Об организации социальных рабочих мест для трудоустройства безработных из целевых групп населения Күшін жойған

Халықтың нысаналы топтарының жұмыссыздарын жұмысқа орналастыру үшiн әлеуметтiк жұмыс орындарын ұйымдастыру туралы 📌 Ескерту. Күші жойылды - Қостанай облысы Қостанай қаласы әкімдігінің 25.02.2004 № 207 қаулысымен. Қазақстан Республикасының «Қазақстан Республикасындағы жергiлiктi мемлекеттiк басқару туралы» Заңының 31-бабына және Қостанай облысы әкiмиятының 2003 жылғы 8 қаңтардағы № 15 «Қостанай облысы әкiмиятының 2002 жылғы 2 мамырдағы № 102 «әлеуметтiк жұмыс орындарын ұйымдастыру және қаржыландыру ережесi туралы» қаулысына өзгертулер енгiзу туралы» қаулысына (тiркеу нөмiрi 1510, «Қостанай таңы» 2003 жылғы 29 қаңтардағы) сәйкес Қостанай қаласының әкiмияты ҚАУЛЫ ЕТЕДI:

1. Әлеуметтiк жұмыс орындарын ұйымдастыру және қаржыландыру ережесi бекiтiлсiн (1-қосымша).

2. Халықтың нысаналы топтарына кiретiн жұмыссыздарды жұмысқа орналастыру үшiн әлеуметтiк жұмыс орындарын беретiн ұйымдардың тiзбесi бекiтiлсiн (2-қосымша).

3. Қостанай қаласы әкiмиятының 2002 жылғы 25 шiлдедегi № 513 «Жұмыссыздарды жұмысқа орналастыру үшiн әлеуметтiк жұмыс орындарын беретiн ұйымдардың тiзбесiн бекiту туралы» қаулысының (тiркеу нөмiрi 1670, «Қостанай» 2002 жылғы 20 тамыздағы) және Қостанай қаласы әкiмиятының 2002 жылғы 17 қыркүйектегi № 654 «Қостанай қаласы әкiмиятының 2002 жылғы 25 шiлдедегi № 513 «Жұмыссыздарды жұмысқа орналастыру үшiн әлеуметтiк жұмыс орындарын беретiн ұйымдардың тiзбесiн бекiту туралы» қаулысына толықтырулар енгiзу туралы» қаулысының (тiркеу нөмiрi 1756, «Қостанай» 2002 жылғы 1 қазандағы) күшi жойылды деп есептелсiн.

4. Осы қаулының орындалуына бақылау жасау Қостанай қаласы әкiмiнiң орынбасарына В.А. Полешкоға жүктелсiн.

5. Осы қаулы 2003 жылдың 1 ақпаннан қолдануға енгiзiледi.

Қостанай қаласы әкiмиятының 2003 жылғы 11 ақпандағы № 119 қаулысына 1-қосымша Әлеуметтiк жұмыс орындарын ұйымдастыру және қаржыландыру ережесi

1. Жалпы ережелер

1. Осы ереже халықтың нысаналы топтарының жұмыссыздарын жұмысқа орналастыру үшiн әлеуметтiк жұмыс орындарын ұйымдастыру және қаржыландыру тәртiбiн анықтайды, әлеуметтiк жұмыс орындарын беретiн немесе қызметкерлердiң еңбегiне ақы төлеудi қаржыландыру тек ғана жергiлiктi бюджет қаражаты есебiнен жүзеге асырылатын ұйымдардан басқа ұйымдармен есеп айырысу жүйесi мен негiзгi талаптарды реттейдi.

2. Осы ережеде пайдаланылатын негiзгi ұйымдар:

1) әлеуметтiк жұмыс орны - жұмыс берушiлердiң жұмысқа қабылдаған қызметкерлерге еңбекақы төлеген шығынын қалалық бюджет қаражаты есебiнен iшiнара өтеп, халықтың нысаналы топтарының iшiндегi жұмыссыз азаматтарды жұмысқа орналастыру үшiн жұмыс берушiлердiң жазбаша келiсiмiмен берiлетiн жұмыс орны;

2) нысаналы топтар жұмысқа орналасуда қиындық көрiп жүрген және әлеуметтiк қорғауды қажет ететiн адамдар ретiнде «Халықты жұмыспен қамту туралы» Заңмен белгiленген адамдар топтары.

3. Әлеуметтiк жұмыс орындарына жұмысқа - орналастырылған жұмыссыздарға Қазақстан Республикасының еңбек, зейнетақымен қамтамасыз ету және қамсыздандыру туралы заңнамалары тарайды.

4. Жұмыспен қамту мәселелерi жөнiндегi уәкiлеттi орган халықтың нысаналы топтарының жұмыссыздарына әлеуметтiк жұмыс орындарына орналасуға жәрдемдеседi.

2. Әлеуметтiк жұмыс орындарына жұмысқа орналастыру және ұйымдастыру тәртiбi

5. Әлеуметтiк жұмыс орындары жұмысқа қабылданған жұмыссыздарға еңбекақы шығынын қалалық бюджет қаражаты есебiнен iшiнара өтеумен өз қаражатынан қаржыландырылып, жұмыс берушiлермен анықталады немесе құрылады.

6. «Қалалық еңбек, жұмыспен қамту және халықты әлеуметтiк қорғау басқармасы» мемлекеттiк мекемесi жұмыс берушiлермен әлеуметтік жұмыс орындарына қабылданған халықтың нысаналы топтарының жұмыссыздарына еңбекақы шығынына ішінара өтемді төлеуге қызмет көрсету жөнiнде шарт жасасады.

7. Жұмыссыздарды әлеуметтiк жұмыс орындарына жұмысқа орналастыруды және олардың еңбегiне ақы төлеуге белгiленген бюджет қаражатын тиiмдi пайдалануды қамтамасыз ету мақсатында қала әкiмияты жұмыс берушiлердiң жазбаша келiсiмiмен халықтың нысаналы топтарының жұмыссыздарын жұмысқа орналастыру үшiн әлеуметтiк жұмыс орындарын құрған немесе берген ұйымдардың тiзiмiн анықтайды.

8. Жұмыссыздарды әлеуметтiк жұмыс орындарына жұмысқа орналастыру қалалық еңбек, жұмыспен қамту және халықты әлеуметтiк қорғау басқармасымен жүзеге асырылады.

9. Әлеуметтiк жұмыс орындарына жұмысқа орналасуда нысаналы топтарға кiретiн күнкөрiстерi төмен жұмыссыздар басымдық құқыққа ие.

3. Әлеуметтiк жұмыс орындарын қаржыландыру талаптары және көздерi

10. Әлеуметтiк жұмыс орындарына жұмысқа қабылданған жұмыссыздарға еңбекақы төлеу жеке еңбек шартының талаптарына сәйкес және орындалған жұмыстың күрделiлiгi мен сапасына, санына байланысты жұмыс берушiмен ай сайын жүзеге асырылады.

11. Әлеуметтiк жұмыс орындарына жұмысқа орналастырылған жұмыссыздардың еңбек ақысына төленген жұмыс берушiлердiң шығыны қалалық бюджеттен ең төменгi жалақының 50 пайыз көлемiнде алты айға дейiнгi мерзiмде өтеледi.

12. Бюджет қаражатын аудару жөнiндегi есеп айырысу жұмыс берушiнiң есеп шотына жүргiзiледi.

13. Әлеуметтiк жұмыс орындарына жұмысқа орналастырылған жұмыссыздарға қалалық бюджет қаражатынан төленетiн еңбекақыға заңнама белгiлеген тәртiппен салық салынады.

14. Жұмыс берушiлер еңбекақыға төлеген шығынын қалалық бюджеттен қайтару үшiн қалалық еңбек, жұмыспен қамту және халықты әлеуметтiк қорғау басқармасына ай сайын жұмысқа қабылдаған бұйрықтың көшiрмесiн, жұмыс уақытының есеп табелiн, еңбекақы есептеу тiзбесiн, орындалған жұмыстың кесiмiн берiп отырады. Әлеуметтiк жұмысқа қатысушы жұмыссыздарға жалақы нақтылы iстелген жұмыс үшiн төленедi.

15. Жұмыс берушiлер қалалық бюджеттен түскен ақшаны әлеуметтiк жұмыс орындарына қабылданған жұмыссыздарға еңбекақыға шыққан шығындарын өтеуге пайдаланады.

4. Әлеуметтiк жұмыс орындарын ұйымдастыру және қаржыландыру тәртiбiн бақылау

16. Әлеуметтiк жұмыс орындарын ұйымдастыру және қаржыландыру ережесiн сақтауға бақылау жасауды заңнамада белгiленген тәртiппен мемлекеттiк органдар жүзеге асырады.

Қостанай қаласы әкiмиятының 2003 жылғы 11 ақпандағы № 119 қаулысына 2-қосымша Халықтың нысаналы топтарына кіретін жұмыссыздарды жұмысқа орналастыру үшін әлеуметтік жұмыс орындарын беретін ұйымдардың тізбесі N Ұйымдардың атауы Мекен-жай 1 2 3 1 «Қостанай электржелілері компаниясы» мемлекеттік коммуналдық кәсіпорын Қостанай қаласы, Әл-Фараби көшесі, 115 2 «Мәдениет және демалыс саябағы» мемлекеттік коммуналдық кәсіпорын Қостанай қаласы, А/я № 9 3 «Теркомсоюз» мемлекеттік коммуналдық кәсіпорын Қостанай қаласы, Чкалов көшесі, 7-2 4 «Қостанайгаз» мемлекеттік коммуналдық кәсіпорын Қостанай қаласы, Алтынсарин көшесі, 130 5 «Большевичка» ашық акционерлік қоғамы Қостанай қаласы, Әл-Фараби көшесі, 117 6 «Дорожник» жауапкершілігі шектеулі серіктестік Қостанай қаласы, Чехов көшесі, 105А 7 «Жан» жауапкершілігі шектеулі серіктестік Қостанай қаласы, Толстой көшесі, 51 8 «Уют-К» пәтер иелерінің кооперативі Қостанай қаласы, 9-13-117