Об утверждении Перечня экологически опасных видов хозяйственной и иной деятельности Қолданыста
Басқа 0
Экологиялық жағынан қауіпті шаруашылық және өзге қызмет
түрлерінің тізбесін бекіту туралы
Қазақстан Республикасының Экология кодексінің 129-бабының 2-тармақшасына сәйкес БҰЙЫРАМЫН:
Тармақ 1
1. Қоса беріліп отырған Экологиялық жағынан қауіпті шаруашылық және өзге қызмет түрлерінің тізбесі бекітілсін.
Тармақ 2
2. Мыналардың күші жойылды деп танылсын:
Тармақша 1
1) «Экологиялық жағынан қауіпті шаруашылық және өзге қызмет түрлерінің тізбесін бекіту туралы» Қазақстан Республикасы Энергетика министрінің 2015 жылғы 21 қаңтардағы № 27 бұйрығы (нормативтік құқықтық актілерді мемлекеттік тіркеу тізілімінде № 10301 болып тіркелген);
Тармақша 2
2) «Экологиялық жағынан қауіпті шаруашылық және өзге қызмет түрлерінің тізбесін бекіту туралы» Қазақстан Республикасы Энергетика министрінің 2015 жылғы 21 желтоқсандағы № 731 бұйрығымен бекітілген Қазақстан Республикасы Қоршаған ортаны қорғау министрінің және Қазақстан Республикасы Энергетика министрінің өзгерістер енгізілетін бұйрықтары тізбесінің 3-тармағы (нормативтік құқықтық актілерді мемлекеттік тіркеу тізілімінде № 12927 болып тіркелген).
Тармақ 3
3. Қазақстан Республикасы Экология, геология және табиғи ресурстар министрлігінің Экологиялық реттеу және бақылау комитеті Қазақстан Республикасының заңнамасында белгіленген тәртіппен:
Тармақша 1
1) осы бұйрықтың Қазақстан Республикасы Әділет министрлігінде мемлекеттік тіркелуін;
Тармақша 2
2) осы бұйрық ресми жарияланғаннан кейін оның Қазақстан Республикасы Экология, геология және табиғи ресурстар министрлігінің интернет-ресурсында орналастырылуын;
Тармақша 3
3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Экология, геология және табиғи ресурстар министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтердің ұсынылуын қамтамасыз етсін.
Тармақ 4
4. Осы бұйрықтың орындалуын бақылау жетекшілік ететін Қазақстан Республикасының Экология, геология және табиғи ресурстар вице-министріне жүктелсін.
Тармақ 5
5. Осы бұйрық алғашқы ресми жарияланған күнінен бастап қолданысқа енгізіледі және 2021 жылғы 1 шілдеден бастап туындаған құқықтық қатынастарға қолданылады.
«КЕЛІСІЛДІ»
Қазақстан Республикасы
Индустрия және инфрақұрылымдық
даму министрлігі
«КЕЛІСІЛДІ»
Қазақстан Республикасы
Энергетика министрлігі
Басқа 0. Экологиялық жағынан қауіпті шаруашылық және өзге қызмет
түрлерінің тізбесі
Қазақстан Республикасы
Экология, геология және табиғи
ресурстар министрінің м.а.
2021 жылғы 27 шілдедегі
№ 271 Бұйрығымен
бекітілген
Экологиялық жағынан қауіпті шаруашылық және өзге қызмет
түрлерінің тізбесі
Тармақ 1
1. Жерді және жер қойнауын пайдалану:
Тармақша 1
1) улы, радиоактивті және тағы басқа қауіпті зиянды заттармен ластанған жерлердің техникалық рекультивациясы;
Тармақша 2
2) учаске алаңы 25 гектардан артық болған кезде пайдалы қазбаларды өндіру жөніндегі карьерлерді әзірлеу;
Тармақша 3
3) учаске алаңы 25 гектардан артық болған кезде тау-кен өнімдерін әзірлеу;
Тармақша 4
4) қауіпті қалдықтар болып табылатын тау-кен өндіру өнеркәсібінің қалдықтарын жинақтау және сақтау;
Тармақша 5
5) тау-кен өнеркәсібінің қалдықтарын пайдалану және байыту.
Тармақ 2
2. Су ресурстарын пайдалану:
Тармақша 1
1) су объектілерінің ластануына және тығындалып қалуына әкеп соғатын ықтимал қауіпті химиялық және биологиялық заттар мен радиоактивті материалдарды өндірістік мақсатта пайдаланатын кәсіпорындар мен құрылыс жайлардың су жинайтын алаңдарына салу және орналастыру;
Тармақша 2
2) өнімділігі 150 мың тұрғындардан астам ағынды суларды тазалау станцияларының қызметі.
Тармақ 3
3. Мұнай операцияларын, оның ішінде:
Тармақша 1
1) шығарылатын мөлшері мұнайға қатысты тәулігіне 500 тоннадан және газға қатысты тәулігіне 500 тоннадан асатын мұнай мен табиғи газды коммерциялық мақсаттарда өндіруді;
Тармақша 2
2) сыйымдылығы 200 мың тонна немесе одан көбірек мұнай, мұнай-химиялық немесе химиялық өнімдерді сақтауды, сондай-ақ 150 миллион текше метрден асатын белсенді сақтау көлемімен табиғи газды жерасты сақтауды;
Тармақша 3
3) мұнай өңдейтін зауыттардың (шикі мұнайдан майлағыш материалдарды ғана өндіретін кәсіпорындарды қоспағанда) және газдандыруға арналған құрылыс жайлардың қызметін;
Тармақша 4
4) газды, мұнайды немесе химиялық заттарды тасымалдауға арналған диаметрі 800 миллиметрден және (немесе) ұзындығы 40 километрден асатын құбырларды пайдалануды жүзеге асыру.
Тармақ 4
4. Металлургиялық өндіріс:
Тармақша 1
1) шойын мен болаттың бастапқы қорытылуы;
Тармақша 2
2) металлургиялық, химиялық немесе электролиттік процестермен кендерден, концентраттардан немесе қайталама шикізаттан қышқылдандырылмаған түсті металдар өндіру.
Тармақ 5
5. Атом және жылу энергиясын пайдалану:
Тармақша 1
1) жиынтық қуаты 300 мегаватт (МВт) және одан жоғары жылу электр станцияларын және отынды жағуға арналған басқа да қондырғыларды пайдалану;
Тармақша 2
2) атом электр станцияларының және басқа да ядролық реакторлардың қызметі, осындай электр станцияларын немесе реакторларды бөлшектеуді немесе оларды пайдалануды тоқтатуды қоса алғанда (ең жоғары қуаты тұрақты жылу жүктемесінің 1 киловаттан (кВт) аспайтын ыдыратқыш және ұдайы өндірілетін материалдарды шығаруға және қайта құруға арналған зерттеу қондырғыларынан басқа*);
Тармақша 3
3) пайдаланылған ядролық отынды қайта өңдеу;
Тармақша 4
4) мыналар:
ядролық отын өндіру және байыту;
сәулеленген ядролық отынды немесе радиоактивті қалдықтарды өндірістік объекті аумағының сыртындағы басқа жерлерге ұзақ мерзімге (10 жылдан астам кезеңге жоспарланған) сақтау бойынша қызмет.
Тармақ 6
6. Атмосфералық ауаға, климатқа және Жердің озон қабатына әсері:
Тармақша 1
1) өндірістік объектілердің санитариялық жіктелуіне сәйкес қауіптілігі 1-сыныпты зиянды (ластаушы) заттардың жылына 1 тоннадан астам, өндірістік объектілердің санитариялық жіктелуіне сәйкес қауіптілігі 2- сыныпты заттардың жылына 50 тоннадан астам атмосфераға шығарындыларымен бірге жүретін өндірістік процестерді жүзеге асыру;
Тармақша 2
2) озонды бұзатын заттардың және құрамында солар бар өнімдердің импорты, экспорты, озонды бұзатын заттарды пайдалана отырып, жұмыстар жүргізу, құрамында озонды бұзатын заттары бар жабдықтарды жөндеу, монтаждау, оларға қызмет көрсету, озонды бұзатын заттарды тасымалдау, сақтау, рекуперациялау, қалпына келтіру, кәдеге жарату.
Тармақ 7
7. Қауіпті қалдықтармен жұмыс істеу:
Тармақша 1
1) қауіпті қалдықтарды қайта өңдеу, залалсыздандыру, жою, кәдеге жарату және көму;
Тармақша 2
2) меншік құқығындағы, шаруашылық жүргізу құқығындағы немесе жедел басқару құқығындағы қауіпті қалдықтарды иелену немесе оларды қолдану;
Тармақша 3
3) Қазақстан Республикасының міндеттемелерін орындауға байланысты қауіпті қалдықтарды трансшекаралық тасымалдау.
Тармақ 8
8. Экологиялық жағынан қауіпті шаруашылық және өзге қызмет түрлері:
Тармақша 1
1) қоршаған ортаға зиянды әсер ететін химиялық және биологиялық заттарды өндіруге, іске асыруға, қолдануға және залалсыздандыруға байланысты қызмет;
Тармақша 2
2) аэроғарыштық қызмет, оның ішінде ғарыш аппараттары мен ғарыштық қызмет объектілерін пайдалану және пайдаланудан шығару;
Тармақша 3
3) әскери және қорғаныс объектілерінің қызметі: сыйымдылығы 200 мың тонна немесе одан көбірек жанар және жағармай материалдарын, жарылғыш заттар, оқ-дәрі және аса қауіпті улы заттарды сақтайтын арсеналдар мен базалар;
Тармақша 4
4) генетикалық түрлендірілген организмдерді өндіру;
Тармақша 5
5) микроорганизмдер айналымын және оларды залалсыздандыруды қоса алғанда, микробиологиялық өндіріспен байланысты қызмет.