Об утверждении Правил закупа услуг по хранению и транспортировке лека… — 11.08.2026

Басқа 0

Бірыңғай дистрибьютордың тегін медициналық көмектің кепілдік берілген көлемі, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттар мен медициналық бұйымдарды сақтау және тасымалдау жөніндегі көрсетілетін қызметтерді, дәрілік заттар мен медициналық бұйымдарды есепке алу және өткізу жөніндегі көрсетілетін қызметтерді сатып алу қағидаларын бекіту және Қазақстан Республикасы Үкіметінің кейбір шешімдерінің күші жойылды деп тану туралы Халық денсаулығы және денсаулық сақтау жүйесі туралы» Қазақстан Республикасының Кодексі 6-бабының 4) тармақшасына сәйкес Қазақстан Республикасының Үкіметі ҚАУЛЫ ЕТЕДІ:

Тармақ 1

1. Қоса беріліп отырған Бірыңғай дистрибьютордың тегін медициналық көмектің кепілдік берілген көлемі, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттар мен медициналық бұйымдарды сақтау және тасымалдау жөніндегі көрсетілетін қызметтерді, дәрілік заттар мен медициналық бұйымдарды есепке алу және өткізу жөніндегі көрсетілетін қызметтерді сатып алу қағидалары бекітілсін.

Тармақ 2

2. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.

Тармақ 3

3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Басқа 1. Бірыңғай дистрибьютордың тегін медициналық көмектің кепілдік берілген көлемі, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттар мен медициналық бұйымдарды сақтау және тасымалдау жөніндегі көрсетілетін қызметтерді, дәрілік заттар мен медициналық бұйымдарды есепке алу және өткізу жөніндегі көрсе

Қазақстан Республикасы Үкіметінің 2021 жылғы « » № қаулысымен бекітілген Бірыңғай дистрибьютордың тегін медициналық көмектің кепілдік берілген көлемі, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттар мен медициналық бұйымдарды сақтау және тасымалдау жөніндегі көрсетілетін қызметтерді, дәрілік заттар мен медициналық бұйымдарды есепке алу және өткізу жөніндегі көрсетілетін қызметтерді сатып алу қағидалары

Тарау 1. 1-тарау. Жалпы ережелер

1-тарау. Жалпы ережелер

Тармақ 1

1. Осы Бірыңғай дистрибьютордың тегін медициналық көмектің кепілдік берілген көлемі, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттар мен медициналық бұйымдарды сақтау және тасымалдау жөніндегі көрсетілетін қызметтерді, дәрілік заттар мен медициналық бұйымдарды есепке алу және өткізу жөніндегі көрсетілетін қызметтерді сатып алу қағидалары (бұдан әрі – Қағидалар) «Халық денсаулығы және денсаулық сақтау жүйесі туралы» Қазақстан Республикасының Кодексі (бұдан әрі – Кодекс) 6-бабының 4) тармақшасына сәйкес әзірленді және бірыңғай дистрибьютордың тегін медициналық көмектің кепілдік берілген көлемі (бұдан әрі – ТМККК), қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру (бұдан әрі – МӘМС) жүйесінде дәрілік заттар мен медициналық бұйымдарды сақтау және тасымалдау жөніндегі көрсетілетін қызметтерді, есепке алу және өткізу жөніндегі көрсетілетін қызметтерді сатып алуды ұйымдастыру және өткізу тәртібін айқындайды.

Тармақ 2

2. Осы Қағидаларда мынадай ұғымдар пайдаланылады:

Тармақша 1

1) аукцион – сатып алудың автоматты веб-порталы арқылы автоматты түрде ең төменгі баға бойынша сатып алу жеңімпазын айқындау мақсатында бір лот бойынша бәсекелес болып табылатын әлеуетті өнім берушілердің бағаларын салыстыру;

Тармақша 2

2) әлеуетті өнім беруші – кәсіпкерлік қызметті жүзеге асыратын жеке тұлға не осы Қағидаларға сәйкес дәрілік заттар мен медициналық бұйымдарды сақтау және тасымалдау бойынша ұзақ мерзімді шарт және (немесе) шарт жасасуға үміткер заңды тұлға;

Тармақша 3

3) әлеуетті өнім берушінің үлестес тұлғасы – шешiмдерді айқындауға және (немесе) әлеуеттi өнiм берушi қабылдайтын шешiмдерге, оның iшiнде жазбаша нысанда жасалған мәмiлеге байланысты тікелей және (немесе) жанама ықпал етуге құқығы бар жеке немесе заңды тұлға, сондай-ақ өзiне қатысты осы әлеуеттi өнiм берушiнiң осындай құқығы болатын жеке немесе заңды тұлға;

Тармақша 4

4) баға ұсынысы – уәкілетті орган бекіткен нысан бойынша әлеуетті өнім беруші ұсынған, сақтаудың температуралық режимі бөлінісінде айына бір паллета-орынның, автокөліктің жүк көтергіштігі санатына қарай бір километр үшін жүк автокөлігімен тасымалдаудың тиеу-түсіру жұмыстары үшін 1 (бір) норма-сағаттың, тауарды сақтандырудың бағаларын қамтитын коммерциялық ұсыныс;

Тармақша 5

5) бәсекелес лот – екі және одан көп әлеуетті өнім беруші қатысатын лот;

Тармақша 6

6) бәсекелес емес лот – бір ғана әлеуетті өнім беруші қатысатын лот;

Тармақша 7

7) бөлу орталығы – Астана, Алматы, Ақтөбе немесе Шымкент қалаларының немесе олардың агломерацияларының аумағындағы қызмет көрсетілетін өңірлерде тауарды қабылдау, сақтау, бөлу, тасымалдау үшін пайдаланылатын және сонымен қатар өзі орналасқан әкімшілік-аумақтық бірліктің аумағында операциялық қойма функциясын орындайтын дәріханалық қойма;

Тармақша 8

8) бірыңғай дистрибьютор – Кодекстің 247-бабына сәйкес қызметін ТМККК және (немесе) МӘМС шеңберінде жүзеге асыратын заңды тұлға;

Тармақша 9

9) бірыңғай дистрибьютордың үлестес тұлғасы – бірыңғай дистрибьютор шешiмдерін тікелей және (немесе) жанама айқындайтын және (немесе) ол қабылдайтын шешiмдерге, оның ішінде шартқа байланысты ықпал ететін (ұсынылған өкілеттіліктер шеңберінде оның қызметін реттеуді жүзеге асыратын мемлекеттік органдарды қоспағанда) тұлға, сондай-ақ өзіне қатысты бірыңғай дистрибьютордың осындай құқығы бар кез келген тұлға;

Тармақша 10

10) веб-портал – осы Қағидаларға сәйкес дәрілік заттар мен медициналық бұйымдарды сақтау және тасымалдау, есепке алу және өткізу жөніндегі көрсетілетін қызметтерді сатып алудың электрондық көрсетілетін қызметтеріне бірыңғай қол жеткізу нүктесін беретін ақпараттық жүйе;

Тармақша 11

11) дәрілік заттар мен медициналық бұйымдарды, көрсетілетін қызметтерді денсаулық сақтау субъектілерінен сатып алу саласындағы бірыңғай оператор (бұдан әрі – бірыңғай оператор) – мемлекеттік сатып алу саласындағы уәкілетті органмен келісу бойынша уәкілетті орган айқындайтын заңды тұлға;

Тармақша 12

12) дәрілік заттарды, медициналық бұйымдарды есепке алу және өткізу жөніндегі көрсетілетін қызмет – өнім беруші көрсететін халықты дәрілік заттармен, медициналық бұйымдармен қамтамасыз етумен байланысты, оларды есепке алуды, халыққа өткізуді қамтамасыз ететін қызмет;

Тармақша 13

13) дәрілік заттарды, медициналық бұйымдарды сақтау және тасымалдау жөніндегі көрсетілетін қызмет – шарт немесе ұзақ мерзімді шарт талаптарына сәйкес бірыңғай дистрибьюторға өнім беруші көрсететін қызмет;

Тармақша 14

14) дәрілік заттар мен медициналық бұйымдарды сақтау және тасымалдау жөніндегі ұзақ мерзімді шарт (бұдан әрі – ұзақ мерзімді шарт) – тиісті дистрибьюторлық практика (GDP) талаптарына сәйкес келетін Қазақстан Республикасының резиденті – дәрілік заттар мен медициналық бұйымдардың айналысы саласындағы субъектімен бірыңғай дистрибьютор жасасатын қызметтер көрсетудің азаматтық-құқықтық шарты;

Тармақша 15

15) денсаулық сақтау саласындағы уәкілетті орган (бұдан әрі – уәкілетті орган) – Қазақстан Республикасы азаматтарының денсаулығын сақтау, медицина және фармацевтика ғылымы, медициналық және фармацевтикалық білім беру, халықтың санитариялық-эпидемиологиялық саламаттылығы, дәрілік заттар мен медициналық бұйымдардың айналысы, медициналық қызметтер (көмек) көрсету сапасы саласындағы басшылықты және салааралық үйлестіруді жүзеге асыратын орталық атқарушы орган;

Тармақша 16

16) конкурстық өтінім – әлеуетті өнім берушінің осы Қағидаларға сәйкес көрсетілетін қызметтерді сатып алуға қатысуға ұсынысы;

Тармақша 17

17) қызмет көрсету өңірі – мынадай топтарға біріктірілген әкімшілік-аумақтық бірліктер: бөлу орталығы Астана қаласындағы Солтүстік Қазақстан, Қостанай, Ақмола, Қарағанды, Павлодар және Ұлытау облыстары; бөлу орталығы Алматы қаласындағы Алматы, Шығыс Қазақстан, Абай және Жетісу облыстары; бөлу орталығы Шымкент қаласындағы Түркістан, Қызылорда, Жамбыл облыстары; бөлу орталығы Ақтөбе қаласындағы Атырау, Ақтөбе, Батыс Қазақстан, Маңғыстау облыстары;

Тармақша 18

18) операциялық қойма – өзі орналасқан облыстың аумағында тауарды қабылдау, сақтау және тасымалдау үшін пайдаланылатыноблыс орталығының немесе оның агломерациясының аумағындағы дәріханалық қойма;

Тармақша 19

19) өнім беруші – кәсіпкерлік қызметті жүзеге асыратын жеке тұлға немесе осы Қағидаларға сәйкес бірыңғай дистрибьютормен ұзақ мерзімді шарт немесе шарт жасасқан заңды тұлға;

Тармақша 20

20) паллета-орын – бір паллетаны сақтаудың көрсетілетін қызметі үшін есептік бірлік, мұндағы паллета – жүктерді жинау, сақтау, қайта тиеу және тасымалдау үшін негіз ретінде пайдаланылатын, қатты алаңы және ірілендірілген жүк бірлігін құру үшін жеткілікті орны бар, мөлшері 800 мм де 1200 мм тасымалдайтын ыдыс;

Тармақша 21

21) сақтау және тасымалдау жөніндегі көрсетілетін қызметтің бағасы – осы Қағидаларда айқындалған тәртіппен көрсетілетін қызметті сатып алу нәтижесі бойынша белгіленген, бірыңғай дистрибьютордың үстеме бағасы есебінен төленетін көрсетілетін қызметтің құны;

Тармақша 22

22) сатып алу – бірыңғай дистрибьютордың осы Қағидаларда белгіленген тәртіппен және тәсілдермен ТМККК, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен және (немесе) МӘМС жүйесінде медициналық көмектің қосымша көлемі шеңберінде дәрілік заттарды, медициналық бұйымдарды, сақтау және тасымалдау, сондай-ақ есепке алу және өткізу жөніндегі көрсетілетін қызметтерді сатып алуы;

Тармақша 23

23) тауар – дәрілік заттар, медициналық бұйымдар;

Тармақша 24

24) тауарды сақтау және тасымалдау бойынша көрсетілетін қызметтің алдын ала құны – көрсетілетін қызметті сатып алу үшін тиісті қаржы жылына бөлінген, бірыңғай дистрибьютор қажеттілік көлемін және қызмет көрсету өңірі бөлінісінде баға ұсынысының орташа өлшенген мәнін ескере отырып қалыптастыратын сома;

Тармақша 25

25) шарт – уәкілетті орган бекіткен нысан бойынша бірыңғай дистрибьютор өнім берушімен жасасатын қызметтер көрсетудің азаматтық-құқықтық шарты;

Тармақша 26

26) электрондық құжат – ақпарат электрондық-цифрлық нысанда берілген және электрондық цифрлық қолтаңба арқылы куәландырылған құжат;

Тармақша 27

27) электрондық цифрлық қолтаңба – электрондық цифрлық қолтаңба құралдарымен жасалған және электрондық құжаттың анықтығын, оның тиесілілігін және мазмұнының өзгермейтіндігін растайтын электрондық цифрлық нышандар жиынтығы.

Тармақ 3

3. Көрсетілетін қызметтерді сатып алу мынадай:

Тармақша 1

1) сатып алу үшін пайдаланылатын ақшаны оңтайлы және тиімді жұмсау;

Тармақша 2

2) әлеуетті өнім берушілерге сатып алуды өткізу рәсіміне қатысу үшін тең мүмкіндіктер беру;

Тармақша 3

3) әлеуетті өнім берушілер арасындағы әділетті бәсекелестік;

Тармақша 4

4) сатып алу процесінің жариялылығы мен ашықтығы;

Тармақша 5

5) Қазақстан Республикасының халқын қауіпсіз, тиімді және сапалы дәрілік заттармен, медициналық бұйымдармен үздіксіз қамтамасыз ету қағидаттары сақтала отырып жүргізіледі.

Тармақ 4

4. Бірыңғай дистрибьютор көрсетілетін қызметтерді сатып алуды мынадай:

Тармақша 1

1) конкурс (осы Қағидаларда көзделген жағдайларда қайталама конкурс);

Тармақша 2

2) бір көзден сатып алу тәсілдерінің бірімен жүзеге асырады.

Тармақ 5

5. Тауарларды сақтау және тасымалдау жөніндегі көрсетілетін қызметтерді сатып алу кезінде бірыңғай дистрибьютор бір лот үшін:

Тармақша 1

1) операциялық қойма арқылы тауарларды сақтау және тасымалдау жөніндегі көрсетілетін қызметтерді сатып алу кезіндегі әкімшілік-аумақтық бірлікті (облысты);

Тармақша 2

2) бөлу орталығы арқылы тауарларды сақтау және тасымалдау жөніндегі қызметтерді сатып алу кезінде қызмет көрсету өңірін айқындайды.

Тармақ 6

6. Бөлу орталығы қызмет көрсету өңірінде тауарларды сақтау және тасымалдау жөніндегі қызметтерді көрсетеді, сондай-ақ әкімшілік-аумақтық бірлікте (облыс, республикалық маңызы бар қала, астана) орналасқан жері бойынша операциялық қойманың функциясын атқарады. Егер тауарларды сақтау және тасымалдау жөніндегі көрсетілетін қызметтерді операциялық қойма арқылы сатып алу өткізілмеді деп танылса, бөлу орталығы қызмет көрсетілетін өңірдің осындай әкімшілік-аумақтық бірлігінде (облыста) немесе қызмет көрсетілетін тұтас өңірде тауарларды сақтау және тасымалдау жөніндегі қызметтерді көрсетеді.

Тармақ 7

7. Тауарларды есепке алу және өткізу жөніндегі көрсетілетін қызметтерді сатып алу кезінде бірыңғай дистрибьютор бір лот үшін әкімшілік-аумақтық бірлікті (облыс, республикалық маңызы бар қала және астана) айқындайды.

Тармақ 8

8. Бірлесіп орындаушыларды (қосалқы мердігерлерді) сақтау және тасымалдау жөніндегі көрсетілетін қызметтерді сатып алу кезінде ғана тартуға жол берілмейді. Тауарларды есепке алу және өткізу бойынша көрсетілетін қызметтерді сатып алуға қатысу үшін қосалқы мердігерлерді (бірлесіп орындаушыларды) тартуды көздейтін әлеуетті өнім беруші бірыңғай дистрибьюторға тартылатын қосалқы мердігерлердің (бірлесіп орындаушылардың) осы Қағидаларда белгіленген біліктілік талаптарына сәйкестігін растайтын құжаттарды ұсынады.

Тарау 2. 2-тарау. Әлеуетті өнім берушіге қойылатын біліктілік талаптары

2-тарау. Әлеуетті өнім берушіге қойылатын біліктілік талаптары

Тармақ 9

9. Көрсетілетін қызметтердің әлеуетті өнім берушілеріне мынадай біліктілік талаптары қойылады:

Тармақша 1

1) құқық қабілеттілігі (заңды тұлғалар үшін), азаматтық әрекет қабілеттілігі (кәсіпкерлік қызметті жүзеге асыратын жеке тұлғалар үшін);

Тармақша 2

2) сатып алынатын қызметтерді көрсету үшін тиісті фармацевтикалық қызметті жүзеге асыруға құқық қабілеттілігі;

Тармақша 3

3) жалпы артық төлемді ескере отырып, салық берешегінің, міндетті зейнетақы жарналары, міндетті кәсіптік зейнетақы жарналары, әлеуметтік аударымдар және міндетті әлеуметтік медициналық сақтандыруға аударымдар және (немесе) жарналар бойынша берешегінің болмауы;

Тармақша 4

4) банкроттық, таратылу рәсімдеріне жатпауы немесе қызметінің Қазақстан Республикасының заңнамалық актілеріне сәйкес тоқтатылмауы;

Тармақша 5

5) Осы Қағидалардың 11-тармағында көзделген шектеулердің болмауы.

Тармақ 10

10. Бірыңғай дистрибьютордың әлеуетті өнім берушіге осы Қағидаларда көзделмеген біліктілік талаптарын қоюына жол берілмейді.

Тармақ 11

11. Бірыңғай дистрибьютор қызметкерлерінің, сондай-ақ үлестес тұлғаларының осы Қағидалармен реттеліп көрсетілетін қызметтерді сатып алуды жүзеге асыру кезінде әлеуетті өнім берушілер ретінде қатысуына жол берілмейді. Әлеуетті өнім берушінің және оның үлестес тұлғасының бір лот бойынша конкурсқа қатысушы ретінде әрекет етуіне жол берілмейді. Егер:

Тармақша 1

1) әлеуетті өнім берушінің бірінші басшыларының және (немесе) әлеуетті өнім берушінің уәкілетті өкілінің жақын туыстары, жұбайы (зайыбы) немесе жекжаттары өнім берушіні таңдау туралы шешім қабылдау құқығына ие болса не өткізілетін сатып алуда бірыңғай дистрибьютордың қызметкері болып табылса;

Тармақша 2

2) Қазақстан Республикасының заңнамасына немесе Қазақстан Республикасының бейрезиденті-әлеуетті өнім беруші мемлекетінің заңнамасына сәйкес әлеуетті өнім берушінің және (немесе) ол тартатын қосалқы мердігердің (бірлесіп орындаушының) қызметі тоқтатыла тұрса, әлеуетті өнім беруші сатып алуға қатыспайды.

Тарау 3. 3-тарау. Конкурсты өткізу тәртібі

3-тарау. Конкурсты өткізу тәртібі

Тармақ 12

12. Конкурс өткізу туралы хабарландыру бірыңғай дистрибьютор шешім қабылдаған күннен бастап 3 (үш) жұмыс күні ішінде конкурстық өтінімдерді ашу күніне дейін кемінде 10 (он) жұмыс күні бұрын, ал қайталама конкурс өткізілген кезде кемінде 5 (бес) жұмыс күні бұрын мемлекеттік және орыс тілдерінде веб-порталда жарияланады.

Тармақ 13

13. Веб-порталдағы конкурс мынадай жүйелі кезеңдердің жиынтығы болып табылады:

Тармақша 1

1) конкурстық комиссия хатшысының көрсетілетін қызметті конкурс тәсілімен сатып алу туралы хабарландыруды орналастыруы;

Тармақша 2

2) әлеуетті өнім берушілердің осы Қағидаларға сәйкес өтінімдерді және конкурстық өтінімнің кепілдігін қамтамасыз етуді ұсынуы;

Тармақша 3

3) веб-порталдың конкурстық өтінімдерді автоматты түрде ашуы, ашу хаттамасын жариялауы;

Тармақша 4

4) конкурстық комиссияның конкурстық өтінімдерді қарауы және олардың хабарландырудың шарттарына және осы Қағидалардың талаптарына сәйкестігі тұрғысынан дауыс беруі;

Тармақша 5

5) конкурстық комиссия хатшысының алдын ала рұқсат хаттамасын жариялауы;

Тармақша 6

6) әлеуетті өнім берушілердің конкурстық өтінімдерге толықтыруларды ұсынуы;

Тармақша 7

7) конкурстық комиссияның конкурстық өтінімдерге толықтыруларды қарауы және олардың хабарландырудың шарттарына және осы Қағидалардың талаптарына сәйкестігі тұрғысынан дауыс беруі;

Тармақша 8

8) конкурстық комиссия хатшысының рұқсат хаттамасын жариялауы;

Тармақша 9

9) бәсекелес лоттар бойынша аукцион;

Тармақша 10

10) веб-порталдың қорытындылар хаттамасын автоматты түрде жариялауы;

Тармақша 11

11) бірыңғай дистрибьютор мен конкурс жеңімпаздарының электрондық цифрлық қолтаңбаның көмегімен веб-порталда ұзақ мерзімді шарт жасасуы.

Тармақ 14

14. Конкурс өткізу туралы хабарландыруда мыналар қамтылады:

Тармақша 1

1) бірыңғай дистрибьютордың атауы мен мекенжайы;

Тармақша 2

2) бірыңғай дистрибьютордың банктік деректемелері;

Тармақша 3

3) конкурстың атауы;

Тармақша 4

4) лот бойынша: қызмет көрсетілетін орны мен мерзімі, әрбір лот бойынша қызмет көрсетумен байланысты тауардың атауы және көлемдері көрсетілген қызметтердің атауы;

Тармақша 5

5) сақтау және тасымалдау жөніндегі көрсетілетін қызметтерді сатып алған кезінде арнайы температуралық режимі бар және арнайы температуралық режимі жоқ паллета-орындардың жоспарлы саны, тауарды тасымалдау үшін километрмен өлшенетін болжамды арақашықтық, лот бойынша тиеп-түсіру жұмыстары үшін норма-сағаттардың болжамды саны, денсаулық сақтау субъектілерінің тізбесі және мекенжайлары;

Тармақша 6

6) өтінімдерді қабылдау аяқталатын күні мен уақыты;

Тармақша 7

7) ұзақ мерзімді шарттың жобасы;

Тармақша 8

8) әрбір лот бойынша көрсетілетін қызметті сатып алу үшін бөлінген тауарды сақтау және тасымалдау жөніндегі көрсетілетін қызметтің алдын ала құны.

Тармақ 15

15. Конкурс үшін бірыңғай дистрибьютор комиссия құрамын бекітеді және комиссия мүшесі болып табылмайтын комиссия хатшысын айқындайды. Конкурстық комиссия мүшелерінің жалпы саны тақ санды құрайды, бірақ бес адамнан кем болмайды.

Тармақ 16

16. Комиссия құрамына бірыңғай дистрибьютордың қызметкерлері, денсаулық сақтау саласындағы уәкілетті органның қызметкері немесе қызметкерлері (келісу бойынша) және «Атамекен» Қазақстан Республикасының ұлттық кәсіпкерлер палатасының өкілдері (келісу бойынша) енгізіледі.

Тармақ 17

17. Комиссия оның құрамын бекіту туралы шешім күшіне енген күннен бастап рұқсат хаттамасы жарияланғанға дейін әрекет етеді.

Тармақ 18

18. Бірыңғай дистрибьютордың жұмыскері комиссия хатшысы болып айқындалады, ол мыналарды уақтылы қамтамасыз етеді:

Тармақша 1

1) конкурс өтетіні туралы хабарландыруды веб-порталда жариялау;

Тармақша 2

2) комиссияның дауыс беру қорытындылары бойынша алдын ала рұқсат беру, танысу үшін рұқсат беру хаттамаларының жобасын жасау, ал комиссия мүшелерінің біреуінің талап етуі бойынша – веб-порталда дауыс беруді қайта бастау;

Тармақша 3

3) алдын ала рұқсат беру, рұқсат хаттамаларын веб-порталда жариялау;

Тармақша 4

4) комиссия мүшесінің болмауын растайтын ұсынылған құжаттың (бар болса) электрондық көшірмесін веб-порталда орналастыру;

Тармақша 5

5) жалпы немесе лоттың біреуі бойынша конкурс өткізілмейтіні туралы немесе жарамсыз деп тану туралы шешім қабылданған кезде оның көшірмесін орналастыра отырып, веб-порталда оны өткізбеу;

Тармақша 6

6) ұзақ мерзімді шарт жасасу үшін конкурстың қорытындысы туралы хабардар ету.

Тармақ 19

19. Әлеуетті өнім беруші веб-порталда тіркеледі және уәкілетті орган бекіткен нысан бойынша өтінімге қажетті құжаттарды тіркеу немесе оларды веб- порталда көзделген нысандар бойынша толтыру жолымен өтінім береді.

Тармақ 20

20. Әлеуетті өнім берушінің конкурсқа қатысуға арналған өтінімінде мыналар (электрондық көшірмелері) қамтылады:

Тармақша 1

1) әлеуетті өнім берушінің атқарушы органының, директорлар кеңесінің, байқау кеңесінің шешімдер қабылдауына ықпалы бар қатысушылары немесе акционерлері, олардың ЖСН немесе БСН туралы веб-порталда көзделген нысан бойынша үзінді көшірме;

Тармақша 2

2) Қазақстан Республикасының ақпараттандыру туралы заңнамасына сәйкес мемлекеттік органдардың ақпараттық жүйелерінен алынған салық төлеушінің салық берешегінің, міндетті зейнетақы жарналары, міндетті кәсіптік зейнетақы жарналары, әлеуметтік аударымдар және міндетті әлеуметтік медициналық сақтандыруға аударымдар және (немесе) жарналар бойынша берешегінің жоқ (бар) екені туралы мәліметтер;

Тармақша 3

3) фармацевтикалық қызметке: дәрілік заттарды көтерме немесе бөлшек саудада өткізуге рұқсат және (немесе) медициналық бұйымдарды көтерме немесе бөлшек саудада өткізу бойынша қызметті бастау немесе тоқтату туралы хабарлама, ал денсаулық сақтау саласында есірткі мен прекурсорларды сақтауға, тасымалдауға және (немесе) өткізуге байланысты қызмет көрсеткен жағдайда бөлу орталығының қызметі көрсетілуге тиіс әкімшілік-аумақтық бірліктің аумағында денсаулық сақтау саласында есірткі, психотроптық заттар мен прекурсорлардың айналымына байланысты қызметке рұқсат;

Тармақша 4

4) бірлесіп орындаушы тартылған жағдайда сатып алу туралы хабарландыруға сәйкес қызмет көрсетудің толық кезеңінде қызметтің бір бөлігін көрсету туралы онымен жасасқан шарт және бірлесіп орындаушының осы Қағидалардың және хабарландырудың талаптарына сәйкестігін растайтын құжаттар;

Тармақша 5

5) уәкілетті орган бекіткен және веб-порталда орналастырылған нысан бойынша баға ұсынысы. Бұл ретте әлеуетті өнім берушінің ішкі санаттар бойынша баға ұсынысы пропорционалды түрде жасалады және санаттар бойынша және (немесе) жалпы хабарландыру лоты бойынша баға ұсынысынан аспайды;

Тармақша 6

6) өтінімді кепілдікті қамтамасыз ету.

Тармақ 21

21. Дәрілік заттар мен медициналық бұйымдарды сақтау және тасымалдау жөніндегі қызметтерді көрсетуге арналған конкурстық өтінім лот бойынша қосымша мыналардан (электрондық көшірмелері) тұрады:

Тармақша 1

1) өтінім ашылатын күнге дейін берілгеніне күнтізбелік бір ай өтпеген, «электрондық үкімет» веб-порталынан алынған дәріханалық қоймаға тіркелген құқықтар туралы анықтама;

Тармақша 2

2) дәріханалық қоймаға техникалық құжат;

Тармақша 3

3) тиісті дистрибьюторлық практика туралы сертификат (GDP);

Тармақша 4

4) реттелетін температуралық режимді сақтау мүмкіндігі бар, жүк көтеру қабілетінің санаты әртүрлі автокөлік құралдарының бар екенін растайтын құжат. Автокөлік құралдарының жүк көтеру қабілетінің санаттары: қоса алғанда 1,5 тоннаға дейін– 1-санат, қоса алғанда 5 тоннаға дейін– 2-санат, қоса алғанда 10 тоннаға дейін– 3-санат, 10 тоннадан астам – 4-санат.

Тарау 4. 4-тарау. Өтінімнің мазмұны, оны ұсыну және кері қайтару

4-тарау. Өтінімнің мазмұны, оны ұсыну және кері қайтару

Тармақ 19

Тармақ 22

22. Веб-портал әлеуетті өнім берушіге автоматты түрде:

Тармақша 1

1) хабарландырудағы лот бағасынан жоғары бағаны ұсынуға;

Тармақша 2

2) өтінімді ашқаннан кейін оны кері қайтаруға;

Тармақша 3

3) хабарландыруда көзделген мерзім өткеннен кейін өтінімді беруге мүмкіндік бермейді.

Тармақ 23

23. Конкурстық өтінім веб-портал әлеуетті өнім берушіге хабарлама жіберген сәтте берілген болып есептеледі, ол әлеуетті өнім берушінің қалауы бойынша оны ашу сәтіне дейін өзгертіледі немесе кері қайтарып алынады.

Тармақ 24

24. Комиссия әлеуетті өнім берушінің конкурстық өтініміне ескертулер берген кезде әлеуетті өнім беруші өзінің конкурстық өтінімін жетіспейтін құжаттармен алдын ала рұқсат хаттамасы жарияланған күннен бастап 3 (үш) жұмыс күні ішінде, қайталама конкурс өткізген кезде 2 (екі) жұмыс күні ішінде толықтырады не толықтырмайды және оның өтінімі кері қайтарылады.

Тармақ 25

25. Өтінімге толықтыруларды ашу конкурстық өтінімдерге толықтыруларды ұсыну мерзімі өткеннен кейінгі келесі күні бірыңғай дистрибьютордың жұмыс күні 10 сағат 00 минутта жүргізіледі.

Тарау 5. 5-тарау. Өтінімнің кепілдігін қамтамасыз ету

5-тарау. Өтінімнің кепілдігін қамтамасыз ету

Тармақ 26

26. Өтінімнің кепілдігін қамтамасыз ету әрбір лотқа жеке енгізіледі және есепке алу мен өткізу жөніндегі көрсетілетін қызметтерді сатып алу кезінде хабарландырудағы лот сомасынан кемінде (1) бір пайызды, сақтау және тасымалдау жөніндегі көрсетілетін қызметтерді сатып алу кезінде (3) үш пайызды құрайды.

Тармақ 27

27. Әлеуетті өнім беруші конкурсқа қатысуға арналған өтінімнің кепілдігін қамтамасыз етуді мынадай нысандардың бірінде ұсынады:

Тармақша 1

1) төлемнің мақсатында тиісті лоттың нөмірі көрсетіліп, өтінімге төлем тапсырмасының көшірмесі қоса берілген, бірыңғай дистрибьютордың банктік шотына ақшалай жарна;

Тармақша 2

2) банктің уәкілетті тұлғаларының электрондық цифрлық қолтаңбаларының көмегімен банк тікелей веб-порталда беретін, веб-порталда көзделген нысан бойынша электрондық банк кепілдігі;

Тармақша 3

3) конкурстық комиссияның хатшысына өтінімдерді ашқаннан кейін және рұқсат хаттамасын қалыптастырғанға дейін банк кепілдіктері журналында тіркеу үшін ұсынылатын, веб-порталда көзделген нысан бойынша қағаз жеткізгіштегі банк кепілдігі. Бұл ретте банк кепілдігінің электрондық көшірмесін әлеуетті өнім беруші веб-порталдағы конкурстық өтініміне қоса береді.

Тармақ 28

28. Өтінімнің кепілдігін қамтамасыз ету төтенше жағдай қолданыста болған кезеңде енгізілмейді.

Тармақ 29

29. Конкурстық өтінімнің, сондай-ақ оның кепілдігін қамтамасыз етудің қолданылу мерзімі кемінде күнтізбелік 45 (қырық бес) күнді құрайды. Әлеуетті өнім беруші өтінімінің кепілдігін қамтамасыз етудің қолданылу мерзімі рұқсат хаттамасына немесе қорытындыларға сәйкес оны қабылдамаған не сатып алу жеңімпазы жасалған ұзақ мерзімді шарт бойынша міндеттемелердің орындалуын қамтамасыз ету шараларын уақтылы ұсынған сәтте өтеді.

Тармақ 30

30. Кепілдікті қамтамасыз ету:

Тармақша 1

1) әлеуетті өнім берушінің өтінімі қабылданбаған;

Тармақша 2

2) жеңімпаз конкурс нәтижелері бойынша жасалған ұзақ мерзімді шарт міндеттемелерінің орындалуын қамтамасыз ету шарасын уақтылы ұсынған;

Тармақша 3

3) конкурстың немесе жеке лотты сатып алу тоқтатылған;

Тармақша 4

4) конкурс немесе жеке лотты сатып алу жарамсыз деп танылған;

Тармақша 5

5) тұлға енгізілсе, бірақ конкурсқа қатыспаған;

Тармақша 6

6) төтенше жағдайлар жарияланған жағдайларда қайтарылады.

Тармақ 31

31. Әлеуетті өнім берушінің өтінімі қабылданбаған жағдайда:

Тармақша 1

1) веб-портал автоматты түрде әлеуетті өнім беруші мен бірыңғай дистрибьюторға веб-порталда көзделген нысан бойынша ақшаны қайтару туралы хабарлама жібереді, ал бірыңғай дистрибьютор (5) бес жұмыс күні ішінде әлеуетті өнім берушінің банктік шотына ақша аудару арқылы ақшалай жарнаны қайтарады;

Тармақша 2

2) веб-портал электрондық банк кепілдігін берген банкке және әлеуетті өнім берушіге веб-порталда көзделген нысан бойынша оның қолданылуының тоқтатылғаны туралы автоматты түрде хабарлама жібереді.

Тармақша 3

3) бірыңғай дистрибьютор әлеуетті өнім берушінің өкіліне банк кепілдігін қайтаруды қағаз жеткізгіште қолма-қол, сенімхаттың және жеке басын куәландыратын құжаттың негізінде қайтарады.

Тармақ 32

32. Әлеуетті өнім беруші өтінімінің қабылданбауы себебінен кепілдікті қамтамасыз етуді қайтару мерзімі тиісті лот бойынша өтінімді қабылдамау туралы шешім көзделген қорытынды хаттамасы жарияланған күннен кейінгі күннен бастап есептеледі.

Тармақ 33

33. Егер:

Тармақша 1

1) жеңімпаз ұзақ мерзімді шарт жасасудан бас тартса немесе жалтарса;

Тармақша 2

2) жеңімпаз ұзақ мерзімді шарт бойынша міндеттемелердің орындалуын қамтамасыз ету шарасын ұсынбаса;

Тармақша 3

3) әлеуетті өнім берушінің біліктілік талаптарына немесе көрсетілетін қызметке қойылатын талаптарға сәйкестігі туралы дәйексіз ақпарат ұсынылса, осы Қағидаларда көзделген мерзімдер бұзылса, кепілдікті қамтамасыз ету ұстап қалынады.

Тармақ 34

34. Бірыңғай дистрибьютор:

Тармақша 1

1) ақшалай жарна түріндегі өтінімнің кепілдігін қамтамасыз етуді ұстап қалған жағдайда – жеңімпазға веб-портал арқылы веб-порталда көзделген нысан бойынша ақшаның ұсталғаны туралы хабарлама жібереді;

Тармақша 2

2) электрондық банк кепілдігі түріндегі өтінімнің кепілдігін қамтамасыз етуді ұстап қалған жағдайда – банкке және конкурс жеңімпазына (мәлімет ретінде) веб-портал арқылы веб-порталда көзделген нысан бойынша оны төлеу туралы талапты жібереді;

Тармақша 3

3) қағаз жеткізгіштегі банк кепілдігі түріндегі өтінімнің кепілдігін қамтамасыз етуді ұстап қалған жағдайда – банкке және конкурс жеңімпазына (мәлімет ретінде) тапсырысты пошта хабарламасы арқылы оны төлеу туралы талапты жібереді. Банк кепілдігін төлеу туралы талап банкке оны ұстап қалудың негізі туындаған күннен бастап 20 (жиырма) банк күні ішінде қойылады.

Тарау 6. 6-тарау. Веб-порталда дауыс беру және өтінімдерді қарау тәртібі

6-тарау. Веб-порталда дауыс беру және өтінімдерді қарау тәртібі

Тармақ 35

35. Комиссия мүшелері конкурс жарияланғанға дейін веб-порталда тіркеледі, мұнда өтінімдерді қарайды, әлеуетті өнім берушінің конкурстық өтінімінің жіберілуіне немесе қабылданбауына дауыс береді.

Тармақ 36

36. Комиссия мүшелері әлеуетті өнім берушінің конкурстық өтінімінің біліктілік талаптарына және көрсетілетін қызметтерге қойылатын талаптарға сәйкестігі туралы шешімдерді қабылдаған кезде әлеуетті өнім берушінің веб-порталдағы парақшасындағы, өтінімдегі құжаттарды, сондай-ақ басқа да ашық ақпарат көздеріндегі: «электрондық үкіметтің» www.elicense.kz, «Жоғарғы соттың» www.office.sud.kz ақпараттық жүйелеріндегі және өзге де қолжетімді дереккөздердегі ақпаратты қарайды.

Тармақ 37

37. Комиссияның шешімі ашық дауыс беру арқылы қабылданады және егер оған қатысып отырған Комиссия мүшелерінің жалпы санының көпшілігі дауыс берсе, қабылданды деп есептеледі. Дауыстар тең болған жағдайда комиссия төрағасы дауыс берген шешім қабылданды деп есептеледі.

Тармақ 38

38. Өтінімдер болмаған жағдайда веб-портал автоматты түрде және бір мезгілде ашу және қорытындылар хаттамаларын жариялайды.

Тармақ 39

39. Өтінімдерді қабылдау мерзімі өткеннен кейін веб-портал оларды қарау үшін қолжетімді етеді және ашу хаттамасын оның нөмірін, жариялау уақыты мен мәртебесін көрсетіп, автоматты түрде жариялайды, онда мыналар қамтылады:

Тармақша 1

1) конкурстың нөмірі мен атауы;

Тармақша 2

2) бірыңғай дистрибьютордың атауы, БСН және заңды мекенжайы;

Тармақша 3

3) хабарландырудағы лоттардың тізбесі;

Тармақша 4

4) әлеуетті өнім берушілердің атауы (тегі, аты, әкесінің аты (бар болса), БСН (ЖСН), заңды мекенжайлары, өтінімдерді ұсыну уақыты мен күні;

Тармақша 5

5) өтінімдер ұсынылмаған лоттар;

Тармақша 6

6) баға ұсыныстары көрсетілген, өтінімдерді ұсынған әлеуетті өнім берушілердің лоттары мен атаулары.

Тармақ 40

40. Веб-порталда әлеуетті өнім берушілердің конкурстық өтінімдері лот бойынша бәсекелестер үшін ашық және қолжетімді болып табылады және жеті жұмыс күні ішінде, ал қайталама конкурс кезінде бес жұмыс күні ішінде комиссияның қарауына жатады.

Тармақ 41

41. Конкурстық өтінімдерді қарау мерзімінің аяқталуына қарай комиссия хатшысының бастамасы бойынша веб-портал комиссия мүшелерінің дауыс беруі негізінде алдын ала рұқсат немесе рұқсат хаттамасының жобасын автоматты түрде қалыптастырады, онымен танысқаннан кейін комиссия оған қол қояды не комиссия хатшысы дауыс бермегендерді қоспағанда, барлық комиссия мүшелері дауыс беру хаттамасына қол қойғанға дейін қабылданған шешімдерді түзету үшін (қажет болған кезде) дауыс беруді қайта бастайды.

Тармақ 42

42. Комиссия мүшелері алдын ала рұқсат немесе рұқсат хаттамасының жобасымен танысқан соң әлеуетті өнім берушінің конкурстық өтініміне өзінің ескертулерін ол жарияланғанға дейін қайта қарайды. Мұндай жағдайда конкурстық комиссияның хатшысы дауыс беруді қайта бастайды.

Тармақ 43

43. Дауыс бермеген комиссия мүшесі (мүмкін болса) дауыс бермеуінің дәлелді себептері туралы Комиссия хатшысына алдын ала хабарлайды және оған растайтын құжаттың көшірмесін ұсынады. Шешім қабылдау мерзімінің өтуіне қарай комиссия мүшесінің дауыс бермеуінің себебі белгісіз болған жағдайда, алдын ала рұқсат немесе рұқсат хаттамасына қол қою онсыз жүзеге асырылады. Хатшы веб-порталда мұндай себептің белгісіздігі туралы белгі қояды.

Тармақ 44

44. Хаттамаға қол қоймаған комиссия мүшесінің дауыс берген жеке лоттар бойынша шешімдерді қоса алғанда, оның барлық шешімдерін веб-портал комиссия шешімінде ескермейді және алдын ала рұқсат немесе рұқсат хаттамасында көрсетіледі.

Тармақ 45

45. Алдын ала рұқсат немесе рұқсат хаттамасында веб-портал автоматты түрде әрбір комиссия мүшесінің дауыс беру нәтижелерін мына ықтимал мәртебелердің бірімен көрсетеді:

Тармақша 1

1) «дауыс берген жоқ»;

Тармақша 2

2) «қатысуға жіберілді»;

Тармақша 3

3) веб-порталдағы шешімге сәйкес себебі негізделіп «қабылданбады». Егер алдын ала рұқсат хаттамасында комиссия мүшесі «қабылданбады» деп дауыс берсе, онда әлеуетті өнім беруші осы Қағидалардың 24-тармағында көзделген мерзімде осы Қағидалардың конкурстық өтініміне толықтырулар ұсынады не толықтырулар ұсынбайды және оның өтінімі қабылданбайды.

Тармақ 46

46. Комиссия конкурстық өтінімі хабарландыру шарттарына және осы Қағидалардың талаптарына сәйкес келеді деп таныған әлеуетті өнім беруші лот бойынша бәсекелестік болмаған кезде жеңімпаз деп танылады.

Тармақ 47

47. Конкурс тәсілімен сатып алу немесе оның қандай да бір лоты мынадай негіздемелердің бірі бойынша:

Тармақша 1

1) конкурстық өтінімдер ұсынылмаса;

Тармақша 2

2) бірде бір әлеуетті өнім беруші қатысуға жіберілмесе, өткізілмеді деп танылады.

Тармақ 48

48. Конкурстық комиссияның шешімімен келіспеген жағдайда осы конкурстық комиссияның кез келген мүшесі ерекше пікір жазады, ол құжаттың электрондық көшірмесі нысанында веб-порталда орналастырылады.

Тармақ 49

49. Комиссия хатшысы веб-порталда алдын ала рұқсат немесе рұқсат хаттамасын оның нөмірін, жариялау уақыты мен мәртебесін көрсетіп жариялайды, онда мыналар қамтылады:

Тармақша 1

1) конкурстың нөмірі мен атауы;

Тармақша 2

2) бірыңғай дистрибьютордың атауы, БСН және заңды мекенжайы;

Тармақша 3

3) өтінімді жалпы немесе лот бойынша рұқсат немесе қабылдамау туралы комиссияның әрбір мүшесінің шешімдері көрсетілген, лоттар бөлінісіндегі комиссияның дауыс беру нәтижелері;

Тармақша 4

4) комиссия өтінімдері хабарландырудың шарттарына немесе осы Қағидалардың талаптарына сәйкес келмеуіне байланысты қабылдамаған әлеуетті өнім берушілердің лоттары және атаулары;

Тармақша 5

5) бәсекелес емес лоттар және комиссия өтінімдері хабарландырудың шарттарына және осы Қағидалардың талаптарына сәйкес келеді деп таныған, берілген баға ұсыныстары толық көрсетілген жеңімпаздардың атаулары;

Тармақша 6

6) бәсекелес лоттар және комиссия өтінімдерін аукционға қатысуға жіберген, аукционның бастапқы бағалары көрсетілген әлеуетті өнім берушілердің атаулары;

Тармақша 7

7) біліктілік талаптарына сәйкестігі туралы жалған ақпараттың ұсынылуы немесе ақпараттың ұсынылмауы туралы белгі.

Тармақ 50

50. Әлеуетті өнім берушілердің өтінімдеріне толықтыруларды комиссия 3 (үш) жұмыс күні ішінде қарайды. Конкурстық өтінімдерге толықтыруларды қарау қорытындысы бойынша рұқсат хаттамасы осы Қағидалардың 49-тармағының талаптарына сәйкес жарияланады.

Тармақ 51

51. Әлеуетті өнім берушімен үлестес болған жағдайда комиссия мүшесі оның өтінімі бойынша шешім қабылдамайды.

Тармақ 52

52. Алдын ала рұқсат немесе рұқсат хаттамаларын сатып алу веб-порталы комиссия мүшелерінің дауыс беру нәтижелерінің негізінде қалыптастырады, олар әрбір әлеуетті өнім берушінің, лоттың және өтінімге осы Қағидаларда қойылатын талаптың бөлінісінде хаттамаларда көрсетіледі. Ашу және қорытындылар хаттамалары веб-порталда автоматты түрде жарияланады, оларға комиссия мүшелері мен хатшысы қол қоймайды.

Тармақ 53

53. Хаттамалар қорытындылар хаттамасын қоспағанда, веб-порталда бірыңғай дистрибьютердің жұмыс уақытында ғана жариялануға тиіс.

Тармақ 54

54. Рұқсат хаттамасы жарияланғаннан кейін (2) екі жұмыс күнінен кейін комиссия аукционға қатысуға рұқсат берген әлеуетті өнім берушілердің арасында конкурстық өтінімдерде ұсынылған бағаларды төмендетуге аукцион өткізіледі.

Тармақ 55

55. Конкурс қорытындылары бойынша веб-портал автоматты түрде нөмірін, жариялау уақыты мен мәртебесін көрсетіп, қорытындылар хаттамасын қалыптастырады және жариялайды, онда мыналар қамтылады:

Тармақша 1

1) конкурстың нөмірі мен атауы;

Тармақша 2

2) бірыңғай дистрибьютордың атауы, БСН және заңды мекенжайы;

Тармақша 3

3) хабарландыруға сәйкес лоттар тізбесі;

Тармақша 4

4) лоттар, аукционға қатысушылардың атаулары, берілген уақыты және аукцион адымдарының көлемі көрсетілген аукционның нәтижелері;

Тармақша 5

5) бәсекелес лоттар және баға ұсыныстары көрсетілген аукцион жеңімпаздарының атауы;

Тармақша 6

6) бәсекелес лоттар және баға ұсыныстары көрсетілген, аукционда екінші орынға ие болған әлеуетті өнім берушілердің атауы;

Тармақша 7

7) хабарландыру шарттарына немесе осы Қағидалардың талаптарына сәйкес келмеуіне байланысты комиссия өтінімдерін кері қайтарған әлеуетті өнім берушілердің лоттары мен атаулары;

Тармақша 8

8) бәсекелес емес лоттар және баға ұсыныстарының деректерін егжей-тегжейлі көрсете отырып, комиссия өтінімдері хабарландыру шарттарына және осы Қағидалардың талаптарына сәйкес келеді деп таныған жеңімпаздардың атаулары.

Тармақ 56

56. Веб-порталды пайдалануға мүмкіндік бермейтін немесе хаттамаларды қателермен қалыптастыратын техникалық ақаулықтар туындаған кезде бірыңғай оператор оны тіркейді және веб-порталдың тиісті бөлімінде ол туралы хабарландыруды дереу жариялайды, ол конкурстың барлық қатысушыларына тиісті хабарламаларды автоматты түрде таратады.

Тармақ 57

57. Бұл ретте конкурстың мерзімдері техникалық ақаулықтарды жою үшін қажетті уақытқа дейін шегеріледі.

Тармақ 58

58. Бірыңғай оператор қателермен жарияланған хаттамаларды веб-порталдан жоймайды, оған «жарамсыз» деген мәртебе береді. Қайта қалыптастырылған қатесіз хаттаманы бірыңғай оператор веб-порталда «жарамды» деген мәртебемен жариялайды.

Тармақ 59

59. Хаттама ауыстырылған жағдайда веб-портал автоматты түрде конкурс қатысушыларына тиісті хабарламалар жібереді.

Тармақ 60

60. Конкурс қорытындылары бойынша жеңімпазбен ұзақ мерзімді шарт осы Қағидалардың 10-тарауына сәйкес келіссөздер жүргізу талап етілетін жағдайларды қоспағанда, осы Қағидалардың 104-тармағында көрсетілген шағымдану мерзімінен кейін 5 (бес) жұмыс күні ішінде веб-порталда әрбір лот бойынша жеке-жеке жасалады. Конкурс қорытындылары бойынша, егер конкурс тәсілімен сатып алу немесе оның қандай да бір лоты өткізілмеді деп танылса, бірыңғай дистрибьютор мынадай шешімдердің бірін қабылдайды:

Тармақша 1

1) конкурсты қайта өткізу туралы;

Тармақша 2

2) қызмет көрсету мерзімі өзгерген жағдайда конкурс шарттарын өзгерту және жаңа конкурс өткізу туралы;

Тармақша 3

3) бір көзден алу тәсілімен сатып алуды жүзеге асыру туралы.

Тармақ 61

61. Комиссия әлеуетті өнім берушінің конкурстық өтінімін осы Қағидалардың 24-тармағын сақтай отырып, мынадай жағдайларда толығымен қабылдамайды:

Тармақша 1

1) осы Қағидалардың 9-тармағы 1) тармақшасының талаптарына сәйкес келмесе;

Тармақша 2

2) әлеуетті өнім берушінің атқарушы органының, директорлар кеңесінің, байқау кеңесінің шешімдер қабылдауына ықпалы бар қатысушылар немесе акционерлер, олардың ЖСН немесе БСН туралы веб-порталда көзделген нысан бойынша үзінді көшірме ұсынылмаса;

Тармақша 3

3) Қазақстан Республикасының ақпараттандыру туралы заңнамасына сәйкес мемлекеттік органдардың ақпараттық жүйелерінен алынған салық төлеушінің салық берешегінің, міндетті зейнетақы жарналары, міндетті кәсіптік зейнетақы жарналары, әлеуметтік аударымдар және міндетті әлеуметтік медициналық сақтандыруға аударымдар және (немесе) жарналар бойынша берешегінің жоқ (бар) екені туралы мәліметтер ұсынылмаса;

Тармақша 4

4) фармацевтикалық қызметке: дәрілік заттарды көтерме немесе бөлшек саудада өткізу және (немесе) медициналық бұйымдарды көтерме немесе бөлшек саудада өткізу бойынша қызметті бастау немесе тоқтату туралы хабарлама және (немесе) бөлу орталықтарына арналған денсаулық сақтау саласындағы есірткі, психотроптық заттар мен прекурсорлардың айналымына байланысты қызметке рұқсат ұсынылмаса;

Тармақша 5

5) осы Қағидалардың 11-тармағында көзделген негіздер болса;

Тармақша 6

6) біліктілік талаптарына немесе көрсетілетін қызметке қойылатын талаптарға сәйкестігі туралы дәйексіз ақпарат ұсынылса;

Тармақша 7

7) әлеуетті өнім беруші және (немесе) бірлесіп орындаушы қойылатын біліктілік талаптарына сәйкес келмесе;

Тармақша 8

8) хабарландыру шарттарына және осы Қағидалардың талаптарына сәйкес келмесе. Әлеуетті өнім берушілердің банкроттық не тарату рәсіміне қатысы болмауы тұрғысынан олардың біліктілік талаптарына сәйкестігін нақтылау мақсатында комиссия банкроттық не тарату рәсімдерінің жүргізілуін бақылауды жүзеге асыратын уәкілетті органның интернет-ресурсында орналастырылған ақпаратты қарайды.

Тармақ 62

62. Әлеуетті өнім берушінің лот бойынша конкурстық өтінімі осы Қағидалардың 24-тармағын сақтай отырып, мынадай жағдайларда қабылданбайды:

Тармақша 1

1) уәкілетті орган бекіткен нысан бойынша баға ұсынысы ұсынылмаса немесе тиісінше толтырылмаса;

Тармақша 2

2) бірлесіп орындаушымен (ол тартылған жағдайда) жасалған шарт немесе оның қолданылу мерзімі сатып алынатын қызметті көрсету мерзімін қамтымаса немесе бірлесіп орындаушының осы Қағидалардың және хабарландырудың талаптарына сәйкестігін растайтын өзге құжаттар ұсынылмаса;

Тармақша 3

3) осы Қағидалардың талаптарына сәйкес кепілдікті қамтамасыз ету және (немесе) лот бойынша өтінімді кепілдікті қамтамасыз ету хабарландырудағы лот сомасының 3 (үш) кем пайызды құраса;

Тармақша 4

4) өтінімді ашу күніне дейін күнтізбелік бір ай бұрын берілген «электрондық үкімет» веб-порталынан алынған дәріханалық қоймаға тіркелген құқықтар туралы анықтама;

Тармақша 5

5) дәріханалық қоймаға техникалық құжат;

Тармақша 6

6) паллета-орындардың осы Қағидалардың және хабарландырудың талаптарына сәйкестігін растайтын құжаттар;

Тармақша 7

7) осы Қағидалардың 21-тармағының 4) тармақшасында көрсетілген санаттар бойынша көлік құралдарына меншік құқығын немесе пайдалану құқығын растайтын құжаттар ұсынылмаса.

Тарау 7. 7-тарау. Конкурстық өтінімді қабылдамау негіздемелері

7-тарау. Конкурстық өтінімді қабылдамау негіздемелері

Тармақ 61

Тарау 8. 8-тарау. Аукцион

8-тарау. Аукцион

Тармақ 63

63. Аукционға рұқсат хаттамасына сәйкес комиссия рұқсат берген әлеуетті өнім берушілер қатысады.

Тармақ 64

64. Аукцион рұқсат хаттамасы жарияланғаннан кейін 2 (екі) жұмыс күнінен кейін жұмыс күні 10 сағат 00 минутта басталады және веб-порталда қашықтан нақты уақыт режимінде өткізіледі. Веб-портал автоматты және дереу аукцион қатысушыларына, комиссия мүшелері мен хатшысына аукционның басталуы туралы хабарламаны таратады және әрбір лот бойынша аукционның басталу уақыты туралы ақпаратты веб-порталда «Аукцион» бөлімінде көрсетеді.

Тармақ 65

65. Аукцион әлеуетті өнім берушілердің уәкілетті тұлғаларының электрондық цифрлық қолтаңбаларының көмегімен бастапқы бағадан бастап аукционға қатысушылардың лот бойынша бағаны реттілікпен төмендетуі арқылы өткізіледі.

Тармақ 66

66. Өтінімінің бағасы ең төмен, ал аукционға қатысуға рұқсат берілген бірнеше бәсекелестің ең төмен бағасы сәйкес келген кезде – өтінімі басқаларынан бұрын берілген әлеуетті өнім берушінің баға ұсынысы аукционның бастапқы бағасы болады.

Тармақ 67

67. Аукцион адымы лот бойынша әрбір бәсекелестің аукцион адымының уақыты басталған сәттен бастап 30 (отыз) минут ішінде бастапқы немесе аукционның алдыңғы адымында айқындалған ең төмен бағаны бір рет төмендету мүмкіндігін білдіреді.

Тармақ 68

68. Аукционның бастапқы бағасына қатысты аукцион адымына берілетін уақыт веб-порталдан аукционның басталғаны туралы хабарлама жіберілген және веб-порталда «Аукцион» деген бөлімде лот бойынша уақытты кері санау басталғаны көрсетілген сәтте басталады, ал аукционның алдыңғы адымында айқындалған ең төмен бағаға қатысты – веб-порталдағы «Аукцион» деген бөлімде лот бойынша уақытты кері санау басталғаны көрсетілген сәтте басталады.

Тармақ 69

69. Веб-портал аукцион адымының аяқталуына қалған отыз минуттық уақыттың кері саналуын минутпен және секундпен көрсетеді.

Тармақ 70

70. Аукциондағы лот бойынша адымдар саны шектелмейді.

Тармақ 71

71. Аукционға қатысушылар аукционның бір адымы шеңберінде осы Қағидалардың 94-тармағына сәйкес формула бойынша айқындалған көрсетілетін қызметтердің әрбір құрайтын бағасы бойынша аукционның бастапқы бағасынан кемінде жарты (0,5) пайызға төмендетеді, ал веб-портал автоматты түрде аукционның қатысушыларына бағаны сәйкес келмейтін мөлшерге төмендетуге мүмкіндік бермейді. Бағаны төмендету үшін веб-порталда аукцион адымының көлемін пайызбен немесе теңгемен таңдау көзделеді.

Тармақ 72

72. Аукционның бірінші немесе кезекті адымында бәсекелесі немесе бәсекелестері бағаны төмендетсе, ал аукционға қатысушы бағаны төмендетпесе, ал автоматты түрде аукционға одан әрі қатысудан шығады және веб-портал оған автоматты түрде аукционның келесі адымдарында бағаны төмендетуге мүмкіндік бермейді.

Тармақ 73

73. Баға ұсынысы бастапқы баға ретінде қабылданған аукционға қатысушы аукционның бірінші адымында бәсекелесі немесе бәсекелестері бағаны төмендеткен кезде аукционның бірінші адымына қатысады және бастапқы бағаны төмендетеді. Керісінше жағдайда ол автоматты түрде аукционға одан әрі қатысудан шығады.

Тармақ 74

74. Сатып алу веб-порталы автоматты түрде лот бойынша бәсекелестердің баға ұсыныстарын салыстырады және аукционның келесі адымы үшін әрбір лот бойынша ең төмен бағаны айқындайды.

Тармақ 75

75. Аукцион адымының уақыты ол басталған сәттен бастап 30 (отыз) минут ішінде, ал лот бойынша аукционның барлық қатысушылары бағаны төмендеткен жағдайда лот бойынша аукционға қатысуға рұқсат алған соңғы бәсекелес баға ұсынысын берген сәтте аяқталады.

Тармақ 76

76. Егер лот бойынша бағасы ең төмен аукционға қатысушының барлық бәсекелестері аукционға қатысудан шықса, аукцион аяқталған болып есептеледі.

Тармақ 77

77. Веб-портал автоматты түрде ең төмен баға бойынша аукцион жеңімпазын айқындайды, ал аукционның бірнеше қатысушысының ең төмен бағасы сәйкес келген кезде бағаны бәсекелестерінен бұрын төмендеткен аукционға қатысушының бағасы бойынша айқындайды.

Тармақ 78

78. Егер аукционның бірінші адымында аукционның бірде бір қатысушысы бастапқы бағаны төмендетпесе, баға ұсынысы лот бойынша аукционның бастапқы бағасы ретінде қабылданған әлеуетті өнім беруші аукцион жеңімпазы болып танылады.

Тармақ 79

79. Аукцион жеңімпазы конкурс жеңімпазы болып табылады.

Тармақ 80

80. Веб-портал тек аукционға іс жүзінде қатысқан жеңімпаз бәсекелестерінің арасынан ғана жеңімпаздың бағасынан кейінгі ең төмен баға бойынша екінші орын алған әлеуетті өнім берушіні автоматты түрде айқындайды. Егер лот бойынша жеңімпаз бағасынан кейінгі баға бірнеше бәсекелесте сәйкес келсе, бағаны бәсекелестерінен бұрын төмендеткен бәсекелес екінші орын алған әлеуетті өнім беруші болып айқындалады.

Тарау 9. 9-тарау. Бір көзден алу тәсілімен сатып алуды жүзеге асыру тәртібі

9-тарау. Бір көзден алу тәсілімен сатып алуды жүзеге асыру тәртібі

Тармақ 81

81. Бір көзден алу тәсілімен сатып алуды бірыңғай дистрибьютор мынадай жағдайларда жүзеге асырады:

Тармақша 1

1) конкурс қатарынан екі рет өткізілмеді деп танылған кезде. Шақыру алдыңғы қаржы жылы дәл сол әкімшілік-аумақтық бірлікте қызмет көрсеткен өнім берушіге жіберіледі;

Тармақша 2

2) өнім берушімен шарт және (немесе) ұзақ мерзімді шарт бұзылса. Шақыру екінші орын алған әлеуетті өнім берушіге, ол болмаса біліктілік талаптарына және көрсетілетін қызметтерге қойылатын талаптарға сәйкес келетін болса лот бойынша кез келген өзге бәсекелеске жіберіледі;

Тармақша 3

3) бірыңғай дистрибьютор қорытынды жасағанға дейінгі кезеңге бірыңғай дистрибьютордың алпыс күндік қажеттілікке дейін көрсетілетін қызметтерді сатып алу қажеттілігі туындағанда. Шақыру ұзақ мерзімді шарт немесе шарт жасасқан өнім берушіге жіберіледі.

Тармақ 82

82. Бір көзден алу тәсілімен сатып алуды өткізу туралы шешімді бірыңғай дистрибьютор:

Тармақша 1

1) осы Қағидаларда көзделген негіздер бойынша конкурс өткізілмеді деп танылған күннен бастап;

Тармақша 2

2) егер конкурс жеңімпазы және екінші орын алған (бар болса) әлеуетті өнім беруші белгіленген мерзімде қызмет көрсету шартына қол қоюдан жалтарғанда;

Тармақша 3

3) шарт бұзылған күннен бастап 10 (он) жұмыс күні ішінде қабылдайды.

Тармақ 83

83. Бір көзден алу тәсілімен сатып алу мынадай іс-шараларды көздейді:

Тармақша 1

1) бірыңғай дистрибьютордың тиісті негіздемемен бір көзден алу тәсілімен сатып алу туралы шешім қабылдауы;

Тармақша 2

2) веб-порталда тіркелген әлеуетті өнім берушіге бір көзден алу тәсілімен сатып алуға қатысуға шақыруды және шарт жобасын жіберу;

Тармақша 3

3) веб-порталда бір көзден алу тәсілінің қорытындылары туралы хаттаманы орналастыру;

Тармақша 4

4) егер сатып алу осы Қағидаларда көзделген негіздер бойынша өткізілмеген жағдайда, әлеуетті өнім берушінің өз мүмкіндіктеріне сәйкес қызмет көрсету шартының жобасына шарт бағасына, бірақ өзінің конкурс барысында ұсынған бағасынан аспайтын өзгерістер енгізуі;

Тармақша 5

5) тараптардың бірінің екінші тарап ұсынған шарттармен келіспеген кезде тиісті негіздемесі бар хабарламаны жіберу арқылы шарт жасасудан бас тартуы;

Тармақша 6

6) тараптар шарттың талаптарымен келіскен кезде оған электрондық цифрлық қолтаңбаның көмегімен қол қоюы.

Тармақ 84

84. Бір көзден алу тәсілімен сатып алу рәсімін тараптар әлеуетті өнім берушіге бір көзден алу тәсілімен сатып алу туралы хабарлама және уәкілетті орган бекіткен нысан бойынша шарт жобасы жіберілген күннен бастап 5 (бес) жұмыс күні ішінде аяқтайды. Бұлай болмаған жағдайда сатып алу өткізілмеді деп есептеледі және уақыты өткеннен кейін веб-портал сатып алуға «өткізілмеді» деген мәртебе береді, ал бірыңғай дистрибьютор қайтадан сатып алуды өткізеді.

Тармақ 85

85. Веб-портал қол қойылған шартқа автоматты түрде нөмір береді және екінші тараптың қол қою күні мен уақыты бойынша оны жасасу уақытын көрсетеді.

Тарау 10. 10-тарау. Веб-портал арқылы ұзақ мерзімді шарт (ұзақ мерзімді шартқа қосымша келісім) не шарт жасасу, келіссөздер жүргізу және ұзақ мерзімді шарттың (ұзақ мерзімді шартқа қосымша келісімнің) не шарттың орындалуын қамтамасыз ету

10-тарау. Веб-портал арқылы ұзақ мерзімді шарт (ұзақ мерзімді шартқа қосымша келісім) не шарт жасасу, келіссөздер жүргізу және ұзақ мерзімді шарттың (ұзақ мерзімді шартқа қосымша келісімнің) не шарттың орындалуын қамтамасыз ету 1-параграф. Веб-портал арқылы ұзақ мерзімді шарт (ұзақ мерзімді шартқа қосымша келісім) не шарт жасасу және өзгерту

Тармақ 1

Тармақ 86

86. Бірыңғай дистрибьютор шағымдану мерзімі өткеннен кейін 1 (бір) жұмыс күні ішінде веб-портал арқылы әлеуетті өнім берушіге, өнім берушіге ұзақ мерзімді шартқа (ұзақ мерзімді шартқа қосымша келісімге) не шартқа қол қоятын тұлға туралы мәліметтерді және сатып алу қорытындылары бойынша қалыптасқан бағаны ескере отырып, ұзақ мерзімді шарттың (ұзақ мерзімді шартқа қосымша келісімнің) не шарттың жобасын қоса бере отырып, өнім берушінің деректемелерін ұсыну туралы сұрау салу жібереді. Ұзақ мерзімді шарт уәкілетті орган бекіткен нысан бойынша 3 (үш) жыл мерзімге жасалады. Бұл ретте әрбір қаржы жылына ұзақ мерзімді шартқа уәкілетті орган бекіткен нысан бойынша қызмет көрсетумен байланысты тауардың атауы мен көлемі, көрсетілетін қызметтің алдын ала құны көрсетілген қосымша келісім жасалады. Қосымша келісім ұзақ мерзімді шарттың ажырамас бөлігі болып табылады.

Тармақ 87

87. Әлеуетті өнім беруші немесе өнім беруші веб-порталда тиісті сұрау салуды алған күннен бастап 2 (екі) жұмыс күні ішінде ұзақ мерзімді шартқа (ұзақ мерзімді шартқа қосымша келісімге) не шартқа қол қоятын тұлға туралы мәліметтерді және өнім берушінің деректемелерін толтырады және растайды. Әлеуетті өнім берушінің немесе өнім берушінің ұзақ мерзімді шартқа (ұзақ мерзімді шартқа қосымша келісімге) не шартқа қол қоятын тұлға туралы мәліметтерді және оның деректемелерін растауы болмаған жағдайда бірыңғай дистрибьютор ұзақ мерзімді шартқа (ұзақ мерзімді шартқа қосымша келісімге) не шартқа веб-порталда орналастырылған әлеуетті өнім берушінің тіркеу деректеріне сәйкес қол қояды. Бірыңғай дистрибьютор Қағидалардың осы тармағына сәйкес әлеуетті өнім берушінің немесе өнім берушінің мәліметтерді растау мерзімі өткен күннен бастап 2 (екі) жұмыс күнінен кешіктірмей электрондық цифрлық қолтаңбамен куәландырылған ұзақ мерзімді шарттың (ұзақ мерзімді шартқа қосымша келісімнің) не шарттың жобасын уәкілетті орган бекіткен нысан бойынша қалыптастырады және әлеуетті өнім берушіге қол қою үшін жібереді.

Тармақ 88

88. Ұзақ мерзімді шарттың (ұзақ мерзімді шартқа қосымша келісімнің) не шарттың жобасын өнім беруші, әлеуетті өнім беруші ол келіп түскен күннен бастап 3 (үш) жұмыс күні ішінде электрондық цифрлық қолтаңба арқылы куәландырады.

Тармақ 89

89. Егер әлеуетті өнім беруші немесе өнім беруші белгіленген мерзімде ұзақ мерзімді шартқа (ұзақ мерзімді шартқа қосымша келісімге) не шартқа қол қоймаса, бірыңғай дистрибьютор әлеуетті өнім беруші, өнім беруші ұзақ мерзімді шарт (ұзақ мерзімді шартқа қосымша келісім) не шарт жасасудан жалтарған күннен бастап 2 (екі) жұмыс күні ішінде веб-порталда ұзақ мерзімді шарттың (ұзақ мерзімді шартқа қосымша келісімнің) не шарттың жаңа жобасын қалыптастырады және оны екінші орын алған әлеуетті өнім берушіге (бар болса) жібереді. Ұзақ мерзімді шарт (ұзақ мерзімді шартқа қосымша келісім) не шарт жобасын екінші орын алған әлеуетті өнім беруші өзіне ұзақ мерзімді шарт (ұзақ мерзімді шартқа қосымша келісім) не шарт жобасы ұсынылған күннен бастап 3 (үш) жұмыс күні ішінде электрондық цифрлық қолтаңба арқылы куәландырады. Ұзақ мерзімді шартқа жыл сайынғы қосымша келісім жасасудан жалтарған жағдайда бірыңғай дистрибьютор конкурс өткізу немесе бір көзден алу тәсілімен сатып алуды жүзеге асыру туралы шешім қабылдайды.

Тармақ 90

90. Егер екінші орын алған әлеуетті өнім беруші ұсынылған ұзақ мерзімді шарт жобасына белгіленген мерзімде қол қоймаса, бірыңғай дистрибьютор конкурсты қайта өткізеді.

Тармақ 91

91. Екінші орын алған әлеуетті өнім берушімен ұзақ мерзімді шарт жасасу және келіссөздер жүргізу рәсімі конкурс жеңімпазымен өткен тәртіп бойынша жүргізіледі.

Тармақ 92

92. Ұзақ мерзімді шартқа не шартқа өнім берушіні таңдау үшін негіз болып табылған ұсыныстың мазмұнын өзгертетін өзгерістерді және (немесе) жаңа талаптарды енгізуге жол берілмейді.

Тармақ 93

93. Жасалған ұзақ мерзімді шартқа (ұзақ мерзімді шартқа қосымша келісімге) не шартқа өнім берушіні таңдау үшін негіз болып табылған сапаның өзгермеуі шартымен:

Тармақша 1

1) шарт бағасын төмендету бөлігінде тараптардың келісуі бойынша;

Тармақша 2

2) осы Қағидалардың 94-тармағына сәйкес формула бойынша белгіленген бағаны өзгертпей көрсетілетін қызмет көлемін ұлғайту бөлігінде;

Тармақша 3

3) өнім берушіге байланысты емес себептер бойынша бұрынғыны пайдалану мүмкін болмаған жағдайда онымен бірдей дәріханалық қоймаға ауыстырылған немесе неғұрлым сапалы дәріханалық қоймаға ауыстырылған кезде өзгерістер енгізуге жол беріледі.

Тармақ 94

94. Ұзақ мерзімді шарт (ұзақ мерзімді шартқа қосымша келісім) немесе шарт бойынша ақы төлеу (Х) тауарларды сақтау және тасымалдау жөніндегі көрсетілген қызмет үшін іс жүзіндегі баға бойынша жүргізіледі, ол мынадай формула бойынша есептеледі: Х = W+T+L, мұндағы W = Wj*(S1+S2), мұндағы W – сақтау жөнінде көрсетілетін қызмет; Wj – 1 паллета-орынның өңірге байланысты құны (j), S1 – арнайы температуралық режимі бар (суық +2 - +8 Цельсий градусы, мұздату -15 – 20 Цельсий градусы, салқын +8 – +15 Цельсий градус) паллета- орындардың саны; S2 – арнайы температуралық режимі жоқ паллета- орындардың саны (+15 – +25 Цельсий градус); T – тасымалдау жөнінде көрсетілетін қызмет; Т = Cij, Cij –көлік құралымен тасымалдаудың 1 км үшін қалыптасқан осы Қағидалардың 21-тармағында көзделген көлік құралының жүк көтеру санатына (i) және өңірге (j) байланысты құны; L – тиеу-түсіру жұмыстары L = Lj * Lki, Lj – өңірге (j) байланысты тиеу-түсіру жұмыстарының 1 норма сағатының қалыптасқан құны; Lki – санаттарға сәйкес көлік құралының (i) тоннажына қарай көлік құралына тиеу немесе одан түсіру үшін жұмсалатын норма-сағаттардың саны: 1-санат – қоса алғанда 1,5 тоннаға дейін – 0,5 сағат, 2-санат – қоса алғанда 5 тоннаға дейін – 1 сағат, 3-санат – қоса алғанда 10 тоннаға дейін – 1,5 сағат, 4- санат – 10 тоннадан астам – 3 сағат. Бұл ретте норма-сағат – бұл жұмыстарды орындау уақытының бірлігі, тиеу-түсіру жұмыстары үшін есептік бірлік, олар мыналарды қамтиды: көлік құралынан қабылдау, түсіру және тауарды қайта есептеу, тауарды сақтауға орналастыру, қажет болған кезде – тауардың қаптамасын стикерлеу және қаптамаға медициналық қолдану жөніндегі нұсқаулықты салу, тауарды тиеуге немесе орнын ауыстыруға арналған жиынтық (құрастыру), палеттеу (палеттаға орналастыру және қаптау материалымен орау), көлік құралына тиеу, жеткізу орнында түсіру, тауарға ілеспе құжаттарды ресімдеу (қол қою). Денсаулыққа келетін елеулі зиянның алдын алу және (немесе) өмірге төнген қауіпті жою үшін шұғыл медициналық көмек көрсетілген жағдайда денсаулық сақтау ұйымының жазбаша өтініші және бірыңғай дистрибьютордың өтінімі бойынша іс жүзіндегі бағаға әуе тасымалдаушысының бағасы бойынша тауарларды әуемен жеткізу қызметтері үшін жұмсалған шығыстар қосылады.

Тармақ 87

Тармақ 2. 2-параграф. Веб-портал арқылы көрсетілетін қызметтің бағасын төмендету бойынша келіссөздер

2-параграф. Веб-портал арқылы көрсетілетін қызметтің бағасын төмендету бойынша келіссөздер

Тармақ 95

95. Бірыңғай дистрибьютор конкурстың қорытынды бағасы бәсекелес емес лот бойынша қалыптасқан жағдайда жеңімпазбен веб-портал арқылы көрсетілетін қызмет бағасын төмендету бойынша келіссөздер жүргізеді.

Тармақ 96

96. Бағаны төмендету туралы ұсыныс жеңімпазға қорытындылар хаттамасы жарияланған күннен бастап үш жұмыс күні ішінде тиісті негіздемемен веб-порталда көзделген нысан бойынша веб-портал арқылы жіберіледі.

Тармақ 97

97. Жеңімпаз ұзақ мерзімді шарттың бағасын төмендету жөніндегі ұсыныстан бас тартады не келіседі, ол туралы 2 (екі) жұмыс күні ішінде веб - портал арқылы бірыңғай дистрибьюторға тиісті негіздемемен ақпарат жібереді. Келіссөздер жеңімпаздан бағаны төмендету жөніндегі ұсынысқа келісу не бас тарту туралы хабарлама алынғаннан кейін аяқталды деп есептеледі. Жеңімпаз көрсетілетін қызмет бағасын төмендетуден бас тартқан кезде бірыңғай дистрибьютор келіссөздер аяқталған күннен бастап 3 (үш) жұмыс күні ішінде веб-портал арқылы жеңімпаздың баға ұсынысы бойынша ұзақ мерзімді шарттың жобасын жібереді. Жеңімпаз ұзақ мерзімді шарттың жобасын келіп түскен күнінен бастап 3 (үш) жұмыс күні ішінде электрондық цифрлық қолтаңба арқылы куәландырады. Ұзақ мерзімді шарттың бағасын төмендетуге келіскен жағдайда конкурс жеңімпазы веб-портал арқылы бірыңғай дистрибьюторға веб-порталда көзделген нысан бойынша түпкілікті бағасы бар баға ұсынысын жібереді. Веб-портал бағасы өзгертілген ұзақ мерзімді шарттың жаңа жобасын автоматты түрде қалыптастырады және оны тараптарға қол қою үшін жібереді. Тараптар ұзақ мерзімді шартқа келіп түскен күнінен бастап 3 (үш) жұмыс күні ішінде электрондық цифрлық қолтаңба арқылы қол қояды.

Тармақ 3. 3-параграф. Ұзақ мерзімді шарт (ұзақ мерзімді шартқа қосымша келісім) немесе шарт бойынша міндеттемелердің орындалуын қамтамасыз ету

3-параграф. Ұзақ мерзімді шарт (ұзақ мерзімді шартқа қосымша келісім) немесе шарт бойынша міндеттемелердің орындалуын қамтамасыз ету

Тармақ 98

98. Өнім берушінің ұзақ мерзімді шарт (ұзақ мерзімді шартқа қосымша келісім) немесе шарт бойынша міндеттемелердің орындалуын қамтамасыз ету шараларының мөлшері ақшалай мәнде жеке лот бойынша жасалатын ұзақ мерзімді шарт (ұзақ мерзімді шартқа қосымша келісім) немесе шарт бағасының 3 (үш) пайызын құрайды және тараптар веб-порталда ұзақ мерзімді шартқа (ұзақ мерзімді шартқа қосымша келісімге) немесе шартқа қол қойған күннен бастап 10 (он) жұмыс күні ішінде бірыңғай дистрибьютордың пайдасына ұсынылуға тиіс.

Тармақ 99

99. Әлеуетті өнім беруші ұзақ мерзімді шартты (ұзақ мерзімді шартқа қосымша келісімді) немесе шартты жасасқан кезде шарт бойынша өзінің міндеттемелерінің орындалуын қамтамасыз ету шарасы ретінде ұзақ мерзімді шарт (ұзақ мерзімді шартқа қосымша келісім) немесе шарт бойынша өзінің міндеттемелерінің орындалуын қамтамасыз етудің мынадай тәсілдерінің бірін таңдайды:

Тармақша 1

1) бірыңғай дистрибьютордың банктік шотына енгізілетін ақшалай кепілдік жарна;

Тармақша 2

2) веб-порталда көзделген нысан бойынша банк ұсынатын электрондық банк кепілдігі.

Тармақ 100

100. Ұзақ мерзімді шарт (ұзақ мерзімді шартқа қосымша келісім) немесе шарт бойынша міндеттемелердің орындалуын қамтамасыз ету төтенше жағдай қолданылатын кезеңде ол қолданылатын мерзімі аяқталғанға дейін енгізілмейді. Ұзақ мерзімді шарт (ұзақ мерзімді шартқа қосымша келісім) немесе шарт бойынша міндеттемелердің орындалуын қамтамасыз ету төтенше жағдайдың қолданылуы аяқталған күннен бастап 10 (он) жұмыс күні ішінде осы Қағидалардың 98-тармағында белгіленген мөлшерде енгізіледі.

Тармақ 101

101. Ұзақ мерзімді шарт (ұзақ мерзімді шартқа қосымша келісім) немесе шарт бойынша міндеттемелердің орындалуын қамтамасыз ету мынадай жағдайларда:

Тармақша 1

1) өнім беруші қызмет көрсетуден бас тартса;

Тармақша 2

2) ұзақ мерзімді шарт (ұзақ мерзімді шартқа қосымша келісім) немесе шарт өнім берушінің бастамасымен бұзылса;

Тармақша 3

3) өнім берушінің міндеттемелерді орындамауына немесе тиісінше орындамауына байланысты бірыңғай дистрибьютор ұзақ мерзімді шартты (ұзақ мерзімді шартқа қосымша келісімді) немесе шартты біржақты тәртіппен бұзса, ұстап қалынады.

Тармақ 102

102. Бірыңғай дистрибьютор ұзақ мерзімді шарт (ұзақ мерзімді шартқа қосымша келісім) немесе шарт бойынша міндеттемелерді:

Тармақша 1

1) ақшалай жарна түрінде кепілдікті қамтамасыз ету ұстап қалынған жағдайда өнім берушіге веб-портал арқылы веб-порталда көзделген нысан бойынша ұстап қалу туралы хабарлама жібереді;

Тармақша 2

2) электрондық банк кепілдігі түрінде кепілдікті қамтамасыз ету ұстап қалынған жағдайда – банкке және өнім берушіге (мәлімет үшін) веб-портал арқылы веб-порталда көзделген нысан бойынша оны төлеу туралы талапты жібереді. Банк кепілдігін төлеу туралы талап банкке шарт бұзылған немесе қолданыс мерзімі аяқталған күннен бастап банктік 20 (жиырма) күн ішінде қойылады.

Тармақ 99

Тарау 11. 11-тарау. Шағымдану

11-тарау. Шағымдану

Тармақ 1. 1-параграф. Шағымдану тәртібі

1-параграф. Шағымдану тәртібі

Тармақ 103

103. Егер бірыңғай дистрибьютордың, комиссияның, бірыңғай оператордың әрекеттері (әрекетсіздігі), шешімдері әлеуетті өнім берушінің құқықтары мен заңды мүддесін бұзса, әлеуетті өнім беруші олардың әрекеттеріне (әрекетсіздігіне), шешімдеріне шағымданады.

Тармақ 104

104. Конкурс қорытындыларының хаттамасы орналастырылған күннен бастап 5 (бес) жұмыс күнінен кешіктірмей бірыңғай дистрибьютордың, комиссияның, бірыңғай оператордың әрекеттеріне (әрекетсіздігіне), шешімдеріне мемлекеттік аудит және қаржылық бақылау органдарына шағымданған жағдайда ұзақ мерзімді шартты (ұзақ мерзімді шартқа қосымша келісімді) немесе шартты жасасу мерзімі шағымды қарау мерзімі аяқталғанға дейін тоқтатыла тұрады. Сатып алуға қатыспаған тұлғалардың бірыңғай дистрибьютордың, комиссияның, бірыңғай оператордың әрекеттеріне (әрекетсіздігіне), шешімдеріне шағымдану ұзақ мерзімді шартты (ұзақ мерзімді шартқа қосымша келісімді) немесе шартты жасасу мерзімін тоқтатпайды.

Тармақ 105

105. Осы Қағидалардың 104-тармағында белгіленген мерзім аяқталғаннан кейін бірыңғай дистрибьютордың, комиссияның, бірыңғай оператордың әрекеттеріне (әрекетсіздігіне) шағымданған жағдайда, шағым Қазақстан Республикасының мемлекеттік аудит және қаржылық бақылау туралы заңнамасына сәйкес электрондық мемлекеттік аудит шеңберінде қаралады.

Тармақ 106

106. Қажет болған кезде әлеуетті өнім берушінің шағымы Қазақстан Республикасының электрондық құжат және электрондық цифрлық қолтаңба туралы заңнамасының талаптарына сәйкес жалпыға бірдей қолжетімді ақпараттық жүйелер арқылы беріледі.

Тармақ 107

107. Қорытындылар хаттамасы жарияланғанға дейін және (немесе) осы Қағидалардың 104-тармағында белгіленген мерзімде бірыңғай дистрибьютордың, комиссияның, бірыңғай оператордың әрекеттеріне (әрекетсіздігіне) мемлекеттік аудит және қаржылық бақылау органдарына шағымданған жағдайда шағым Қазақстан Республикасының мемлекеттік аудит және қаржылық бақылау туралы заңнамасына сәйкес камералдық бақылау шеңберінде осы Қағидалардың 104-тармағында белгіленген мерзім өткен күннен бастап 10 (он) жұмыс күні ішінде мәлімделген талаптар (дәлелдер) шегінде қаралады. Мемлекеттік аудит және қаржылық бақылау органы шағым түскен күннен бастап 1 (бір) жұмыс күнінен кешіктірмей бірыңғай дистрибьюторға ұзақ мерзімді шарт (ұзақ мерзімді шартқа қосымша келісім) немесе шарт жасасуды тоқтата тұру туралы хабарлама жібереді.

Тармақ 108

108. Осы Қағидалардың 104-тармағында белгіленген мерзімде келіп түскен шағымды қарау нәтижелері бойынша мемлекеттік аудит және қаржылық бақылау органы осы Қағидалар бұзылып қабылданған шешімдерді жарамсыз деп тану не шағымды қанағаттандырудан бас тарту туралы шешім қабылдайды.

Тармақ 109

109. Мемлекеттік аудит және қаржылық бақылау органының шешімімен келіспеген жағдайда әлеуетті өнім беруші өз қалауы бойынша жоғары тұрған органға шағымданады, жоғары тұрған органның шешімімен келіспеген кезде Қазақстан Республикасының заңнамасына сәйкес сот тәртібімен шағымданады.

Тармақ 2. 2-параграф. Шағым беру тәртібі

2-параграф. Шағым беру тәртібі

Тармақ 110

110. Бірыңғай дистрибьютордың, комиссияның, бірыңғай оператордың әрекеттеріне (әрекетсіздігіне), шешімдеріне мемлекеттік аудит және қаржылық бақылау органына берілетін шағымда мыналар қамтылады:

Тармақша 1

1) әрекеттеріне (әрекетсіздігіне), шешімдеріне шағым жасалған заңды тұлғаның атауы, орналасқан жері;

Тармақша 2

2) шағым берген тұлғаның атауы, орналасқан жері;

Тармақша 3

3) осы Қағидалар бұзылған конкурс туралы мәліметтер;

Тармақша 4

4) азаматтардың құқықтары мен бостандықтарының немесе заңды тұлғаның заңды мүдделерінің бұзылуының немесе бұзылу қаупінің мәні, бірыңғай дистрибьютордың, комиссияның, бірыңғай оператордың шағым жасалатын әрекеттері (әрекетсіздігі), шешімдері. Шағымға шағым берген тұлғаның дәлелдерін растайтын құжаттар қоса беріледі.

Тармақ 111

111. Шағымға оны берген тұлға немесе оның өкілі қол қояды. Өкіл берген шағымға сенімхат немесе өкілдің өкілеттіктерін куәландыратын өзге құжат қоса беріледі.

Тармақ 112

112. Егер:

Тармақша 1

1) шағым осы Қағидалардың 110-тармағының бірінші бөлігінде белгіленген талаптарға сәйкес келмесе;

Тармақша 2

2) шағымға қол қойылмаса не қол қоюға өкілеттігі жоқ адам қол қойса, шағым келіп түскен күнінен бастап екі жұмыс күні ішінде оны берген тұлғаға қаралмай қайтарылады.

Басқа 2. Қазақстан Республикасы Үкіметінің күші жойылған кейбір шешімдерінің тізбесі

Қазақстан Республикасы Үкіметінің 2021 жылғы « » № қаулысына қосымша Қазақстан Республикасы Үкіметінің күші жойылған кейбір шешімдерінің тізбесі

Тармақ 1

1. «Бірыңғай дистрибьютордың тегін медициналық көмектің кепілдік берілген көлемі және міндетті әлеуметтік медициналық сақтандыру жүйесіндегі медициналық көмек шеңберінде дәрілік заттар мен медициналық мақсаттағы бұйымдарды сақтау және тасымалдау жөніндегі қызметтерді сатып алу қағидаларын бекіту және Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы» Қазақстан Республикасы Үкіметінің 2015 жылғы 8 шілдедегі № 515 қаулысы (Қазақстан Республикасының ПҮАЖ-ы, 2015 ж., № 37-38, 265-құжат).

Тармақ 2

2. «Қазақстан Республикасы Үкіметінің кейбір шешімдеріне өзгерістер енгізу туралы» Қазақстан Республикасы Үкіметінің 2016 жылғы 29 желтоқсандағы № 908 қаулысымен бекітілген Қазақстан Республикасы Үкіметінің кейбір шешімдеріне енгізілетін өзгерістердің 3-тармағы (Қазақстан Республикасының ПҮАЖ-ы, 2016 ж., № 68, 464-құжат).

Тармақ 3

3. «Қазақстан Республикасы Үкіметінің «Тегін медициналық көмектің кепілдік берілген көлемін және міндетті әлеуметтік медициналық сақтандыру жүйесіндегі медициналық көмекті көрсету бойынша дәрілік заттарды, профилактикалық (иммунобиологиялық, диагностикалық, дезинфекциялық) препараттарды, медициналық мақсаттағы бұйымдар мен медициналық техниканы, фармацевтикалық қызметтерді сатып алуды ұйымдастыру және өткізу қағидаларын бекіту туралы» 2009 жылғы 30 қазандағы № 1729 және «Бірыңғай дистрибьютордың тегін медициналық көмектің кепілдік берілген көлемі және міндетті әлеуметтік медициналық сақтандыру жүйесіндегі медициналық көмек шеңберінде дәрілік заттар мен медициналық мақсаттағы бұйымдарды сақтау және тасымалдау жөніндегі қызметтерді сатып алу қағидаларын бекіту және Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы» 2015 жылғы 8 шілдедегі № 515 қаулыларына өзгерістер енгізу туралы» Қазақстан Республикасы Үкіметінің 2017 жылғы 8 қарашадағы № 719 қаулысының 1-тармағының 2) тармақшасы (Қазақстан Республикасының ПҮАЖ-ы, 2017 ж., № 55-56-57, 358-құжат).

Тармақ 4

4. «Қазақстан Республикасы Үкіметінің кейбір шешімдеріне өзгерістер енгізу туралы» Қазақстан Республикасы Үкіметінің 2019 жылғы 6 маусымдағы № 380 қаулысымен бекітілген Қазақстан Республикасы Үкіметінің кейбір шешімдеріне енгізілетін өзгерістердің 5-тармағы (Қазақстан Республикасының ПҮАЖ-ы, 2019 ж., № 20, 173-құжат).

Қызметтер

Навигация

Параметрлер

Аккаунт