О социальной защите ветеранов Великой Отечественной войны, инвалидов Чернобыльской АЭС и одиноких инвалидов, нуждающихся в постороннем уходе Қолданыста

Ұлы Отан соғысының ардагерлерiн, Чернобыль АЭС-iнiң мүгедектерiн және басқа адамның көмегiне мұқтаж жалғызiлiктi мүгедектердi әлеуметтiк қорғау туралы "Қaзақстан Республикасындағы жергiлiктi мемлекеттiк басқару туралы" Қазақстан Республикасының Заңына сәйкес келтiру және Маңғыстау облыстық мәслихатының "2002 жылға арналған облыстық бюджет туралы" 2001 жылғы 25 желтоқсандағы № 16/147 шешiмiн орындау мақсатында, облыс әкiмiнiң бұрын қабылдаған "Ұлы Отан соғысының ардагерлерiн, Чернобыль АЭС-ғы апаттың мүгедектерiн және сырттай көмекке мұқтаж жалғызiлiктi мүгедектердi әлеуметтiк қорғау туралы" 1999 жылғы 17 тамыздағы № 199 шешiмiн қайта қарап, облыс әкiмияты қаулы етедi:

1. Ұлы Отан соғысының (бұдан әрi - ҰОС) қатысушыларына, мүгедектерiне, Чернобыль АЭС-iнiң (бұдан әрi - ЧАЭС) мүгедектерiне тiс протезiн жасауға және жөндеуге берiлетiн бiржолы материалдық көмек көрсету ережелерi бекiтiлсiн (1 қосымша).

2. Басқа адамның көмегiне мұқтаж жалғызiлiктi мүгедектердiң мемлекеттiк әлеуметтiк жәрдемақысына күтімі үшін ай сайынғы қосымша үстеме ақыны қаржыландыруды, тағайындауды және төлеудi ұйымдастыру тәртiбi туралы қағида бекiтiлсiн (2 қосымша). 📌 Ескерту. 2-тармақ өзгертілді - Маңғыстау облысы әкімиятының 2002 жылғы 25 сәуірдегі № 85 қаулысымен.

3. Облыстық еңбек, халықты жұмыспен қамту және әлеуметтiк қорғау басқармасы (А.Баужанова) үОС қатысушыларына, мүгедектерiне, ЧАЭС мүгедектерiне тiс протезiн жасауғa және жөндеуге бiржолғы материалдық көмектi және жалғызiлiктi мүгедектерге мемлекеттiк әлеуметтiк жәрдемақыларына ай сайын үстеме ақы төлеудi жергiлiктi бюджеттiң қарaжaты есебiнен жүзеге асыру жұмыстарын ұйымдастырсын.

4. Облыстық қаржы басқармасы (Ж.С.Сәрсенқұлов), қалалар мен аудандардың әкiмдерi көрсетiлген мақсатқа жергiлiктi бюджетте қаралған қарaжaттан уақытында қaржыландыруды қамтамасыз етсiн.

5. Осы қаулының орындалысына бақылау жасау облыс әкiмiнiң орынбасары Е.Күмiсқалиға жүктелсiн.

1 қосымша Бекiтiлдi Маңғыстау облысы әкiмиятының 2002 жылғы 5 наурызда № 36 қаулысы Ұлы Отан соғысының қатысушыларына, мүгедектерiне және Чернобыль АЭС-iнiң мүгедектерiне тiс протезiн жасауға және жөндеуге берiлетiн бiр жолғы материалдық көмек көрсету ЕРЕЖЕЛЕРI

1. Осы Ережелер Ұлы Отан соғысының (бұдан әрi - ҰОС) қатысушыларына, мүгедектерiне және Чернобыль АЭС-iнiң (бұдан әрi - ЧАЭС) мүгедектерiне тiс протезiн жасауға және жөндеуге бiр жолғы берiлетiн әлеуметтiк төлемнiң тетiгiн айқындап белгiлейдi.

2. ҰОС қатысушыларына, мүгедектерiне және ЧАЭС мүгедектерiне бiр жолғы әлеуметтiк төлем облыстық мәслихаттың алдағы жылға арналған облыстық бюджет жөнiндегi шешiмiмен белгiленген мөлшерiнде стоматологиялық кәсiпорындардың берген есеп - шотына сәйкес жүргiзiледi. Қайтадан тiс протезiн жасату және жөндету 3 жыл өткеннен кейiн ортопед-тiс дәрiгерiнiң қорытындысы бойынша жүзеге асырылады.

3. Бiр жолғы әлеуметтiк көмек алу құқығы бар үОС қатысушылары, мүгедектерi және ЧАЭС мүгедектерi аудандық (қалалық) еңбек, халықты жұмыспен қамту және әлеуметтiк қорғау бiлiмдерiне мынадай құжаттарды тапсырады:

1) тiс протезiн жасау және жөндеудiң қажеттiгi жөнiнде ортопед-тiс дәрiгерiнiң осы мақсатқа қажеттi сомасы көрсетiлген қорытындысы;

2) бiр жолғы материалдық көмекке арналған өтiнiшi;

3) ҰОС қатысушылары мен мүгедектерiнiң және ЧАЭС мүгедектерiнiң куәлiгi;

4) бiржолғы материалдық көмек алушы азаматтық паспорты немесе жеке куәлiгi.

4. Еңбек, халықты жұмыспен қамту және әлеуметтiк қорғау органдары осы Ережелердiң 3-i тармағына сәйкес бiр жолғы материалдық көмек алуы үшiн тапсырған құжаттарын әдейi журналға тiркейдi. Еңбек, халықты жұмыспен қамту және әлеуметтiк қорғау органдарының тiркеу журналы негiзiнде орындалған жұмыстың бағасы және төлемдi алушының бiржолғы әлеуметтiк көмек мөлшерi көрсетiлiп, тiзiм жасақталады. Бiржолғы төлемдi тағайындау, қаржыландыру және төлеу тәртiбi туралы Ережеге сәйкес еңбек, халықты жұмыспен қамту және әлеуметтiк қорғау органдары бөлiнген лимит шегiнде, одан соң облыстық қаржы басқармасына берiлетiн, қажеттi қaрaжaтқа өтiнiмдi жасақтайды.

5. Бiр жолғы төлем Қазақстан халық банкiсi ашық акционерлiк қоғамымен (бұдан әрi - Халық банкiсi) жасалған агенттiк келiсiм негiзiнде Маңғыстау облыстық филиалы арқылы төленедi.

6. Бiр жолғы төлем төлеу жергiлiктi бюджет қарaжaты есебiнен жүзеге асырылады.

7. Аудандық, қалалық қаржы бөлiмдерi "Жекелеген санаттағы азаматтарға әлеуметтiк көмек көрсету жөнiндегi" 6.2.105.60 бюджеттiк сыныптама бойынша қаржыландыру жоспарларына сәйкес агенттiк келiсiм негiзiнде Халық банкiсiнiң филиалдарына аудару үшiн көрсетiлген қарaжaтты аудандық, қалалық еңбек, халықты жұмыспен қамту және әлеуметтiк қорғау бөлiмдерiнiң бюджеттiк есеп шотына аударады.

8. Облыстық еңбек, халықты жұмыспен қамту және әлеуметтiк қорғау басқармасы Халық банкiсiмен салыстырып, қарағаннан кейiн облыстық қалалары мен аудандары бойынша төлем төлеудiң нәтижесi жөнiнде облыстық қаржы басқармасына ай сайын есеп бередi.

2 қосымша Бекiтiлдi Маңғыстау облысы әкiмиятының 2002 жылғы 5 наурызда № 36 қаулысы Басқа адамның көмегiне мұқтаж жалғызiлiктi мүгедектердiң мемлекеттiк әлеуметтiк жәрдемақысына күтімі үшін ай сайынғы қосымша үстеме ағыны қаржыландыруды, тағайындауды және төлеудi ұйымдастыру тәртiбi туралы ҚАҒИДА 📌 Ескерту. Атауы өзгертілді - Маңғыстау облысы әкімиятының 2002 жылғы 25 сәуірдегі № 85 қаулысымен. Осы Қағида басқа адамның көмегiне мұқтаж жалғызiлiктi мүгедектердiң мемлекеттiк әлеуметтiк жәрдемақысына күтімі үшін үстеме ақы есептеудiң тетiгiн, оларды тағайындаудың, қаржыландырудың және төлеудiң шарттарын айқындайды. Ескерту. Кіріспесі өзгертілді - Маңғыстау облысы әкімиятының 2002 жылғы 25 сәуірдегі № 85 қаулысымен.

1. Жалпы ережелер

1. Жалғызiлiктi мүгедектердiң мемлекеттiк әлеуметтiк жәрдемақысына үстеме ақы есептеудi ұйымдастыру үшiн, жергiлiктi атқарушы органдардың және аудандық (қалалық) еңбек, халықты жұмыспен қамту және әлеуметтiк қорғау бөлiмдерiнiң өкiлдерi құрамынан арнайы комиссия құрылады.

2. Аудандық және қалалық арнаулы комиссиялар: жалғызiлiктi мүгедектердiң мемлекеттiк әлеуметтiк жәрдемақысына үстеме ақы тағайындау жөнiндегi арызын қарайды; көмек көрсетуге өтiнiш жасаған мүгедектердiң тұрмыс-жағдайын және қамтамасыз етiлу деңгейін анықтайды; мемлекеттiк әлеуметтiк жәрдемақыға үстеме ақы тағайындау немесе оның күшiн жою жөнiндегi шешiм қабылдайды; туындаған даулар мен жанжалдарды шешедi.

3. Мемлекеттік әлеуметтік жәрдемақы алатын Жалғызiлiктi бiрiншi немесе екiншi топтағы мүгедектердiң мемлекеттiк әлеуметтiк жәрдемақыға үстеме ақы тағайындау жөнiндегi арызы аудандық және қалалық еңбек, халықты жұмыспен қамту және әлеуметтiк қорғау бiлiмдерi арқылы комиссияға берiледi. Арызға мынадай құжаттар тiркеледi:

1) мүгедектiгi жөнiнде медициналық-әлеуметтiк сарапшылық комиссиясының (бұдан әрi - МӘСК) анықтамасы;

2) тұрғылықты жерiнен анықтама;

3) алатын мемлекеттiк әлеуметтiк жәрдемақысының мөлшерi жөнiнде анықтама. Мемлекеттiк әлеуметтiк жәрдемақыға үстеме ақы тағайындау үшiн қажеттi құжаттардың түпнұсқасын немесе белгiленген тәртiпте куәландырылған көшiрмесiн тапсыруға болады. 📌 Ескерту. 3-тармақ толықтырылды - Маңғыстау облысы әкімиятының 2002 жылғы 25 сәуірдегі № 85 қаулысымен.

4. Арыз берген жалғызiлiктi мүгедектер тапсырған ақпаратының растығы жөнiнде толықтай жауапкершiлiк артады. Үстеме ақыны төлеу жүргiзiлгеннен кейiн әлдебiр бұзушылық немесе жазған мәлiмет анықталған жағдайда, заңсыз төленген сома, қолданыстағы заңнамамен белгiленген тәртiпте кiнәлi адамнан керi өндiрiлiп алынады.

5. Жалғызiлiктi мүгедектерге мемлекеттiк әлеуметтiк жәрдемақыға төленетiн үстеме ақы облыстық мәслихаттың алдағы жылға арналған бюджет жөнiндегi жыл сайынғы шешiмiмен белгiленген мөлшерде есептеледi.

6. III-топтағы жалғызiлiктi мүгедектердiң мемлекеттiк әлеуметтiк жәрдемақысына үстеме ақы төленбейдi.

2. Жалғызiлiктi мүгедектердiң мемлекеттiк әлеуметтiк жәрдемақысына қосымша үстеме ақы тағайындаудың шарттары

7. Жалғызiлiктi мүгедектердiң мемлекеттiк әлеуметтiк жәрдемақысына қосымша үстеме ақыны тағайындау қалалық, аудандық еңбек, халықты жұмыспен қамту және әлеуметтiк қорғау бөлiмдерi aрқылы жүргiзiледi.

8. Мемлекеттiк әлеуметтiк жәрдемақыға қосымша үстеме ақы алуға құқылы жалғызiлiктi мүгедектер тұрғылықты жерлерi бойынша аудандық (қалалық) еңбек, халықты жұмыспен қамту және әлеуметтiк қорғау бөлiмдерiне мынадай құжаттарды тапсырады:

а) 1, 2 топтағы мүгедектiгi жөнiндегi МӘСК анықтамасының көшiрмесi;

ә) тұрғылықты жерiнен анықтама;

б) алатын мемлекеттiк әлеуметтiк жәрдемақысының мөлшерi жөнiнде анықтама. 9. Үстеме ақы мөлшерiнiң қайтадан қаралуы жыл сайын республика бюджетi туралы Заңымен бекiтiлетiн, aйлық есептiк көрсеткiштiң өзгеруiне байланысты жүргiзiледi.

3. Жалғызiлiктi мүгедектердiң мемлекеттiк әлеуметтiк жәрдемақысына қосымша үстеме ақыны қаржыландыру және төлеу

10. Жалғызiлiктi мүгедектерге мемлекеттiк әлеуметтiк жәрдемақыға қосымша төленетiн үстеме ақыны төлеуге арналған қаржыландыру, 6.2.258.57.51 "Басқа адамның көмегiн қажет ететiн жалғызiлiктi мүгедектердiң мемлекеттiк әлеуметтiк жәрдемақыға жұмсалатын қосымша үстеме ақысы" шығыстардың бюджеттiк сыныптары бойынша жергiлiктi бюджет қаражаты есебiнен жүргiзiледi.

11. Аудандық, қалалық қаржы бөлiмдерi жергiлiктi бюджетте тұрған бюджеттiк ұйымдарды қаржыландыру жөнiндегi нұсқаулыққa сәйкес, басқа адамның көмегiн қажет ететiн жалғызiлiктi мүгедектердiң мемлекеттiк әлеуметтiк жәрдемақысына қосымша үстеме ақы төлеуге табыс етiлген өтiнiмдер мен қаржыландыру жоспарына сай aй сайын қаражат бөледi.

12. Аудандық, қалалық еңбек, халықты жұмыспен қамту және әлеуметтiк қорғау бөлiмдерi:

1) осы Қағиданың 2-i тармағының негiзiнде үстеме ақы алатын мүгедектердiң әрқайсысына құжаттар жиынтығы бар iс және салымы жөнiндегi дербес есеп - шотының нөмерi, жеке куәлiгiнiң мәлiметтерi, салық төлеушiнiң тiркеу нөмерi (СТТН), үйiнiң мекен-жайы көрсетiлген есеп карточкасын ашып жүргiзедi;

2) aғымдағы айдың 25-не дейiн 1) тармақшаның негiзiнде ай сайын белгiленген үлгi бойынша қосымша үстеме ақы алушылардың жиынтық тiзiмiн қалыптастырады. 📌 Ескерту. 12-тармақ өзгертілді - Маңғыстау облысы әкімиятының 2002 жылғы 25 сәуірдегі № 85 қаулысымен.

13. Аудандық (қалалық) еңбек, халықты жұмыспен қамту және әлеуметтiк қорғау бөлiмдерi жалғызiлiктi мүгедектердiң мемлекеттiк әлеуметтiк жәрдемақысына қосымша тағайындалған үстеме ақының есепке алынған сомасын облыстық еңбек, халықты жұмыспен қамту және әлеуметтiк қорғау басқармасы және Қазақстан Халық банкiсi ашық акционерлiк қоғамының Маңғыстау облыстық филиалымен арадағы келiсiммен aйқындалған қажеттi қаражат сомасын, сондай-ақ банкке комиссиондық сыйақы сомасын Халық банкісiнiң аудандық бөлiмшелерiнiң есеп-шоттарына аударады.

14. Жалғызiлiктi мүгедектердiң мемлекеттiк әлеуметтiк жәрдемақысына өткен тоқсан үшiн қосымша үстеме ақы төлеудi еңбек, халықты жұмыспен қамту және әлеуметтiк қорғау бөлiмдерi тапсырған тiзiмге сәйкес Халық банкiсiнiң филиалдары жүргiзедi.

15. Жалғызiлiктi мүгедектердiң мемлекеттiк әлеуметтiк жәрдемақысына қосымша үстеме ақыны төлеудi, алушының жеке басын куәландыратын құжаттарын табыс етуi жағдайында тiзiм негiзiнде Халық банкiсiнiң филиалдары жүргiзедi.

16. Жалғызiлiктi мүгедектердiң мемлекеттiк әлеуметтiк жәрдемақысына қосымша үстеме ақы төлеу үш жылдан көп емес мерзімге нотариалдық расталған сенiмхат бойынша дa жүргiзiле aлады. 📌 Ескерту. 16-тармақ өзгертілді - Маңғыстау облысы әкімиятының 2002 жылғы 25 сәуірдегі № 85 қаулысымен.

17. Халық банкiсiнiң аудандық филиалдары төленгеннен кейiнгi әр айдың 5-не дейiн тиiстi үлгi бойынша жалғызiлiктi мүгедектерге төленген сома туралы мәлiметтi аудандық (қалалық) еңбек, халықты жұмыспен қамту және әлеуметтiк қорғау бөлiмдерiне табыс етедi, олар облыстық қаржы басқармасына облыс бойынша жиынтық есеп беру үшiн оны облыстық еңбек, халықты жұмыспен қамту және әлеуметтiк қорғау басқармасына жiбередi.

18. Жергiлiктi жерде жалғызiлiктi мүгедектерге мемлекеттiк әлеуметтiк жәрдемақыға қосымша үстеме ақы төлеудiң есебiн алу, оны бақылау аудандық, қалалық еңбек, халықты жұмыспен қамту және әлеуметтiк қорғау бөлiмдерiне жүктеледi.

19. Жалғызiлiктi мүгедектердің мемлекеттiк әлеуметтiк жәрдемақысына қосымша үстеме ақының дұрыс тағайындалуына бақылау жасауды облыстық еңбек, халықты жұмыспен қамту және әлеуметтiк қорғау басқармасы мен қаржы басқармасының органдары жүзеге асырады.