Об утверждении описания и правил применения опознавательных знаков и внешней окраски судов Пограничной службы Комитета национальной безопасности Республики Казахстан Күшін жойған

Қазақстан Республикасы Ұлттық қауіпсіздік комитетінің Шекара қызметі кемелерінің танып айыру белгілері мен сыртқы бояуының сипаттамасын және оларды қолдану қағидаларын бекіту туралы «Қазақстан Республикасының Мемлекеттік шекарасы туралы» 2013 жылғы 16 қаңтардағы Қазақстан Республикасының Заңы 56-бабының 37-2) тармағына сәйкес, БҰЙЫРАМЫН:

1. Қоса беріліп отырған, Қазақстан Республикасы Ұлттық қауіпсіздік комитетінің Шекара қызметі кемелерінің танып айыру белгілері мен сыртқы бояуының сипаттамасын және оларды қолдану қағидалары бекітілсін.

2. Қазақстан Республикасы Ұлттық қауіпсіздік комитеті Шекара қызметі заңнамада белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты Қазақстан Республикасы Ұлттық қауіпсіздік комитетінің ресми интернет-ресурсына орналастыруды қамтамасыз етсін.

3. Осы бұйрықтың орындалуын бақылау Қазақстан Республикасы Ұлттық қауіпсіздік комитеті Төрағасының орынбасары – Шекара қызметінің директоры Дархан Айтқалиұлы Ділмановқа жүктелсін.

4. Осы бұйрық алғаш рет ресми жарияланған күнінен кейін күнтізбелік он күн өткен соң қолданысқа енгізіледі. «КЕЛІСІЛДІ» Қазақстан Республикасының Индустрия және инфрақұрылымдық даму министрлігі

Қазақстан Республикасы Ұлттық қауіпсіздік комитеті Төрағасының 17 мамырдағы № № 54/қе бұйрығымен бекітілді Қазақстан Республикасы Ұлттық қауіпсіздік комитетінің Шекара қызметі кемелерінің танып айыру белгілері мен сыртқы бояуының сипаттамасын және оларды қолдану қағидалары

1-тарау. Жалпы ережелер

1. Осы шекаралық кемелердің танып айыру белгілері және сыртқы бояуының сипаттамасы мен қолдану қағидалары «Қазақстан Республикасының Мемлекеттік шекарасы туралы» Қазақстан Республикасы Заңының (бұдан әрі –Сипаттама және Қағида) 56-бабының 37-2) тармақшасына сәйкес әзірленді және Қазақстан Республикасы Ұлттық қауіпсіздік комитетінің Шекара қызметі кемелерінің танып айыру белгілері мен сыртқы бояуының сипаттамасын айқындайды.

2. Осы бұйрықта қолданылатын негізгі түсініктер:

1) кеменің су ығыстыртқыштығы - кеме корпусының су асты бөлігімен ығыстырылған су мөлшері;

2) киль - кеме түбінің ортасынан оның алдыңғы жағының шетіне дейін өтетін және кеменің беріктігін қамтамасыз ету және орнықтылықты қамтамасыз ету үшін қызмет ететін төменгі көлденең арқалық;

3) кеменің артқы жағы - кеме корпусының артқы шеті;

4) конструктивтік ватерсызығы - судың тыныш бетінің жүзу кемесінің корпусымен жанасу сызығы;

5) кеменің алдыңғы жағы - кеменің алдыңғы шеті;

6) Қазақстан Республикасы Ұлттық қауіпсіздік комитеті Шекара қызметінің кемесі - Қазақстан Республикасы Ұлттық қауіпсіздік комитетінің Шекара қызметіне тиесілі, осы бұйрықтың ережелеріне сәйкес келетін танып айыру белгілері және сыртқы бояуы бар, Қазақстан Республикасы Ұлттық қауіпсіздік комитеті Шекара қызметі әскери қызметшісінің қол астында тұрған, корабль және катерлерде қызмет етуге арнайы дайындығы бар әскери экипаж.

7) қондырма - соңғысы жоқ болған кезде – жоғарғы палубадан биік кеме бөлімі, төменгі жиек терезе ойығынан жоғары кеме бөлімі;

8) мидель-шпангоут - кеменің теориялық сызбасының перпендикуляры арасындағы ұзындықтың жартысындағы тік көлденең жазықтықпен кеме корпусының қимасы;

9) су үсті борты - палубалық сызықтың жоғарғы жиегінен шекті шөгу сызығының жоғарғы жиегіне дейінгі мидель - шпангоут бойынша бортқа тік өлшенген ара-қашықтық;

10) Форштевень - корпустың алдыңғы шетінің сыртқы қаптамасы бекітілген және алдыңғы бөлігінде кильге өтетін кеменің алдыңғы жағындағы арқалық;

11) Фальшборт - кемедегі палубаның борттық қоршауы.

2-тарау. Қазақстан Республикасы Ұлттық қауіпсіздік комитетінің Шекара қызметі кемелерінің танып айыру белгілері мен сыртқы бояуының сипаттамасын және оларды қолдану қағидалары

3. Өздерінің мақсаты бойынша Қазақстан Республикасы Ұлттық қауіпсіздік комитеті Шекара қызметі кемелерінің танып айыру белгілері негізгі және қосымша болып бөлінеді. Негізгі танып айыру белгісі кеменің Қазақстан Республикасына тиістілігін айқындайды. Қосымша танып айыру белгілері кеменің Қазақстан Республикасы Ұлттық қауіпсіздік комитетінің Шекара қызметіне тиістілігін айқындайды. Анық борттық жазбалар және борттың нөмірі кеменің қосымша танып айыру белгілері болып табылады.

4. Кеменің сыртқы бояуының схемасы кеме үстінің түстік бояуы су үсті борты, фальшборт, қондырма және діңгек. Оның ішінде қондырма мен діңгек ақ түспен, су үсті борты мен фальшборт – қою жасыл түспен боялады.

5. Негізгі танып айыру белгісі конструктивті ватерсызығы бойынша кеменің ұзындығының 1/20 бөлігінің жалпы ені көлбеулі екі түсті (Қазақстан Республикасы Мемлекеттік туының түстері) жолақты білдіреді, бұл ретте түстік жолақтар келесідей тәртіпте жүреді: екі түсті жолақтың жалпы ұзындығының ені 1/40 көгілдір түсті жолақ; екі түсті жолақтың жалпы ұзындығының ені 1/10 алтын түсті жолақ; екі түсті жолақтың жалпы ұзындығының ені 7/8 көгілдір түсті жолақ.

6. Негізгі танып айыру белгісі кеменің бортында, оның алдыңғы жағында орналасады. Жолақ конструкциялық ватерсызыққа қатысты кеменің алдыңғы жағының жоғарғы бөлігіне 70 градусқа еңкейтілген. Кеменің форштевні мен борттың танып айыру белгісінің негізі арасындағы арақашықтық конструкциялық ватерсызық бойынша кеменің ұзындығының 1/3 бөлігіне тең.

7. Қосымша танып айыру белгісі JAǴALAÝ KÚZETİ және COAST GUARD борттық жазулары салмағы 15 тоннадан жоғары өзі жүретін кемелерге жазылады.

8. JAǴALAÝ KÚZETİ борттық жазуы ақ түсті «Arial» шрифтімен жазылады, мидель-шпангоуттағы су үсті бортының биіктігі 1/3 жазуы әріптерінің биіктігі. Жазудың ұзындығы - конструктивтік ватерсызықтың 1/5 ұзындығы. Жазу симметриялы: мидель - шпангоуттың көлбеулігі бойынша, су үсті бортының биіктігі бойынша тігінен орналасады.

9. COAST GUARD борттық жазуы қондырманың борттық бетінің жоғарғы бөлігіне қою жасыл түсті «Arial» шрифтімен жазылады. Жазудың әріптерінің биіктігі - борттық жазудың 1/3 биіктігіне тең. Жазудың ұзындығы – борттық жазудың 1/4 ұзындығына тең.

10. Қосымша танып айыру белгісі борттық нөмірі үш таңбалы санмен белгіленеді және су үсті бортының биіктігі бойынша симметриялы, форштевеннен конструктивтік ватерсызықтың ұзындығының 1/5 қашықтығында ақ түсті «Arial» шрифтімен жазылады. Борттық нөмір сандарының биіктігі - түсіру орнында су үсті бортының 1/2 биіктігіне тең.

11. Конструктивтік ерекшеліктерге және жердің жетіспеушілігіне байланысты танып айыру белгілері кеменің су үсті бортына жазуға мүмкін болмаған жағдайларда, соңғылары оның қондырмасына барынша рұқсат етілген пропорцияда орналастырылады.

12. Қазақстан Республикасы Ұлттық қауіпсіздік комитеті Шекара қызметі кемелерінің танып айыру белгілері мен сыртқы бояуының графикалық әлпеті және оның орналасуы осы Сипаттама және Қағиданың қосымшасында көрсетілген.

Қазақстан Республикасы Ұлттық қауіпсіздік комитетінің Шекара қызметі кемелерінің танып айыру белгілері мен сыртқы бояуының сипаттамасы және Қағидасына қосымша Қазақстан Республикасы Ұлттық қауіпсіздік комитеті Шекара қызметі кемелерінің танып айыру белгілерінің сыртқы бояуының графикалық әлпеті