О повышении размеров пенсий, установленных для пенсионеров органов внутренних дел Республики Казахстан Күшін жойған

Қазақстан Республикасы Iшкi iстер органдарының зейнеткерлерi үшiн белгiленген зейнетақы мөлшерiн арттыру туралы 📌 Ескерту. Күші жойылды - ҚР Үкіметінің 25.12.1996 № 1620 қаулысымен. Қазақстан Республикасы iшкi iстер органдарының зейнеткерлерiн әлеуметтiк қорғауды күшейту мақсатында Қазақстан Республикасы Министрлер Кабинетi қаулы етедi:

1. Қазақстан Республикасы Министрлер Кабинетiнiң "Қазақстан Республикасы iшкi iстер органдарының жеке адам құрамының ақшалай қамтамасыз етiлуiн арттыру туралы" 1992 жылғы 3 шiлдедегi N 581 қаулысына сәйкес белгiленген ақшалай үлестiң орташа деңгейiне сүйенiп, iшкi iстер органдарының қатардағы және басшы құрамы мен олардың отбасы мүшелерiне бұрын тағайындалған зейнетақы мөлшерi 1992 жылғы 1 тамыздан бастап арттырылсын.

2. Қазақстан Республикасының Қаржы министрлiгi аталған санаттағы адамдарға және олардың отбасы мүшелерiне зейнетақыны арттырылған мөлшерде төлеудi қамтамасыз ету үшiн қосымша қаржы бөлсiн.