Об утверждении Правил предоставления кредитов на поддержку и развитие малого предпринимательства за счет средств местного бюджета Күшін жойған

Жергілікті бюджет қаржысы есебінен шағын кәсіпкерлікті қолдауға және дамытуға несиелер берудің Ережесін бекіту туралы Күші жойылды - Батыс Қазақстан облысы әкімдігінің 24.02.2005 № 80 қаулысымен. Қазақстан Республикасының "Қазақстан Республикасындағы жергiлiктi мемлекеттiк басқару туралы", "Бюджет жүйесi туралы", "Шағын кәсiпкерлiктi мемлекеттiк қолдау туралы" Заңдарына, Қазақстан Республикасы Үкiметiнiң "Қазақстан Республикасының үкiметтiк қарыз алуын және жергiлiктi атқарушы органдарының қарыз алуын жүзеге асыру ережесiн бекiту туралы" 2000 жылғы 8 маусымдағы N 874 қаулысына , Қазақстан Республикасы Үкiметiнiң "Мемлекеттiк бюджет есебiнен ұсталатын мемлекеттiк мекемелер үшiн бюджеттiң атқарылуы және есептiлiк нысандарын жүргiзу (мерзiмдiк және жылдық) жөнiндегi қаржылық рәсiмдердiң ережесiн бекiту туралы" 2002 жылғы 25 шiлдедегi N 832 қаулысына сәйкес, жергiлiктi бюджет қаржысы есебiнен шағын кәсiпкерлiктi қолдау және дамыту Бағдарламасын несиелеудiң тәртiбi мен шарттарын белгiлеу мақсатында облыс әкiмдiгi ҚАУЛЫ ЕТЕДI:

1. Ұсынылып отырған:

1) жергiлiктi бюджет қаржысы есебiнен шағын кәсiпкерлiктi қолдауға және дамытуға несиелер берудiң Ережесi (N 1 қосымша);

2) шағын кәсiпкерлiктi дамытудың басым бағыттарының тiзбесi (N 2 қосымша) бекiтiлсiн.

2. Бағдарлама әкiмшiсi Кәсiпкерлiктi қолдау және дамыту департаментi (Есқалиев) Қазақстан Республикасы Ұлттық банкiсiнiң лицензиясы бар екiншi деңгейдегi банктер мен ұйымдарды таңдау және шағын кәсiпкерлiк субъектiлерiнiң жобаларын қарау жөнiндегi конкурстық комиссияның құрамын бекiтсiн.

3. Кәсiпкерлiктi қолдау және дамыту департаментiнiң облыс әкiмiмен немесе оны ауыстырушы адаммен бiрге iрiктеу конкурсынан өткен Қазақстан Республикасы Ұлттық банкiсiнiң лицензиясы бар екiншi деңгейдегi банктермен және ұйымдармен несиелiк келiсiмдерге қол қоюға құқығы бар.

4. N 3 қосымшадағыға сәйкес облыс әкiмiнiң кейбiр шешiмдерiнiң күшi жойылды деп саналсын.

5. Қаулының орындалуын бақылау облыс әкiмiнiң орынбасары А.Қ. Нұрғалиевке жүктелсiн.

Облыс әкiмдiгiнiң 2003 жылғы 8 ақандағы N 38 қаулысына N 1 қосымша Жергiлiктi бюджет қаржысы есебiнен шағын кәсiпкерлiктi қолдауға және дамытуға несиелер берудiң Ережесі Осы Ереже Қазақстан Республикасының "Бюджет жүйесi туралы" 1999 жылғы 1 сәуiрдегi N 357-1 Заңына, Қазақстан Республикасы Президентiнiң "Қазақстан Республикасындағы банктер және банк қызметi туралы" 1995 жылғы 31 тамыздағы N 2444 заң күшi бар Жарлығына , Қазақстан Республикасының "Шағын кәсiпкерлiктi мемлекеттiк қолдау туралы" 1997 жылғы 19 маусымдағы N 131 Заңына , Қазақстан Республикасы Үкiметiнiң "Қазақстан Республикасының үкiметтiк қарыз алуын және жергiлiктi атқарушы органдарының қарыз алуын жүзеге асыру Ережесiн бекiту туралы" 2000 жылғы 8 маусымдағы N 874 қаулысына , Қазақстан Республикасы Үкiметiнiң "Мемлекеттiк бюджет есебiнен ұсталатын мемлекеттiк мекемелер үшiн бюджеттiң атқарылуы және есептiлiк нысандарын жүргiзу (мерзiмдiк және жылдық) жөнiндегi қаржылық рәсiмдердiң Ережесiн бекiту туралы" 2002 жылғы 25 шiлдедегi N 832 қаулысына сәйкес әзiрлендi және ол бюджеттiк қаржы есебiнен облыста шағын кәсiпкерлiктi қолдау және дамыту үшiн шағын кәсiпкерлiк субъектiлерiне несиелер берудiң тәртiбiн белгiлейдi.

I. Жалпы ережелер

1. Осы Ережеде төмендегiдей түсiнiктер пайдаланылады: кредитор - жергiлiктi атқарушы орган; бюджеттiк несие - кредитордың шұғылдық, төлемдiк және қайтарымдылық шарттарымен жергiлiктi бюджеттен берген ақшасы; қарыз алушы - қарыз алушы-банк немесе ең соңғы қарыз алушы; қарыз алушы - банк - ең соңғы қарыз алушыны одан әрi несиелеу үшiн жергiлiктi бюджеттен бюджеттiк несиелер алатын, банк операцияларының жекелеген түрлерiн жүргiзуге Қазақстан Республикасы Ұлттық банкiсiнiң лицензиясы бар екiншi деңгейдегi банктер немесе ұйымдар; соңғы қарыз алушы - қарыз алушы - банк арқылы бюджеттiк несиелердi алушы шағын кәсiпкерлiк субъектiсi - заңды немесе жеке тұлға; бюджеттiк несие жөнiндегi берешек - қарыз алушының бюджеттiк несиенi белгiленген күнге өтеу және қызмет көрсету кестесiне сәйкес төлемеген төлемдер сомасы; конкурстық комиссия - банктердi таңдап алу және шағын кәсiпкерлiк субъектiлерi жобаларын қарау жөнiндегi комиссия.

2. Бюджеттiк несиелеу жергiлiктi атқарушы органдардың тиiстi жылға қабылдаған бюджеттердi орындаудың құрамдас бөлiгi болып табылады және ол шағын несиелер беруге Қазақстан Республикасы Ұлттық банкiсiнiң лицензиясы бар банк-қарыз алушыға бюджеттiк несиелердi берiп, кейiннен оны соңғы қарыз алушы мен ұйымдарға беру жолымен жүзеге асырылады. Осы Ереже арқылы бiрлесiп қаржыландыру тәртiбiмен соңғы қарыз алушыларды қарыз алушы банкпен бiрге несиелендiрудiң шарттары да белгiленген. Жобаларды бюджеттiк несиелеу, бiрлесiп қаржыландыру қазiргi заңдарға сәйкес ашық конкурс өткiзу жолымен таңдап алынған облыста шағын кәсiпкерлiктi дамытудың басым бағыттарының тiзбесiне сәйкес қарыз алушы - банк арқылы жүргiзiледi. Жергiлiктi бюджет қаржысы есебiнен шағын кәсiпкерлiк субъектiлерiне бюджеттiк несие беру үшiн банк қызметiн көрсету жөнiнде ашық конкурс өткiзудiң тәртiбiн Конкурстық комиссия белгiлейдi. Мұнымен қатар конкурстық комиссия Қазақстан Республикасы Ұлттық банкiсiнiң лицензиясы бар екiншi деңгейдегi банктермен несиелiк келiсiмдердiң жалпы шарттарын, сыйақы мөлшерлемесiн және басқа да несиелендiру жөнiндегi шарттарды әзiрлейдi және бекiтедi.

3. Жергiлiктi бюджет есебiнен шағын кәсiпкерлiк субъектiлерiне бюджеттiк несиелер беру туралы қарыз алушы - банкпен несиелiк келiсiмдер жасауды жергiлiктi атқарушы органдар атынан әкiм немесе оны ауыстырушы адам және облыстық кәсiпкерлiктi қолдау және дамыту департаментi (бұдан әрi - Департамент) жүзеге асырады.

II. Бюджеттiк несиелер берудiң тәртiбi мен шарттары

4. Шағын кәсiпкерлiктi қолдауға және дамытуға бағытталған бюджеттiк несиелер мақсатты болып табылады және ол шағын кәсiпкерлiктi қолдаудың және дамытудың аймақтық бағдарламасын орындауға мәслихаттың шешiмiмен бекiтiлген тиiстi жылға арналған жергiлiктi бюджетте қаралған сомалар шегiнде берiледi.

5. Қарыз алушы - банк қоятын талаптар "Шағын кәсiпкерлiк субъектiлерiн бюджеттiк несиелендiру үшiн банктер қызметiн көрсету жөнiнде ашық конкурс өткiзу тәртiбiмен" айқындалады.

6. Бюджеттiк несиелендiру үрдiстерiнде әкiммен немесе оны ауыстырушы адаммен, Департаментпен және қарыз алушы - банк арасында несиелiк келiсiм жасалады.

7. Бизнес-жобаларға байланысты несиелендiрудiң қысқа мерзiмдi - 1 жылға дейiн, орта мерзiмдi несиелер - 1 жылдан жоғары, бiрақ 3 жылдан артық емес мерзiмдерi белгiленедi.

8. Бюджеттiк несиелер жергiлiктi бюджеттен ұлттық валютада қарыз алушы - банкке нөлдiк мөлшерлеме бойынша, банкке - соңғы қарыз алушыға Конкурстық комиссия белгiлеген мөлшерлеме бойынша берiледi.

9. Соңғы қарыз алушыға бюджеттiк несиелердi қайтарымдық негiзде беру, сондай-ақ жобаларды бiрлесiп қаржыландыру, олар тек облыста шағын кәсiпкерлiктi дамытудың басым бағыттарының тiзбесiне сәйкес қызметпен шұғылданғанда ғана жүзеге асырылады.

10. Несиелеуге бөлiнген бюджеттiк қаржыларды қандай ма болмасын еңбек ақы жөнiндегi, бюджетке төлемдер немесе басқа да банк алдындағы мiндеттемелер мен басқа да мерзiмi өткен төлемдердi өтеуге пайдалануға рұқсат етiлмейдi.

11. Департамент басым бағыттар тiзбесiне сәйкес жобаларды таңдайды, алдын ала сараптама жасайды және Конкурстық комиссияның қарауына ұсынады. Комиссия өзiнiң мәжiлiсiнде оны қарайды және қолдау тапқан жобалардың тiзiмiн бекiтедi. Конкурстық комиссияның шешiмi тиiстi хаттамамен ресiмделедi. Бекiтiлген жобалар тiзiмi Департамент арқылы уәкiлдi қарыз алушы - банкке берiледi.

12. Қарыз алушы - банк арқылы кредитордың несиелiк қорынан соңғы қарыз алушыға бюджеттiк несиелер беру қазiргi заңдарға, жасалған несиелiк шарттарға және банк-қарыз алушының iшкi несиелiк саясатына сәйкес iске асырылады.

13. Банк-қарыз алушы соңғы қарыз алушының жобаларына мынадай жолдармен сараптама жүргiзедi: соңғы қарыз алушының төлем қабiлеттiлiгiн және бюджеттiк несиенi өтемеген жағдайдағы тәуекелдiк дәрежесiн саралайды, жобаның экономикалық мақсатқа сәйкестiгiн, техникалық-экономикалық және қаржылық көрсеткiштерiн саралайды, несиенi өтеудiң қолда бар көздерi мен қамтамасыз ету жолдарына тексеру жүргiзедi. Банктердiң мақұлдауына ие болған жобалар бойынша банк жазбалай түрде Департаментке жобаларды қаржыландыруға келiсетiндiгi туралы мәлiмдейдi.

14. Комиссияның оңды шешiмi мен банктiң мақұлдауына ие болған жобалар бойынша банктер соңғы қарыз алушыға несие беру туралы қажеттi құжаттарды ресiмдейдi, несиелiк шарттар жасайды.

15. Банктiң соңғы қарыз алушыға қоятын бюджеттiк несиенiң пайызы, оның көлемi мен мерзiмi шектi мөлшерден аспауы керек.

16. Бюджеттiк қаржыдан берiлетiн бюджеттiк несиелер, сондай-ақ соңғы қарыз алушыларды несиелеуге осы Ереже мен Комиссия белгiлеген шарттарда бiрлесiп қаржыландыруға бөлiнген қаржы бөлiгi, қағида бойынша кепiлдiктi қамтамасыз ету немесе олардың берген басқа да кепiлдiктерi бойынша жүргiзiлуi қажет.

17. Жобаларды бiрлесiп қаржыландырған жағдайда Департамент нөлдiк мөлшерлеме бойынша жобалар құнындағы бюджеттiк несиелiк қордағы жылдығы 1% өзiнiң үлесiн бередi. Жобаны бiрлесiп қаржыландырудағы банк қатысының үлесi берiлетiн несиенiң жалпы сомасының 50 пайызынан кем болмауы тиiс. Сыйақының жалпы пайыздық мөлшерлемесi несиелеу сәтiндегi Қазақстан Республикасы Ұлттық банкiсiнiң қайта қаржыландырудағы мөлшерлемесiнен артпауы тиiс.

18. Несиелiк шарттар және онымен байланысты құжаттар жасалынғаннан кейiн қарыз алушы - банк соңғы қарыз алушының атына несие шотын ашады, оған несиелiк шарттарға сәйкес бюджеттiк несиелер сомасы аударылады. Аталған шоттан несиелер беру соңғы қарыз алушының есеп айырысу шотына ақша аудару жолымен немесе оны төлемдiк құжаттарға төлеу жолымен жүргiзiледi.

19. Шағын кәсiпкерлiктi қолдауға және дамытуға бағытталған, жергiлiктi бюджетте қаралған қаржыны облыстық қаржы басқармасы Департамент (бағдарлама әкiмшiсi) шотына аударады, Департамент нақты жоба жөнiнде оңды қорытынды туралы банктiң жазбалай хабарламасын алғаннан кейiн соңғы қарыз алушыны несиелеу үшiн қарыз алушы - банкке қаржыны олардың тапсырысына сәйкес бөледi. Несиелiк қор ретiнде пайдалануға бөлiнген бюджеттiк қаржыны банк 15 күн iшiнде игермеген жағдайда, ол қаржы 5 банкi күнi iшiнде Департамент шотына қайтарылуға жатады. Бөлiнген бюджеттiк қаржыны игермеген жағдайда банктiң Департамент шотына дер кезiнде қайтармаған ақша қаражаты үшiн санкцияның көлемiн Департамент пен банк арасында жасалған несиелiк келiсiмдерде айқындалады.

III. Бюджеттiк несиелердi өтеудiң және қызмет көрсетудiң тәртiбi

20. Қарыз алушы - банк бюджеттiк несиенi өтеудi жасалған несиелiк келiсiмге сәйкес iске асырады. Бұл ретте төлемнiң төмендегiдей кезектiлiгi белгiленедi: - есептелген айыппұлдар мен төлемақы өсiмi; - есептелген сыйақылар; - негiзгi қарызды өтеу.

21. Департаменттiң несиелiк келiсiмдi мерзiмiнен бұрын бұзуына және қарыз алушы - банк келiсiмнiң шарттарын бұзған жағдайда несиеге берiлген сомаларды қайтарып алуына құқығы бар.

22. Несиелiк келiсiм бұзылмаса да Департамент бюджеттiк несиенiң өз мақсатына жұмсалмаған фактiлерiн анықтаса, онда ол заңсыз пайдаланған несие сомалары үшiн қарыз алушы - банктен несиелiк келiсiмде баяндалған мөлшерде айыппұл өндiрiп алуға құқылы.

23. Қарыз алушы - банк бюджеттiк несиенi несиелiк келiсiмде көрсетiлген мерзiмде өтемеген жағдайда қалыптасқан берешектерге айыппұл пайыздары есептеледi.

24. Қарыз алушы - банк негiзгi қарыз сомасын және басқа да осы несиеге байланысты төлемдермен айыппұлдарды қайтарған жағдайда жергiлiктi бюджет қаржысы есебiнен берiлген несие өтелген болып саналады.

25. Соңғы қарыз алушыларда бюджеттiк несие бойынша берешектер қалыптасқан және оны несиелiк шартта белгiленген мерзiмде өтемеген жағдайда, банктер несиенi кепiлдiк заттар арқылы өндiру жолымен мәжбүрлеп қайтаруға шаралар алады.

26. Соңғы қарыз алушы несиенi дер кезiнде қайтармаған жағдайда және егер банк орындаған процедуралық нормалар қарыз алушының берешектi қайтаруына мүмкiндiк жасамаса, банк облыстық бюджетке қаржыны өздерiнiң есебiнен қайтаруды қамтамасыз етедi. Аталған қаржыны қайтару мерзiмi Департамент және банк арасында қол қойылып жасалған несиелiк келiсiмде белгiленедi.

27. Жергiлiктi бюджет қаржысы есебiнен берiлген несиелердi қайта құрылымдау: - сыйақының мөлшерлемесi; - несиенi өтеу мерзiмi немесе төлемнiң кезектiлiгi; - несие валютасы; бұларға өзгерiстер әкiмдiктiң қаулысы негiзiнде жүзеге асырылады. Мұнда несиенi өтеудiң мерзiмiне немесе төлемнiң кезектiлiгiне, несие валютасына, сондай-ақ сыйақының мөлшерлемесiне өзгерiстер жасағанда, ол тиiстi қаржы жылының жергiлiктi бюджетi туралы мәслихаттың шешiмiмен бекiтiлген бюджеттiң кiрiс бөлiгiнiң мөлшерiне әсер етпеуi керек.

IҮ. Бюджеттiк несиелердi есепке алу және бақылау

28. Бюджеттiк несиелердiң мақсатты жұмсалуын бақылауды банктер мен Департамент бөлiнген қаржыны тексеру және шығындарды азайту жолымен жүзеге асырады.

29. Қарыз алушы несиелiк қорды белгiленген мақсатқа жұмсамағаны белгiлi болса банк 3 күн iшiнде бұл туралы Департаментке хабарлайды және берiлген қаржыны мерзiмiнен бұрын қайтару жөнiнде шаралар алады. Несиенi мерзiмiнен бұрын қайтару соңғы қарыз алушы берешектерiнiң барлық сомасын мерзiмi өткен несиеге шығару, яки мерзiмiнен бұрын өндiрiп алу жолымен жүзеге асырылады.

30. Жергiлiктi бюджет қаржысы есебiнен қарыз алушы - банкке берiлген барлық несиелер облыстық қаржы басқармасында белгiленген тәртiппен мiндеттi түрде тiркелуге жатады.

31. Департаментке берiлген бюджеттiк несиелерге мониторингi жүргiзудi облыстық қаржы басқармасы Қазақстан Республикасы қаржы министрлiгiнiң белгiлеген тәртiбi пен нысаны бойынша қарыз алушы - банктiң жүйелi түрде есеп беруi негiзiнде iске асырады.

32. Берiлген бюджеттiк несиелердi пайдаланудың тиiмдiлiгiн бағалауды Департамент iске асырады.

33. Департамент бақылау мақсатында қарыз алушы - банктен бюджеттiк несиеге байланысты қажеттi ақпараттарды талап етуге құқылы.

Облыс әкiмдiгiнiң 2003 жылғы 8 ақпандағы N 38 қаулысына N 2 қосымша Батыс Қазақстан облысы бойынша шағын кәсiпкерлiктi дамытудың басым бағыттарының ТIЗБЕСI

1. Жаңа технологиялар мен жабдықтар түрлерiн енгiзу және игеру.

2. Дәрiлiк табиғи шикiзат әзiрлеу және өңдеу, сондай-ақ дәрiлiк заттар, таңу материалдары мен санитарлық - гигиеналық заттар шығару.

3. Ауыл шаруашылығы өнiмдерiн өңдеу.

4. Алкоголсiз сусындар, тамақ өнiмдерiн және оларды буып-түйетiн материалдар шығару.

5. Картон-қағаз өнiмдерiн өндiру.

6. Мебель, ағаш өнiмдерi мен фурнитуралар өндiру.

7. Ауыл шаруашылығы және экономиканың басқа да салалары үшiн жабдықтар мен басқа да техникалар шығару.

8. Құрылыс материалдарын, конструкциялар мен бұйымдар өндiру.

9. Тiгiн бұйымдарын, арнаулы киiмдер мен тоқыма бұйымдар өндiру.

10. Мал шаруашылығын дамыту.

11. Экономиканың түрлi салаларында импорт алмастыру өнiмдерiн өндiрудi дамыту және ашу.

12. Қызмет көрсету аясын дамыту (тұрмыстық, полиграфиялық, дәрiгерлiк, жөндеу, жөндеу-құрылыс және басқалар).

13. Кәсiпкерлiк инфрақұрылымы саласы кәсiпорындарын құру (консалтингтiк, аудиторлық, маркетингтiк қызметтер көрсету).

14. Табысы төмен азаматтарды шағын несиемен қамтамасыз ету.

15. Көкөнiс, бақша, картоп өсiрудi дамыту.

16. Жемшөп өндiрiсiн дамыту.

17. Нан және нан-бөлке өнiмдерiн өндiру.

18. Қолөнершiлiктi дамыту.

19. Туризмдi дамыту.

20. Жол және сервистiк қызметтi дамыту.

Облыс әкiмдiгiнiң 2003 жылғы 8 ақпандағы N 38 қаулысына N 3 қосымша Облыс әкiмiнiң күшi жойылған шешiмдерiнiң ТIЗБЕСI

1. Облыс әкiмiнiң "Жергiлiктi бюджет қаржысы есебiнен шағын кәсiпкерлiктi қолдауға және дамытуға несиелер берудiң Ережесiн бекiту туралы" 2001 жылғы 23 сәуiрдегi N 110 (тiркеу N 842) шешiмi.

2. "Облыс әкімінің "Жергiлiктi бюджет қаржысы есебiнен шағын кәсiпкерлiктi қолдауға және дамытуға несиелер берудiң Ережесiн бекiту туралы" 2001 жылғы 23 сәуiрдегi N 110 шешiмiне қосымшалар енгiзу туралы" облыс әкiмiнiң 2001 жылғы 13 шiлдедегi N 164 (тiркеу N 960) шешiмi .

3. "Облыс әкімінің "Жергiлiктi бюджет қаржысы есебiнен шағын кәсiпкерлiктi қолдауға және дамытуға несиелер берудiң Ережесiн бекiту туралы" 2001 жылғы 23 сәуiрдегi N 110 шешiмiне өзгерiстер мен қосымшалар енгiзу туралы" облыс әкiмiнiң 2002 жылғы 20 ақпандағы N 23 (тiркеу N 1349) шешiмi.