Об утверждении Инструкции по вопросам лицензирования и контроля розничной торговли алкогольной продукции (кроме пива) Күшін жойған

Алкоголь өнімдерінің (сырадан басқа) бөлшек саудасын лизензиялау және бақылау мәселелері жөніндегі Нұсаулықты бекіту туралы Қазақстан Республикасы Үкіметінің «Этил спирті мен алкоголь өнімін өндірудің, этил спиртін сақтау мен сатуды, алкоголь өнімін (сырадан басқа) сақтау мен көтерме сатуды, сондай-ақ алкоголь (сырадан басқа) өнімімен бөлшек сауда жасауды лицензиялаудың тәртібін бекіту туралы» 1999 жылғы 28 тамыздағы № 1258 Қаулысын іске асыру мақсатында:

1. Алкоголь өнімдерінің (сырадан басқа) бөлшек саудасын лицензиялау және бақылау мәселелелері жөніндегі Нұсқаулық бекітілсін.

2. Осы қаулының орындалуын бақылау облыс әкімінің орынбасары Ж.С. Таласпековке жүктелсін.

Қазақстан Республикасы Қарағанды облыстық әкімиятының 2003 жылғы «29» сәуір «Алкоголь өнімдерінің (сырадан басқа) бөлшек саудасын лицензиялау және бақылау мәселелері жөніндегі Нұсқаулықты бекіту туралы» № 06/07 қаулысымен бекітілген Алкоголь өнімдерінің (сырадан басқа) бөлшек саудасын лицензиялау және бақылау мәселелері жөніндегі Нұсқаулық

1. Жалпы ереже

1. Осы Нұсқаулық Қазақстан Республикасы Үкіметінің «Этил спирті мен алкоголь өнімін өндіруді, этил спиртін сақтау мен сатуды, алкоголь өнімін (сырадан басқа) сақтау мен көтерме сатуды, сондай-ақ алкоголь (сырадан басқа) өнімімен бөлшек сауда жасауды лицензиялаудың тәртібін бекіту туралы»1999 жылғы 27 тамыздағы № 1258 Қаулысына сәйкес алкоголь (сырадан басқа) бөлшек саудасымен шұғылдану құқығына лицензия дайындау мен беру және лицензиялық тәртіптің сақталуына және нәтижелердің рәсімделуіне тексеру жүргізу жөніндегі іс-қимылдарды реттейді.

2. Осы нұсқаулықта жоғарыда аталған нормативтік актіде көрсетілген ұғымдар қабылданады.

3. Қарағанды облысының әкімияты – алкоголь (сырадан басқа) өнімінің бөлшек саудасына лицензия беретін лицензиар болып табылады.

4. Экономика және кәсіпкерлікті дамыту бас басқармасы Қарағанды облысы әкімиятының алкоголь (сырадан басқа) өнімінің бөлшек саудасымен шұғылдану құқығына лицензия дайындау және беру жөніндегі жұмысшы органы болып табылады.

2. Лицензия беру тәртібі

5. Жезқазған, Сәтпаев, Балқаш, Қаражал, Приозерск қалаларының әкімдері және Ұлытау, Ақтоғай, Жаңаарқа, Қарқаралы, Нұра, Шет аудандарының әкімдері мәлімдемеуші сәйкестік біліктілік талаптарды анықтау және уәкілетті органдарда лицензия алу үшін құжаттарды әзірлеу жөніндегі комиссия ұйымдастырады.

6. Алкоголь өнімінің бөлшек саудасын жасаумен шұғылдану құқығына лицензия біліктілік деңгейі қызметтің қойылатын талаптарға сәйкес келетін субъектіге беріледі.

7. Лицензияны беруден бас тартылған кезінде өтініш берушіге лицензияны беру үшін белгіленген мерзімдерге, жазбаша түрде дәлелді жауап беріледі. Лицензияны беруден бас тарту – өтініш берушіге қолы қойдырылып табыс етіледі немесе почтамен жіберіледі.

8. Лицензия беру және лицензия беруден бас тарту туралы шешімді лицензиар рәсімдейді. Қаулы құжаттар пакеті ұсынылғаннан кейін жеті күндік мерзімде қабылданады.

9. Лицензияға жұмысшы орган басшысы, экономика және кәсіпкерлік дамыту бас басқармасының бастығы қол қояды және лицензиар мөрімен бекітіледі.

10. Лицензия дайындау және беру жөніндегі жұмысшы органға лицензиялық тәртіпті және Алкоголь өнімі саудасының тәртібін сақтау жөнінде тексеріс жүргізу қызметі жүктеледі.

3. Лицензиялық тәртіптің сақталуына тексеріс жүргізу және нәтижелерді рәсімдеу тәртібі

11. Тексерістер жүргізу тәртібі шаруашылық субъектілер – алкоголь (сырадан басқа) өнімдерінің бөлшек саудасы лицензиаттарының лицензиялық ережелердің сақталуын орындауға бағытталған.

12. Лицензиалық ережелердің сақталуын тексеру экономика және кәсіпкерлікті дамыту бас басқармасы бастығының бекітілген тәртіппен тіркелген бұйрығы негізінде, бекітілген тексеріс кестесіне сәйкес, немесе заңмен бекітілген тәртіппен нақты бір тұлғаға қатысты мемлекеттік органдардың және ұйымдар мен азаматттардың ұсыныстары бойынша іске асырылады.

13. Тексеріс лицензиатқа (лицензиат қызметкеріне) тексеріс жүргізу бұйрығының көшірмесін міндетті түрде бере отырып, іске асырылады.

14. Тексеріс алкоголь өнімдерінің бөлшек саудасын реттейтін нормативтік- құқықтық актілер шегінде және нақты сәйкестікте жүргізіледі.

15. Тексерістер материалдары тексеріс актісімен рәсімделеді.

16. Актіде тексеріс күні және уақыты, тексеріс тағайындау туралы бұйрық № және күн, тексеріске қатысқан тексеруші туралы мәліметтер, лицензия нөмірі және берілген күні, СТН, сауда кәсіпорнының атауы және орналасқан орны, сауда кәсіпорны басшысының аты-жөні, тегі, сауда кәсіпорны қызметкерінің аты-жөні, тегі және лауазымы, алкоголь өнімдерінің бөлшек саудасы тәртібінің, сондай-ақ біліктілік талаптарының бұзылуына болуы немес болмауы туралы мәліметтер көрсетіледі.

17. Бұзушылықтар анықталған кезде тексерушілер тексеріс актісіне тіркелетін жазбаша түсіндірме алуы тиіс. Түсіндірме беруден бас тартқан кезде бұл туралы актіде көрсетіледі.

18. Тексеріс қорытындысы бойынша бұзушылықтың болу немесе болмауына байланыссыз лицензиатқа немесе сауда кәсіпорны қызметкеріне оның қолы қойылып акті құрастырылады.

19. Тексеріс материалдарын алкоголь өнімдерінің бөлшек саудасын жасаумен шұғылдану құқығына лицензия дайындау және беру жөніндегі жұмысшы орган комиссиясы қарастырылады және лицензиар қарауына ұсынылады.

20. Лицензиар комиссиясының жұмысшы органының ұсыныс негізінде мынадай шешімдер қабылдайды 1) қойылатын талаптарға сәйкес келеді; 2) бұзушылықтарға жол бермеу туралы ескертілсін; 3) лицензия қолданылуы тоқтатыла тұрсын; 3) лицензия қайта алынсын.

21. Лицензианың қолданылуын тоқтата тұру туралы мәселені қарастыру Қазақстан Республикасының 1999 жылғы 27 тамыздағы № 1258 қаулысына сәйкес жүргізіледі.

22. Лицензиар лицензиат мәліметтерін және лицензия нөмірін көрсете отырып, тиісті мемелекеттік органдарды лицензиянының қолданылуын тоқтата тұру немесе қайтару туралы шешімнің күшіне ену күнінен кешіктірмей жазбаша хабардар етеді.

23. Лицензианың қолданылуын қалпына келтіру заңмен белгіленген әртіппен жүгізіледі.