Об утверждении требований к организации антитеррористической защиты объектов, уязвимых в террористическом отношении Қолданыста
Басқа 0
Террористік тұрғыдан осал объектілердің терроризмге қарсы қорғалуын ұйымдастыруға қойылатын талаптарды бекіту туралы
«Терроризмге қарсы іс-қимыл туралы» Қазақстан Республикасы Заңының 4-бабы 3-тармағының 4) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
Тармақ 1
1. Қоса беріліп отырған террористік тұрғыдан осал объектілердің терроризмге қарсы қорғалуын ұйымдастыруға қойылатын талаптар бекітілсін.
Тармақ 2
2. «Террористік тұрғыдан осал объектілердің терроризмге қарсы қорғау жүйесіне қойылатын талаптарды бекіту туралы» Қазақстан Республикасы Үкіметінің 2015 жылғы 3 сәуірдегі № 191 қаулысының күші жойылды деп танылсын.
Тармақ 3
3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
Басқа 1. Террористік тұрғыдан осал объектілердің терроризмге қарсы қорғалуын ұйымдастыруға қойылатын талаптар
Қазақстан Республикасы
Үкіметінің
2021 жылғы « »
№ қаулысымен
бекітілген
Террористік тұрғыдан осал объектілердің терроризмге қарсы қорғалуын ұйымдастыруға қойылатын талаптар
Тарау 1. 1-тарау. Жалпы ережелер
1-тарау. Жалпы ережелер
Тармақ 1
1. Осы террористік тұрғыдан осал объектілердің терроризмге қарсы қорғалуын ұйымдастыруға қойылатын талаптар (бұдан әрі – талаптар) «Терроризмге қарсы іс-қимыл туралы» Қазақстан Республикасы Заңының (бұдан әрі – Заң) 4-бабы 3-тармағының 4) тармақшасына сәйкес әзірленді және террористік тұрғыдан осал объектілердің терроризмге қарсы қорғалуын ұйымдастыруға қойылатын талаптарды айқындайды.
Тармақ 2
2. Осы талаптарда мынадай ұғымдар пайдаланылады:
Тармақша 1
1) алғашқы ден қою шаралары – терроризм актісінің қатері немесе жасалғаны туралы уәкілетті мемлекеттік органдарды уақтылы хабардар етуге бағытталған, объект персоналы және күзет қызметі субъектісінің қызметкерлері қабылдайтын бірінші кезектегі іс-шаралардың, сондай-ақ терроризм актісінің ықтимал салдарын барынша азайту және жою (шұғыл (алғашқы) ден қою күштерінің алғашқы және тергеу әрекеттерін жүзеге асыруына көмек көрсету, зардап шеккендерге алғашқы медициналық көмек көрсету, эвакуациялау және басқалары) жөніндегі іс-қимылдардың кешені;
Тармақша 2
2) байланыс жүйесі – ақпаратты (ақпарат) беруге (алмасуға), объектінің күзет қызметінің жұмысын жедел басқаруға арналған техникалық құралдар мен арнайы бөлінген байланыс арналарының жиынтығы;
Тармақша 3
3) бақылау-өткізу пункті – адамдарды және көлік құралдарын бақылауды, өткізуді, тексеріп қарауды қамтамасыз етуге арналған арнайы жабдықталған орын;
Тармақша 4
4) бақылау-із кесу жолағы – беті табиғи күйде немесе арнайы өңдеуден кейін бұзушылардың ену іздерінің көрінетін таңбасы тіркеуді және сақтауды қамтамасыз ететін жергілікті жердің жолағы;
Тармақша 5
5) бейнебақылау жүйесі – бейнебақылау камераларының, деректерді беру желілерінің, бағдарламалық және техникалық құралдардың және бейнежазбаларды сақтау құралдарының, сондай-ақ өзара ақпарат алмасуды жүзеге асыратын бағдарламалық және (немесе) техникалық басқару құралдарының жиынтығы;
Тармақша 6
6) инженерлік-техникалық нығайтылу – объектіге не оның бөліктеріне санкциясыз енуге қарсы қажетті іс-қимылды қамтамасыз ететін құрылымдық элементтер, инженерлік, техникалық құралдар және (немесе) олардың жиынтығы;
Тармақша 7
7) жарықтандыру жүйесі – тәуліктің қараңғы уақытында бейнебақылау жүйесі үшін жарықтандырудың қажетті деңгейін және объектідегі адамдар мен көлік құралдарын көруді қамтамасыз етуге мүмкіндік беретін техникалық құралдар жиынтығы;
Тармақша 8
8) күзетілетін аймақ (учаске) – күзетілетін аумақ, сондай-ақ объектіде бөлінген аймақтар (учаскелер), ғимараттардың (құрылыстар мен құрылыс ғимараттарының) бөліктері, үй-жайлар және олардың құрылымдық элементтері;
Тармақша 9
9) күзетілетін объектілер – күзетілетін адамдардың болуына арналған ғимараттар, құрылыстар мен құрылысжайлар, Қазақстан Республикасының Мемлекеттік күзет қызметі күзететін өзге де ғимараттар, құрылыстар мен құрылысжайлар, сондай-ақ оларға іргелес жатқан аумақ пен акватория;
Тармақша 10
10) кіруді шектеу құралдары – объектіге, оның ықтимал қауіпті учаскелеріне санкциясыз енуге кедергі келтіретін жабдық және (немесе) құралдар;
Тармақша 11
11) кіруді бақылау және басқару жүйесі – кіруді бақылауға, объектіге және (немесе) оның жекелеген аймақтарына персонал мен келушілердің кіру және (немесе) шығу құқықтарын шектеуге, ақпаратты жинауға және сақтауға арналған, техникалық жағынан үйлесімді аппараттық құралдардың және (немесе) бағдарламалық қамтылымның жиынтығы;
Тармақша 12
12) күзет дабылы жүйесі – күзетілетін аймаққа (учаскеге) санкциясыз енуді, күзетілетін аймақ (учаске) тұтастығының бұзылуын анықтауға, күзетілетін аймақ (учаске) тұтастығының бұзылуы туралы ақпаратты берілген түрде жинауға, өңдеуге, беруге және ұсынуға арналған, бірге жұмыс істейтін техникалық құралдардың жиынтығы;
Тармақша 13
13) тойтару аймақтары – объектінің инженерлік қоршауларына тікелей іргелес жатқан аумақта орналасқан, құрылыстардан, ағаштардан, бұталардан және өзгелерден бос жергілікті жер учаскелері;
Тармақша 14
14) объектінің ықтимал қауіпті учаскелері – объектінің аумақтық бөлінген, жарылыс-өрт қаупі бар, қауіпті химиялық заттар, қару мен оқ-дәрілер, уытты заттар мен препараттар, технологиялық тізбектердің, жүйелердің, жабдықтардың немесе құрылғылардың элементтері қолданылатын, сақталатын немесе пайдаланылатын аймақтары (учаскелері), құрылымдық және технологиялық элементтері, объектінің қауіпті аймақтары, сондай-ақ объектідегі адамдар көп болуы, терроризм актісінің жасалуы өмір мен денсаулыққа залал келтіруі, аварияның, қауіпті әлеуметтік-экономикалық салдарға әкеп соғатын төтенше жағдай қаупінің туындауы, кейіннен терроризм актісін жасауда пайдалану мақсатында қауіпті заттар мен материалдардың ұрлануы ықтимал орындар;
Тармақша 15
15) объектілердің персоналы – объектінің, оның ішінде оның жалға алынған алаңдарында қызметін жүзеге асыратын басшылары, жұмысшылары, қызметкерлері;
Тармақша 16
16) объектінің периметрі – құқық белгілейтін құжаттарға сәйкес объектінің шекарасы;
Тармақша 17
17) оқу (профилактикалық) іс-шаралары – персонал мен күзетті оқытудың алғашқы ден қою дағдыларын дарыту мақсатында нұсқамалар мен сабақтар түрінде жүзеге асырылатын алдын ала тәсілдері;
Тармақша 18
18) өткізу режимі – адамдардың санкциясыз кіруі (шығуы), көлік құралдарының кіруі (шығуы), мүлікті кіргізу (шығару), әкелу (әкету) мүмкіндігін жоққа шығаратын, белгіленген тәртіпті регламенттейтін қағидалар жиынтығы;
Тармақша 19
19) аса қауіпті аймақ – терроризм актісі салдарынан қирауы объектінің қалыпты жұмыс істеуінің айтарлықтай бұзылуына, оның елеулі зақымдануына немесе ондағы аварияға әкеп соғуы мүмкін үй-жай, учаскелер және құрылымдық элементтер;
Тармақша 20
20) таранға қарсы құрылғылар (бөгеттер) – көлік құралдарын мәжбүрлеп баяулатуға және (немесе) тоқтатуға арналған инженерлік-техникалық бұйымдар;
Тармақша 21
21) терроризмге қарсы қорғалу паспорты – объект туралы жалпы және инженерлік-техникалық мәліметтер қамтылатын, оның терроризмге қарсы қорғалуының жай-күйін көрсететін және террористік тұрғыдан осал объектідегі терроризм актілерінің алдын алу, жолын кесу, барынша азайту және (немесе) салдарын жою жөніндегі іс-шараларды жоспарлауға арналған ақпараттық-анықтамалық құжат;
Тармақша 22
22) телевизиялық күзет жүйесі – бұзушылықты анықтауға және тіркеуге арналған жабық үлгідегі телевизиялық жүйе болып табылатын бейнебақылау жүйесі;
Тармақша 23
23) құлақтандыру жүйесі – террористік тұрғыдан осал объектідегі адамдарды төтенше оқиғалар (авария, өрт, дүлей апат, шабуыл жасау, терроризм актісі) кезіндегі дабыл және қалыптасқан жағдайда әрекет ету туралы жедел хабардар етуге (жарықпен және (немесе) дыбыспен берілетін құлақтандыру) арналған техникалық құралдар жиынтығы.
Осы талаптарда пайдаланылатын өзге ұғымдар Қазақстан Республикасының терроризмге қарсы іс-қимыл саласындағы заңнамасына сәйкес қолданылады.
Тармақ 3
3. Террористік тұрғыдан осал объектілерді пайдалану кезінде осы талаптардың және Заңның 10-2-бабының 1-тармағына сәйкес мемлекеттік органдар әзірлейтін және бекітетін террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулықтардың сақталуы қамтамасыз етіледі.
Террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулықтың (бұдан әрі – нұсқаулық) мазмұнына қойылатын негізгі талаптар осы талаптарға 1-қосымшада айқындалған.
Тармақ 4
4. Террористік тұрғыдан осал объектілердің терроризмге қарсы қорғалуын ұйымдастырудың мақсаты терроризм актісін жасауға кедергі келтіретін жағдайлар жасау (объект аумағында терроризм актісін жасау тәуекелін азайту) және ықтимал террористік қатерлердің салдарын барынша азайту және (немесе) жою болып табылады.
Тармақ 5
5. Объектінің терроризмге қарсы қорғалуының жалпы қағидаттары:
Тармақша 1
1) іс-шаралардың күні бұрын (алдын ала) өткізілуі – террористік қатерлердің сипаты мен ерекшелігін ескере отырып, алдын ала әзірленетін шаралар кешені;
Тармақша 2
2) сараланған тәсіл – объектінің жұмыс істеуінің салалық ерекшеліктерін, оның орналасуын есепке алуға бағытталған тәсілдер жиынтығы;
Тармақша 3
3) барабарлық – объектіде қолданылатын терроризмге қарсы шаралардың ықтимал террористік қатерлердің сипаты мен ерекшелігіне сай болуы;
Тармақша 4
4) кешенділік – жоғарыда тізілген қағидаттарға сүйене отырып объектінің терроризмге қарсы қорғалуын құруға және қолда бар күштер мен құралдарды тартуға мүмкіндік беретін шаралар жиынтығы.
Тармақ 6
6. Объектіде терроризм актісін жасауға кедергі келтіру (терроризм актісін жасау тәуекелін төмендету):
Тармақша 1
1) ұлттық қауіпсіздік органдары айқындайтын ықтимал террористік қатерлердің сипаты мен ерекшелігін және олардың ықтимал салдарын ескере отырып, объектінің терроризмге қарсы қорғалуын қамтамасыз ету жөніндегі ұйымдастыру іс-шараларын жүргізу;
Тармақша 2
2) объектіде терроризм актісін жасауға ықпал ететін ықтимал себептер мен жағдайларды айқындау және оларды жою;
Тармақша 3
3) қажетті инженерлік-техникалық құралдармен жарақтандыру;
Тармақша 4
4) белгіленген өткізу режимін қамтамасыз ету;
Тармақша 5
5) объект персоналы мен күзет қызметі субъектілерінің қызметкерлерін терроризм актісін жасау қатеріне алғашқы ден қоюға (терроризм актісін жасау белгілерін анықтау, бұл туралы басшылыққа, құқық қорғау және (немесе) арнаулы мемлекеттік органдарға хабарлау) даярлауды (оқытуды) ұйымдастыру;
Тармақша 6
6) терроризмге қарсы қорғауды қамтамасыз ету талаптарының сақталуын бақылау арқылы қамтамасыз етіледі.
Тармақ 7
7. Объектіде ықтимал террористік қатерлердің салдарын барынша азайту және (немесе) жою:
Тармақша 1
1) терроризм актісінің жасалғаны туралы Қазақстан Республикасының ұлттық қауіпсіздік және (немесе) ішкі істер органдарын уақтылы хабардар ету;
Тармақша 2
2) уәкілетті мемлекеттік органдар мен ұйымдар, жедел басқару органдары террористік көріністерге ден қою, сондай-ақ терроризм актісінің жасалуы салдарынан туындаған техногендік сипаттағы қатерлерді барынша азайту және (немесе) жою мәселелері бойынша оқу-жаттығулар, жаттығулар және эксперименттер өткізген кезде оларға объект персоналының қатысуы;
Тармақша 3
3) объект персоналы мен күзет қызметі субъектілерінің қызметкерлерін террористік сипаттағы қатерлерге алғашқы ден қою дағдыларына оқыту;
Тармақша 4
4) объектіде терроризм актісі жасалған жағдайда персонал мен келушілерді хабардар етуді және эвакуациялауды ұйымдастыру;
Тармақша 5
5) террористік тұрғыдан осал объектінің терроризмге қарсы қорғалу паспортын уақтылы жасау және өзекті күйде ұстау, оны тиісінше сақтау;
Тармақша 6
6) негізгі құтқару, авариялық және өзге де қызметтер келгенге дейін адамдардың өмірі мен денсаулығына тікелей қауіп төндіретін жағдайларды қоспағанда, терроризм актісінің салдарын жоюға және барынша азайтуға бағытталған алғашқы ден қою шараларын ұйымдастыру үшін қажетті күштер мен құралдарды қалыптастыру;
Тармақша 7
7) тіршілікті қамтамасыз ету жүйелерінің қауіпсіздігін және объектінің (сумен жабдықтау, электрмен жабдықтау, газ жабдығы, өрт сөндіру), объект персоналы мен келушілер қауіпсіздігін қамтамасыз ету жөніндегі шұғыл шараларды дайындау және ұйымдастыру, эвакуациялау жолдарын айқындау, персоналды қорғану құралдарымен қамтамасыз ету, аталған қызмет учаскелері үшін жауапты адамдарды белгілеу арқылы қамтамасыз етіледі.
Тармақ 8
8. Әртүрлі меншік нысанындағы ұйымдарда террористік тұрғыдан осал объектілердің терроризмге қарсы қорғалуы жөніндегі іс-шараларды өткізуді қамтамасыз ететін адам (адамдар) және (немесе) бөлімше (бөлімшелер) айқындалады.
Қазақстан Республикасының шет елдердегі мекемелерінде объектінің терроризмге қарсы қорғалуы жөніндегі іс-шараларды өткізуді қамтамасыз ететін адамды (адамдарды) шет елдегі мекеменің басшысы тағайындайды.
Тармақ 9
9. Жалға алынған ғимаратқа (үй-жайға) орналасқан кезде Қазақстан Республикасының террористік тұрғыдан осал шет елдегі мекемелерін қоспағанда, террористік тұрғыдан осал объектілердің меншік иелері, иелері, басшылары немесе өзге де лауазымды адамдары жалдау шартында объектінің терроризмге қарсы қорғалу паспортын әзірлейтін, объектіні күзетуді, объектіні қазіргі заманғы инженерлік-техникалық құралдармен жарақтандыруды, олардың үздіксіз жұмыс істеуін бақылауды, өткізу режимін ұйымдастыруды және осы іс-шараларды қаржыландыруды жүзеге асыратын тараптарды айқындауды қамтамасыз етеді.
Тармақ 10
10. Туындаған террористік қатерлерге уақтылы және барабар ден қою әрі террористік тұрғыдан осал объектілерде терроризм актілері жасалуының алдын алу үшін терроризм актісінің жасалу қаупі туралы ақпарат алған кезде объектілердің меншік иелері, иелері, басшылары және өзге де лауазымды адамдары Қазақстан Республикасы Президентінің 2013 жылғы 9 тамыздағы № 611 Жарлығымен бекітілген Терроризм актісі қатерінің туындауы туралы ақпарат мониторингінің және халықты хабардар етудің мемлекеттік жүйесінің ұйымдастырылуы мен жұмыс істеуі қағидаларына сәйкес террористік қауіптіліктің белгіленген деңгейіне сай келетін шараларды жүзеге асырады.
Тармақ 11
11. Қазақстан Республикасының Мемлекеттік күзет қызметі қажет болған кезде осы талаптарды, күзетілетін адамдардың қауіпсіздігінің қажетті деңгейлерін қамтамасыз ететін ұйымдастырушылық, күзет, режимдік және өзге де шаралардың көлемі мен ерекшелігін ескере отырып, олар болатын террористік тұрғыдан осал объектілердің терроризмге қарсы қорғалуын ұйымдастырудың қосымша талаптарын белгілейді.
Тарау 2. 2-тарау. Өткізу режимін ұйымдастыруға қойылатын талаптар
2-тарау. Өткізу режимін ұйымдастыруға қойылатын талаптар
Тармақ 12
12. Өткізу режимі объектінің персоналы мен келушілердің қауіпсіздік деңгейін арттыруды:
Тармақша 1
1) адамдар мен көлік құралдарының объектіге немесе оның бөліктеріне (аймағына) рұқсатпен өтуін ұйымдастыру;
Тармақша 2
2) құқыққа қарсы ниеттері бар адамдарды, сондай-ақ оларды іске асыру үшін пайдаланылуы мүмкін құралдар мен заттарды анықтау;
Тармақша 3
3) объектіні күзету, объектінің ықтимал қауіпті учаскелерін және өте қауіпті аймақтарды қорғау, оның ішінде оларда бөгде адамдардың бақылаусыз болуына жол бермеу арқылы қамтамасыз етеді.
Объектіде оның ерекшелігіне сәйкес келетін өткізу режимі белгіленеді.
Тармақ 13
13. Террористік тұрғыдан осал объектіде өткізу режимін ұйымдастыру тәртібінен басқа қамтамасыз ету жөніндегі іс-шаралар мыналарды көздеуі тиіс:
Тармақша 1
1) тиісті өткізу режимін қолдауға жауапты тұлғаны (тұлғаларды) және (немесе) бөлімшені (бөлімшелерді) айқындау;
Тармақша 2
2) күзет қызметтерін көрсету туралы шартта күзет қызметі субъектісі іске асыратын терроризмге қарсы қорғауды және қауіпсіздіктің тиісті деңгейін (штаттық күзет болмаған жағдайда) қамтамасыз ету жөніндегі іс-шараларды көрсету.
Тармақ 14
14. Өткізу режимін ұйымдастыру қажет болған кезде объектінің ықтимал қауіпті учаскелері мен өте қауіпті аймақтарына (олар болған кезде) кіруді шектеу мақсатында объектіні аймақтарға бөлуді көздейді.
Тармақ 15
15. Егер Қазақстан Республикасының заңнамасында өзгеше белгіленбесе, өткізу режимін ұйымдастыру тәртібін террористік тұрғыдан осал объектінің меншік иесі, иесі немесе басшысы оны ұйымдастырудың нұсқаулықта айқындалатын ерекшелігін ескере отырып айқындайды.
Тарау 3. 3-тарау. Профилактикалық және оқу-жаттығу іс-шараларын ұйымдастыруға қойылатын талаптар
3-тарау. Профилактикалық және оқу-жаттығу іс-шараларын ұйымдастыруға қойылатын талаптар
Тармақ 16
16. Профилактикалық және оқу-жаттығу іс-шаралары:
Тармақша 1
1) террористік тұрғыдан осал объектілердің меншік иелеріне, иелеріне, персоналына;
Тармақша 2
2) террористік тұрғыдан осал объектілерде күзет қызметтерін көрсету туралы шарт жасасқан күзет қызметі субъектісінің жұмыскерлеріне нұсқаулықтар мен сабақтар (практикалық және теориялық) және эксперименттер түрінде өткізіледі.
Тармақ 17
17. Профилактикалық іс-шараларды:
Тармақша 1
1) уәкілетті орталық мемлекеттік органдар мен жергілікті атқарушы органдардың аумақтық бөлімшелері облыстың, республикалық маңызы бар қалалардың, астананың терроризмге қарсы комиссиясының (бұдан әрі – терроризмге қарсы комиссия) үйлестіруімен тұрақты негізде (терроризмге қарсы комиссия Қорғаныс министрлігінің әскери бөлімдері мен мекемелерін, құқық қорғау органдары мен арнаулы мемлекеттік органдардың объектілерін, сондай-ақ Қазақстан Республикасының шет елдегі мекемелерін қоспағанда, террористік тұрғыдан осал объектілердің меншік иелерінің, иелерінің, басшылары мен өзге де лауазымды тұлғаларының террористік сипаттағы өзекті қатерлер және терроризм актісін жасауға кедергі келтіретін (объектіге қатысты терроризм актісін жасау тәуекелін азайтатын), сондай-ақ ықтимал террористік қатерлердің салдарын барынша азайтуға және (немесе) жоюға ықпал ететін жағдайлар жасау туралы хабардар болуын арттыру бойынша сабақтар өткізу арқылы террористік тұрғыдан осал объектілердің қорғалуын қамтамасыз етуге бағытталған профилактикалық іс-шараларды үйлестіреді);
Тармақша 2
2) республикалық, облыстық, республикалық маңызы бар қалалардың, астананың, ауданның (облыстық маңызы бар қаланың) және теңіздегі терроризмге қарсы іс-қимыл жөніндегі жедел штаб (бұдан әрі – жедел штаб) өз басшылығының шешімі бойынша террористік тұрғыдан осал объектілердің меншік иелерімен, иелерімен, персоналымен, террористік тұрғыдан осал объектілер бойынша күзет қызметтерін көрсету туралы шарт жасасқан күзет қызметі субъектісінің қызметкерлерімен эксперименттер өткізу арқылы ұйымдастырады.
Эксперименттер Қазақстан Республикасының күзетілетін объектілерін және шет елдердегі мекемелерін қоспағанда, объектіні күзету бөлімшелерінің террористік сипаттағы қауіп төнген жағдайда бірінші кезектегі іс-қимылға даярлығын бағалауға бағытталған.
Тармақ 18
18. Оқу-жаттығу іс-шараларын объектілердің меншік иелері, иелері, басшылары, ал күзет қызметі субъектілерінің басшылары объектіні күзетуге тартылатын қызметкерлерге ұйымдастырады.
Тармақ 19
19. Оқу-жаттығу іс-шаралары персоналды терроризм актісі (актілері) жасалған немесе оның жасалу қаупі болған жағдайлардағы іс-қимылға, оның салдарынан қорғау тәсілдеріне, келушілер мен персоналды объектіден қауіпсіз әрі уақтылы эвакуациялауға оқытуды қамтамасыз етеді.
Тармақ 20
20. Өткізу режимін ұйымдастыруға жауапты қызметкерлерге терроризмге қарсы қорғаудың инженерлік-техникалық құралдарын пайдалану дағдыларын игеру және (немесе) жетілдіру, үй-жайларды қарап-тексеру техникасы, жарылғыш құрылғылардың ықтимал орнатылу орындарын анықтау бойынша қосымша сабақтар өткізіледі.
Тармақ 21
21. Сипаты мен уақыты жағынан нұсқама жоспарлы және жоспардан тыс болып бөлінеді.
Тармақ 22
22. Нұсқама кезінде персоналға терроризм актісі туындаған жағдайдағы іс-әрекет алгоритмі, оның салдарын азайту және жою тәсілдері жеткізіледі.
Тармақ 23
23. Жоспарлы нұсқама жылына кемінде бір рет немесе жұмыс әдісіне қарай (вахталық, ауысымдық, маусымдық) екі жылда бір реттен сиретпей өткізіледі.
Жоспарлы нұсқама жеке немесе жұмыскерлер тобына жүргізіледі.
Тармақ 24
24. Жоспардан тыс нұсқаманы объектілердің меншік иелері, иелері, басшылары немесе өзге де лауазымды адамдары, күзет қызметі субъектілерінің басшылары не өткізілетін оқу-жаттығуларға, жаттығуларға қатысатын мемлекеттік органдардың өкілдері:
Тармақша 1
1) объект орналасқан өңірде террористік қауіп деңгейі енгізілген;
Тармақша 2
2) терроризм актісін жасаудың ықтимал қатері туралы ақпарат болған;
Тармақша 3
3) оқу-жаттығуларға, жаттығуларға, эксперименттерге дайындалған;
Тармақша 4
4) күзет іс-шараларын өткізуге дайындалған жағдайларда жүргізеді.
Тармақ 25
25. Жоспардан тыс нұсқама жеке немесе жұмыскерлер тобына жүргізіледі. Жоспардан тыс нұсқаманың мазмұны әрбір нақты жағдайда оны өткізу қажеттігін туындатқан себептер мен мән-жайларға байланысты айқындалады.
Тармақ 26
26. Практикалық және теориялық сабақтар террористік тұрғыдан осал объектінің меншік иесі, иеленушісі, басшысы (күзет қызметі субъектісінің басшысы) бекіткен өткізу кестесіне сәйкес жылына екі реттен сиретпей өткізіледі.
Практикалық және теориялық сабақтар жеке немесе бір үлгідегі объектілер жұмыскерлерінің тобына жүргізілуі мүмкін.
Теориялық сабақтар барысында тиісті ақпарат беріледі, практикалық сабақтар барысында персоналдың:
Тармақша 1
1) қауіпсіз және кедергісіз эвакуациялауды жүргізу бойынша;
Тармақша 2
2) терроризм актісі қатері төнген жағдайда;
Тармақша 3
3) объектіде күдікті адамдар мен заттар, сондай-ақ объектіге тән терроризм актілерін жасаудың өзге де сценарийлері анықталған кездегі іс-қимылы пысықталады.
Тармақ 27
27. Нұсқамалар мен сабақтарды өткізу туралы осы талаптарға 2-қосымшаға сәйкес нысан бойынша терроризмге қарсы қорғау жөніндегі оқу-жаттығу іс-шараларын есепке алу журналына жазба жүргізіледі.
Персонал саны көп (20 адамнан астам) объектілер үшін көрсетілген іс-шаралардың өткізілуін құжаттандыру хаттама немесе анықтама түрінде жүзеге асырылуы мүмкін.
Тарау 4. 4-тарау. Террористік көріністерге ден қою, сондай-ақ жасалған терроризм актісінің нәтижесінде туындаған техногендік сипаттағы қатерлерді жою мәселелері бойынша өзара іс-қимылды ұйымдастыруға қойылатын талаптар
4-тарау. Террористік көріністерге ден қою, сондай-ақ жасалған терроризм актісінің нәтижесінде туындаған техногендік сипаттағы қатерлерді жою мәселелері бойынша өзара іс-қимылды ұйымдастыруға қойылатын талаптар
Тармақ 28
28. Объектілер персоналының, күзет қызметі субъектілерінің уәкілетті мемлекеттік органдармен және жедел штабтармен өзара іс-қимылы терроризм актісінің (актілерінің) жасалуына немесе жасалу қауіпіне ден қоюға әзірлікті, терроризмге қарсы түрлі деңгейдегі оқу-жаттығуларды, жаттығуларды, эксперименттерді, сондай-ақ терроризмге қарсы операцияларды дайындауға және өткізуге дайындық шеңберінде тұрақты негізде ұйымдастырылады.
Тармақ 29
29. Террористік тұрғыдан осал объектілердің меншік иелері, иелері, басшылары, объектіге күзет қызметін көрсету туралы шарт жасасқан күзет қызметінің субъектілері уәкілетті мемлекеттік органдарға және (немесе) жедел штабтарға терроризмге қарсы түрлі деңгейдегі оқу-жаттығуларды, жаттығуларды, эксперименттерді және терроризмге қарсы операцияларды дайындау мен өткізу кезінде жәрдем көрсетеді.
Тармақ 30
30. Террористік тұрғыдан осал объектілердің меншік иелері, иелері, басшылары, объектіге күзет қызметтерін көрсету туралы шарт жасасқан күзет қызметі субъектілерінің басшылары терроризм актісінің (актілерінің) жасалуына немесе жасалу қаупіне ден қоюға әзірлікті қамтамасыз ету шеңберінде объект персоналының, күзет қызметі субъектілерінің:
Тармақша 1
1) терроризм актісінің (актілерінің) жасалуы немесе жасалу қаупі туралы Қазақстан Республикасының аумақтық ішкі істер және ұлттық қауіпсіздік органдарын дереу хабардар етуі бойынша;
Тармақша 2
2) уәкілетті мемлекеттік органдардан терроризм актісінің (актілерінің) жасалуы немесе жасалу қаупі туралы ақпарат алған кездегі;
Тармақша 3
3) жасалған терроризм актісінің нәтижесінде туындаған техногендік сипаттағы қатерлерді барынша азайтуға және жоюға бағытталған бастапқы ден қою іс-шараларын орындау бойынша іс-қимылының алгоритмін әзірлейді.
Тарау 5. 5-тарау. Террористік тұрғыдан осал объектінің терроризмге қарсы қорғалу паспортын әзірлеуге және онымен жұмыс істеуге қойылатын талаптар
5-тарау. Террористік тұрғыдан осал объектінің терроризмге қарсы қорғалу паспортын әзірлеуге және онымен жұмыс істеуге қойылатын талаптар
Тармақ 31
31. Объектінің терроризмге қарсы қорғалу паспорты (бұдан әрі – паспорт) Қазақстан Республикасы Ішкі істер министрінің 2023 жылғы 14 маусымдағы № 481 және Қазақстан Республикасы Ұлттық қауіпсіздік комитеті Төрағасының 2023 жылғы 26 маусымдағы № 51 бірлескен бұйрығымен (нормативтік құқықтық актілерді мемлекеттік тіркеу тізілімінде № 32950 болып тіркелген) бекітілген террористік тұрғыдан осал объектілердің терроризмге қарсы қорғалуының үлгілік паспортына (бұдан әрі – үлгілік паспорт) сәйкес екі данада жасалады, электрондық нұсқасы бірге әзірленеді.
Тармақ 32
32. Паспорттың жобасы:
Тармақша 1
1) объектінің меншік иесі, иесі, басшысы объектіні облыстың, республикалық маңызы бар қалалардың, астананың террористік тұрғыдан осал объектілерінің тізбесіне (бұдан әрі – аумақтық тізбе) енгізу туралы тиісті хабарлама алған (жекелеген жағдайларда терроризмге қарсы комиссияның шешімі бойынша объектінің күрделілігін ескере отырып, паспорт жасаудың өзге мерзімдері белгіленуі мүмкін);
Тармақша 2
2) объект Қазақстан Республикасы Қорғаныс министрлігі, Қазақстан Республикасы ұлттық қауіпсіздік органдары, Қазақстан Республикасы Мемлекеттік күзет қызметі немесе Қазақстан Республикасы Сыртқы істер министрлігі әзірлеген және бекіткен террористік тұрғыдан осал объектілердің тиісті тізбесіне (бұдан әрі – ведомстволық тізбе) енгізілген (жекелеген жағдайларда тиісті мемлекеттік органның бірінші басшысының шешімі бойынша объектінің күрделілігін ескере отырып, паспорт жасаудың өзге мерзімдері белгіленуі мүмкін) кезден бастап қырық бес жұмыс күні ішінде жасалады.
Тармақ 33
33. Аумақтық тізбеге енгізілген объект паспортының жобасы жасалғаннан кейін күнтізбелік он күн ішінде үлгілік паспортта көрсетілген лауазымды адамға келісуге жіберіледі.
Паспорт жобасын келісу мерзімі паспорт үлгілік паспортта көрсетілген лауазымды адамға түскен күннен бастап он бес жұмыс күнінен аспауы тиіс.
Тармақ 34
34. Паспорт жобасы бойынша ескертулер болған жағдайда, ол қайтаруға негіз болған себептер көрсетіліп, паспорт жобасын жолдаған тұлғаға қайтарылады.
Паспорт жобасы қайтарылған күннен бастап он бес жұмыс күнінен аспайтын мерзімде пысықталады.
Қайтадан түскен паспорт жобасын (бұған дейін көрсетілген ескертулерді орындау үшін) келісу мерзімі жеті жұмыс күнінен аспауы тиіс.
Тармақ 35
35. Паспорт жобасына жасалған ескертулерге және паспортты келісетін лауазымды адамның әрекетіне (әрекетсіздігіне) шағым жасау Қазақстан Республикасының заңнамасында белгіленген тәртіппен жүзеге асырылады.
Тармақ 36
36. Ведомстволық тізбеге енгізілген объект паспортының жобасы, егер Қазақстан Республикасының заңнамасында өзгеше белгіленбесе, нұсқаулықта белгіленген лауазымды адаммен келісіледі.
Тармақ 37
37. Келісілгеннен кейін он жұмыс күні ішінде паспортты (оның ішінде ол жаңартылған кезде) меншік иесі, иесі немесе объектінің құқық иеленушісі болып табылатын ұйымның, ұйым бөлімшесінің басшысы, ал Қазақстан Республикасының шет елдердегі мекемелері үшін – оның басшысы бекітеді.
Тармақ 38
38. Ғимарат, құрылыс (ғимараттар мен құрылыстар кешені) бірнеше құқық иеленушіге тиесілі объектілерді орналастыру үшін пайдаланылған жағдайларда паспорт жасауды объектілердің құқық иеленушілерінің арасындағы жазбаша келісім бойынша бәрі бірлесіп немесе олардың біреуі жүзеге асырады.
Тармақ 39
39. Бірлесіп жасалған кезде паспортты террористік тұрғыдан осал объектілердің барлық құқық иеленушілері бекітеді.
Тармақ 40
40. Бір құқық иеленуші жасаған кезде паспортты объектінің басқа құқық иеленушілерінің келісімі бойынша объектінің басшысы бекітеді.
Тармақ 41
41. Паспорттың көшірмелерінің (электрондық көшірмелерінің) саны және оларды объектінің басқа құқық иеленушілеріне жіберу олардың құқық иеленушілері арасындағы жазбаша келісіммен айқындалады.
Тармақ 42
42. Паспорттың бірінші данасы (түпнұсқасы) қолжетімділік шектеулі ақпаратпен жұмысты ұйымдастыруға қойылатын талаптарға сәйкес объектінің құқық иеленушісі болып табылатын ұйым басшысының бұйрығымен айқындалған жауапты адамда немесе объектінің бөлімшесінде, ал шет елдердегі мекемеде – оның басшысы белгілеген тұлғада сақталады.
Тармақ 43
43. Паспорттың екінші данасы мен паспорттың электрондық нұсқасы (ақпаратты электрондық жеткізгіште PDF форматында) сақтау үшін ол бекітілген немесе түзетілген күннен бастап күнтізбелік он күннен кешіктірілмейтін мерзімде (Қазақстан Республикасы Қорғаныс министрлігі, Қазақстан Республикасы Ішкі істер министрлігі объектілерінің, Қазақстан Республикасының арнаулы мемлекеттік органдарының, Қазақстан Республикасының шет елдердегі мекемелерінің және күзетілетін объектілердің паспорттарын қоспағанда) Қазақстан Республикасы ішкі істер органдарының аумақтық бөлімшелеріне жіберіледі.
Күзетілетін объект паспортының екінші данасы мен паспортының электрондық нұсқасы (ақпаратты электрондық жеткізгіште PDF форматында) бекітілген немесе түзетілген күннен бастап күнтізбелік он күннен кешіктірілмейтін мерзімде Қазақстан Республикасының Мемлекеттік күзет қызметіне жіберіледі.
Тармақ 44
44. Паспорт:
Тармақша 1
1) меншік құқығы,
Тармақша 2
2) объектінің басшысы;
Тармақша 3
3) объектінің атауы;
Тармақша 4
4) объектінің негізгі мақсаты өзгерген;
Тармақша 5
5) объектінің жалпы ауданы мен периметрі, іргелес аумақта құрылыс салу өзгерсе немесе күрделі жөндеу, ғимараттарды (құрылыстар мен құрылысжайларды) және инженерлік жүйелерді реконструкциялау аяқталғаннан кейін, егер конструкциясында өзгерістер жасалса;
Тармақша 6
6) объектінің ықтимал қауіпті учаскелері;
Тармақша 7
7) объектінің терроризмге қарсы қорғалуын қамтамасыз ету үшін тартылатын техникалық құралдар өзгерген жағдайда түзетіледі.
Тармақ 45
45. Паспортқа түзетулер енгізу оны өзгерту себебі туындаған сәттен бастап жиырма жұмыс күні ішінде жүзеге асырылады. Жекелеген жағдайларда терроризмге қарсы комиссияның шешімі бойынша объектінің күрделілігіне және енгізілетін өзгерістерге қарай өзге мерзімдер белгіленуі мүмкін.
Тармақ 46
46. Паспортқа объектінің құқық иеленушісі болып табылатын ұйым басшысының немесе паспортқа қол қоюға ұйым уәкілеттік берген адамның қолымен расталған өзгерістер енгізіледі. Паспорттың өзгерістер болған элементтері ғана ауыстырылады. Объектінің құқық иеленушісі болып табылатын ұйым басшысының қолы қойылған тиісті өзгерістер туралы ақпарат паспорттың екінші данасына қосу үшін бір уақытта Қазақстан Республикасының ішкі істер органдарына жіберіледі.
Тармақ 47
47. Паспорт:
Тармақша 1
1) бес жылда бір реттен сиретпей;
Тармақша 2
2) паспорт мәтіні тармақтарының жартысынан астамына түзетулер енгізілген жағдайда толық ауыстырылады.
Күші жойылған паспорт тиісті акт жасалып, комиссиялық тәртіппен жойылады.
Акт объектінің құқық иеленушісі болып табылатын ұйымда қалады. Қазақстан Республикасының шет елдегі мекемесінің паспортын жою туралы актісі тиісті шет елдегі мекемеде қалады.
Актінің көшірмесі паспорттың екінші данасы сақталатын жерге жіберіледі.
Тармақ 48
48. Паспорттағы мәліметтер шектеулі сипатта болады, онымен жұмыс істеу тәртібі заңнаманың қолжетімділік шектеулі ақпаратқа қойылатын талаптарына сәйкес белгіленген.
Тармақ 49
49. Паспорт терроризмге қарсы операция, оқу-жаттығулар, жаттығулар мен эксперименттер өткізілген жағдайда пайдаланылады.
Тармақ 50
50. Мемлекеттік құпияларды құрайтын мәліметтермен жұмыс жүргізілетін объектілерде паспорт осы талаптарға сәйкес және «Мемлекеттік құпиялар туралы» Қазақстан Республикасының Заңын ескере отырып әзірленеді.
Тармақ 51
51. Осы тараудың 38-41, 45-46-тармақтары Қазақстан Республикасының террористік тұрғыдан осал шет елдердегі мекемелерінің терроризмге қарсы қорғалу паспортын әзірлеуге және онымен жұмыс істеуге қойылатын талаптарына қолданылмайды.
Тармақ 52
52. Паспорттардың даналарын әзірлеу, келісу, есепке алу, сақтау және (немесе) жою, егер Қазақстан Республикасының заңнамасында өзгеше белгіленбесе, нұсқаулықтарда нақтыланады, паспорттың өзектілігін және оның жедел штабқа уақтылы берілуін қамтамасыз етеді.
Тарау 6. 6-тарау. Террористік тұрғыдан осал объектілерді инженерлік-техникалық жабдықтармен жарақтандыруға қойылатын талаптар
6-тарау. Террористік тұрғыдан осал объектілерді инженерлік-техникалық жабдықтармен жарақтандыруға қойылатын талаптар
Тармақ 1
1-параграф. Жалпы ережелер
Тармақ 53
53. Объектілерді жарақтандыру үшін мынадай инженерлік-техникалық құралдар пайдаланылады:
Тармақша 1
1) объектінің периметрін рұқсатсыз кіруді жоққа шығаратын және объектінің режимдік шарттарын қанағаттандыратын жабдықтау бойынша: объектінің периметрін, аймақтары мен жекелеген учаскелерін қоршау (физикалық кедергі); бақылау-өткізу пункттері; таранға қарсы құрылғылар (оның ішінде вазондар, сәулет, ландшафт элементтері, боллардтар және басқалар); объектінің ғимараттары, құрылысжайлары қабырғаларының, оның терезе ойықтарының күшейтілуі; кіруді бақылау және басқару, кіруді шектеу құралдары, тексеріп қарау, жарықтандыру жүйелері мен құралдары; тойтару аймақтары, бақылау-із кесу жолақтары; бақылау мұнаралары, сыртқы периметрді өзге бақылау жүйелері;
Тармақша 2
2) объектідегі ахуалды бақылау бойынша: байланыс, хабарлау, күзет және дабыл сигнализациясының жүйелері мен құралдары (оның ішінде дабыл берудің ұтқыр не стационарлық құралдары – «дабыл түймелері»), телевизиялық күзет жүйелері, пилотсыз әуе кемелеріне қарсы іс-қимыл жүйелері;
Тармақша 3
3) қауіпсіздік жүйелерінің жұмысын қамтамасыз ететін: резервтік, үздіксіз электрмен жабдықтау жүйелері мен құралдары.
Террористік тұрғыдан осал объектілерді осы тармақта тікелей көрсетілмеген, бірақ дәл сол міндеттер мен функцияларды орындайтын немесе дәл сол мақсаттарға сай келетін өзге инженерлік-техникалық жабдықтармен жарақтандыруға жол беріледі.
Тармақ 54
54. Террористік тұрғыдан осал барлық объектілер міндетті түрде телевизиялық күзет жүйелерімен және хабарлау жүйелерімен жарақтандырылады.
Объектінің телевизиялық күзет жүйелеріне кіретін бейнебақылау жүйелеріне қойылатын техникалық талаптар Қазақстан Республикасы Ұлттық қауіпсіздік комитеті төрағасының 2020 жылғы 27 қазандағы № 69 бұйрығымен бекітілген Ұлттық бейнемониторинг жүйесінің жұмыс істеу қағидаларында (бұдан әрі – Ұлттық бейнемониторинг жүйесінің жұмыс істеу қағидалары) белгіленген бейнебақылау жүйелерінің төменгі техникалық мүмкіндіктеріне сәйкес келуі қажет.
Тармақ 55
55. Объектілерді 54-тармақта көрсетілген жүйелерді қоспағанда, осы тарауда белгіленген инженерлік-техникалық жабдықпен жарақтандыру мүмкін болмаған жағдайда нұсқаулыққа сәйкес олардың жоқ екенін білдірмейтін өзге инженерлік-техникалық шешімдер және (немесе) қауіпсіздік шаралары қолданылады.
Тармақ 56
56. Объектіні салуды, реконструкциялауды, жаңғыртуды, күрделі жөндеуді жобалау кезінде объектінің меншік иесі, иесі (оның ішінде әлеуетті) объектінің террористік тұрғыдан осал объектілерге жатқызу өлшемшарттарына сәйкестігін анықтауы және қажет болған жағдайда тиісті инженерлік-техникалық жарақтандыруды қарастыруы қажет.
Тармақ 57
57. Террористік тұрғыдан осал объектілердің меншік иесінің, иесінің, басшысының немесе өзге де лауазымды адамдарының шешімі бойынша объектіде қосымша инженерлік-техникалық жабдық орнатылуы мүмкін.
Тармақ 58
58. Жобалау және объектілерді инженерлік-техникалық жабдықтармен жарақтандыру үшін террористік тұрғыдан осал объектілердің меншік иелері, иелері, басшылары оның ықтимал қауіпті учаскелерін анықтайды.
Осы учаскелерге апаратын бағыттарда инженерлік-техникалық жарақтандырудың барынша тығыздығы қамтамасыз етіледі.
Тармақ 59
59. Объектіні инженерлік-техникалық жабдықпен жарақтандыру жөніндегі іс-шараларды аяқтау мерзімі:
Тармақша 1
1) аумақтық тізбелерге кіретін объектілер үшін объектіге террористік тұрғыдан осал мәртебе деген беру туралы хабарлама алынған;
Тармақша 2
2) ведомстволық тізбеге кіретін объектілер үшін объектіге террористік тұрғыдан осал деген мәртебе берілген сәттен бастап 6 айдан аспайды.
Күзетілетін объектілерді инженерлік-техникалық жабдықтармен жарақтандыруды аяқтау мерзімдерін мүдделі мемлекеттік органдармен, ұйымдармен және объекті иелерімен келісу бойынша Қазақстан Республикасының Мемлекеттік күзет қызметі белгілейді.
Бұл ретте, объектішілік бейнебақылау жүйелерін Ұлттық бейнемониторинг жүйесіне қосу мерзімдері Ұлттық бейнемониторинг жүйесінің жұмыс істеу қағидаларында белгіленеді.
Мыналар үшін өзге мерзімдер белгіленуі мүмкін:
Тармақша 1
1) аумақтық тізбеде тұрған объектілер үшін – объектінің терроризмге қарсы қорғалуының жай-күйін комиссиялық тексеруден кейін әкімдік жанындағы терроризмге қарсы комиссияның келісімі бойынша;
Тармақша 2
2) ведомстволық тізбелерде тұрған объектілер үшін – объектінің терроризмге қарсы қорғалуының жай-күйін комиссиялық тексеруден кейін. Комиссия құрамын мемлекеттік органның бірінші басшысы белгілейді.
Объектіні инженерлік-техникалық жабдықпен жарақтандыру жөніндегі іс-шараларды аяқтау мерзімі ықтимал қауіптілік дәрежесіне, терроризм актілерін жасау қаупіне, республикалық және жергілікті бюджеттердің қаражаты және бюджеттен тыс көздер қаражаты есебінен тиісті іс-шараларды орындауға арналған қаражат шығыстарының болжамды көлеміне сүйене отырып белгіленеді.
Тармақ 60
60. Объектінің инженерлік-техникалық жабдықтары үнемі жұмыс істейтін күйде болуы тиіс.
Тармақ 61
61. Аумағында атыс қаруы мен оқ-дәрілерді (патрондарды) сату жүзеге асырылатын объектілерді жарақтандыру (жабдықтау) Қазақстан Республикасы Ішкі істер министрінің 2019 жылғы 1 шілдедегі № 602 бұйрығымен бекітілген Азаматтық және қызметтік қару мен оның патрондары айналымының қағидаларына сәйкес қамтамасыз етіледі.
Тармақ 62
62. Террористік тұрғыдан осал және мемлекеттік күзетілуі тиіс объектілерді жабдықтау Қазақстан Республикасы Үкіметінің 2011 жылғы 7 қазандағы № 1151 қаулысымен бекітілген мемлекеттік күзетілуі тиіс объектілердің инженерлік-техникалық нығайтылуы жөніндегі талаптарға сәйкес қамтамасыз етіледі.
Тармақ 2. 2-параграф. Аса маңызды мемлекеттік, стратегиялық объектілерді, стратегиялық маңызы бар экономика салаларының объектілерін, қауіпті өндірістік объектілерді, күзетілетін объектілерді жарақтандыру
2-параграф. Аса маңызды мемлекеттік, стратегиялық объектілерді, стратегиялық маңызы бар экономика салаларының объектілерін, қауіпті өндірістік объектілерді, күзетілетін объектілерді жарақтандыру
Тармақ 63
63. Аумағы бар объектілер периметрі бойынша объектіге және объектіден адамдардың еркін өтуі мен көлік құралдарының жүруіне кедергі келтіретін қоршаумен жабдықталады.
Бұл талап мына объектілерге қолданылмауы мүмкін:
Тармақша 1
1) арнаулы мемлекеттік органдар мен құқық қорғау органдарының объектілерінен басқа, орталық және жергілікті атқарушы органдардың, Қазақстан Республикасының Президентіне тікелей бағынатын және есеп беретін мемлекеттік органдардың, олардың ведомстволарының, құрылымдық және аумақтық бөлімшелерінің объектілері (бұл ретте объектіге адамдардың бақылаусыз өтуіне және (немесе) көлік құралдарының жүруіне кедергі келтіретін алмастырушы жүйелер және (немесе) қауіпсіздік шаралары көзделуі тиіс);
Тармақша 2
2) көліктік инфрақұрылым объектілері (объектінің ықтимал қауіпті учаскелері қоршаумен қамтамасыз етіледі);
Тармақша 3
3) егер Қазақстан Республикасының заңнамасында өзгеше белгіленбесе, Қазақстан Республикасының шет елдердегі мекемелерінің объектілері.
Негізгі қоршау:
Тармақша 1
1) еркін өтуді жоққа шығаратын және объектінің режимдік шарттарын қанағаттандыратын биік және жерге терең орнатылған болуы;
Тармақша 2
2) конструкциясы қарапайым, беріктігі жоғары және ұзақ уақытқа төзімді болуы;
Тармақша 3
3) одан өтуді жеңілдететін түйіндер мен конструкциялары болмауы тиіс.
Периметрдің қоршауы мынадай сипаттамаларға сәйкес болуы тиіс:
Тармақша 1
1) барлық маусымдардың және тиісті климаттық аймақтардың сыртқы климаттық факторларына төзімділігі;
Тармақша 2
2) индустриялық кедергілерден және көлік құралдары тудыратын кедергілерден, құстар мен жануарлардың әсерінен қорғалуы.
Тармақ 64
64. Персоналдың, келушілердің және көлік құралдарының объектіге кіруін (шығуын) шектеуді көздейтін өткізу режимі бар объектілер адамдар мен көлік құралдарын рұқсат етілген өткізуді жүзеге асыру мақсатында бақылау-өткізу пункттерімен жарақтандырылады.
Бақылау-өткізу пункттерінің саны адамдар мен көлік құралдарын қажетті өткізу қабілетін қамтамасыз етуі тиіс.
Бақылау-өткізу пункттері сыртқы және (немесе) ішкі болуы мүмкін.
Қоршау болса, сыртқы бақылау-өткізу пункті жабдықталады.
Тармақ 65
65. Объектілердің ғимараттарына, үй-жайлары мен аймақтарына санкцияланған кіруді және (немесе) олардан шығуды қамтамасыз ету мақсатында объектілер кіруді бақылау және басқару жүйелерімен және (немесе) кіруді шектеу құралдарымен жабдықталады.
Объектіні кіруді бақылау және басқару жүйесімен жарақтандыру объектіге және (немесе) оның аймақтарына (учаскелеріне) персонал мен келушілердің әртүрлі кіру деңгейін көздейтін аймақтар бойынша жүргізіледі.
Кіруді бақылау және басқару жүйелері терроризм актісін жасауға әрекет ету немесе жасау, дәлелдеме базасын қалыптастыру кезінде объективті тергеп-тексеруді қамтамасыз ету, объект персоналы немесе бөгде адамдар санкцияланбаған іс-қимыл жасаған кезде тергеп-тексеру жүргізу мақсатында кейіннен бірмәнді жіктеу үшін барлық оқиғалар архивін ақпарат жеткізгіштерге автоматты түрде жазуды және бір жыл бойы сақтауды қамтамасыз етуі тиіс.
Персонал мен келушілер аз өтетін (келетін) объектілер үшін объектіні объектіге және (немесе) оның ықтимал қауіпті учаскелері мен қауіпті аймақтарына кіруді шектеу құралдарымен ғана жабдықтауға жол беріледі.
Тармақ 66
66. Объектідегі және (немесе) оның ықтимал қауіпті учаскелеріндегі ахуалға бақылау жүргізу, сондай-ақ жағдайды бағалау және бұзушылардың әрекеттерін тіркеу үшін объектілер санкциясыз ену фактісін көзбен шолып растау мақсатында телевизиялық күзет жүйелерімен жабдықталады.
Телевизиялық күзет жүйесімен:
Тармақша 1
1) аумақтың периметрі;
Тармақша 2
2) бақылау-өткізу пункттері (бар болса);
Тармақша 3
3) тексеріп-қарау үй-жайлары (бөлмелері), көлікті тексеріп-қарау аймақтары (бар болса);
Тармақша 4
4) негізгі және қосалқы есіктер;
Тармақша 5
5) ықтимал қауіпті учаскелері бар аумақ пен үй-жайлар, үй-жайлар (орындар), оларға апаратын дәліздер;
Тармақша 6
6) объект басшысының (меншік иесінің) қалауы бойынша басқа үй-жайлар жабдықталады.
Телевизиялық күзет жүйесі:
Тармақша 1
1) көрнекі ақпаратты күзет бөлімшесінің арнайы бөлінген үй-жайындағы жергілікті бақылау пунктінің не орталықтандырылған күзет пунктінің мониторларына автоматтандырылған режимде беруді;
Тармақша 2
2) оқиғаларды кейіннен талдау үшін бейнеақпаратты сақтауды (ақпаратты сақтау мерзімі 30 тәуліктен кем болмауы тиіс);
Тармақша 3
3) бейнежазбаға жедел қол жеткізуді қамтамасыз етуі тиіс.
Тармақ 67
67. Объектіге және (немесе) объектінің қорғалатын аймағына санкциясыз ену немесе енуге әрекет жасау туралы хабарламаларды анықтау және беру мақсатында объектілер күзет және дабыл сигнализациясы жүйелерімен және құралдарымен жарақтандырылады.
Күзет сигнализациясы жүйесінің құрылымы:
Тармақша 1
1) осы объектінің жұмыс режиміне;
Тармақша 2
2) үй-жайлардың ғимарат ішінде орналасу ерекшеліктеріне;
Тармақша 3
3) күзетілетін аймақтардың санына байланысты айқындалады.
Тармақ 68
68. Объектілер тәуліктің қараңғы уақытында олардың терроризмге қарсы қорғалуын қамтамасыз ету мақсатында күзеттік жарықтандыру жүйелерімен және құралдарымен жабдықталады.
Күзеттік жарықтандыру ені 3-4 метр, жарық беруі кемінде 10 люкс болатын тұтас жолақ құрай отырып, тәуліктің қараңғы уақытында периметрдің кез-келген нүктесінде объектінің жарықтандырылуын қамтамасыз етуі тиіс.
Тармақ 69
69. Күзетілетін объектілер күзет бөлімшелерінің күштері мен құралдарын басқару үшін ақпарат алмасу мақсатында байланыс жүйелерімен және құралдарымен жарақтандырылады.
Байланыс жүйелері күзет пунктіндегі кезекші мен қызмет көрсетілетін аумақтағы күзет нарядтары арасында, қызмет көрсетілетін аумақ шегіндегі күзет нарядтары арасында екіжақты радиобайланысты қамтамасыз етуі тиіс.
Тармақ 70
70. Объектілер штаттан тыс жағдайдың туындауы (терроризм актісінің жасалуы немесе жасалу қаупі және туындаған салдары туралы) және олардың іс-қимылын үйлестіру туралы объект персоналы мен келушілерді жедел хабардар ету мақсатында хабардар ету жүйелерімен және құралдарымен жабдықталады.
Объектінің персоналы мен келушілерді хабардар ету техникалық құралдардың көмегімен жүзеге асырылады, олар:
Тармақша 1
1) ғимараттарға, үй-жайларға, объект аумағының адамдар үнемі немесе уақытша болатын учаскелеріне дыбыс және (немесе) жарық сигналдарын беруді;
Тармақша 2
2) қауіптілік сипаты, эвакуациялау қажеттігі мен жолдары, объектінің персоналы мен келушілерінің қауіпсіздігін қамтамасыз етуге бағытталған басқа да іс-қимылдар туралы ауызша ақпаратты автоматты режимде (аудиожазбаны қосу) трансляциялауды және микрофонды пайдалана отырып, дауыстық хабарландыруды қамтамасыз етуі тиіс.
Тармақ 71
71. Объектілер күзет және дабыл сигнализациясы, кіруді бақылау және басқару, жарықтандыру, бейнебақылау жүйесінің үздіксіз жұмысын қамтамасыз ету үшін резервтік электрмен жабдықтау жүйелерімен және құралдарымен жабдықталады.
Күзет және дабыл сигнализациясы, кіруді бақылау және басқару жүйелері негізгі желілік қоректендіру болмаған кезде жабдықтың кемінде 2 сағат жұмыс істеуін қамтамасыз ететін аккумуляторлық қолдаумен үздіксіз қоректендіру көздерін қамтуы тиіс.
Автономды резервтік электр қоректендіру көздері кіруді бақылау және басқару жүйесінің, телевизиялық бейнебақылау жүйесінің, күзеттік және кезекші жарықтандырудың жұмысын қамтамасыз етуі тиіс:
Тармақша 1
1) қалаларда – кемінде 24 сағат;
Тармақша 2
2) кенттерде және ауылдарда – кемінде 48 сағат;
Тармақша 3
3) жету қиын аудандарда – кемінде 72 сағат.
Тармақ 72
72. Объектілердің ғимараттары мен құрылыстарының инженерлік-техникалық нығайтылуы бұзушылардың объектіге және оның ішіне енуінің қиындығын қамтамасыз етуі тиіс.
Құдықтар, люктер, лаздар, шахталар, ашық құбыржолдар, каналдар және ғимараттар мен құрылыстарға кіруге болатын осыған ұқсас басқа да құрылыстар түріндегі кіретін немесе шығатын жерлері бар жерасты және жерүсті коммуникациялар тұрақты немесе алмалы-салмалы торлармен, қақпақтармен, бекітілетін құрылғылары бар есіктермен жабдықталады, сондай-ақ басқа да техникалық күзет құралдарымен жабдықталуы мүмкін.
Тармақ 73
73. Объектілерде ғимараттардың терезе, есік ойықтарын қорғау құралдарын (оққа төзімді шынылармен, жарылыстан қорғайтын пленкамен, торлармен жабдықтау), құрылыстарды, үй-жайларды, құлыптарды және бекіту құрылғыларын, өзге де инженерлік-техникалық шешімдерді қолдану объектілердің қорғалу деңгейінің жоғарылауымен негізделуге, сондай-ақ өзге де инженерлік-техникалық құралдардың болмауын алмастырға тиіс.
Көліктік бақылау-өткізу пункттерінде және объектінің аумағына өзге де кіреберістерде қоршауда олардың жабық күйде мығым бекітілуін қамтамасыз ететін конструкциясы бар қақпалар жабдықталады.
Қақпалар мен шарбақ қақпалардың құлыптау және бекіту құрылғылары қиратушы әсер етуден қажетті қорғауды қамтамасыз етуі, су, қар, бұршақ, құм және басқа факторлар тікелей әсер еткен кезде осы климаттық аймаққа тән қоршаған ауаның температурасы мен ылғалдылығы диапазонында жұмыс қабілетін сақтауы тиіс.
Тармақ 74
74. Техникалық тексеріп-қарау құралдары объектілерде қаруды, объектіге және объектіден санкциясыз енгізуге (шығаруға), әкелуге (әкетуге) тыйым салынған басқа да бұйымдар мен заттарды табу үшін қолданылады.
Объектіні техникалық тексеріп-қарау құралдарымен жарақтандыру объектілерге тән қатерлерге, оның жұмыс істеу ерекшеліктеріне сәйкес келуі тиіс.
Тармақ 75
75. Объектілердің периметрі бойынша қауіптілігі жоғары учаскелер болған кезде, егер Қазақстан Республикасының шет елдердегі мекемелері үшін Қазақстан Республикасының заңнамасында өзгеше белгіленбесе, объектілер көлік құралдарын мәжбүрлеп тоқтату мақсатында таранға қарсы құрылғылармен жабдықталады.
Тармақ 76
76. Қажет болған жағдайда объектілерде күзет бөлімшелерінің және (немесе) олардың қарауылдарының үй-жайлары жабдықталады, оларды ғимараттардың бірінші қабатында орналастыру ұсынылады. Бұл ретте үй-жайдың конструкциясы тиісті санаттағы ғимараттардың конструкциясына қойылатын талаптарға сәйкес болуы тиіс.
Тармақ 77
77. Объектінің қоршауына тікелей іргелес жатқан аумақта, қажет болған жағдайда, объектіге санкциясыз енуді анықтау үшін тойтару аймағы жабдықталады.
Тойтару аймағының ені техникалық күзет құралдарын табу аймағының енінен артық болуға тиіс.
Тармақ 78
78. Қажет болған жағдайда объектілерде күзетілетін аумақтың периметрінен өткен тәртіп бұзушының ену іздерін анықтау мақсатында бақылау-із кесу жолағы орналастырылады.
Бақылау-із кесу жолағы, әдетте, тойтару аймағында орналасады.
Тармақ 79
79. Қорғалатын аумақтың ауданы үлкен болған жағдайда көріністі ұлғайту және жақсы көрінуі үшін объектілер бақылау мұнараларымен жабдықталуы мүмкін.
Мұнараның биіктігі және ол орнатылатын орын жер бедеріне, конфигурациясына және жергілікті жағдайларға байланысты анықталады.
Мұнараның конструкциясы күзетшіні атыс қаруымен зақымдаудан қорғауды қамтамасыз етуі тиіс.
Тармақ 80
80. Террористік тұрғыдан осал стратегиялық объектілер, стратегиялық маңызы бар экономика салаларының объектілері пилотсыз әуе кемелеріне қарсы іс-қимыл жүйелерімен жарақтандырылады.
Пилотсыз әуе кемелері арқылы террор құралдарын жеткізуге және қолдануға байланысты қауіп-қатерлер өзекті болатын өзге де объектілерге пилотсыз әуе кемелеріне қарсы іс-қимыл жүйелерін көздеу ұсынылады.
Пилотсыз әуе кемелеріне қарсы іс-қимыл жүйелеріне қойылатын техникалық сипаттамалар нұсқаулықтарда айқындалады.
Тармақ 81
81. Осы параграфта көрсетілген инженерлік-техникалық жабдықпен:
Тармақша 1
1) су шаруашылығының объектілері объектінің ықтимал қауіпті учаскелерінде ғана;
Тармақша 2
2) «Азаматтық қорғау туралы» Қазақстан Республикасының Заңына сәйкес қауіпті өндірістік объектілерге жатқызылған объектілер өндірістік қауіпсіздік саласындағы заңнаманы ескере отырып жарақтандырылады.
Тармақ 3
3-параграф. Адамдар көп жиналатын объектілерді жарақтандыру
Тармақ 82
82. Объектідегі, оның ықтимал қауіпті учаскелеріндегі ахуалды бақылауды жүргізу, сондай-ақ жағдайды бағалау және бұзушылардың әрекеттерін тіркеу үшін санкциясыз ену фактісін көзбен шолып растау мақсатында объектілер телевизиялық күзет жүйелерімен жарақтандырылады.
Жеке ғимаратты (ғимараттар кешенін) алып жатқан объектіде телевизиялық күзет жүйесімен:
Тармақша 1
1) объектіге іргелес жатқан аумақтың периметрі;
Тармақша 2
2) бақылау-өткізу пункттері (бар болса);
Тармақша 3
3) тексеріп қарау үй-жайлары (бөлмелері) және көлікті тексеріп қарау аймақтары (бар болса);
Тармақша 4
4) негізгі және қосалқы есіктер;
Тармақша 5
5) объектіде адамдардың жаппай болуы мүмкін орындар жабдықталады.
Ғимараттың бір бөлігін алып жатқан объектіде бейнебақылау жүйесімен:
Тармақша 1
1) объектіде адамдардың жаппай болуы мүмкін орындар;
Тармақша 2
2) негізгі және қосалқы есіктер (бар болса) қамтылуы қажет.
Телевизиялық күзет жүйесі:
Тармақша 1
1) көрнекі ақпаратты күзет бөлімшесінің арнайы бөлінген үй-жайындағы жергілікті бақылау пунктінің не орталықтандырылған күзет пунктінің мониторларына автоматтандырылған режимде беруді;
Тармақша 2
2) оқиғаларды кейіннен талдау үшін бейнеақпаратты сақтауды қамтамасыз етуі тиіс (ақпаратты сақтау мерзімі 30 тәуліктен кем болмауы тиіс).
Тармақ 83
83. Адамдар көп жиналатын объектілер штаттан тыс жағдайдың туындауы (терроризм актісінің жасалуы немесе жасалу қаупі және туындаған салдары туралы) және олардың іс-қимылын үйлестіру туралы объект персоналы мен келушілерді жедел хабардар ету мақсатында хабардар ету жүйелерімен және құралдарымен жабдықталады.
Объектінің персоналы мен келушілерді хабардар ету техникалық құралдардың көмегімен жүзеге асырылады, олар:
Тармақша 1
1) ғимараттарға, үй-жайларға, объект аумағының адамдар үнемі немесе уақытша болатын учаскелеріне дыбыс және (немесе) жарық сигналдарын беруді;
Тармақша 2
2) қауіптілік сипаты, эвакуациялау қажеттігі мен жолдары, объектінің персоналы мен келушілерінің қауіпсіздігін қамтамасыз етуге бағытталған басқа да іс-қимылдар туралы ауызша ақпаратты автоматты режимде (аудиожазбаны қосу) трансляциялауды және микрофонды пайдалана отырып, дауыстық хабарландыруды қамтамасыз етуі тиіс.
Тармақ 84
84. Тиісті сала (ведомство) үшін маңызды нұсқаулықтарда айқындалатын адамдар сыйымдылығының (болу мүмкіндігінің) сандық көрсеткіштері бар адамдар көп жиналатын объектілер міндетті түрде: күзет қызметі субъектілерін орталықтандырылған бақылау пультіне жасырын сигнал беруге мүмкіндік беретін ұтқыр не стационарлық дабыл беру құралымен («дабыл түймелері») жарақтандырылуы тиіс.
Тармақ 85
85. Адамдар көп жиналатын объектілер 82 және 83-тармақтарда көзделген іс-шараларға қосымша:
Тармақша 1
1) функционалдық ерекшеліктері мен сыйымдылығының сандық көрсеткіштеріне сүйене отырып, объектілерде қаруды, объектіге және объектіден санкциясыз енгізуге (шығаруға), әкелуге (әкетуге) тыйым салынған басқа да бұйымдар мен заттарды табу мақсатында техникалық тексеріп қарау құралдарымен жарақтандырылады;
Тармақша 2
2) мақсатын ескере отырып, объектілердің ғимараттарына, үй-жайлары мен аймақтарына санкцияланған кіруді және (немесе) олардан шығуды қамтамасыз ету мақсатында объектілер кіруді бақылау және басқару жүйесімен жабдықталады;
Тармақша 3
3) объектіге келушілерді басып кету қаупін болдырмау үшін олардың орналасуына (кіру топтары, адамдар жаппай болуы мүмкін ашық орындар) және көлік құралдарының қозғалысы жолдарына қатысты кірме жолдарға байланысты таранға қарсы құрылғылармен жабдықталуы мүмкін;
Тармақша 4
4) қауіптілігі ықтимал учаскелердің болуына байланысты күзет сигнализациясы жүйесімен жарақталады.
1 Осы жерде және бұдан әрі объектінің белгілі бір жағдайларда 25-тен астам адам болуы мүмкін үй-жайлары мен алаңдары. Объектілердегі техникалық құжаттарда орын (үй-жай) үшін сыйымдылық көрсеткіші болмаған жағдайда, адамдардың болуы мүмкін санын есептеу үй-жайдың (алаңның) жалпы ауданынан бір адамға 1,5 м2 есебінен жүзеге асырылады.
Басқа 1.1. Террористік тұрғыдан осал объектілердің терроризмге қарсы
қорғалуын ұйымдастыру жөніндегі нұсқаулықтың мазмұнына
қойылатын негізгі талаптар
Террористік тұрғыдан
осал объектілердің терроризмге
қарсы қорғалуын ұйымдастыруға
қойылатын талаптарға
1-қосымша
Террористік тұрғыдан осал объектілердің терроризмге қарсы
қорғалуын ұйымдастыру жөніндегі нұсқаулықтың мазмұнына
қойылатын негізгі талаптар
Тармақ 1
1. Террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулықты (бұдан әрі – нұсқаулық), орталық мемлекеттік орган, оның ішінде Қазақстан Республикасының Президентіне тікелей бағынатын және есеп беретін мемлекеттік орган салалық қауіпсіздік талаптарының ерекшелігіне, объектілердің ерекшеліктеріне, сондай-ақ осы объектілерге тән қауіптерге қарай осы талаптардың негізінде өз бетінше әзірлейді.
Тармақ 2
2. Нұсқаулықтың тақырыбы мен мәтінінде объектілер қарауына жататын мемлекеттік органның толық атауы жазылады немесе мемлекеттік орган басшылықты жүзеге асыратын қызмет аясы (саласы) көрсетіледі.
Тармақ 3
3. Нұсқаулықта мынадай тараулар болуы тиіс:
1-тарау. «Жалпы ережелер».
2-тарау. «Өткізу режимін ұйымдастыруға қойылатын талаптар».
3-тарау. «Профилактикалық және оқу іс-шараларын ұйымдастыруға қойылатын талаптар».
4-тарау. «Террористік көріністерге ден қою, сондай-ақ жасалған террористік акт нәтижесінде туындайтын техногендік қатерлерді жою мәселелері бойынша өзара іс-қимылды ұйымдастыруға қойылатын талаптар».
5-тарау. «Террористік тұрғыдан осал объектілердің терроризмге қарсы қорғалу паспортын әзірлеуге және онымен жұмыс істеуге қойылатын талаптар».
6-тарау «Террористік тұрғыдан осал объектілерді инженерлік-техникалық жабдықпен жарақтандыруға қойылатын талаптар».
Қосымшалар.
Тармақ 4
4. «Жалпы ережелер» деген тарау мыналарды қамтиды:
Тармақша 1
1) нұсқаулықты әзірлеу үшін негіздеме;
Тармақша 2
2) нұсқаулықтың қолданылу саласы (қандай объектілерге қолданылады);
Тармақша 3
3) нұсқаулықтың ұғымдық аппараты;
Тармақша 4
4) объектілердің терроризмге қарсы қауіпсіздігін қамтамасыз ету шаралары мен шарттары.
Тармақ 5
5. «Өткізу режимін ұйымдастыруға қойылатын талаптар» деген 2-тарау мыналарды қамтиды:
Тармақша 1
1) өткізу режимінің мақсаты;
Тармақша 2
2) объектінің ерекшелігін ескере отырып, ондағы өткізу режимін ұйымдастырудың ерекшеліктері (кіру аймақтарын бөлу қажеттігі, келушілерді өткізу, объектіге алып өтуге тыйым салынған заттардың тізбесін анықтау қажеттігі мен мақсаты және басқалары);
Тармақша 3
3) өткізу режимін қамтамасыз ету бойынша негізгі іс-шаралар (қажет болған жағдайда өткізу режимінің қағидаларын, террористік тұрғыдан осал объектілерді күзетуді және қорғауды іске асыратын физикалық күзет бекеттерін қою);
Тармақша 4
4) өткізу режимін қамтамасыз етуге тартылатын бөлімшелер;
Тармақша 5
5) өткізу режимінің ұйымдастырылуын сипаттайтын өзге мәселелер.
Тармақ 6
6. «Профилактикалық және оқу-жаттығу іс-шараларын ұйымдастыруға қойылатын талаптар» деген 3-тарау мыналарды қамтиды:
Тармақша 1
1) сабақтарды өткізу мақсаттары мен нысандары;
Тармақша 2
2) сабақтарды өткізу мерзімдері мен кезеңділігі;
Тармақша 3
3) әртүрлі адамдар тобымен сабақтарды ұйымдастыру және өткізу ерекшеліктері;
Тармақша 4
4) профилактикалық және оқу-жаттығу іс-шараларының ұйымдастырылуын сипаттайтын өзге де мәселелер.
Тармақ 7
7. «Террористік көріністерге ден қою, сондай-ақ жасалған террористік акт нәтижесінде туындайтын техногендік сипаттағы қатерлерді жою мәселелері бойынша өзара іс-қимылды ұйымдастыруға қойылатын талаптар» деген 4-тарау:
Тармақша 1
1) объектілердің меншік иелерінің, иелерінің, басшыларының объектіде терроризм актісін дайындау немесе жасау туралы хабарлама алған кездегі іс-қимылын;
Тармақша 2
2) уәкілетті органдарға объектінің қауіпсіздігіне ықтимал қауіптер, объектідегі терроризм актілерінің жасалуы туралы хабарлау үшін мәліметтерді;
Тармақша 3
3) террористік қауіптіліктің әртүрлі деңгейлері анықталған кезде дағдарыстық жағдайларды оқшаулау функцияларын орындайтын және жеке құрам мен қауіпсіздік бөлімшелерінің құрамындағы адамдарды анықтау жөніндегі ұйымдастырушылық шараларын және олардың іс-қимылдарын (бастапқы ден қою шараларын);
Тармақша 4
4) өзара іс-қимылдың ұйымдастырылуын сипаттайтын өзге де мәселелерді анықтайды.
Тармақ 8
8. «Террористік тұрғыдан осал объектілердің терроризмге қарсы қорғалу паспортын әзірлеуге және онымен жұмыс істеуге қойылатын талаптар» деген 5-тарау:
Тармақша 1
1) объектілердің паспорттарын әзірлеуді;
Тармақша 2
2) объектілердің паспорттарын есепке алуды;
Тармақша 3
3) объектілердің паспорттарын сақтауды, оларды жедел штабқа беруді;
Тармақша 4
4) объектілердің паспорттарын жоюды анықтайды.
Тармақ 9
9. «Террористік тұрғыдан осал объектілерді инженерлік-техникалық жабдықтармен жарақтандыруға қойылатын талаптар» деген 6-тарау мыналарды қамтиды:
Тармақша 1
1) объектілер тобын айқындау (орындалатын тапсырмалардың ерекшелігі, персонал мен келушілердің саны, орналасқан орны, оларға тән қауіптер бойынша біртекті);
Тармақша 2
2) объектілердің топтарын инженерлік-техникалық құралдармен жарақтандыру (талаптарға сәйкес міндетті, терроризмге қарсы қорғауды қамтамасыз ету үшін қажетті, алмастыратын және қосымша (қажет болған жағдайда);
Тармақша 3
3) инженерлік-техникалық жабдықтардың негізгі сипаттамалары: нені қамтамасыз ету керек; қажет болған жағдайда материалдар мен өндіріс түрлері, орналастыру ерекшеліктері, оларды орнатуға қажетті инженерлік шешімдер, монтаж алаңдары, сандық және сапалық көрсеткіштер, құрылғылар типтері және өзге де қажетті сипаттамалар;
Тармақша 4
4) объектілерді терроризмге қарсы қорғауды ұйымдастыруға негізделген өзге де мәселелер.
Тармақ 10
10. Нұсқаулыққа қосымшалар мыналарды қамтиды:
Тармақша 1
1) сабақтар тақырыбының нұсқалары;
Тармақша 2
2) сабақ өткізу туралы есеп беру нысандары;
Тармақша 3
3) әртүрлі объектілердегі адамдар тобының террористік сипаттағы ықтимал қауіп-қатерлерге әрекет ету алгоритмдері;
Тармақша 4
4) объектіге алып өтуге тыйым салынған заттардың тізбесі (қажет болған жағдайда);
Тармақша 5
5) өзгелер (қажет болған жағдайда).
Басқа 1.2
Террористік тұрғыдан
осал объектілердің терроризмге
қарсы қорғалуын ұйымдастыруға
қойылатын талаптарға
2-қосымша
Нысан
Журналды жүргізу басталған күн 20__ ж. «___» _____
Журналды жүргізу аяқталған күн 20__ ж. «___» _____
1-бөлім. Нұсқамалар
Р/с
№
Нұсқама өткізілген күн
Нұсқама берілетін адамның Т.А.Ә. (әкесінің аты бар болса) және лауазымы
Нұсқама түрі
Нұсқаманы өткізген адамның Т.А.Ә. (әкесінің аты бар болса) және лауазымы
Нұсқама берілетін адамның қолы
Нұсқаманы өткізген адамның қолы
1
2
3
4
5
6
7
2-бөлім. Сабақ
Тармақ 1
1. Сабақ өткізілетін күн.
Тармақ 2
2. Сабақтың тақырыбы.
Тармақ 3
3. Оқу сұрақтары.
Тармақ 4
4. Қатысып отырған жұмыскерлер саны.
Тармақ 5
5. Сабақты өткізген адамның қолы.