Об утверждении Правил изготовления и реализации билетов в государственных организациях культуры Күшін жойған
Басқа 0
Мемлекеттік мәдениет ұйымдарындағы билеттерді дайындау мен өткізу қағидаларын бекіту туралы
«Мәдениет туралы» 2006 жылғы 15 желтоқсандағы Қазақстан Республикасы Заңының 7-бабының 35-8) тармақшасына сәйкес БҰЙЫРАМЫН:
Тармақ 1
1. Қоса беріліп отырған Мемлекеттік мәдениет ұйымдарындағы билеттерді дайындау мен өткізу қағидалары бекітілсін.
Тармақ 2
2. Қазақстан Республикасы Мәдениет және спорт министрлігінің Мәдениет және өнер істері департаменті Қазақстан Республикасының заңнамасында белгіленген тәртіпте:
Тармақша 1
1) осы бұйрықты Қазақстан Республикасының Әділет министрлігінде мемлекеттік тіркеуді;
Тармақша 2
2) осы бұйрық қолданысқа енгізілгеннен кейін оны Қазақстан Республикасы Мәдениет және спорт министрлігінің интернет-ресурсында орналастыруды;
Тармақша 3
3) осы тармақта көзделген іс-шаралар орындалғаннан кейін екі жұмыс күні ішінде Қазақстан Республикасы Мәдениет және спорт министрлігінің Заң қызметі департаментіне іс-шаралардың орындалуы туралы мәліметтерді ұсынуды қамтамасыз етсін.
Тармақ 3
3. Осы бұйрықтың орындалуын бақылау жетекшілік ететін Қазақстан Республикасы Мәдениет және спорт вице-министріне жүктелсін.
Тармақ 4
4. Осы бұйрық ресми жарияланған күнінен кейін он күнтізбелік күн өткен соң қолданысқа енгізіледі.
Басқа 8. Мемлекеттік мәдениет ұйымдарындағы билеттерді дайындау мен өткізу қағидалары
министрдің міндетін атқарушы
2021 жылғы 19 наурыздағы
№ 77 бұйрығымен
бекітілген
Мемлекеттік мәдениет ұйымдарындағы билеттерді дайындау мен өткізу қағидалары
Тарау 1. 1-тарау. Жалпы ережелер
1-тарау. Жалпы ережелер
Тармақ 1
1. Осы Мемлекеттік мәдениет ұйымдарындағы билеттерді дайындау мен өткізу қағидалары (бұдан әрі – Қағидалар) «Мәдениет туралы» 2006 жылғы 15 желтоқсандағы Қазақстан Республикасы Заңының 7-бабының 35-8) тармақшасына сәйкес әзірленді және мемлекеттік мәдениет ұйымдарындағы билеттерді дайындау мен өткізу тәртібін айқындайды.
Тармақ 2
2. Осы Қағидаларда мынадай негізгі ұғымдар қолданылады:
Тармақша 1
1) билет кітапшасы – тапсырыс беруші (мәдениет ұйымы) әзірлеген үлгілер мен техникалық ерекшелікке сәйкес типографиялық тәсілмен ғана дайындалған және кітапқа түптелген қатаң есептегі билет бланкілері;
Тармақша 2
2) дистрибьютор – азаматтық заңнама шеңберінде жасалған шарттар негізінде мәдениет ұйымдарының билеттерін сатуды жүзеге асыратын уәкілетті жеке және/немесе заңды тұлғалар;
Тармақша 3
3) термобилет – типографиялық тәсілмен дайындалған қағаз тасығыштағы арнайы бланк түріндегі қатаң есептегі құжат;
Тармақша 4
4) фонограмма – орындаушылықтардың немесе өзге де дыбыстардың дыбыстық жазбасы, сондай-ақ дыбыстау-бейнелеу туындысына енгізілген жазбаны қоспағанда, дыбыстарды кез келген нысанда беру.
Тарау 2. 2-тарау. Мемлекеттік мәдениет ұйымдарындағы билеттерді дайындау тәртібі
2-тарау. Мемлекеттік мәдениет ұйымдарындағы билеттерді дайындау тәртібі
Тармақ 3
3. Мемлекеттік мәдениет ұйымдарында (бұдан әрі – мәдениет ұйымы) билеттердің мынадай түрлерін дайындау жүзеге асырылады:
Тармақша 1
1) қағаз жеткізгіштегі билет;
Тармақша 2
2) термобилет;
Тармақша 3
3) электрондық билет.
Тармақ 4
4. Билеттер мынадай негізгі ақпаратты құрайды:
Тармақша 1
1) іс-шараның атауы;
Тармақша 2
2) іс-шараны өткізу күні мен уақыты;
Тармақша 3
3) билет бағасы;
Тармақша 4
4) көрермен залындағы сектор (болған жағдайда), қатар мен орын;
Тармақша 5
5) іс-шарада фонограмманың болуы немесе болмауы туралы ақпарат (жазылады);
Тармақша 6
6) құрылтай құжатына сәйкес мәдениет ұйымының атауы (толық немесе қысқартылған);
Тармақша 7
7) мәдениет ұйымының заңды мекенжайы;
Тармақша 8
8) қолдау қызметінің байланыс деректері (электрондық билеттер үшін);
Тармақша 9
9) айырықша белгілер: қағаз жеткізгіштегі билеттерде – алты таңбалы сериялық нөмір (алфавиттік тәртіпке сәйкес екі бас әріппен белгіленген), реттік нөмір, термобилеттерде – жеті таңбалы сериялық нөмір (алфавиттік тәртіпке сәйкес екі бас әріппен белгіленген), реттік нөмір, электрондық билеттерде – штрих-код және/немесе QR код.
Билеттердің сериялық және реттік нөмірлері мәдениет ұйымымен белгіленеді.
Тармақ 5
5. Осы Қағидалардың 4-тармағында көрсетілген ақпарат қағаз жеткізгіштегі билеттерге – арнайы мөртабандармен немесе типографилық баспа тәсілдерімен, термобилеттерге – шаблонға типографилық баспа тәсілдерімен енгізіледі.
Тармақ 6
6. Қағаз жеткізгіштегі билеттің беткі және артқы жақтары болады. Билеттің беткі жағы үш бөлікке бөлінген (түбіртек, орталық бөлік және бақылау), оның екеуі (түбіртек және бақылау) үзбелі болып табылады.
Тармақ 7
7. Қағаз жеткізгіштегі билет түбіртегінің беткі жағы осы Қағидалардың 4-тармағының 9) тармақшасында көрсетілген ақпаратты қамтиды.
Тармақ 8
8. Қағаз жеткізгіштегі билеттің орталық бөлігінің беткі жағы осы Қағидалардың 4-тармағында көрсетілген ақпаратты қамтиды.
Билеттің түбіртегі мен орталық бөлігінің беткі жағындағы сериялық нөмірі мен сериясы бірдей болып табылады.
Тармақ 9
9. Қағаз жеткізгіштегі билеттің бақылау бөлігінің беткі жағы «Бақылау» деген сөзді қамтиды.
Тармақ 10
10. Билеттерде қамтылған ақпарат қазақ, орыс, ал қажет болған жағдайда басқа да тілдерде ресімделеді.
Тармақ 11
11. Мәдениет ұйымының қалауы бойынша қағаз жеткізгіштегі билеттің орталық бөлігінің артқы жағында мәдениет ұйымдарына көрермендердің келуі мен мінез-құлық тәртібі туралы, билетті қайтару саясаты туралы және қосымша анықтамалық ақпарат қамтылады.
Тармақ 12
12. Қағаз жеткізгіштегі билеттің және термобилеттің сыртқы дизайны мәдениет ұйымымен дербес әзірленеді.
Тармақ 13
13. Қағаз жеткізгіштегі билеттер бланкілері бір іс-шараға көрермендер залындағы отырғызу орындарының саны бойынша билет кітапшасында қалыптастырылады. Билет кітапшасының титул парағына мәдениет ұйымының атауы, билеттердің сериясы мен реттік нөмірі қойылады және мәдениет ұйымының бірінші басшысы мен бас бухгалтері қол қояды.
Тармақ 14
14. Қағаз жеткізгіштегі билеттерді өткізу кезінде түбіртек билет кітапшасында қалады. Бір билет кітапшасы бір іс-шараға көрермендер залындағы отыратын орындар саны бойынша есептелген билеттер санын қамтиды.
Тармақ 15
15. Термобилет беткі және артқы жағы бар шаблонды білдіреді. Билеттің беткі жағы екі бөлікке бөлінген (негізгі және бақылау бөлігі). Билеттің бақылау бөлігі үзбелі болып табылады.
Тармақ 16
16. Термобилеттің негізгі бөлігінің беткі жағы осы Қағидалардың 4-тармағында көрсетілген ақпаратты қамтиды.
Тармақ 17
17. Термобилеттің бақылау бөлігінің беткі жағы «Бақылау» деген сөзді қамтиды.
Тармақ 18
18. Қалыптастырылған термобилет арнайы термопринтердің көмегімен басып шығарылады.
Тармақ 19
19. Термобилеттердің шаблондары қағаз орамдарға қалыптастырылады және термопринтердің техникалық сипаттамаларына сәйкес билеттер санын қамтиды.
Тармақ 20
20. Электрондық билет осы Қағидалардың 4-тармағында көрсетілген ақпаратты қамтиды және рұқсат етілмеген қолжетімділіктен қорғау, сәйкестендіру, тіркеу және билеттерді өткізген сәттен бастап 5 жыл ішінде билетті өткізу бойынша барлық операцияларды сақтау қасиеті бар билеттерді онлайн сатуды жүзеге асыратын дистрибьюторлардың автоматтандырылған жүйесі арқылы қалыптастырылады.
Тармақ 21
21. Бір билет бір іс-шараға қатысу үшін бір рет пайдаланылатын құжат болып табылады.
Тарау 3. 3-тарау. Мемлекеттік мәдениет ұйымдарындағы билеттерді өткізу тәртібі
3-тарау. Мемлекеттік мәдениет ұйымдарындағы билеттерді өткізу тәртібі
Тармақ 22
22. Билеттерді өткізу мәдениет ұйымының кассасында, сондай-ақ мәдениет ұйымымен азаматтық заңнама шеңберінде жасалған шарттар негізінде дистрибьюторлармен жүзеге асырылады.
Тармақ 23
23. Билет кассаларының меңгерушісі немесе дистрибьюторларға ресімдеу және беру үшін билет бланкілерін алған мәдениет ұйымының билеттерді өткізуге жауапты тұлғасы тиісті жүкқұжаттар негізінде билеттерді беруді жүзеге асырады.
Тармақ 24
24. Азаматтық заңнама шеңберінде мәдениет ұйымдарымен шарттар жасасқан дистрибьюторлар туралы ақпарат мәдениет ұйымдарының ресми интернет-ресурстарында орналастырылады.
Тармақ 25
25. Автоматтандырылған дистрибьюторлар билеттерді өз ресурстары арқылы өткізеді.
Тармақ 26
26. Билеттерді өткізу ұлттық валютада қолма-қол және қолма-қол ақшасыз есеп айырысу арқылы жүзеге асырылады.
Тармақ 27
27. Мәдениет ұйымының кассасынан билет сатып алған кезде кассир сатып алушыға қағаз жеткізгіштегі билетті және/немесе термобилетті және бақылау-касса аппаратурасын қолдана отырып, электрондық түрде қалыптастырылған және қағаз жеткізгіште басып шығарылған кассалық чекті береді.
Тармақ 28
28. Электрондық билетті сатып алу кезінде сатып алушының электрондық поштасына және/немесе ұялы телефон нөміріне электрондық билетті сатып алу фактісін растайтын электрондық кассалық чек автоматты режимде жіберіледі.
Тармақ 29
29. Мәдениет ұйымының гастрольдік іс-шараларына билеттерді өткізуді қабылдаушы тараптың немесе мәдениет ұйымының немесе дистрибьюторлардың күштерімен жүзеге асырылады.
Тармақ 30
30. Егер гастрольдік іс-шараларға билеттерді өткізуді қабылдаушы тараптың күштерімен жүзеге асырылған жағдайда, онда қабылдаушы тарап өзі дайындаған билет бланкілерін не келетін тарап ұсынған билет бланкілерін пайдаланады.
Тармақ 31
31. Бой бермейтiн күштiң (форс-мажор), яғни осы жағдайлар кезiндегi төтенше және тойтаруға болмайтын мән-жайлардың (дүлей құбылыстар, соғыс қимылдары, төтенше жағдай және т.б.) салдарынан мәдениет ұйымы іс-шараның күшін жояды.
Тармақ 32
32. Осы Қағидалардың талаптарын сақтамай ресімделген немесе қандай да бір түзетулері бар билеттер жарамсыз деп танылады және пайдалануға, айырбастауға және қайтаруға жатпайды.