Об утверждении Правил ведения Единой системы государственных кадастров природных ресурсов Республики Казахстан Қолданыста

Қазақстан Республикасы Табиғи ресурстары мемлекеттік кадастрларының бірыңғай жүйесін жүргізу қағидаларын бекіту туралы Қазақстан Республикасының Экология кодексінің 170-бабының 4-тармағына сәйкес БҰЙЫРАМЫН:

1. Қоса беріліп отырған Қазақстан Республикасы Табиғи ресурстары мемлекеттік кадастрларының бірыңғай жүйесін жүргізу қағидалары бекітілсін.

2. Қазақстан Республикасы Экология, геология және табиғи ресурстар министрлігінің Экологиялық саясат және тұрақты даму департаменті Қазақстан Республикасының заңнамасында белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрықтың Қазақстан Республикасы Экология, геология және табиғи ресурстар министрлігінің ресми интернет-ресурсында орналастырылуын;

3) осы бұйрықты Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Экология, геология және табиғи ресурстар министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Экология, геология және табиғи ресурстар вице-министріне жүктелсін.

4. Осы бұйрық оның алғашқы ресми жарияланған күнінен кейін күнтізбелік он күн өткен соң қолданысқа енгізіледі. «КЕЛІСІЛДІ» Қазақстан Республикасы Ауыл шаруашылығы министрлігі «КЕЛІСІЛДІ» Қазақстан Республикасы Денсаулық сақтау министрлігі «КЕЛІСІЛДІ» Қазақстан Республикасы Индустрия және инфрақұрылымдық даму министрлігі «КЕЛІСІЛДІ» Қазақстан Республикасы Қаржы министрлігі «КЕЛІСІЛДІ» Қазақстан Республикасы Ұлттық экономика министрлігі «КЕЛІСІЛДІ» Қазақстан Республикасы Цифрлық даму, инновациялар және аэроғарыш өнеркәсібі министрлігі «КЕЛІСІЛДІ» Қазақстан Республикасы Энергетика министрлігі

Қазақстан Республикасының Экология, геология және табиғи ресурстар министрінің 2021 жылғы 7 қыркүйектегі № 359 бұйрығымен бекітілген Қазақстан Республикасы табиғи ресурстары мемлекеттік кадастрларының бірыңғай жүйесін жүргізу қағидалары

1-тарау. Жалпы ережелер

1. Осы Қазақстан Республикасы табиғи ресурстары мемлекеттік кадастрларының бірыңғай жүйесін жүргізу қағидалары (бұдан әрі – Қағидалар) Қазақстан Республикасы Экология кодексінің 170-бабының 4-тармағына сәйкес әзірленді және Қазақстан Республикасы табиғи ресурстары мемлекеттік кадастрларының бірыңғай жүйесін (бұдан әрі – Кадастрлардың бірыңғай жүйесі) жүргізу тәртібін айқындайды.

2. Осы Қағидаларда пайдаланылған негізгі түсініктер мен анықтамалар:

1) ақпараттандыру объектілерін интеграциялау – Қазақстан Республикасында пайдаланылатын деректерді берудің стандартты хаттамалары негізінде ақпараттандыру объектілері арасындағы ақпараттық өзара іс-қимылды ұйымдастыру және қамтамасыз ету жөніндегі іс-шаралар;

2) арнайы органдар – осы Қағидалардың 9-тармағында көрсетілген, Қазақстан Республикасының заңнамасында белгіленген тәртіппен табиғи ресурстардың тиісті түрлерінің мемлекеттік кадастрлары мен мониторингін жүргізуді жүзеге асыратын арнайы уәкілетті мемлекеттік органдар;

3) Кадастрлардың бірыңғай жүйесінің кіші жүйелері – табиғи ресурстардың мемлекеттік кадастрларының мәліметтерін қамтитын Кадастрлардың бірыңғай жүйесінің құрамында іске асырылған компоненттер;

4) Кадастрлардың бірыңғай жүйесі – Қазақстан Республикасының табиғи және экономикалық әлеуетін бірыңғай жалпымемлекеттік кешенді есепке алу мен бағалауды қамтамасыз ету мақсатында Қазақстан Республикасы табиғи ресурстарының мемлекеттік кадастрларының барлық түрін біріктіретін салааралық ақпараттық жүйе.

3. Кадастрлардың бірыңғай жүйесін жүргізуді қоршаған ортаны қорғау саласындағы уәкілетті орган табиғи ресурстардың тиісті түрлерінің мониторингін жүзеге асыратын арнайы уәкілетті мемлекеттік органдармен бірлесіп, табиғи ресурстардың жай-күйі мен пайдаланылуын есепке алу деректері негізінде ұйымдастырады. Қоршаған ортаны қорғау саласындағы уәкілетті органның ведомстволық бағынысты ұйымы Кадастрлардың бірыңғай жүйесін жүргізуді жүзеге асырады.

2-тарау. Қазақстан Республикасы табиғи ресурстары мемлекеттік кадастрларының бірыңғай жүйесін жүргізу тәртібі

4. Кадастрлардың бірыңғай жүйесін жүргізудің негізгі қағидаттары мыналар болып табылады:

1) кадастрлық ақпаратты өңдеу және ұсыну технологиясының бірлігі;

2) автоматтандырылған ақпараттық-коммуникациялық технологияларды қолдану;

3) ақпаратты толықтыру мен жаңартудың объективтілігі;

4) мемлекеттік құпияларды және заңмен қорғалатын өзге құпияны құрайтын ақпараттан басқа Кадастрлардың бірыңғай жүйесінде қамтылған ақпараттың жалпыға бірдей қолжетімділігі.

5. Кадастрлардың бірыңғай жүйесі мыналарға арналған:

1) табиғат пайдалану мәселелеріне қатысты оларды шешу үшін мемлекеттік органдарды, ғылыми орта өкілдерін, үкіметтік емес және қоғамдық ұйымдарды, мүдделі заңды және жеке тұлғаларды табиғи ресурстардың жай-күйі туралы уақтылы және дұрыс ақпаратпен қамтамасыз ету;

2) Қазақстан Республикасының табиғи ресурстарын есепке алу, қазіргі заманғы бағдарламалық-техникалық құралдарды пайдалану негізінде табиғи ресурстық ақпаратты жинақтау, сақтау және өңдеу тәсілдерін стандарттау;

3) ақпараттық ресурстарға жедел санкцияланған қолжетімділікті қамтамасыз ету, мемлекеттік статистикалық есептілікті және шолу-талдау сипатындағы құжаттарды автоматтандырылған қалыптастыру.

6. Кадастрлардың бірыңғай жүйесін географиялық байланысы, ұйымдық-құқықтық нысаны, меншік және шаруашылық жүргізу түрі, топографиялық-геодезиялық материалдар, статистикалық есепке алу деректері көрсетіле отырып, әрбір есептік кадастрлық объектінің жай-күйі туралы цифрлық түрдегі құжаттамалық мәліметтер құрайды.

7. Кадастрлардың бірыңғай жүйесінің жұмыс істеуін қамтамасыз ету деректердің салыстырмалылығы мен ақпараттық ресурстардың үйлесімділігін қамтамасыз ететін бірыңғай ұйымдастырушылық, әдіснамалық және ақпараттық тәсіл негізінде жүзеге асырылады.

8. Кадастрлардың бірыңғай жүйесінің кіші жүйелерін ақпаратпен толықтыру мен жаңартуды меншік ақпараттық жүйелері бар арнайы уәкілетті мемлекеттік органдар Қазақстан Республикасы Ақпарат және коммуникациялар министрінің міндетін атқарушының 2018 жылғы 29 наурыздағы № 123 бұйрығымен бекітілген (Нормативтік құқықтық актілерді мемлекеттік тіркеу тізілімінде № 16777 болып тіркелген) «Электрондық үкіметтің» ақпараттандыру объектілерін интеграциялау қағидаларына сәйкес көрсетілген ақпараттық жүйелерді интеграциялау арқылы электрондық түрде жүзеге асырады.

9. Кадастрлардың бірыңғай жүйесінің құрылымын мынадай есепке алу объектілері құрайды, олар бойынша мониторингті мынадай арнайы уәкілетті мемлекеттік органдар мен ұйымдар:

1) мемлекеттік жер кадастры бойынша – жер ресурстарын басқару саласындағы орталық уәкілетті орган және «Азаматтарға арналған үкімет» мемлекеттік корпорациясы;

2) мемлекеттік су кадастры (жерүсті және жерасты су объектілері, су ресурстарын пайдалану) бойынша – қоршаған ортаны қорғау, су қорын пайдалану және қорғау саласындағы, жер қойнауын зерделеу жөніндегі уәкілетті мемлекеттік органдар – тұтас республика бойынша, ал олардың аумақтық органдары – өзендер бассейндері мен әкімшілік-аумақтық бірліктер шегінде;

3) мемлекеттік орман кадастры бойынша – орман шаруашылығы саласындағы уәкілетті мемлекеттік орган – тұтас республика бойынша, ал оның аумақтық органдары – әкімшілік-аумақтық бірліктер шегінде;

4) жер қойнауының мемлекеттік қорының бірыңғай кадастры бойынша – жер қойнауын зерделеу жөніндегі уәкілетті мемлекеттік орган – тұтас республика бойынша, ал оның аумақтық органдары – әкімшілік-аумақтық бірліктер шегінде;

5) ерекше қорғалатын табиғи аумақтардың мемлекеттік кадастры бойынша – ерекше қорғалатын табиғи аумақтар саласындағы уәкілетті мемлекеттік орган – тұтас республика бойынша, ал оның аумақтық органдары – әкімшілік-аумақтық бірліктер шегінде;

6) жануарлар дүниесінің мемлекеттік кадастры бойынша – жануарлар дүниесін қорғау, молайту және пайдалану саласындағы уәкілетті мемлекеттік орган және балық шаруашылығы саласындағы уәкілетті мемлекеттік орган – республика бойынша тұтастай, сондай-ақ олардың аумақтық органдары – әкімшілік-аумақтық бірліктер шегінде;

7) өсімдіктер дүниесінің мемлекеттік кадастры бойынша – өсімдіктер дүниесін күзету, қорғау, қалпына келтіру және пайдалану саласындағы уәкілетті орган – тұтас республика бойынша, ал өсімдіктер дүниесін күзету, қорғау, қалпына келтіру және пайдалану саласындағы уәкілетті орган ведомствосының аумақтық органдары – әкімшілік-аумақтық бірліктер шегінде жүзеге асырады.

10. Кадастрларды жүргізетін арнайы уәкілетті мемлекеттік органдар мен ұйымдар құзыреті шегінде жыл сайын, есептілік кезеңінен кейінгі айдың 15-күніне қарай Кадастрлардың бірыңғай жүйесін толықтыруды өтеусіз жүзеге асырады.

11. Кадастрлардың бірыңғай жүйесіне енгізілген объект туралы деректерде мыналар қамтылуға тиіс:

1) арнайы уәкілетті мемлекеттік органдар бекіткен есептік материалдар, объектінің паспорты және статистикалық ақпарат;

2) объектінің кеңістіктіктегі жағдайы туралы картографиялық материал және аумақты кешенді бағалауға қажетті басқа да деректер.

12. «Жер кадастры» кіші жүйесі «Жылжымайтын мүліктің бірыңғай мемлекеттік кадастры» ақпараттық жүйесі деректерінің негізінде Қазақстан Республикасы Ауыл шаруашылығы министрінің міндетін атқарушының 2023 жылғы 16 тамыздағы № 303 және Қазақстан Республикасы Әділет министрінің міндетін атқарушының 2023 жылғы 21 тамыздағы № 602 бірлескен бұйрығымен бекітілген (Нормативтік құқықтық актілерді мемлекеттік тіркеу тізілімінде № 33322 болып тіркелген) «Жылжымайтын мүліктің бірыңғай мемлекеттік кадастры» ақпараттық жүйесін жүргізу және пайдалану қағидаларына сәйкес қалыптастырылады.

13. «Су кадастры» кіші жүйесі мемлекеттік су кадастры деректерінің негізінде Қазақстан Республикасы Ауыл шаруашылығы министрінің міндетін атқарушының 2015 жылғы 31 шілдедегі № 19-1/718 бұйрығымен бекітілген (Нормативтік құқықтық актілерді мемлекеттік тіркеу тізілімінде № 12109 болып тіркелген) Суларды және олардың пайдаланылуын мемлекеттiк есепке алуды, мемлекеттiк су кадастрын және су объектiлерiнiң мемлекеттiк мониторингiн жүргiзу қағидаларына сәйкес қалыптастырылады.

14. «Орман кадастры» кіші жүйесі мемлекеттік орман кадастры деректерінің негізінде Қазақстан Республикасы Ауыл шаруашылығы министрінің міндетін атқарушының 2015 жылғы 27 ақпандағы № 18-02/163 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11387 болып тіркелген) Мемлекеттік орман қоры аумағында орман қорының мемлекеттік есебін, мемлекеттік орман кадастрын, ормандардың мемлекеттік мониторингін және орман орналастыруды жүргізу қағидаларына сәйкес қалыптастырылады.

15. «Жер қойнауы кадастры» кіші жүйесі мемлекеттік жер қойнауы қорының бірыңғай кадастры деректерінің негізінде Қазақстан Республикасы Инвестициялар және даму министрінің міндетін атқарушының 2018 жылғы 25 мамырдағы № 393 бұйрығымен бекітілген (Нормативтік құқықтық актілерді мемлекеттік тіркеу тізілімінде № 17053 болып тіркелген) Мемлекеттік жер қойнауы қорының бірыңғай кадастрын жүргізу қағидаларын және Пайдалы қазбалар қорларын мемлекеттік есепке алу бойынша ақпаратты мемлекеттік органдарға ұсыну қағидаларына сәйкес қалыптастырылады.

16. «Ерекше қорғалатын табиғи аумақтардың кадастры» кіші жүйесі ерекше қорғалатын табиғи аумақтардың мемлекеттік кадастры деректерінің негізінде Қазақстан Республикасы Экология, геология және табиғи ресурстар министрінің 2022 жылғы 21 ақпандағы № 43 бұйрығымен бекітілген (Нормативтік құқықтық актілерді мемлекеттік тіркеу тізілімінде № 26894 болып тіркелген) Қазақстан Республикасының ерекше қорғалатын табиғи аумақтарының мемлекеттік кадастрын жүргізу қағидаларына сәйкес қалыптастырылады.

17. «Жануарлар дүниесінің кадастры (аң аулау объектілері болып табылатын жануарлардың түрлері бойынша)» кіші жүйесі жануарлар дүниесінің кадастры деректерінің негізінде Қазақстан Республикасы Ауыл шаруашылығы министрінің 2015 жылғы 26 маусымдағы № 18-03/577 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11800 болып тіркелген) Жануарлар дүниесiн мемлекеттiк есепке алуды, оның кадастры мен мониторингiн жүргiзу қағидаларына сәйкес қалыптастырылады.

18. «Жануарлар дүниесінің кадастры (балық және басқа су жануарлары бойынша)» кіші жүйесі Қазақстан Республикасында балық қоры мен өзге де су жануарларына мемлекеттік кадастры деректерінің негізінде Қазақстан Республикасы Қоршаған орта және су ресурстары министрінің 2014 жылғы 1 шілдедегі № 245-Ө бұйрығымен бекітілген (Нормативтік құқықтық актілерді мемлекеттік тіркеу тізілімінде № 9655 болып тіркелген) Балықтардың және балық аулау объектілеріне жатқызылған басқа су жануарларының және балықтар мен өзге шаруашылық мақсаттарда пайдаланылатын басқа су жануарларының кадастр кітаптарын жүргізу қағидаларына сәйкес қалыптастырылады.

19. «Өсімдіктер дүниесінің кадастры» кіші жүйесі өсімдіктер дүниесінің мемлекеттік кадастры деректерінің негізінде Қазақстан Республикасы Экология және табиғи ресурстар министрінің 2023 жылғы 23 ақпандағы № 59 бұйрығымен бекітілген (Нормативтік құқықтық актілерді мемлекеттік тіркеу тізілімінде № 31995 болып тіркелген) Өсімдіктер дүниесінің мемлекеттік мониторингі және мемлекеттік кадастрын жүргізу қағидаларына сәйкес қалыптастырылады.

20. «Картографиялық деректер» кіші жүйесі осы Қағидаларға қосымшаға сәйкес картографиялық деректердің базалық көрсеткіштерімен табиғи жағдайларды интеграцияланған картографиялық бағалауды білдіреді.

21. Кадастрлардың бірыңғай жүйесін енгізу кезінде «Ақпараттандыру туралы» Қазақстан Республикасының Заңына және «Ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарды бекіту туралы» Қазақстан Республикасы Үкіметінің 2016 жылғы 20 желтоқсандағы № 832 қаулысына сәйкес ақпараттық қауіпсіздікті қамтамасыз ету жөніндегі талаптар ескеріледі.

Қазақстан Республикасы табиғи ресурстары мемлекеттік кадастрларының бірыңғай жүйесін жүргізу қағидаларына қосымша Картографиялық деректердің базалық көрсеткіштері: vga Өсімдіктер ареалы (полигондар) vgl Өсімдіктер ареалы (желілер) vgp Өсімдіктер ареалы (нүктелер) clmka Өнеркәсіптік, а/ш, а/к объектілер (полигондар) clmkl Өнеркәсіптік, а/ш, а/к объектілер (желілер) clmkp Өнеркәсіптік, а/ш, с/к объектілер (нүктелер) dneta Гидрография және гидроқұрылыстар (полигондар) dnetal Гидрография және гидроқұрылыстар (желілер, полигондар шекарасы) dnetl Гидрография және гидроқұрылыстар (желілер) dnetp Гидрография және гидроқұрылыстар (нүктелер) hypsl 1:1 000 000 масштабтағы халықаралық график hypsp Биіктік белгілері (нүктелер) lcova Жер жабындары (полигондар) lcovl Жер жабындары (желілер) lcovp Жер жабындары (нүктелер) lml Энергетикалық инфрақұрылым желілері physl Құрлық пен акваториялар түбінің рельефі (желілері) polta Әкімшілік бөлініс (полигондар) poltal Әкімшілік бөлініс бірліктерінің шекаралары (желілер, полигондар шекарасы) pplca Елді мекендер, қалалардың орамдары және күрделі конфигурациялы құрылыстар (полигондар) pplcp Масштабтан тыс белгімен көрсетілген елді мекендер, жеке тұрған құрылыстар (нүктелер) rlrdl Темір жолдар (желілер) roadl Автожолдар, қара жолдар, қысқы жолдар, соқпақтар (желілер) tsoba Елді мекендерден тыс барлық кластағы станциялар tsobl Көлік құрылыстары (желілері) les_glpr Мемлекеттік табиғи орман резерваттары, 2004 les_gpz Мемлекеттік табиғи қорықтар, 2004 les101 Қарағай, ағаш тектес арша ареалы, 2004 ж les102 Шырша ареалы, 2004 ж les103 Майқарағай ареалы, 2004 ж les104 Самырсын ареалы, 2004 ж les105 Балқарағай ареалы, 2004 ж les106 Қайың ареалы, 2004 ж les107 Көктерек, терек ареалы, 2004 les109 Шаған ареалы, 2004 ж les110 Сексеуіл ареалы, 2004 les111 Жеміс ареалы, 2004 les112 Өзге балқарағайлар ареалы, 2004 les113 Бұталардың ареалы, 2004 ж les_hoz Ормандар мен жануарлар дүниесін қорғау жөніндегі мемлекеттік мекемелер, 2004 les_hoz2005 Ормандар мен жануарлар дүниесін қорғау жөніндегі мемлекеттік мекемелер, 2005 les_lsc Орман селекциялық орталықтары, 2004 les_shells Орман кадастрының басқа объектілері, 2004 les_gnpp Мемлекеттік ұлттық табиғи парктер, 2004 fish_hoz2005 Балық кадастры объектілері, 2005 fish_rvp Балық өсіру кәсіпорындары, 2004 fish_rhp Балық шаруашылығы кәсіпорындары, 2004 fish_baseyn Су шаруашылығы бассейндері, 2005 fish_vz Балық жіберу су қоймалары, 2004 fish_Rpr Балық кәсіпшілігі аудандары, 2004 fish_Rpu Балық кәсіпшілігі учаскелері, 2004 gpp_oopt Мемлекеттік табиғи ескерткіштер, 2004 gpp_oopt2005 Мемлекеттік табиғи ескерткіштер, 2005 an_01 Арқар ареалы, 2004 an_02 Бұлан ареалы, 2004 an_04 Елік ареалы, 2004 an_05 Ақбөкен ареалы, 2004 zoo_oopt Мемлекеттік зоологиялық парктер, 2004 zoo_oopt2005 Мемлекеттік зоологиялық парктер, 2005 an_06 Сібір тау текесінің ареалы, 2004 an_07 Сілеусін ареалы, 2004 an_08 Қоңыр аюдың ареалы, 2004 gbs_oopt2005 Мемлекеттік ботаникалық бақтар, 2005 an_10 Қабан ареалы, 2004 ж gnpp_oopt Мемлекеттік ұлттық табиғи парктер, 2004 gnpp_oopt2005 Мемлекеттік ұлттық табиғи парктер, 2005 gpz_oopt Мемлекеттік табиғи қорықтар, 2004 gpzak_oopt Мемлекеттік табиғи қаумалдар, 2004 gpzak_oopt2005 Мемлекеттік табиғи қаумалдар, 2005 gpr_oopt Мемлекеттік табиғи резерваттар, 2004 gpr_oopt2005 Мемлекеттік табиғи резерваттар, 2005 gzz_oopt Мемлекеттік қорық аймақтары, 2004 gzz_oopt2005 Мемлекеттік қорық аймақтары, 2005 gpz_oopt2005 Мемлекеттік табиғи қорықтар, 2005 an_11 Құдыр ареалы, 2004 an_13 Қасқыр ареалы, 2004 an_14 Қоян ареалы, 2004 an_15 Борсық ареалы, 2004 an_17 Суыр ареалы, 2004 an_raionl Әкімшілік аудандардың шекаралары, 2004 an_19 Ондатр ареалы, 2004 an_20 Саңырау құр ареалы, 2004 an_21 Құр ареалы, 2004 an_22 Қырғауыл ареалы, 2004 an_raiona Әкімдік аудандар, 2004 an_24 Қаз ареалы, 2004 an_25 Түлкі ареалы, 2004 an_26 Үйрек ареалы, 2004 an_27 Шағала ареалы, 2005 an_28 Кекілік ареалы, 2004 an_29 Сарышұнақ ареалы, 2004 an_30 Қоқиқаз ареалы, 2004 an_31 Аққу ареалы, 2005 an_32 Джек құтан ареалы, 2004 an_33 Бірқазан ареалы, 2004 an_34 Жанат тәрізді ит ареалы, 2005 an_35 Шиебөрі ареалы, 2004 an_36 Тау арқары ареалы, 2004 an_37 Ұлар ареалы, 2004 an_38 Сұңқар-ителгі ареалы, 2004 an_39 Құлан ареалы, 2005 an_40 Ақбөкен ареалы, 2004 an_41 Жетiсу бақатiсi, ареалы, 2004 an_42 Барыс ареалы, 2004 an_43 Боз суыр ареалы, 2004 an_gnpp Мемлекеттік ұлттық табиғи парктер, 2004 an_gpz Мемлекеттік табиғи қорықтар, 2005 an_hoz2 Орманбалықаңаулаукомитетінің аң аулау алқаптары, 2004 an_hoz4 Жалпыға пайдаланылатын аң аулау алқаптары 2004 an_hoz7 Мемлекеттік табиғи қаумалдар, 2004 an_hoz8 Қалалардың жерлері, 2005 ohot_hoz2005 Аң аулау шаруашылығы, 2004 les Орман кадастры, 2004 animal Жануарлар дүниесі кадастры, 2005 oopt ЕҚТА кадастры, 2004 fish Балық кадастры, 2004 resva Қорықтар (полигондар) roadp Жолдарға қолайлы асулар les108 Емен ареалы, 2004 ж klim_zona_oopt Табиғи-климаттық аймақтандыру, 2004 an_03 Қызыл бұғы (марал) ареалы, 2004 an_09 Итбалық ареалы, 2004 an_12 Түлкі ареалы, 2004 an_16 Құндыз ареалы, 2004 an_hoz1 Қаз аңаулаубалықаулауодағы алқаптарының ареалы 2004 an_hoz3 Басқа пайдаланушылардың аңшылық алқаптары, 2004 gppl_oopt2005 Мемлекеттік орман табиғат ескерткіштері, 2005 gppg_oopt2005 Геологиялық мемлекеттік табиғат ескерткіштері, 2005 gppgm_oopt2005 Геоморфологиялық мемлекеттік табиғат ескерткіштері, 2005 gppgd_oopt2005 Гидрогеологиялық мемлекеттік табиғат ескерткіштері, 2005 gpzakz_oopt2005 Зоологиялық мемлекеттік табиғи қаумалдар, 2005 gpzakk_oopt2005 Кешенді мемлекеттік табиғи қаумалдар, 2005 gpzakb_oopt2005 Ботаникалық мемлекеттік табиғи қаумалдар, 2005