Об утверждении положения о комиссии по борьбе с наркоманией и наркобизнесом Күшін жойған

Нашақорлыққа және есірткі бизнесіне қарсы күрес жөніндегі комиссия туралы ережені бекіту туралы Қазақстан Республикасы Президентінің 2000 жылғы 16 мамырдағы № 394 жарлығымен бекітілген нашақорлыққа және есірткі бизнесіне қарсы күрестің 2001-2005 жылдарға арналған стратегиясын және Қазақстан Республикасы Үкіметінің 2002 жылғы 8 шілдедегі №736 қаулысымен бекітілген нашақорлыққа және есірткі бизнесіне қарсы күрестің 2002-2003 жылдарға арналған бағдарламасын жүзеге асыру мақсатында, 2001 жылғы 23 қаңтардағы «Қазақстан Республикасындағы жергілікті мемлекеттік басқару туралы» Заңының 37 бабының 1 тармағына сәйкес аудан әкімдігі ҚАУЛЫ ЕТЕДІ:

Қоса беріліп отырған нашақорлыққа және есірткі бизнесіне қарсы күрес жөніндегі аудандық комиссия туралы ереже бекітілсін.

Аққайың аудан әкімдігінің 2003 жылы 12 мамырдағы № 155 қаулысымен бекітілген Аккайың ауданында нашақорлыққа және есірткі бизнесіне қарсы күрес жөніндегі аудандық комиссия туралы ЕРЕЖЕ

Комиссия қызметінің негізгі максаты Ақкайың ауданында нашақорлык және есірткі бизнесіне қарсы күрес Бағдарламасын, Стратегиясын іске асыру болып табылады.

1. Жалпы ереже

1. Нашақорлыққа және есірткі бизнесіне қарсы күрес жөніндегі аудандық комиссия нашақорлық және есірткі бизнесіне қарсы күрес саласында мемлекеттік саясатын іске асыруға бағытталған мемлекеттік органдардың, ұйымдар мен қоғамдық бірлестіктердің қызметін үйлестіретін, консультативтік-кеңестік орган болып табылады.

2. Комиссия өз қызметін Конституцияға, қолданып жүрген заңдарға, Қазақстан Республикасы Президентінің 2000 жылғы 16 мамырдағы 394 Жарлығымен бекітілген нашақорлыққа және есірткі бизнесіне қарсы күрестің 2001-2005 жылдарға арналған Стратегиясына және Қазақстан Республикасы Үкіметінің 2002 жылғы 8 шілдедегі №736 қаулысымен бекітілген нашақорлыққа және есірткі бизнесіне қарсы күрестің 2002-2003 жылдарға арналған бағдарламасына (бұдан әрі стратегия және Бағдарлама), сондай-ақ осы Ережеге сәйкес іске асырады.

3. Комиссия өз құзыретіндегі мәселелер бойынша Комиссия хаттамасымен рәсімделетін қорытынды жасайды, ұсыныстар істеп шығарады.

4. Комиссия қызметін материалдық -техникалық және қаржылық қамтамасыз етуі жергілік бюджеттің есебі арқылы іске асырылады.

2. Комиссияны ұйымдастыру

1. Аудан әкімімен комиссияның дербес құрамы Мәслихат сессиясына бекітуге ұсынылады. Комиссия құрамы аудан әкімінің орынбасары болып табылатын төрағадан, төрағаның орынбасарынан және комиссияның мүшелерінен тұрады. Комиссия төрағасының орынбасары лауазымы бойынша аудандық денсаулық сақтау бөлімінің бастығы болып табылады. Аудандық денсаулық сақтау, ішкі істер, білім, мәдениет және спорт бөлімдерінің басшылары мен лауазымдық тұлғалары сәйкес лауазымы бойынша комиссия мүшелері болып табылады. Азаматтар басқа лауазымдық тұлғалар және қоғамның өкілдері комиссия мүшелері бола алады.

2. Комиссия өз құрамында кіші комиссия, кеңес құра алады.

3. Комиссия жұмысы алқалы және жариялылық болу керек.

4. Нашақорлық және есірткі бизнесіне қарсы күрес жөніндегі аудандық бағдарламамен қарастырылған іс-шаралардың негізгі тізбесінің негізінде мемлекеттік органдар, ұйымдар мен қоғамдық бірлестіктердің қызметімен комиссия өз жұмысын үйлестіреді.

5. Комиссия өздерінің кезекті мәжілістерін тоқсанында бір рет өткізеді. Комиссия мүшелерінің жалпы санының жартысынан көбінің немесе аудан әкімі, аумақтық комиссия төрағасы, аудандық комиссия төрағасының талабы бойынша кезектен тыс мәжілістер шақырылады.

6. Комиссия төрағасы:

1) комиссия қызметінің ұйымдастырылуын қамтамасыз етеді және онын қызметіне басшылық етеді, мемлекеттік органдардың, ұйымдардың мен қоғамдық бірлестіктердің лауазымды тұлғаларымен және комиссия мүшелерімен міндетті түрде орындау үшін шешімдер қабылдайды және нұсқаулар береді;

2) комиссия құзыретіне енетін мәселелер бойынша мемлекеттік және басқа органдармен, қоғамдық бірлестіктер және азаматтармен өзара қимыл жасайды;

3) комиссия қызметі үшін есеп береді;

4) осы ережемен, аумақтық комиссия тапсырмаларымен қарастырылған басқа да өкілдіктерді іске асырады. Комиссия мүшелері:

5) алқа құзыретіне қатысты мәселелерді комиссияда қарағанда кеңестік дауысқа құқығы бар;

6) комиссияның қабылдаған шешімімен келіспеген жағдайда, аудан әкімінің мәліметіне жазбаша немесе ауызша түрде жеткізуімен, ерекше пікір айтуға құқығы бар;

7) комиссия төрағасының тапсырмаларын орындауға міндетті;

8) комиссия төрағасының рұқсатымен мемлекеттік органдар, ұйымдар мен қоғамдық бірлестіктердің лауазымды тұлғалардан Стратегия, Бағдарлама, аудандық бағдарламаны жүзеге асыру мәселелері бойынша қажетті мәліметтерді талап етуге құқығы бар.

3. Негізгі міндеттер мен қызметтері

1. Комиссия:

1) нашақорлық және есірткі бизнесіне қарсы күрес жөніндегі аудандық бағдарламаны әзірлейді және мәслихатпен бекіту үшін аудан әкіміне жібереді;

2) халықтың, бірінші кезекте кәмелетке толмағандар мен кастар арасында салауатты өмір салтын насихаттау және есірткіге қарсы идеология жүйесін құру және іске асыру мақсатында өнегелілікті қалыптастыру және мәдениет саласында істейтін қоғамдық бірлестіктер, аудандық білім, мәдениет және спорт, денсаулық сақтау бөлімдерімен, бұқаралық ақпарат құралдарымен өзара іс-қимыл жасайды;

2. Комиссияның:

1) өз құзыреті шегінде барлық мемлекеттік органдар мен ұйымдардан, лауазымды тұлғалар мен қоғамдық бірлестіктерден Стратегия, Бағдарлама, аудандық бағдарламаны жүзеге асыру туралы ақпаратты сұрауға және алуға;

2) нашақорлық және есірткі бизнесіне қарсы күрестің саясатын іске асыру жөніне әрекетке қатысатын мемлекеттік органдар, ұйымдар және қоғамдық бірлестіктердің қызметін және ұйымдастырылуын жетілдіру жөнінде ұсыныстар енгізуге;

3) нашақорлық және есірткі бизнесіне қарсы күрестің саласындағы жалпы қоғамдық резонанс тудырған және ең көкейкесті мәселелерді аудан әкіміне және мәслихат сессиясының қарауына енгізуге;

4) мемлекеттік органдар, ұйымдар мен қоғамдық бірлестіктердің лауазымды тұлғалаларының баяндамалар мен есептерін тыңдауға құқығы бар.

3. Комиссия:

1) комиссия қызметі туралы, ауданда есірткі жағдай және оны жақсарту жөніндегі іс-шаралар туралы аудан әкіміне және мәслихат алдында есеп беруге;

2) аумақтық комиссия белгілеген мерзімде және нысандар бойынша Стратегия мен Бағдарламаның орындалуы туралы және өз қызметі туралы аумақтық комиссияға тұрақты ақпарат беруге міндетті.