О создании государственного учреждения "Капиталнефтегаз" Министерства энергетики и минеральных ресурсов Республики Казахстан Қолданыста

Қазақстан Республикасы Энертетика және минералдық ресурстар министрлігінің "Мұнай-газ капиталы" мемлекеттiк мекемесiн құру туралы Оны иелену мен пайдалану құқықтары мұнай-газ жобалары бойынша мердiгерлерге берілуi тиiс мемлекеттiк мүлiктiң бухгалтерлiк есебiн жүргiзудi және мұнай-газ операциялары бойынша шығындар өтелгеннен кейiн мердiгерлер мемлекетке беретiн мүлiктi есепке алуды қамтамасыз ету мақсатында Қазақстан Республикасының Үкiметi қаулы етеді:

1. Астана қаласында орналасатын Қазақстан Республикасы Энергетика және минералдық ресурстар министрлiгiнiң "Мұнай-газ капиталы" мемлекеттiк мекемесi (бұдан әрi - Мекеме) құрылсын.

2. Қазақстан Республикасының Энергетика және минералдық ресурстар министрлiгi заңнамада белгiленген тәртiппен:

1) Мекеменің жарғысын бекiтсiн және оның Қазақстан Республикасының әдiлет органдарында мемлекеттiк тiркелуiн қамтамасыз етсiн;

2) осы қаулыны iске асыру жөнiнде өзге де шараларды қабылдасын.

3. Қазақстан Республикасы Үкiметiнiң кейбiр шешiмдерiне мынадай өзгерiс пен толықтырулар енгiзілсiн:

1) "Қарашығанақ мұнай-газ конденсаты кен орны бойынша өнiмдi бөлу туралы түпкiлiктi келiсiмнің кейбiр мәселелерi туралы" Қазақстан Республикасы Үкiметiнiң 1997 жылғы 14 қарашадағы N 1568 қаулысы 4-тармағының 1) және 3) тармақшалары алынып тасталсын;

2) Күші жойылды - ҚР Үкіметінің 2004.06.01. N 604 қаулысымен;

3) Күші жойылды - ҚР Үкіметінің 2004.10.28. N 1105 қаулысымен.

4. Осы қаулы қол қойылған күнiнен бастап күшiне енедi.