О проведении конкурсов (тендеров) по предоставлению права ведения охотничьего хозяйства, закреплению охотничьих угодий (участков) и распределению между охотпользователями по Южно-Казахстанской области Күшін жойған

Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу туралы Қазақстан Республикасының "Қазақстан Республикасындағы жергілікті мемлекеттік басқару туралы" Заңының 27 бабына сәйкес және Оңтүстік Қазақстан облыстық орман және биоресурстар жөніндегі аумақтық басқармасының ұсынысын қарап облыс әкімияты қаулы етеді:

1. Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу тәртібі (№1 қосымшаға сәйкес) бекітілсін.

2. Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөніндегі конкурстық (тендерлік) комиссия туралы ереже бекітілсін (№2 қосымша).

3. Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөніндегі конкурстық (тендерлік) комиссияның құрамы бекітілсін (№3 қосымша).

4. "Оңтүстік Қазақстан облысының аумағында аңшылық шаруашылығын жүргізу құқығын беру туралы" типтік келісім шарт қолданыстағы Заңдарға сәйкес бекітілсін (№4 қосымша).

5. Осы қаулының орындалуын бақылау облыс әкімінің бірінші орынбасары И.Әбішевке жүктелсін.

Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу туралы облыс әкімиятының 2003 жылғы 4 мамырдағы № 231 қаулысына 1 қосымша Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізудің тәртібі

1-тарау. Жалпы ережелер

1. Оңтүстік Қазақстан облысы бойынша аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізудің осы тәртібі Қазақстан Республикасының "Жануарлар әлемін қорғау, өсіру және пайдалану туралы ", "Қоршаған ортаны қорғау туралы " Заңдарының, Қазақстан Республикасы Ауыл шаруашылығы министрлігі Орман және аңшылық шаруашылығы комитетінің Ережесінің негіздерінде әзірленген.

2. Конкурстың (тендердің) мақсаты аңшылықты пайдаланушыларға конкурс негізінде аңшылық шаруашылығын жүргізу құқығын беру, аймақтық экологиялық дамуын және жұмыспен қамтамасыз етілуін қоса алғанда, олардың басымшылық мүдделерін есепке ала отырып, аңшылық шаруашылығында бәсекелестікті дамытуға жағдай жасау болып табылады.

3. Конкурс (тендер) өткізудің негізгі қағидалары:

1) әртүрлі меншік нысанындағы аңшылықты пайдаланушылар арасында облыстағы аңшылық алқаптарын (учаскелерін) әділ және дұрыс бөлу;

2) жеңімпаздарды іріктеу аңшылықты пайдаланушылар мен тілек білдірген барлық бақылаушылардың қатысуымен өткізіледі;

3) өте ұтымды тендерлік ұсыныстар берген аңшылықты пайдаланушы аң шаруашылығын жүргізу құқығына ие болады. Бұл жерде аңшылық алқаптарының экологиялық жағдайын жақсартуға бағытталған биотехникалық шараларды, жануарлар әлемін өсіруге белсене қатысушы аңшылық шаруашылығын жүргізуге маманданған ұйымдарға басымдық беріледі;

4) кәсіптік балық аулауға келісім шартты конкурстық жолмен алу аңшылықты пайдаланушыларға тендерлік құжаттарда белгіленген бірыңғай талаптардың негізінде бәсекелесуге мүмкіндік береді.

4. Конкурстың (тендердің) міндеттері: жануарлар әлемін тиімді пайдалану мен ұлғайта өсіруді, аңшылық алқаптарына экологиялық жағдайды жақсартуды, биотехникалық шараларды жүргізуді қамтамасыз ету мәселесінде оңтайлы жағдайларды қамтитын ең ұтымды ұсыныстарды анықтау.

5. Арнайы өкілетті орган ретінде конкурстық (тендерлік) комиссияның жұмыс органы болып табылатын Оңтүстік Қазақстан облыстық орман және аңшылық шаруашылығы аумақтық басқармасы конкурстық (тендердің) ұйымдастырушысы болып табылады.

6. Конкурстық (тендерлік) процесс, оны хабарландырудан бастап жеңімпазды (дарды) анықтауды аяқтаумен қоса 60 күннен аспау керек.

7. Конкурс (тендер) жеңімпаздары арнайы уәкілетті органмен аң шаруашылығын жүргізу құқығына келісім шарт жасасу құқығын алады.

8. Конкурсқа (тендерге) облыстағы жекелеген немесе бірнеше учаскелері қойылуы мүмкін.

9. Конкурс (тендер) кемінде екі қатысушы (талапкер) болғанда ғана өткізіледі.

10. Аңшылық шаруашылығын ұйымдастыру үшін жарамсыз аңшылық алқаптарын аңшылықты пайдаланушыларға "Жануарлар мен өсімдіктер дүниесін қорғау, өсімін молайту және пайдалану туралы" Қазақстан Республикасының Заңына сәйкес конкурс (тендер) өткізілместен берілуі мүмкін.

2-тарау. Конкурстарды (тендерлерді) ұйымдастыру

11. Арнайы өкілетті орган Оңтүстік Қазақстан облыстық орман және аңшылық шаруашылығы басқармасы бұқаралық ақпарат құралдары арқылы, сондай-ақ әлеуетті қатысушыларға конкурс (тендер) өткізуден 30 күн бұрын ескерте отырып, конкурстық (тендердің) негізгі талаптарын, тәртібін және өтетін уақытын хабарлайды (1 қосымша).

12. Меншік нысанына қарамастан жануарлар әлемін ұлғайта өсіру және ұтымды пайдалану үшін материалдық-техникалық базасы бар кез-келген заңды тұлға және жеке тұлға шет елдік азаматтар да конкурсқа (тендерге) қатыса алады.

13. Конкурсқа (тендерге) қатысуға тілек білдірушілер тендерлік құжаттар пакетін алуға арнайы өкілетті органға жазбаша өтінім беруі тиіс.

14. Тендерлік құжаттар пакетіне төмендегілер кіреді:

1) қатысушы туралы ақпарат (№1-2 қосымша);

2) конкурсқа (тендерге) қатысушыларға нұсқау (№1-3 қосымша);

3) тендерлік ұсыныстардың бірыңғай түрінің үлгісі (№1-4 қосымша);

4) қатысушының тендерлік ұсыныстарын бағалау ұпайлары (№1-5 қосымша);

5) Оңтүстік Қазақстан облысы бойынша аңшылықты пайдаланушылар арасында аң шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізудің осы тәртібі;

6) арнайы өкілетті органға бәсекелік ұсыныстарды беру үшін бәсекеге қойылған жеке-дара аңшылық алқаптарының (учаскелерінің) санына тең конверттердің (бір үлкен және екі кіші) жиынтығы.

15. Қатысушыларға дайындалған тендерлік құжаттар мөр басылып куәландырылуы тиіс және оларды қатысушыға бергенде арнайы журналда тіркеледі.

16. Қатысушы арнайы өкілетті органға комиссия мүшелерінің санына тең мөлшерде тендерлік ұсыныстарды және қатысушы туралы ақпаратты тапсырады. Тендерлік ұсыныстар мен қатысушы туралы ақпарат бөлек екі пакеттерге салынып, мөр басылып жабылады да, үлкен бір пакетке салынып, ол да мөр басылып жабылады. Барлық үш конвертте де тану белгілері және қатысушы туралы мәлімет болмауы тиіс.

17. Тендерлік ұсыныстарды тапсырудың соңғы мерзімі мен конкурс (тендер) өткізу мерзімінің арасы екі күн болуға тиіс. Конкурсты (тендерді) ұйымдастырушы тендерлік ұсыныстарды қабылдаудың соңғы күнін, хабарландыруда және бәсекеге қатысушыларға берілетін тендерлік құжаттарда көрсетуі тиіс.

18. Белгіленген уақыттан соң түскен ұсыныстар конкурсқа (тендерге) қатысуға жіберілмейді. Конкурсты (тендерді) ұйымдастырушы уақытында берілген тендерлік ұсыныстардың барлығын қалдырмай қабылдауға міндетті.

19. Қатысушылардың бәсекелік ұсыныстарын ұйымдастырушы тіркеуден өткізген соң, оларға толықтырулар және кез-келген өзгерістер енгізуге тыйым салынады.

20. Конкурсты (тендерді) ұйымдастырушы конкурсты (тендерді) өткізуге 10 күн қалғанда конференция өткізуі және қатысушылардың сұрақтарына жауап беруі тиіс.

21. Конкурстық (тендерлік) комиссия конверттерді ашу, қарау, тендерлік ұсыныстарды бағалау және жеңімпаздарды анықтауды ашық түрде жүргізеді.

3-тарау. Тендерлік ұсыныстардың мазмұны мен оларды бағалау

22. Ұсынылатын тендерлік ұсыныстардың үлгілері №4 қосымшада келтірілген.

23. Тендерлік ұсыныстар төмендегі өлшемдер жиынтығын қамтуы мүмкін, соған байланысты конкурстық (тендерлік) комиссия баға береді:

1) арнайы автокөліктің болуы;

2) білікті мамандармен қамтамасыз етілуі;

3) материалдық базасы мен аңшылық үйлерін салу, қайта жаңғырту мен жақсарту бойынша белгіленген шаралар туралы;

4) жануарлар әлеміне өзіне-өзі бақылау жасау, браконьерлікке (сұғанақтыққа) қарсы күрестің, бекітілген аңшылық алқаптарын қорғаудың әдістері;

5) биотехникалық жануарлар әлемін ұлғайта өсіру шараларын жүргізуге қатысу.

24. Қатысушы тендерлік ұсыныстардың барлық тармақтары бойынша толық және ақиқат ақпарат беруге міндетті.

25. қатысушылардың тендерлік ұсыныстарын бағалауды және жеңімпазды анықтауды конкурстық (тендерлік) комиссия жүргізеді.

4-тарау. Конкурстық (тендердің) жеңімпаздарымен келісім-шарт жасасу тәртібі

26. Аң шаруашылығын жүргізу құқығын беру және аңшылық алқаптарын (учаскелерін) бекіту туралы облыс әкімиятының қаулысы қабылданған соң конкурс (тендер) жеңімпазымен 15 жылдық мерзімге келісім шарт жасалады, келісім шарттың барлық шарттары сақталған жағдайда оның мерзімі ұзартылады. Аталған облыс әкімиятының қаулысы облыстық аумақтық қоршаған ортаны қорғау басқармасының жазбаша қорытындысы болғанда ғана қабылданады.

27. Келісім шарт жасасуда тендерлік құжаттар пакетіне салынған қатысушының тендерлік ұсыныстары, техникалық-экономикалық және басқа да құжаттамасы негізге алынады.

28. Келісім шарт жасасу процесінде анықтаулар мен толықтырулар болуы мүмкін, олар ұйымдастырушы мен аңшылықты пайдаланушының мүддесіне зиян тигізбеуі керек.

29. Келісім шартта тараптардың құқықтары, міндеттері, жауапкершіліктері және келісім шарттың орындалуының егжей-тегжейлі шарттары көрсетіледі, жағдайлар қажет ететін болса, өзгерістер енгізу мүмкіндігі қарастырылады.

30. Қатысушы конкурс (тендер) жеңімпазы белгіленген жұмысқа облыс әкімиятының аң шаруашылығын жүргізу құқығын беру және аңшылық алқаптарын (учаскелерін) бекіту туралы қаулысы қабылданғаннан кейін және ұйымдастырушы келісім шартқа қол қойғаннан соң кірісе алады.

31. Келісім-шартқа қол қоюдың мерзімі қатысушыны конкурстық (тендердің) жеңімпазы деп жариялаған соң 30 күннен аспауы керек.

Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу туралы облыс әкімиятының 2003 жылғы 4 мамырдағы № 231 қаулысына 1.1 қосымша Конкурс (тендер) өткізу туралы хабарландыру Оңтүстік Қазақстан облыстық орман және аңшылық шаруашылығы аумақтық басқармасы аңшылықты пайдаланушылар арасында аң шаруашылығын жүргізу құқығын беруге, аңшылық алқаптарын (учаскелерін) бекітуге және үлестіруге 2003 жылғы «___»__________ конкурс (тендер) өткізеді. Мына мекен-жайда________________________________________ Басталуы ________ сағатта. Конкурсқа (тендерге) меншік нысанына қарамастан жануарлар әлемін қорғауға және ұлғайта өсіруге, тиісті материалдық-техникалық базасы бар кез-келген Заңды және жеке тұлға (оның ішінде шетелдіктер) қатыса алады. Конкурсқа (тендерге) мынандай аңшылық алқаптары қойылады:___________________________________________________________ ____________________________________________________. Конкурсқа (тендерге) қатысуға тілек білдірушілер осы хабарландыру жарияланған күннен бастап қатысуға өтінім беруі және ұйымдастырушыдан тендерлік құжаттарды алуы тиіс. Қатысушылардың тендерлік құжаттарды тапсыруларының соңғы мерзімі 2003 жылғы __________сағатқа дейін. Анықтамалар алу үшін мына телефон арқылы хабарласуға болады _____________.

Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу туралы облыс әкімиятының 2003 жылғы 4 мамырдағы № 231 қаулысына 1.2 қосымша

1. Қатысушының толық аты, Заңды мекен-жайы, банкілік реквизиттері, кәсіпорын басшысының тегі, аты-жөні.

2. Бюджет алдында қарызының жоқтығы немесе қарызының барлығы жөнінде салық комитетінің анықтамасы.

3. Қаржылық жағдайы туралы қызмет көрсететін банкінің анықтамасы.

4. Заңды тұлғаның Жарғысының немесе Ережесінің көшірмесі.

5. Тіркелуі туралы куәліктің көшірмесі.

6. Бизнес жоспар (аңшылық-экономикалық негіздемесі).

1. Жеке куәлігінің көшірмесі.

2. Салық комитетінен тіркелуі туралы куәліктің көшірмесі.

3. Қаржылық жағдайы туралы қызмет көрсететін банкінің анықтамасы.

4. Аңшылық билетінің көшірмесі.

5. Бизнес-жоспар(аңшылық-экономикалық негіздемесі).

6. Жеке кәсіпкердің куәлігінің көшірмесі.

Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу туралы облыс әкімиятының 2003 жылғы 4 мамырдағы № 231 қаулысына 1.3 қосымша Конкурсқа (тендерге) қатысушыларға нұсқау

1. Әрбір қатысушы облыстық орман және аңшылық шаруашылығы аумақтық басқармада (конкурсты ұйымдастырушыда) конкурсты (тендерді) өткізу тәртібімен таныса алады.

2. Конкурсқа (тендерге) қатысуға тілек білдіруші конкурсты (тендерді) ұйымдастырушыға үлгі бойынша өтінім беріп, тендерлік құжаттар пакетін алуы керек. Конкурсқа (тендерге) қатысушының өкілі өтінім бергенде, өтінім бергенде, өтінім беру және тендерлік құжаттардың пакетін алу тапсырылған тұлғаға берілген сенімхатты, ұйымдастырушыға тапсырады. ұйымдастырушы қатысушыға оның өтінімін қабылдап алғандығы туралы күнін көрсетіп мөрмен куәландырылған жазбаша хабарландыру береді.

3. Конкурсқа (тендерге) қатысушы тендерлік ұсыныстарда:

1) жоғары өткіштегі автокөлік;

2) қызметтік қарудың;

3) білікті мамандардың;

4) материалдық-техникалық құралдар базасының бар екендігі көрсетілуі тиіс.

4. Барлық қатысушылар төмендегі құжаттар мен ақпараттарды тапсырады:

1) шаруашылық жүргізуші субъекті Жарғысының немесе Ережесінің көшірмесін

2) субъектінің мемлекеттік тіркеуден өтуі туралы куәлігінің көшірмесін

3) реквизиттер мен Заңды мекен-жайларын

4) қатысушының қаржылық жағдайы туралы банкінің анықтамасын

5) бюджет алдында қарызының жоқтығы жөнінде салық комитетінің анықтамасын

6) бизнес-жоспарды (аңшылық-экономикалық негіздемесі).

5. Қатысушы бірыңғай үлгіге сәйкес өзінің тендерлік ұсыныстарын дайындауға тиіс (№1-4 қосымша).

6. Қатысушының өтінім беруі оның жұмыс сипатымен, жақсы таныс екендігін, конкурстық (тендердің) шарттары мен талаптарын қабылдайтындығын білдіреді.

7. Тендерлік ұсыныстар 5 данада және қатысушы туралы ақпарат хабарланған мерзімде ұйымдастырушыға бөлек жабылған екі пакет салынған бір үлкен пакетте тапсырылады.

Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу туралы облыс әкімиятының 2003 жылғы 4 мамырдағы № 231 қаулысына 1.4 қосымша Тендерлік ұсыныстардың бірыңғай түрінің үлгісі

1. Аңшылықты пайдаланушыда материалдық-техникалық құралдарының, табельдік (тізбедегі) қарудың нақты болуы. Не нәрсесі бар, оның саны, әр түрінің қуаты нақты көрсетілуі тиіс.

2. Браконьерліктен (сұғанақтықтан) қорғау және күресу үшін арнайы көліктің бөлуі. көліктің түрі, маркасы, саны, немен жабдықталғаны көрсетілу керек.

3. Білікті мамандардың: қорықшылардың, аңшылықты жүргізулердің болуы. Санын, жұмыс өтілін, мамандығы көрсетілуі тиіс.

4. Өсіру участогының бөлінуі. Оларды қалай жүргізу, бұл мақсаттарға қанша қаржы бөлу көзделген.

5. Аң шаруашылығын жүргізумен қай уақыттан бері айналысады. қашан, қай аңшылық шаруашылығында, орындалған жұмыстардың көлемі, жұмсалған қаржының сомасы.

6. Бөлінген аңшылық алқаптарын қорғауды, браконьерлікке жол бермеуді, бекітілген алқаптарының санитарлық жағдайын тиісті дәрежеде ұстауды қалай қамтамасыз етуді көздеп отырсыз.

7. Лимиттен артық атуға жол бермеу, браконьерлікке қарсы күрес мақсатында аңдардың атылуына өзін-өзі бақылау әдісін белгілеу.

8. Аңшылықты пайдалануды жақсарту, жануарлар әлемінің сақталуын қамтамасыз ету мен көбейту шаралар жөніндегі қосымша ұсыныстар.

9. Тендерлік ұсыныстардың барлық тармақтары бойынша қатысушы толық және ақиқат ақпаратты беруге міндетті.

Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу туралы облыс әкімиятының 2003 жылғы 4 мамырдағы № 231 қаулысына 1.5 қосымша Қатысушының тендерлік ұсыныстарын бағалау ұпайлары № Тендерлік ұсыныстың аты Ең жоғары бағалау ұпай Комиссия мүшесінің бағасы 1 Материалдық-техникалық құралдардың, табелдік (тізбедегі) қарудың болуы 5 2 Аңшылық алқаптарын қорғауды қамтамасыз ету үшін арнайы көліктің болуы 5 3 Білікті мамандармен аңшылық жүргізушілермен, қорықшылармен т.б. 5 4 Бекітілген алқаптарда аңшылық үйлерін жақсарту мен жаңартуда, браконьерлікпен күрес жүргізуде көзделген шаралар, қаржылардың жиынтығы 10 5 Бекітілген аңшылық алқап-тарында қорғауды, тиісті санитарлық жағдайда ұстауды қамтамасыз ету 5 6 Биотехникалық шараларды және есепке алу жұмыстары жүргізуге қатынасуы 5 Комиссия мүшесінің тегі, инициалдары және қолы. Комиссия мүшесінің тегі, инициалдары және қолы.

Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу туралы облыс әкімиятының 2003 жылғы 4 мамырдағы № 231 қаулысына 2 қосымша Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөніндегі конкурстық (тендерлік) комиссияның ЕРЕЖЕСІ

1. Жалпы ережелер

1. Конкурстық (тендерлік) комиссия меншік нысанына қарамастан аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөніндегі конкурс (тендер) ұйымдастыру мен өткізу үшін құрылады.

2. Комиссияның қызметінің негізгі мақсаты меншік нысанына қарамастан аңшылықты пайдаланушылар арасында бәсекелік ортаны қалыптастыру.

3. Комиссия мына өкілдерден құралады:

1) Облыс әкімінің аппаратынан

2) Оңтүстік Қазақстан облыстық орман және аңшылық шаруашылығы аумақтық басқармасынан

3) Оңтүстік Қазақстан облысы бойынша салық комитетінен

4) Оңтүстік Қазақстан облыстық жер ресурстарын басқару жөніндегі комитетінен

5) Қоршаған ортаны қорғаудың аумақтық басқармасынан

6) Облыстық инфрақұрылым және мемлекеттік сатып алу департаментінен.

4. Конкурстық (тендерлік) комиссияның құрамы Оңтүстік Қазақстан облысы әкімиятының қаулысымен бекітіледі. Комиссия мүшелерінің саны тақ болуға және 11 адамнан артық болмауға тиіс.

5. Комиссияның міндеті тендерлік ұсыныстарды бағалау және конкурстық (тендердің) жеңімпаздарын анықтау болып табылады. Комиссия жұмысының басты ұстанымдары жариялылық, әділеттілік және кәсіпқойлық.

6. Комиссия мына жұмыстарды жүргізеді:

1) конкурсты (тендерді) өткізудің уақыты мен орнын анықтайды

2) конкурсты (тендерді) өткізуді ұйымдастырады

3) комиссия мәжілісінің хаттамасын ресімдейді.

2. Комиссияның құқықтары мен міндеттері

7. Комиссияның мыналарға құқығы бар:

1) Аңшылықты пайдаланушыларды, олардың тендерлік ұсыныстары негізінде іріктеуге

2) Конкурс (тендер) өткізудің нәтижелері бойынша жеңімпаздарды анықтауға

3) Конкурсты (тендерді) ұйымдастырушыға конкурсқа (тендерге) дайындық жұмыстарын жүргізуді тапсыруға

8. Комиссия төмендегілерге міндетті:

1) Аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу тәртібіне сәйкес конкурс (тендер) өткізуге

2) конкурс (тендер) өткізу кезінде ұсыныстарды бағалап, конкурс (тендер) жеңімпазы туралы мәселені шешуге

3) Өткізілген конкурстық (тендердің) нәтижесін хаттамамен ресімдеуге.

3. Жұмыс тәртібі

9. Комиссияның мәжілісі қажеттілігіне қарай өткізіледі.

10. Комиссияның мәжілісі, егер оған комиссия мүшелері жалпы санының кемінде 2/3 қатысқан жағдайда Заңды деп табылады.

4. Тендерлік ұсыныстарды бағалау және жеңімпазды анықтау

11. Жеңімпазды анықтауды комиссия жүзеге асырады. Тендерлік ұсыныстар бар конверт пен қатысушы туралы ақпарат бар конверт салынған үлкен конверттер сыртынан көрінбейтін қорапта болуға тиіс. Комиссия төрағасы қорапта жатқан кез-келген үлкен конвертті алады да, конверттің оң жақ жоғарғы бұрышына бірінші рет санын қояды. Содан соң, төраға үлкен конвертті ашады да тендерлік ұсыныстары бар конверт пен қатысушы туралы ақпарат бар конвертке де бірінші рет санын қояды. Әрі қарай төраға тендерлік ұсыныстар бар конвертті ашады, ұсыныстың әрбір көшірмесіне бірінші рет санын қояды және комиссияның әрбір мүшесіне береді. қатысушы туралы ақпарат бар конверт үлкен конвертте ашылмаған күйде қалады. Сонымен бірге мезгілде тендерлік ұсыныстардың рет саны қойылған даналарын және бағалау ұпайлары бланкілерінің үлгісін комиссия мүшелеріне таратады.

12. Тендерлік ұсыныстардың даналарын комиссияның мүшелері қарайды. Олар жеке дара тендерлік ұсыныстардың әрбір тармағына бағаларын қояды. Тендерлік ұсыныстар қаралып, баға қойылған соң, комиссия хатшысына тапсырылады, одан соң, комиссия хатшысы оларды бірінші рет санды үлкен конвертке салуға міндетті.

13. Барлық басқа конкурсқа (тендерге) қатысушылар үшін тендерлік ұсыныстары бар конверттерді қараудың осы сияқты рәсімі жүргізілуге тиіс.

14. Комиссияның әрбір мүшесі тендерлік ұсыныстар салынған барлық конверттерді қарап бағалаған соң, баға нәтижелері бар үлгіні куәландырады және оны төрағаға (хатшыға) береді. Содан соң комиссияның төрағасы куәландырған үлгілердің негізінде рет саны бірдей қатынасушының қорытынды ұпайларын қосады және әрбір қатысушы бойынша жалпы қорытынды ұпайларын анықтайды және мұны комиссия хатшысы хаттамаға тіркейді.

15. Комиссияның төрағасы, жалпы ұпайлар жиынтығының нәтижесі бойынша ең көп жалпы қорытынды ұпай жинаған қатысушының рет санын жариялайды. Егер, екі немесе одан көп қатысушы бірдей ең жоғары ұпай жинаған болса, олардың тендерлік ұсыныстары мен бірдей көлемде ұпай жинаған қатысушылардың рет саны көрсетілген бюллетендер комиссия мүшелеріне тағы да таратылады. Конкурс (тендер) жеңімпазы жабық дауыс беру арқылы. Комиссия төрағасы жарияланған конкурс (тендер) жеңімпазының рет санына сәйкес келетін үлкен конвертті алып, оның ішінен қатысушы туралы ақпараты бар конвертті алып ашады және ашық бәсекені жеңген және келісім шарт жасасуға құқық алған жеңімпаздық мәліметтерін комиссия мүшелеріне оқып береді. Конкурстық (тендердің) жеңімпазын анықтау жөніндегі комиссия мәжілісінің нәтижелері хаттамамен ресімделеді, оған комиссия мүшелері, хатшы, төраға қол қояды.

16. Жеңімпазды анықтауда аңшылық шаруашылығын жүргізумен биотехникалық шараларды, маманданған, аңшылық алқаптарының экологиялық жағдайын жақсартуға, жануарлар әлемін өсіруге бағытталған белсене қатысқан ұйымдарға басымдық беріледі.

17. Облыс әкімиятының аңшылық шаруашылығын жүргізу құқығын беру және аңшылық алқаптарын бекіту туралы қаулысы қабылданған соң арнайы уәкілетті орган тендердің жеңімпазымен аңшылық шаруашылығын жүргізуге келісім шарт жасайды. Жеңімпазбен келісім шарт жасауға дейін конкурстың (тендердің) қатысушыларының тендерлік ұсыныстарды қарау мен бағалаудың нәтижелерін жазбаша алуға құқы бар. Егер комиссия мәжілісі аяқталғанға дейін немесе келісім шарт жасау кезінде, конкурстың (тендердің) жеңімпазының (қатысушы туралы ақпаратта немесе тендерлік ұсыныстарда) күмән келтіретін ақпарат бергендігі анықталса, комиссия конкурстың (тендердің) нәтижелерін жоюы мүмкін және алған ұпайларының саны бойынша екінші орын алған қатысушыны конкурстың (тендердің) жеңімпазы деп жариялайды.

18. Даулы мәселелер сот тәртібімен қаралады.

Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу туралы облыс әкімиятының 2003 жылғы 4 мамырдағы № 231 қаулысына 3 қосымша Ислам Әлмаханұлы Әбішев - облыс әкімінің бірінші орынбасары, комиссия төрағасы Алмас Жорабекұлы Алпамышев - облыстық аумақты орман және аңшылық шаруашылығы басқармасы жануарлар әлемін қорғау, өсіру және пайдалану саласындағы реттеу мен бақылау бөлімінің бастығы, комиссия хатшысы (келісім бойынша) Комиссия мүшелері: Будан Асанұлы Әбибуллаев - облыстық мемлекеттік сатып алу жөніндегі басқармасының бастығы Қыдырәлі Оспанұлы Байдаулетов - облыстық аумақтық қоршаған ортаны қорғау басқармасының бастығы (келісім бойынша) Мәди Қожаұлы Бегалиев - облыстық клиникалық аурухананың бас дәрігері Сергей Николаевич Громов - Оңтүстік Қазақстан облысы бойынша индустрия және шағын бизнесті қолдау жөніндегі департаментінің директоры (келісім бойынша) Николай Шамсутдинович Кабиров - облыстық ардагерлер кеңесінің төрағасы (келісім бойынша) Бақытбек Әуенұлы Нақыпбеков - облыстық жер ресурстарын басқару жөніндегі комитеттің төрағасы (келісім бойынша) Қайрат Махамбетұлы Сапарбаев - облыстық мәслихаттың депутаты (келісім бойынша) Нұрлан Сейітқұлұлы Сейітжапаров - облыстық аумақтық орман және аңшылық шаруашылығы басқармасының бастығы (келісім бойынша) Асқар Станиславович Тынысбеков - ОҚО бойынша салық комитетінің төрағасы (келісім бойынша)

Оңтүстік Қазақстан облысы бойынша аңшылықты пайдаланушылар арасында аңшылық шаруашылығын жүргізу құқығын беру, аңшылық алқаптарын (учаскелерін) бекіту және үлестіру жөнінде конкурс (тендер) өткізу туралы облыс әкімиятының 2003 жылғы 4 мамырдағы № 231 қаулысына 4 қосымша Оңтүстiк Қазақстан облысының аумағында аң шаруашылығын жүргiзу құқығын беру туралы бiр үлгiдегi келiсiм _________________ ____________200__ж.

1. ________________________________________________________ (аңшылық алқаптарын бекiту туралы _________________________________________________________________ шешiм қабылдаған облыстық атқарушы _________________________________________________________________ органның толық аты) __________________ жылғы «________»__________________ N шешiмiнiң негiзiнде бiз төменде қол қоюшылар _________________________________________________________________ (жануарлар әлемiн басқару жөнiндегi арнайы уәкiлеттi аумақтық басқарманың аты)_________________________________________________ атынан оның______________________________________________________ (лауазымы, тегi, әкесiнiң және өзiнiң аты) ары қарай _________________________________________________________________ (келiсiм жасаушы органның қысқа аты) деп аталатын_____________________________________________________ (алқап бекiтiлетiн заңды немесе жеке тұлғаның _________________________________________________________________ толық аты) атынан___________________________________________________________ (жеке тұлғаның тегi, әкесiнiң және өзiнiң аты, _________________________________________________________________ заңды тұлғаның лауазымы, тегi, әкесiнiң аты және өзiнiң аты ары қарай "Аңшылықты пайдаланушы"деп аталатын осы келiсiмдi төмендегiлер туралы жасасты: _________________________________________________________________ (келiсiмдi жасаушы органның қысқа аты) бередi, ал "Аңшылықты пайдаланушы" Оңтүстiк қазақстан облысының________________________ауданындағы (қаласындағы) орналасқан ___________________________атындағы көлемi аңшылық алқаптарды аңшылық шаруашылығын жүргiзу үшiн он бес жылдық мерзiмге қабылдап отыр, келiсiмнiң ажырамас бөлiгi болып табылатын төлқұжаты мен картографиялық материалы тiркелiп отыр.

2. Аңшылықты пайдаланушының келiсiмге көрсетiлген аңшылық алқаптары мен аңшылық шаруашылығын жүргiзу құқығын ұз бетiнше басқа ұйымдар мен азаматтарға беруiне үзiлдi кесiлдi тыйым салынады.

3. Аңшылықты пайдаланушы төмендегi мiндеттердi мойнына алады:

а) бекiтiлген алқаптарда iшкi шаруашылық аңшылықты орналастыруды _____________________мерзiмге дейiн жүргiзудi;

б) бекiтiлген аумақта iшкi шаруашылықты орналастыруды жүргiзгенге дейiн; - жануарлар әлемі мен табиғи кешендердiң басқа да нысандарын сақтау мен өсiрудi есепке ала отырып, аңшылық шаруашылығын жүргiзудiң және мемлекеттiк аңшылық қорын пайдаланудың жоспарын әзiрлеу: - бекiтiлген аңшылық алқаптарын ______________адамнан аз емес тұрақты қорықты күзетiмен қамтамасыз ету, олардың өзiнiң қызметтiк мiндеттерiн табысты орындау үшiн тұрғын үймен, энергиямен жабдықтауды және телерадио байланыспен, пiшiндi (формалық) киiммен, көлiк құралдарымен қажеттi құрал саймандармен қамтамасыз ету; - бекiтiлген аңшылық алқаптарының шекарасымен бiр ай мерзiмде ___________________ тану белгiлерiн (ақпараттың қалқандарды) қою; - жыл сайын алқаптарды қорғауды қамтамасыз етуге және өсiру молайту шараларын жүргiзуге _______________теңгеден аз емес қаржыларды қарастыру;

в) жыл сайын жануарлар әлемiн пайдаланғаны үшiн республикалық бюджетке белгiленген мерзiмде төлем ақыны аудару;

г) аңшылық алқаптарында белгiленуiмен мерзiмде жабайы жануарлардың, оның iшiнде кiтапқа еңген есебiн жүргiзу. Есептердiң нәтижелерiн, жабайы аңдарды аулау жөнiнде ұсыныстармен бiрге ___________________________________________________________ беруге (келiсiм жасаған органның қысқа аты)____________;

д) жер (су) телiмдерiн пайдаланушылармен келiсе отырып, белгiленген тәртiпте бөлiнген жер телiмдерiнде аңшылардың үйiн, кордондарды, баратын жолдарды салуды, азықтық өсiмдiктердi өсiру және басқа да жұмыстарды орындауды iске асыру;

е) табиғат қорғау заңнамасының қатаң орындалуын қамтамасыз ету, браконьерлiкке (сұғанақтыққа) және зиянда жыртқыштармен күрес жүргiзу;

ж) табиғат қорғау мәселелерi бойынша аңшылық шаруашылығы аумақтары мен іргелес жатқан елдi мекендерде көпшiлiк түсiндiру және насихат жұмыстарын жүргiзу;

з) аңшылық шаруашылығын жүргiзу бойынша сұралатын материал дар, ал жылдың қорытындысы бойынша белгiленген статистикалық есеп белгiленген мерзiмде уақытында ________________________________ беруге (келiсiмдi жасаған органның қысқаша аты)

4. _____________________________________________________ (келiсiм жасасқан органның қысқаша аты) ______________ мiндетiне алады:

а) Аңшылықты пайдаланушыға аңшылықты орналастыру бойынша шараларды, жабайы аңдардың сандарының есептерiн жүргiзуге және аңшылық шаруашылығын жүргiзудiң басқа да мәселелерi жөнiнде ықпал және қажеттi кеңестiк көмектi көрсетуге;

б) биотехникалық және аңшылық шаруашылық шараларын жүргiзуге ықпал жасау;

5. ______________________________________________________ келiсiм жасасқан органның қысқаша аты Аңшылықты пайдаланушы мемлекеттiк аңшылық қорын пайдалану бойынша келiсiмнiң шарттарын орындамаған жағдайда төмендегiдей құқы бар:

а) аңшылық ресурстарын пайдалануды шектеуге немесе үш жыл мерзiмге толық тыйым салу, бiрақ осы келiсiмнiң басқа барлық тармақтарын ары қарай орындауды талап ету;

б) аңшылық ресурстарын пайдалануды үш жыл мерзiмге толық тыйым салу, бiрақ осы келiсiмнiң басқа барлық тармақтарын орындауды талап ету;

в) бiржақты тәртiпте осы келiсiмдi бұзу.

6. «Аңшылықты пайдаланушы»келiсiмнiң шарттарын орындаған жағдайда осы аумақта оның аңшылық шаруашылығын ары қарай жүргiзудiң басымдық құқы сақталады;

7. Тараптар өзара келiскен жағдайда келiсiм мерзiмнен бұрын бұзылуы мүмкiн.

8. Аңшылық шаруашылығы жойылған жағдайда немесе аңшылық алқаптарының бiр бөлiгi алынғанда жануарлар әлемiн өсiрiп-молайтуға қорғауға, аңшылық алқаптарын көрiктендiруге, меморациялауға және басқа жұмыстарға аңшылықты пайдаланушылардың жұмсаған шығындары қайтарылмайды.

9. _______________________________________________________ ға (келiсiм жасасқан органның қысқа аты) Аңшылықты пайдаланушының берген сұранысы бойынша келiсiмнiң күшi осы келiсiмнiң күшi тоқтағанға дейiн алты ай алдында жаңа мерзiмге ұзартылады.

10. Осы келiсім бойынша даулар заңнамада белгiленген тәртiпте шешiледi.

11. Жануарлар әлемiн басқару мен аңшылық шаруашылығын жүргiзудiң арнайы өкiлеттi республикалық органның келiсiмдi бекiткен күнiнен бастап ол күшiне енедi.

12. Келiсiм екi данада жасалған және берiлген. Аңшылықты пайдаланушыға: _________________________________________________________________ (келiсiм жасасқан органның қысқаша аты) _________________________________________________________________ (мекенжай және банкiлiк реквизиттерi) _________________________________________________________________ Басқарма: ___________________________________________________ (келiсiм жасасқан органның қысқаша аты) ___________________________________________________ (мекенжай және банкiлiк реквизиттерi) ___________________________________________________ "Басқарма" "Аңшылықты пайдаланушы" мөрi мөрi