторийге жолдама бөлу арқылы жүзеге асырылады.

2. Санаториялық-курорттық жолдама облыста тұратын Ұлы Отан соғысының қатысушылары мен мүгедектеріне бөлінеді.

3. Санаториялық-курорттық жолдамаларды сатып алу облыстық бюджеттік қаражаты есебінен жүзеге асырылады.

4. Ұлы Отан соғысының қатысушылары мен мүгедектерін санаториялық-курорттық емдеуді ұйымдастыруға қаражат жыл сайын облыстық мәслихаттың алдағы жылға арналған облыстық бюджет жөніндегі шешімімен көзделеді.

5. Ұлы Отан соғысының қатысушылары мен мүгедектерін санаториялық-курорттық емдеуді ұйымдастырушы уәкілетті орган болып облыстық еңбек, халықты жұмыспен қамту және әлеуметтік қорғау басқармасы (бұдан әрі- уәкілетті орган) саналады.

6. Қазақстан Республикасының "Мемлекеттік сатып алу туралы" 2002 жылғы 16 мамырдағы N 321-11 ҚРЗ Заңына сәйкес санаториялық-курорттық емдеуді жүргізу үшін санаторий-профилакторийді конкурс өткізу жолымен уәкілетті орган белгілейді.

2. Санаториялық-курорттық жолдама беру тәртібі

7. Санаториялық-курорттық жолдама алу үшін Ұлы Отан соғысының қатысушылары мен мүгедектері уәкілетті органға мынадай құжаттарды тапсырады:

1) Өтініші;

2) жеке куәлігінің көшірмесі;

3) Ұлы Отан соғысының қатысушы немесе мүгедегі куәлігінің көшірмесі;

4) тұратын жерін растайтын құжат;

5) медициналық мекемеден санаториялық-курорттық емделу қажеттігі жөнінде мөрмен куәландырылған анықтама.

8. Өтініштерді тіркеуді тапсырылған құжаттар негізінде уәкілетті орган жүргізеді.

9. Санаторий-профилакторийге жолдама медициналық мекеменің қорытындысы негізінде және тізімдегі кезегіне сәйкес, басқа адамның көмегін және күтімін қажет етпейтін Ұлы Отан соғысының қатысушылары мен мүгедектеріне беріледі.

10. Ардагерлердің өз өтініші бойынша жолдама беруді басқа уақытқа ауыстыруға болады. Жолдаманы алып тұрып, әртүрлі себептермен (қайтыс болуы, науқастанып қалуы, жол жүруі, таға да басқа) пайдалана алмаған жағдайда, жолдама уәкілетті органның ардагерлер мен мүгедектерге қызмет көрсету бөліміне қайтарылады және кезекте тұрған басқа ардагерге беріледі.

11. Жолдамаға уәкілетті орган бастығының қолы қойылады және мөрмен куәландырылады.

3. Санаториялық-курорттық жолдама алуға жұмсалатын шығынды қаржыландыру

12. Уәкілетті орган Ұлы Отан соғысының қатысушылары мен мүгедектерінен түскен өтініштердің есебіне сәйкес қажетті қаржыны бөлу туралы әр айдың 5-жұлдызына дейін санаториялық-курорттық жолдама алу үшін облыстық қаржы басқармасына сұраныс түсіреді.

13. Осы сұраныстың негізінде және қаржыландыру жоспарына сәйкес облыстық қаржы басқармасы ағымдағы айдың 10-жұлдызына дейін 258.51.00.149 бюджеттік классификациясы коды бойынша уәкілетті органның есепшотына санаториялық-курорттық жолдама алу үшін қаржы аударады.

14. Уәкілетті орган бұл қаржыны санаториялық-курорттық жолдама алу үшін санаторий-профилакторийдің есепшотына аударады. Уәкілетті органның қызметкері сенім хат арқылы санаторий-профилакторийден жолдамаларды алып, ардагерлерге бергенге дейін арнаулы сейфте сақтайды.

15. Пайдаланбаған санаториялық-курорттық жолдаманың орнына ақшалай өтемақы төленбейді.

4. Есепке алу және есеп беруді жүргізу

16. Уәкілетті орган ай сайын Ұлы Отан соғысының қатысушылары мен мүгедектерін санаториялық-курорттық емдеуді ұйымдастыру жөніндегі есебін жүргізіп, әр айдың 9-жұлдызынан кешіктірмей облыстық қаржы басқармасына тапсырады.

5. Бақылау

17. Санаториялық-курорттық емдеуге бөлінген қаржының мақсатты жұмсалуына бақылау жүргізуді облыстық қаржы басқармасы жүзеге асырады.