О проведении лагерных (учебно-полевых) сборов с юношами призывного возраста Күшін жойған

Шақыру жасындағы жас жігіттердің лагерлік (оқу-далалық) жиындарын өткізу туралы Қазақстан Республикасының "Қазақстан Республикасындағы жергiлiктi мемлекеттiк басқару туралы", "Жалпыға бiрдей әскери мiндеттiлiк және әскери қызмет туралы" Заңдарына сәйкес, Қазақстан Республикасы Үкiметiнiң “Бастапқы әскери даярлау туралы” 1996 жылғы 1 қарашадағы N 1340 қаулысын орындау жолында және жастарға әскери-патриоттық тәрбие беру мақсатында облыс әкiмдігі ҚАУЛЫ ЕТЕДI:

1. Орал қаласының және аудандардың әкiмдерi:

1) бағыныштылығы мен меншiк нысанына қарамастан оқу орындары мен оқу пункттерiнде бастапқы әскери дайындықтан өткен жалпы бiлiм беретiн және кәсiптiк мектептер, колледждер жас жiгiттерiнiң лагерлiк (оқу-далалық) жиындарын 2003 жылдың мамыр мен маусым айлары кезеңінде ұйымдастырып өткiзсiн (оқу-далалық жиындар бағдарламасына сәйкес);

2) жиындарды өткiзу үшiн қорғаныс-спорт, сауықтыру лагерлерiнiң, Қазақстан Республикасы Қорғаныс министрлiгiнiң әскери-техникалық мектептерiнiң және әскери бөлiмдердiң оқу-материалдық базасын пайдалансын, ал ол болмаған жағдайда лагерь жиындарын оқу орындары немесе оқу пункттерi жанында "Шақырылушылар күнi" ретiнде өткiзсiн;

3) әрбiр ауданда, қалада оқу пункттерi құрылсын, оларда 2003 жылғы мамырдан маусымға дейiнгi кезеңдегi 10 күндiк оқу-далалық жиындар әдiсiмен бастапқы әскери даярлықтан өтпеген шақыру жасындағы жас жiгiттердiң бастапқы әскери даярлығы жөнiнде сабақтар өткiзудi ұйымдастырсын.

2. Облыстық әскери комиссар:

1) аудандық (қалалық) әскери комиссариаттарда қорғаныс-спорт сауықтыру лагерлерiнiң, оқу пункттерiнiң әкiмшiлiктерiмен және жиындарды ұйымдастыру және өткiзу мәселесi жөнiндегi бастапқы әскери дайындық мұғалiм - ұйымдастырушыларымен нұсқау-әдiстемелiк сабақтар өткiзсiн;

2) сабақ өткiзу және ату құралдарын үйрету, сондай-ақ тактикалық және сапта жүру дайындығы дағдыларын үйрету кездерiнде жасөспiрiмдердiң өмiрi мен денсаулығының қауiпсiздiгi шараларын қамтамасыз етуге ерекше көңiл бөлсiн;

3) оқу-далалық жиындар мен оқу пункттерiнде бастапқы әскери дайындық бойынша оқу-әдiстемелiк басшылықты жүзеге асырсын;

4) оқу-далалық жиындарды ойдағыдай өткiзуге көмек көрсету мақсатында әскери-техникалық мектептер мен әскери бөлiмдер командирлерiнiң байланысын қамтамасыз етсiн.

3. Облыстық бiлiм басқармасы (Бисембаева):

1) жиындарды өткiзу барысында орта мектептердiң 10-сыныбын және кәсiптiк-техникалық мектептердi, лицей және колледждердi бiтiрушi жас жiгiттердiң түгел қамтылуын қамтамасыз ететiн болсын;

2) оқу-процесiнiң, әскери-патриоттық, мәдени-бұқаралық және спорт шараларының сапалы жүргiзiлуiн ұйымдастырсын.

4. Облыстық денсаулық сақтау басқармасы (Мырзахметов) жиындар өтетiн жерлерде оқушылар арасында жұқпалы аурулардың таралуын, балалардың басқа да ауруларын болдырмау үшiн дәрiгерлiк шаралардың жүргiзiлуiн және дәрiгер қызметкерлерiнiң ұдайы кезекшiлiгiн қамтамасыз етсiн.

5. Облыстық iшкi iстер басқармасы (Тыныбеков) оқу-далалық жиындар өткiзiлетiн жерлерде қоғамдық тәртiптiң сақталуын қамтамасыз етсiн.

6. Облыстық әскери комиссар Г.Қ. Мұқатаев, Орал қаласының және аудандардың әкiмдерi, облыстық басқармалар басшылары 2003 жылдың 1 шiлдесiнде лагерлiк (оқу-далалық) жиындардың өткiзiлу қорытындылары туралы ақпаратты тапсырсын.

7. Батыс Қазақстан облысы әкімдігінің "Шақыру жасындағы жас жігіттердің лагерлік (оқу-далалық) жиындарын өткізу туралы" 2002 жылғы 17 сәуірдегі N 90 қаулысының (тіркеу N 1515) күші жойылды деп танылсын.

8. Қаулының орындалуын бақылау облыс әкiмiнiң орынбасары Т.С. Сапаровқа жүктелсiн.