Об организации движения транспортных средств в период весеннего паводка Күшін жойған

Көктемгі су тасқыны кезінде көлік қозғалысын ұйымдастыру туралы 📌 Ескерту. Күші жойылды - Ақмола облысы әкімдігінің 15.03.2004 № а-3/79 қаулысымен. Қазақстан Республикасының «Қазақстан Республикасындағы жергілікті мемлекеттік басқару туралы», «Автомобиль жолдары туралы» Заңдарына, Қазақстан Республикасы Үкіметінің 1998 жылғы 5 қыркүйектегі №845 «Жол шаруашылығын құқықтық қамтамасыз етуді жетілдіру туралы» Қаулысына сәйкес және жердің жібуі кезінде жалпы қолданыстағы автомобиль жолдары мен жол қондырғыларының сақталуын қамтамасыз ету мақсаттарында облыс әкімдігі қаулы етеді:

1. Облыстық сәулет, құрылыс, тұрғын үй-коммуналдық және жол шаруашылығы басқармасы 20003 жылдың 27 наурызынан 15 мамырына дейін жергілікті маңызды, қиыршықтас, қара және асфальт-бетон төселген жолдарда осіне түсетін салмағы 6 тоннадан асатын шынжыр табанды және доңғалақты тракторлар және тіркемелі К-700, Т-150 тракторлар жалпы қолданыстағы жолдармен жүруін шектеу бойынша шаралар қолдансын.

2. Құрылыс, өнеркәсіп, көлік және басқа да мүдделі кәсіпорындарға, қандай меншік түріне жататындығына қарамастан, көктемде жер жібігенге дейін қажетті жүктерін, әсіресе ауыр салмақты және ірі габариттілерін ертерек тасып алу ұсынылсын.

3. Көлік бақылау басқармасы, жол полициясы, Ақмола облыстық автомобиль жолдары басқармасы белгіленген шектеулердің сақталуы мен уақытша жал белгілері орнатылуына бақылауды қамтамасыз етсін.

4. Осы қаулы бұқаралық ақпарат құралдарында жариялансын.

5. Осы қаулының орындалуын бақылау облыс әкімінің орынбасары А.Сейітжановқа жүктелсін.

6. Облыс әкімдігінің 2002 жылғы 12 наурыздағы №а-3/26 қаулысының күші жойылсын.