Об утверждении положения о Республиканской комиссии по вопросам формирования государственной информационной политики Күшін жойған

Мемлекеттік ақпараттық саясатты қалыптастыру мәселелері жөніндегі республикалық комиссия туралы ережені бекіту туралы «Бұқаралық ақпарат құралдары туралы» Қазақстан Республикасы Заңының 4-6-бабы 3-тармағына сәйкес БҰЙЫРАМЫН:

1. Қоса беріліп отырған Мемлекеттік ақпараттық саясатты қалыптастыру мәселелері жөніндегі республикалық комиссия туралы ереже бекітілсін.

2. Қазақстан Республикасы Ақпарат және қоғамдық даму министрлігінің Ақпарат комитеті заңнамада белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты Қазақстан Республикасы Ақпарат және қоғамдық даму министрлігінің интернет-ресурсында орналастыруды;

3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Ақпарат және қоғамдық даму министрлігінің Заң департаментіне ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Ақпарат және қоғамдық даму вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Ақпарат және қоғамдық даму министрі 2021 жылғы 30 сәуірдегі № 150 бұйрығымен бекітілген Мемлекеттік ақпараттық саясатты қалыптастыру мәселелері жөніндегі республикалық комиссия туралы ереже

1-тарау. Жалпы ережелер

1. Осы мемлекеттік ақпараттық саясатты қалыптастыру мәселелері жөніндегі республикалық комиссияның ережесі (бұдан әрі – Ереже) «Бұқаралық ақпарат құралдары туралы» Қазақстан Республикасы Заңының (бұдан әрі – Заң) 4-6-бабы 3-тармағына сәйкес әзірленді.

2. Мемлекеттік ақпараттық саясатты қалыптастыру мәселелері жөніндегі республикалық комиссия (бұдан әрі – Комиссия) өз қызметін Қазақстан Республикасының Конституциясына, Заңның 4-3-бабы 7-1) тармақшасына сәйкес бекітілетін республикалық және өңірлік деңгейлерде мемлекеттік ақпараттық саясатты жүргізу жөніндегі мемлекеттік тапсырысты орналастыру қағидаларына (бұдан әрі – Қағидалар) Қазақстан Республикасы Ақпарат және коммуникациялар министрінің 2017 жылғы 28 ақпандағы № 75 бұйрығымен (Нормативтік құқықтық актілерді мемлекеттік тіркеу тізілімінде № 14886 болып тіркелген) және осы Ережеге сәйкес жүзеге асырады.

2-тарау. Комиссияның функциялары

3. Комиссияның негізгі функциялары мыналар болып табылады:

1) өңірлік деңгейдегі мемлекеттік ақпараттық саясаттың тақырыптық бағыттарының тізбесін қарау және Қағидаларға сәйкес ұсыныстар әзірлеу;

2) үміткерлердің республикалық және өңірлік деңгейлерде мемлекеттік ақпараттық саясатты жүргізу жөніндегі мемлекеттік тапсырысты алуға арналған өтінімдерін қарау және Қағидаларға сәйкес ұсыныстар әзірлеу;

3) Қағидаларға сәйкес республикалық деңгейде мемлекеттік ақпараттық саясатты жүргізу жөніндегі мемлекеттік тапсырыс шеңберінде іске асырылатын республикалық деңгейдегі мемлекеттік ақпараттық саясаттың тақырыптық бағыттарының тізбесін бекіту;

4) Қағидаларға сәйкес республикалық деңгейде мемлекеттік ақпараттық саясатты жүргізу жөніндегі мемлекеттік тапсырысты алуға үміткерлердің құжаттар тізбесін қарау;

5) республикалық деңгейде мемлекеттік ақпараттық саясатты жүргізу жөніндегі мемлекеттік тапсырысты алуға қатысу үшін үміткерлерді жіберу немесе жібермеу туралы шешім қабылдау;

6) республикалық деңгейде мемлекеттік ақпараттық саясатты жүргізу жөніндегі мемлекеттік тапсырыстың жеңімпазын айқындау туралы шешім қабылдау;

7) республикалық деңгейде мемлекеттік ақпараттық саясатты жүргізу жөніндегі мемлекеттік тапсырысты өтпеді деп тану туралы шешім қабылдау.

3-тарау. Комиссия қызметін ұйымдастыру тәртібі

4. Комиссия құрамы ақпарат саласындағы уәкілетті орган ведомствосы басшысының, коммерциялық емес ұйымдардың, бұқаралық ақпарат құралдарының, мүдделі мемлекеттік органдардың өкілдері қатарынан бұқаралық ақпарат құралдары саласындағы уәкілетті органның (бұдан әрі – уәкілетті орган) бұйрығымен қалыптастырылады және бекітіледі.

5. Комиссия төрағадан, комиссия мүшелерінен және хатшыдан тұрады. Ақпарат саласындағы уәкілетті орган ведомствосының басшысы не оны алмастыратын адам Комиссияның төрағасы болып табылады. Комиссия хатшысы ақпарат саласындағы уәкілетті орган ведомствосының құрылымдық бөлімшесінің басшысы болып табылады. Комиссия хатшысы комиссия мүшесі болып табылмайды және дауыс беруге қатыспайды.

6. Комиссия тұрақты жұмыс істейтін орган болып табылады және кемінде жеті мүшеден тұрады.

7. Комиссияның жұмыс органы уәкілетті органның ведомствосы болып табылады.

8. Комиссия отырыстары, егер оған Комиссия мүшелерінің жалпы санының жартысынан астамы қатысса, заңды деп есептеледі.

9. Комиссия төрағасы Комиссияның жұмысына басшылықты жүзеге асырады, Комиссия отырыстарында төрағалық етеді, Комиссия отырысының күн тәртібін бекітеді, Комиссия отырыстарының хаттамаларына қол қояды, Комиссия шешімдерінің іске асырылуына бақылауды жүзеге асырады.

10. Комиссия мүшелері:

1) өздері ұсынатын қызметтердің сәйкестігін растау үшін үміткерлер ұсынған құжаттарды толықтығы және тиісінше ресімделуі тұрғысынан қарайды;

2) Қағидаларда көзделген талаптарға құжаттар тізбесімен бірге республикалық деңгейде мемлекеттік ақпараттық саясатты жүргізу жөніндегі мемлекеттік тапсырысты алуға үміткер ұсынған өтінімдердің сәйкестігі тұрғысынан қорытындылар береді;

3) Қағидаларға сәйкес республикалық деңгейде мемлекеттік ақпараттық саясатты жүргізу бойынша мемлекеттік тапсырысқа балдық бағалау жүргізеді.

11. Комиссия хатшысы:

1) отырыс үшін күн тәртібін қалыптастырады, қажетті құжаттармен қамтамасыз етеді және Комиссия отырысын өткізуді ұйымдастырады;

2) Комиссия отырыстарының қарауына ұсынылған құжаттардың сақталуын қамтамасыз етеді;

3) Комиссия мүшелеріне республикалық және өңірлік деңгейлерде мемлекеттік ақпараттық саясатты жүргізу бойынша қатысуға тікелей немесе жанама мүдделіліктің болуы туралы Комиссия мүшелерін хабардар етеді.

4) жыл сайын, 5 желтоқсанға дейін орталық мемлекеттік органдардан алдағы жылға арналған тақырыптық бағыттардың сұратады.

12. Жұмыс органы құжаттарды Қағидаларда белгіленген тәртіпке сәйкес Комиссия отырысына шығару үшін мемлекеттік ақпараттық саясатты өңірлік деңгейде жүргізу жөніндегі мемлекеттік тапсырысты алуға үміткерлердің өтінімдерін Комиссия хатшысына ұсынады.

13. Комиссия мүшелері шешім қабылдау кезінде тең дауысқа ие болады. Комиссияның шешімдері ашық дауыс беру арқылы қабылданады және қатысып отырған Комиссия мүшелерінің жалпы санының көпшілік даусымен қабылданған болып есептеледі. Дауыстар тең болған жағдайда, Комиссия төрағасы дауыс берген шешім қабылданды деп есептеледі. Комиссия шешімімен келіспеген жағдайда Комиссия мүшелері өз пікірін жазбаша түрде баяндайды, ол Комиссия отырысының хаттамасына қоса беріледі.

14. Комиссия мүшесі отырыстарда болмаған жағдайда, Комиссия отырысының хаттамасында осы фактіні растайтын құжатты қоса бере отырып, оның болмау себебі көрсетіледі.

15. Қабылданған шешімдер хаттамамен ресімделеді, оған төраға қол қояды, отырысқа қатысқан Комиссия мүшелері мен хатшысы бұрыштама қояды.

16. Егер Комиссия мүшесінің республикалық және өңірлік деңгейлерде мемлекеттік ақпараттық саясатты жүргізуге қатысуға тікелей немесе жанама мүдделілігі болса, Комиссия мүшесі үміткерлердің өтінімдерін қарауға қатыспайды. Егер Комиссия мүшесінің республикалық және өңірлік деңгейлерде мемлекеттік ақпараттық саясатты жүргізу бойынша қатысуға тікелей немесе жанама мүдделілігі болған жағдайда, ол бұл туралы Комиссия төрағасын, мүшелерін және хатшысын хабардар етеді.