«Об утверждении Правил оказания помощи малообеспеченным семьям (гражданам) на оплату содержания жилища (кроме содержания индивидуального жилого дома) и потребления коммунальных услуг» Күшін жойған

«Қамтылуы аз жанұяларға (азаматтарға) тұрғын үйін ұстау үшін көрсетілетін көмек реті (жеке үйлерді ұстаудан басқа) және коммуналдық қызмет тұтыну туралы» Ережені бекіту туралы 📌 Ескерту. Күші жойылды - Ақмола облысы Есіл аудандық мәслихатының 22.12.2004 № 13/5 шешімімен. Қазақстан Республикасының 2001 жылдың 23 қаңтарындағы № 148-II «Қазақстан Республикасындағы жергілікті мемлекеттік басқару туралы» Заңының 6 бабының, Қазақстан Республикасының 2001 жылдың 30 қаңтарындағы 155-11 «Әкімшілік құқық бұзу туралы» Заңдар жиынтығының 3 бабын негізге ала отырып, Есіл аудандық мәслихаты ШЕШТІ:

1. «Қамтылуы аз жанұяларға (азаматтарға) тұрғын үйін ұстау үшін көрсетілетін көмек реті (жеке үйлерді ұстаудан басқа) және коммуналдық қызмет тұтыну туралы» Ереже бекітілсін (қосымша 1).

2. Осы шешім аумақтық заң органында мемлекеттік тіркеуден өткеннен кейін күшіне енеді.

3. Осы шешімнің шығуына байланысты 2002 жылдың 26 тамызындағы «Тұрмыстық жәрдемақы тағайындау және төлеу туралы» № 20/7 шешім күшін жойды деп танылсын.

4. Осы шешім заң орнында мемлекеттік тіркеуден өткеннен кейін аудандық басылымда жарияланатын болсын.

Ақмола облысы Есіл аудандық мәслихатының 2003 жылғы 9 қаңтардағы № 23/10 шешімінің 1 қосымшасы Аз қамтамасыз етілген отбасыларына азаматтарға тұрғын үйді ұстауға (жеке тұрғын үйден басқа) және коммуналдық қызметті пайдалануға көмек көрсету ережесі

1. Жалпы қағидалар

1. Тұрғын үй көмегі аз қамтамасыз етілген отбасыларына (азаматтарға) үй-жайын (жеке тұрғын үйді ұстаудан басқа) ұстауға және коммуналдық қызметті пайдалануға кететін ақының есесін қайтару үшін, сонымен қатар мемлекеттік тұрғын үй қорынан жалға алғанда көрсетіледі. Тұрғын үй көмегі Қазақстан Республикасының 1999 жылғы 16 қарашадағы № 477-1 «Қазақстан Республикасының халықты әлеуметтік қорғау мәселелері жөніндегі кейбір заңнама актілеріне өзгертулер енгізу туралы» Заңымен қарастырылған және әлеуметтік қорғаудың бір түріне жатады.

2. Тұрғын үйлік көмек ауданда тұрақты тұратын және жеке меншік иесі немесе жалға алушы кісілерді, егер үйді ұстауға төленетін ақы (жеке тұрғын үйден басқа) жіне коммуналдық қызметті пайдалану отбасының жиынтық табысының белгіленген мөлшерінен 30 % асқанда беріледі.

3. Өтем шарасымен қамтамасыз етілетін үй көлемі мөлшері, Қазақстан Республикасының 1997 жылғы 16 сәуірдегі № 94-1 «Тұрғын үй қатынастары туралы» Заңымен белгіленген, отбасының әр мүшесіне тиісті мөлшерге балама. Аудан тұрғындарын қамтамасыз ететін коммуналдық қызметті (сумен, газбен жабдықтау, канализация, электрмен жабдықтау, жылумен жабдықтау) пайдалану нормативі, Қазақстан Республикасының заңнамаларына сәйкес белгіленеді.

4. Жеке меншігінде бірден артық үй-жайы (жеке пәтері, үйі) бар немесе тұрғын үй жайын жалға немесе жалдауға берушілер тұрғын-үй көмегі алу құқығынан айырылады. Отбасыларында тұрғын үй көмегін алу, егер оларда жұмыс істей алатын кісілер бола тұра, жұмыс істемесе, оқу оқымаса және жұмыспен қамту орталығында тіркеуде тұрмаса, тек мына кісілерден, мүгедектерді күтушілер, күтім қажет деп тапқан жағдайда, немесе 3 жасқа дейінгі бала тәрбиесімен отырғандардан басқаларының құқығы болмайды. Табысы жоқ отбасыларынан басқаға, өтініш берген мезгілде коммуналдық қызметтің ақысынан қарызы болса, ондай отбасыларына тұрғын үй көмегі тағайындалмайды.

5. Тұрғын үй көмегі арыз берген айдан бастап 6 айға тағайындалады. Тұрғын үй көмегін алушыларды қайта тіркеу алғашқы іс тәртібін жасағанмен сәйкес.

6. Үй-жайды ұстау және коммуналдық қызмет ақысы тарифіне өзгеріс енгенде, аудандық еңбек және халықты әлеуметтік қорғау бөлімі бұрынғы тағайындалған тұрғын үй көмегіне қайта есептеу жасайды.

7. Тұрғын үй көмегін алушылар 10 күн ішінде тұрғын үй көмегінің бөлімін, өз үй жайындағы меншік түрлеріне енген өзгерістер жайлы, отбасы құрамы жайлы, отбасының жиынтық табысы жайлы, сонымен қатар көмектіжаңылыс есептеген жағдайда хабарлап отыруы тиіс.

2. Тұрғын үй көмегін тағайындау

8. Тұрғын үйлік көмек аудандық еңбек және халықты әлеуметтік қорғау бөлімі арқылы үйдің жеке меншік иесінің (жалға алушының) арызы негізінде тағайындалады және мына төмендегі құжаттар қоса тапсырылады:

1) отбасы құрамы туралы анықтама;

2) өтініш жасаған кездің алдындағы тоқсандағы отбасының барлық мүшелерінің табысы туралы анықтама;

3) қозғалмайтын мүлік орталығынан тіркелген жеке меншік туралы анықтама;

4) сатып алу немесе жекешелендіру туралы шарт;

9. Ұсынған құжаттардың нәтижесі бойынша аудандық еңбек және халықты әлеуметтік қорғау бөлім тұрғын үйлік көмек тағайындау жөнінде шешім қабылдайды және тұрғын үйлік көмек көрсетуге 2 дана шарт жасайды және онан біреуі үй иесіне (алға алушыға) беріледі.

10. Тұрғын үй көмегінің мөлшері жалға алушының (меншік иесінің) үй жайды ұстау және коммуналдық қызметті пайдалану нормасы шегіне кететін, өтем шамасымен қамтамасыз етілетін және осы отбасының бұл мақсаттарға жұмсайтын шектелген шығын деңгейінде нақты төлем ақы арасындағы айырмасы ретінде есептеледі.

3. Тұрғын үй көмегін қаржыландыру көзі.

11. Тұрғын үй көмегі аудандық бюджет қаражаты есебінен көрсетіледі.

12. Тұрғын үй көмегі ақшалай қаражат түрінде алушының есеп шотына қабылдау жолымен іске асырылады.

4. Тұрғын үй көмегінің дұрыс тағайындалуы және төленуіне бақылау жасау.

13. Тұрғын үй көмегінің дұрыс тағайындалуы және төленуіне бақылау жасау сирек дегенде жылына бір рет аудандық қаражат органы арқылы жүзеге асырылады.