О Координационном Совете по борьбе с туберкулезом Күшін жойған

Туберкулезбен күресу жөніндегі Үйлестіру Кеңесі туралы Қазақстан Республикасы 2001 жылғы қаңтардың 23-індегі "Қазақстан Республикасындағы жергілікті мемлекеттік басқару туралы" N 148-ІІ Заңының 31-бабындағы 1-тармақтың 17-тармақшасы негізінде, Батыс Қазақстан облысы әкімінің 2001 жылғы ақпанның 9-ындағы "Туберкулезбен күресу жөніндегі Үйлестіру Кеңесі туралы" N 39 шешімін (2001 жылғы наурыздың 2-сіндегі тіркеу №708) орындауда және туберкулезбен күресті ұйымдастыру бағытындағы қызметті үйлестіру мақсатында қала әкімдігі Қаулы Етеді:

1. Қала әкімі жанында туберкулезбен күресу жөніндегі қалалық Үйлестіру Кеңесі құрылсын. Оның құрамы мен Кеңес туралы Ереже N 1 және N 2 қосымшаға сәйкес бекітілсін.

2. Қала әкімінің 2001 жылғы сәуірдің 13-індегі "Туберкулезбен күресу жөніндегі Үйлестіру Кеңесі туралы" N 371 шешімі (2001 жылғы сәуірдің 26-сындағы тіркеу N 812) күшін жойған деп танылсын.

3. Осы қаулы қалалық мәслихаттың сессиясына бекітуге ұсынылсын.

4. Осы қаулының орындалуын бақылау қала әкімінің орынбасары Е.И. Тарасенкоға жүктелсін.

Орал қаласы әкімдігінің 2003 жылғы 24 сәуірдегі N 317 қаулысына N 1 қосымша Туберкулезбен күресу жөніндегі қалалық Үйлестіру Кеңесінің ҚҰРАМЫ Елена Ивановна Тарасенко - қала әкімінің орынбасары, төраға Әлия Хайрушқызы Жамбаева - ішкі саясат және әлеуметтік сала бөлімінің меңгерушісі, төрағаның орынбасары Кеңес Әбдиұлы Берсағұров - бас мемлекеттік санитарлық дәрігер Ермекқали Хамитұлы Жаданов - тұрақты тұрғылықты жері жоқ тұлғаларды әлеуметтік бейімдеу орталығының директоры Қаныбек Сисенғалиұлы Жақсығалиев - қалалық ішкі істер бөлімі бастығының орынбасары Зияда Надырғалиқызы Молдағалиева - облыстық денсаулық сақтау басқармасының бас маманы (келісім бойынша) Александр Михайлович Мозжухин - қалалық білім басқармасы бастығының орынбасары Герман Владимирович Одинец - облыстық туберкулезге қарсы диспансері бас дәрігерінің орынбасары (келісім бойынша) Әлия Болатқызы Райымқұлова - қалалық мәдениет бөлімінің меңгерушісі Бақытжан Қайырұлы Шамшитов - отын-энергетика кешені бөлімінің меңгерушісі

Орал қаласы әкімдігінің 2003 жылғы 24 сәуірдегі N 317 қаулысына N 2 қосымша Туберкулезбен күрес жөніндегі қалалық Үйлестіру Кеңесі туралы Ереже

1. Туберкулезбен күрес жөніндегі қалалық Үйлестіру Кеңесі қала әкімі жанындағы кеңесші орган болып танылады (бұдан әрі - Кеңес).

2. Кеңестің құрамына облыстық денсаулық сақтау басқармасы, қалалық ішкі істер бөлімі, қалалық білім басқармасы, қалалық мәдениет бөлімі, еңбек, қалалық жұмыспен қамту және халықты әлеуметтік қорғау басқармасы, тұрғын үй-коммуналдық, жол шаруашылығы басқармасының өкілдері кіреді.

3. Туберкулезбен күрес жөніндегі Кеңес:

а) қалалық басқармалар, бөлімдер және мекемелердің туберкулезбен күресті ұйымдастыру мәселелері жөніндегі қызметін үйлестіруге қатысады;

б) денсаулық сақтау мекемелері жетекшілерінің, кенттік округтері әкімдерінің, малдәрігерлік, ішкі істер және мемлекеттік органдары жетекшілерінің қаладағы туберкулезбен күресу жағдайын алдын-ала тексеріп, дайындаған ақпаратын тыңдайды.

4. Кеңестің мәжілістері тоқсан сайын өткізіледі. Жұмыс жоспары Кеңестің мәжілісінде бекітіледі.

5. Жұмысты ұйымдастырушылық қамтамасыз етуді қала әкімі аппаратының ішкі саясат және әлеуметтік сала бөлімі жүзеге асырады.