Об установлении дифференцируемого тарифа на регулярные автомобильные перевозки пассажиров и багажа в городском (сельском) сообщениях Күшін жойған

Жолаушылар мен багажды қалалық (ауылдық) қатынастарда автомобильмен тұрақты тасымалдауға сараланатын тарифтi белгiлеу туралы «Автомобиль көлiгi туралы» Қазақстан Республикасының 2003 жылғы 4 шiлдедегi Заңының 19-бабына, «Құқықтық актілер туралы» Қазақстан Республикасының 2016 жылғы 6 сәуірдегі Заңының 50-бабына сәйкес Қызылорда қаласының әкiмдiгi ҚАУЛЫ ЕТЕДI:

1. Жолаушылар мен багажды қалалық (ауылдық) қатынастарда автомобильмен тұрақты тасымалдауға сараланатын тариф келесi мөлшерде белгiленсiн: жол ақысын ұялы байланыс операторының көрсетiлетiн қызметтерi арқылы немесе электрондық жол жүру картасы арқылы қолма-қол ақшасыз төлеу кезiнде - 85 (сексен бес) теңге; жол ақысын қолма-қол ақшамен төлеу кезiнде - 90 (тоқсан) теңге.

2. «Жолаушылар мен багажды қалалық (ауылдық) қатынастарда автомобильмен тұрақты тасымалдауға сараланатын тарифті белгілеу туралы» Қызылорда қаласы әкiмдiгiнiң 2020 жылғы 25 маусымдағы №15619 қаулысының (нормативтiк құқықтық актiлердi мемлекеттiк тiркеу Тiзiлiмiнде 7539 нөмірімен тiркелген, Қазақстан Республикасының нормативтiк құқықтық актiлердiң эталонды бақылау банкiсiнде 2020 жылғы 1 шілдеде жарияланған) күшi жойылды деп танылсын.

3. Осы қаулының орындалуын бақылау жетекшілік ететін Қызылорда қаласы әкімінің орынбасарына жүктелсін.

4. Осы қаулы алғашқы ресми жарияланған күнiнен бастап қолданысқа енгiзiледi. «КЕЛІСІЛДІ» «Қызылорда қалалық мәслихатының аппараты» мемлекеттік мекемесімен