О создании градостроительного Совета Қолданыста

Қала құрылысы жөніндегі қалалық кеңес құру туралы Қазақстан Республикасы 2001 жылғы қаңтардың 23-індегі "Қазақстан Республикасындағы жергілікті мемлекеттік басқару туралы" N 148 Заңының 31-бабындағы 1 тармақтың 17-тармақшасы (Қазақстан Республикасы Парламентының Жаршысы, 2001 жылғы N 3, 17 бет; "Қазақстанская правда", 2001 жылғы қаңтардың 30-ындағы N 25-26; "Юридическая правда" қазанның 7-сіндегі N 6-7) негізінде, қала аудандарындағы қала құрылысы мен жобалау мәселелері жөніндегі әкімдіктің кеңестері мен ұсыныстарын зерттеу мақсатында, қала әкімдігі ҚАУЛЫ ЕТЕДІ:

1. Қала әкімдігі жанындағы кеңесші орган-қала құрылысы жөніндегі Кеңес келесі құрамда (N 1 қосымша) құрылсын.

2. Қала құрылысы туралы ереже (N 2 қосымша) бекітілсін.

3. Қала құрылысы Кеңесінің дербес құрамы Орал қалалық мәслихатының сессиясында бекітілсін.

4. Осы қаулының орындалуын бақылау қала әкімінің орынбасары Ғ. Х. Қапақовка жүктелсін.

Орал қаласы әкiмдiгiнiң 2003 жылғы 20 ақпандағы N 133 қаулысының N 1 – қосымша Қала құрылысы Кеңесінің құрамы Ольга Владимировна Назарчук - инфрақұрылым және құрылыс бөлімінің меңгерушісі - Кеңес төрайымы Наталья Юрьевна Филиппова - инфрақұрылым және құрылыс бөлімінің жетекші маманы - Кеңес хатшысы Кеңес мүшелері: Анатолий Александрович Гриднев - Батыс Қазақстан облыстық тарихи-мәдени Мұраны қорғау инспекциясының бас маманы Мағзон Нұғманұлы Исенғалиев - Батыс Қазақстан облыстық сәулет және құрылыс басқармасы бастығының орынбасары Нариман Қуанғалиұлы Искиндиров - "Күмбез" жауапкершілігі шектеулі серіктестігінің директоры, сәулетші Степан Григорьевич Килюмнюк - "Газжобалау" ғылыми-зерттеу жобалау институты" акционерлік қоғамы шеберханасының бастығы Евгений Абрамович Кизилов - қала әкімдігінің инфрақұрылым және құрылыс бөлімі сәулет-жоспарлау бөлімінің бастығы Жақсығали Мұхамбетұлы Нұғманов - "Архстройпроект" жауапкершілігі шектеулі серіктестігінің директоры,сәулетші Ирина Борисовна Петрова - "Лад" жауапкершілігі шектеулі серіктестігінің директоры, сәулетші Әлия Болатқызы Райымқұлова - Орал қаласы әкімінің аппараты мәдениет бөлімінің меңгерушісі Анатолий Мирзабаевич Рафиков - Батыс Қазақстан облыстық суретшілер Одағының төрағасы Майра Гұмарқызы Сәрсенғалиева - Қазақстан Сәулетшілер Одағы Батыс Қазақстан ұйымының төрайымы Болат Тұрсынбайұлы Өтегенов - "Кульман" жауапкершілігі шектеулі Серіктестігінің бас сәулетшісі Юрий Бореевич Умеркаев - "Нефтегаз" ғылыми-зерттеу жобалау институтының" бас сәулетші

Орал қаласы әкiмдiгiнiң 2003 жылғы 20 ақпандағы N 133 қаулысының N 2 – қосымша Қала құрылысы жөніндегі Кеңес туралы ЕРЕЖЕ

1. Жалпы қағидалар

1. Қала құрылысы жөніндегі Кеңес туралы ереже қолданымдағы заңнамаға сәйкес дайындалған.

2. Қала құрылысы жөніндегі Кеңес-Орал қаласы әкімдігі жанындағы кеңесші орган. Кеңестің негізгі міндеті қала мен оның функционалдық аймақтарын, инфрақұрылымдарын, аудандарын, махаллаларын, қала ортасының объектілерін дамыту және қайта құру бағдарламаларын, жобалары мен тұжырымдарын, сондай-ақ қала құрылысы және сәулет саласындағы мәселелерді қарау және келісу, жобалауды ұйымдастыру, қала құрылысы саясатын қалыптастыру және құрылысты реттеу жөнінде ұсыныстар дайындау болып табылады.

3. Кеңес шешімі қала құрылысы мәселелерін шешу барысында қала әкімдігінің қаулысына немесе әкімнің шешіміне қосылуы мүмкін.

2. Кеңестiң мiндеттерi

1. Кеңес қосымша зерттеулер мен барлау және нысандарды орналастырудың мақсаттылығы жөнінде шешімдер қабылдай алады.

2. Кеңес төрағасы қала әкімдігінің мәжілісінде қаралған мәселелер жөніндегі Кеңестің ұсыныстары жөнінде баяндайды.

3. Кеңестің құрамы және қызметті ұйымдастыру

1. Қалалық Кеңестің құрамына мынадай мамандар кіреді: сәулетшілер, жобалаушылар, дизайнерлер, суретшілер, жергілікті басқару органдары, қалалық қызметтер, санитарлық қызметтер, жер инспекциясы, ескерткіштерді қорғау жөніндегі мемлекеттік инспекциясы, сәулетшілер мен суретшілердің қоғамдық ұйымдарының өкілдері.

2. Кеңестің жеке құрамын қалалық мәслихат бекітеді.

3. Қалалық Кеңесті Кеңес төрағасы - қаланың бас сәулетшісі, ол болмаған кезде оның орынбасары басқарады.

4. Кеңес төрағасының құзыреті. Кеңес төрағасы:

1. Кеңестің жеке құрамын қалыптастыру жөніндегі мәселелерді ұсынады;

2. Кеңестің қарауына ұсынылатын қызмет бағдарламасы мен мәселелер тақырыптамасын анықтайды;

3. Кеңестің шешімдері мен ұсыныстарының іске асырылуын қамтамасыз етеді және оның хаттамаларының орындалуына жауапты;

4. Қаралатын мәселе бойынша пікірсарапшыларды, сарапшыларды немесе оппоненттерді, проблемалық мәселелер бойынша баяндаушыларды тағайындайды.

5. Қажет болған жағдайда Кеңес жұмысына маман-сарапшылар қатысады.

6. Кеңес қызметінің ұйымдастыру және хаттамалық бөлігін Қалалық Кеңестің хатшысы орындайды.

7. Қалалық Кеңес хатшысының қызметі:

1) Кеңестің шешімдері мен хаттамаларын жүргізу және тарату, оларды тіркеу және есепке алу;

2) мәжілістерді ұйымдастыру және Кеңес мүшелерін құлақтандыру;

3) жобалық материалдар мұрағатын қалыптастыру;

4) сарапшылардың сараптаманы уақытында өткізуін бақылау;

8. Кеңеске қатысқан пікірсарапшылар мен сарапшылардың, Кеңес мүшелерінің жұмысына ақы төленбейді.

9. Кеңестің мүшелері жеке пікір білдіруге құқы бар, ол Кеңес хаттамаларында ресімделеді.

10. Кеңестің жұмыс хаттамалары Кеңестің мұрағатында сақталады және сөйленген сөздердің қысқаша андатпасы, сарапшылардың қорытындылары, жобалардың фото немесе ксерокөшірмелерінің ішінде бар. Кеңестің төрағасы, хатшысы және мәжілісте қатысқан Кеңес мүшелері хаттамаға қол қояды. Кеңестің хаттамалары жалпыға жеткілікті.

11. Қалалық Кеңестің жұмысына салушының, инвестордың, тапсырыс берушінің және бұқаралық ақпарат құралдарының өкілдері қатысады.

4. Қаралатын жобалардың, мәселелер мен қарау процедурасының санаттары

1. Мемлекеттік бюджет есебінен қаржыландырылатын қала құрылысы бағдарламалары, жобалары, тұжырымдамалары, қала құрылысының бас жоспарлары, толық құрылыс жобасы және қайта құрудың қала жобалары, қала маңы мен ландшафтық аумақтар, парктер, көлік қызметі мен инженерлік инфрақұрылымдарды дамыту нобайлары, демалыс аймақтары, және т. с. жобалар Қалалық Кеңесте міндетті түрде қаралады.

2. Қаланың орталығындағы қорғауға жататын тарихи аумақ шетінде жасалған жобаларда тарихи-сәулеттік талдау бөлімдері болуы тиіс.

3. Қала ғимараттары, құрылымдар мен қала ортасы нысыналарының жобасын бас сәулетшінің бастамасымен Қалалық Кеңесте қарау келесі негіздемелер бойынша жүзеге асырылады:

1) нысананың маңыздылығы;

2) нысананың жалғызіліктілігі;

3) қала құрылысының немесе құрылыс жағдайының қүрделілігі;

4) жобаның ескіруі;5) қала ортасының ахуалының немесе сипаттамасының өзгеруі;

6) ауданның даму тұжырымдамасының өзгеруі.

4. Жоба авторлардың немесе тапсырыс берушілердің демонстрациялық мәліметтерімен, тапсырыс берушінің талабы бойынша техникалық-экономикалық негіздемелерімен ұсынылады. Мұрағат пен іске асыру жөніндегі ұсыныс үшін мәліметтердің ксеро- және фотокөшірмелері бірге тапсырылады.

5. Наразылық, талап, дау.

1. Кеңес шешімімен келіспеушілік білдірген жағдайда Кеңестің іс-әрекеттеріне сотқа шағымдануға болады.

2. Қала Кеңесі жағдай өзгерген болса және тиісті негіздеме болғанда бұрынғы шешімін қайта қарауға құқы бар.

3. Сарапшылардың қорытындыларына талаптар туындаса жауапкершілік сарапшыларға жүктеледі.