Об установлении карантина на территории крестьянского хозяйства «Алмас» Тарлаулинского сельского округа Аягозского района Күшін жойған

Аягөз ауданы Тарлаулы ауылдық округінің «Алмас» шаруа қожалығының аумағына карантин белгілеу туралы Қазақстан Республикасының 2002 жылғы 10 шілдедегі «Ветеринария туралы» Заңының 10-1 бабының 7) тармақшасына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 35-бабының 2-тармағына сәйкес және Аягөз ауданы бойынша бас мемлекеттік ветеринариялық-санитариялық инспекторының міндетін атқарушының 2021 жылғы 16 наурыздағы № 176 ұсынысы негізінде, Тарлаулы ауылдық округінің әкімі ШЕШТІ:

1. Мүйізді ірі қара малдардың арасынан қарасан ауруының шығуына байланысты Аягөз ауданы Тарлаулы ауылдық округінің «Алмас» шаруа қожалығының аумағына карантин белгіленсін.

2. Осы шешімнің орындалуын бақылауды өзіме қалдырамын.

3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.