Об утверждении Положения о городской бюджетной комиссии Күшін жойған

Қалалық бюджет комиссиясы туралы Ережені бекіту туралы 📌 Ескерту. Күші жойылды - Шығыс Қазақстан облысы Өскемен қаласы әкімдігінің 2005 жылғы 10 ақпандағы № 16 қаулысымен. Қазақстан Республикасының 1999 жылғы 1 сәуірдегі "Бюджет жүйесі туралы" Заңының 6-4-баптарына, Қазақстан Республикасының 2001 жылғы 23 қаңтардағы "Қазақстан Республикасында жергілікті мемлекеттік басқару туралы" Заңының 31-бабы 1-тармағының 17-тармақшасына сәйкес және Шығыс Қазақстан облысы Әкімиятының 2002 жылғы 6 мамырындағы № 145 "Облыстық бюджет комиссиясы туралы Ережені бекіту туралы" қаулысының негізінде, Өскемен қаласының Әкімияты ҚАУЛЫ ЕТЕДІ:

1. Қалалық бюджет комиссиясы туралы Ереже 1 қосымшаға сәйкес бекітілсін.

2. Әкімияттың 2002 жылғы 18 маусымындағы № 1073 "Қалалық бюджет комиссиясы туралы Ережені бекіту туралы" қаулысының күші жойылған деп есептелінсін.

Өскемен қаласы әкімдігінің 2003 жылғы 17 ақпандағы № 204 № 1 қосымша Қалалық бюджеттік комиссия туралы Ереже

1. Жалпы ережелер

1) Осы ереже қаржы жылына арналған қала бюджетін қалыптастыру бойынша бюджеттік комиссиясының қызметін реттейді.

2) Комиссияның құқықтық негізін Қазақстан Республикасының Конституциясы мен Заңдары, Қазақстан Республикасының құқықтық кесімдері, сондай-ақ осы Ереже қалайды.

2. Комиссияның міндеттері

1) Сәйкес қаржылық жылына бюджет жобасын әзірлеу мен қала бюджетінің үш жылдық мерзімге арналған негізгі болжамды көрсеткіштерін анықтау.

3. Комиссияның қызметі Комиссия өзіне жүктеген міндеттер мен заңнамамен қойылған тәртіпке сәйкес келесі қызметтерді атқарады:

1) қаланың әлеуметтік-экономикалық дамуының индикативті жоспарының негізінде өкілетті орган әзірлеген материалдарды қарастырып, келесіні анықтайды: алдағы үш жыл мерзіміне қала бюджетінің болжамдық көрсеткіштерін; қаланың әлеуметтік-экономикалық дамуының индикативті жоспарының негізінде алдағы жылға бюджет қаражатын пайдалануының басымды бағыттарының тізбесін; алдағы қаражаттық жылына секвестрлеуге жатпайтын жергілікті бюджет бағдарламаларының тізбесін;

2) осы тармақтың 1) тармақшасында көрсетілген қала бюджетінің болжамдық көрсеткіштерін ескере отырып, алдағы жыл мен үш жылдық мерзіміне қала бюджетінің болжамдық көрсеткіштерін қарастырып анықтайды: кіріс классификациясы бойынша қалалық бюджетке түсімдер; қалалық бюджеттің тапшылығын (профицитін); ағымдағы жылда жергілікті бюджеттен іс жүзіне асатын инвестициялық жобаларын қаржыландыру көлемі мен тізбесі; ағымдағы жыл басына құрылған қалалық бюджеттен қаржыландырылатын мемлекеттік мекемелерінің кредиторлық қарыздарын өтеу көлемі; Қазақстан Республикасының қаржы министрлігі белгілеген үлгі бойынша қалалық бюджет қаржысын пайдалануының басым бағыттарын, қаланың индикативті жоспарының негізінде құрылған жергілікті бюджет бағдарламалары әкімшіліктерінің бюджеттік өтінімдерінің аумақтық экономикалық және әлеуметтік көркейту бағдарламаларын; қалалық бағдарламаның әкімшілігіне қарасты дамыту бюджет бағдарламалары мен ағымдағы бюджет бағдарламалары үшін шығыс лимиті;

3) болжам көрсеткіштері бойынша қаланың өкілетті органы мен жергілікті атқару органдары арасында келіспеушілікті реттейді;

4) қалалық бюджет жобасына енгізу үшін қалалық бюджет бағдарламаларының әкімшілігі ұсынған бюджет бағдарламалары бойынша белгіленген үлгіге қарасты әзірленген негіздеу жөнінде шешім шығарады;

5) қала әкімінің қарастыруына алдағы қаржылық жылға өкілетті органның енгізу туралы қалалық бюджет жобасының ұсыныстарын әзірлейді;

6) өз құзыреті шегінде өкілетті орган енгізетін басқа да сұрақтарды қарастырады.

4. Комиссияның құқықтары Өзінің міндеттеріне сәйкес комиссия құқылы:

1) атқарушы және басқа да мемлекеттік мекемелер мен ұйымдармен әрекеттесуге, сондай-ақ комиссия міндеттерін іске асыру үшін жұмысқа мамандар мен сараптаушыларды тартуға;

2) өзінің құзыреттілігіне енетін сұрақтар бойынша ұсыныстар енгізуге және шешімдер қабылдауға;

3) комиссия міндеттерін жүзеге асыру үшін қажетті материалдарды мемлекеттік және басқа да ұйымдардан заңнамамен белгіленген тәртіпте сұрап және алуына;

4) комиссия міндеттерін жүзеге асыруға байланысты сұрақтар бойынша мемлекеттік органдар мен ұйымдардың бірінші басшыларының комиссия отырысына шақыруға және тыңдауға.

5. Комиссияның құрылуы мен қалыптасу қимылдарының тәртібі

1) Комиссия қала әкімдігімен құрылады. Комиссия құрамына кіретіндер: қала әкімдігінің мүшелері; қалалық мәслихаттың депутаттары (келісім бойынша); мемлекеттік органдарының бірінші басшылары және (немесе) олардың орынбасарлары.

2) Комиссия органдары:

а) жұмыс органы;

б) комиссия төрағасы;

в) комиссия төрағасының орынбасары;

г) хатшы.

3) Комиссия отырыстары арасындағы мерзімінде оның қызметін ұйымдастыру сұрақтарын комиссияның жұмыс органы шешеді.

4) Комиссия төрағасы оның қызметіне басшылық етеді, жұмысын жоспарлайды, отырыстарда төрағалық етеді, шешімдерін жүзеге асыру бойынша жалпы бақылау жасайды, комиссия атқаратын қызметке жауапкершілікті жүзеге асырады. Комиссия төрағасының жоқ болған кезінде оның функциясын орынбасары орындайды.

5) Комиссия хатшысы комиссияның күн тәртібі бойынша ұсыныстарды, керекті құжаттар мен материалдарды, отырыстардан кейін хаттамаларды ресімдейді.

6) Комиссияның жоспар тізбесі Қазақстан Республикасының Үкіметі бекіткен республикалық және жергілікті бюджет жобаларын әзірлеу Тәртіптеріне сәйкес белгіленеді.

7) Комиссиясының шешімдері ашық дауыс беру арқылы, сондай-ақ комиссия мүшелерін сұрау арқылы қабылданады және көпшілік дауыс берген жағдайда қабылданады деп саналады. Дауыстар тең болған жағдайда комиссия төрағасының шешімі қабылданды деп есептеледі.

8) Комиссия отырысының күн тәртібінің әр сұрақтары бойынша қабылданған шешімінің қорытындысы хаттамаларға енгізіліп, төраға мен хатшының қолы қойылады.

9) Комиссияның шешімдері міндетті түрде барлық мемлекеттік органдардың қарастыруы мен белгіленген уақытта атқарылуына жатады.

10) Комиссияның жұмыс органының қызметі Өскемен қаласының қаржы бөліміне жүктеледі.

11) Жұмыс органының қызметтеріне отырыстарда қарастырылатын сұрақтарды әзірлеуі мен қала бюджетін қалыптастыруына қарасты құжаттарды әзірлеуі, сондай-ақ заңнамаға сәйкес қалалық бюджетті орындау жатады.

6. Комиссия іс-әрекетінің тоқтатылуы

1) Комиссия іс-әрекетінің тоқтатылуы үшін мыналар негіз болып табылады: оның іс-әрекетін тоқтату туралы Өскемен қаласы әкімдігінің қаулысы, комиссияға жүктелген міндеттер, және басқа да заңнамамен қарастырылған жағдайлар.

2) Осы ереженің 6 тармағында көрсетілген міндеттемелер басталғанда, комиссияның атқарған жұмысы туралы қала әкіміне есеп-хат жіберіледі. Қала әкімінің аппарат жетекшісі Г. Богатикова