Об объявлении местной чрезвычайной ситуации Қолданыста

Жергілікті төтенше жағдай жариялау туралы Қазақстан Республикасы ауыл шаруашылығы министрлігінің 2003 ж. 16-сәуірдегі "Егіншілік және өсімдік шаруашылығының ғылыми-өндірістік орталығы" РМК-ң, "Өсімдіктерді қорғау ғылыми-зерттеу" институты ЕМК-ң 3\7-475, сондай-ақ, орман және биоресурстар жөніндегі облыстық бағдарламаның 2003 ж. 18-сәуірдегі N 142 қорытындылары бойынша Алакөл, Ескелді, Панфилов, Сарқан аудандарының, Талдықорған және Текелі қалаларының таулы алмалы ормандары зиянкестермен және аурулармен зақымданған. Олар, Қазақстан Республикасының қызыл кітабына енгізілген өсімдіктердің 20-дан астам түрінің жойылып кетуіне апарып соқтырады. Қазақстан Республикасының «Табиғи және техногендік сипаттағы төтенше жағдайлар туралы» Заңына сәйкес (5, 13, 18 және 19 баптары) облыс әкімі қаулы етеді:

1. 2003 жылғы 30-сәуір мен 15 маусым аралығында Алакөл, Ескелді, Панфилов, Сарқан аудандарындағы, Талдықорған және Текелі қалаларындағы таулы алмалы ормандардың аймағында жергілікті төтенше жағдай жариялансын.

2. Қазақстан Республикасының «Мемлекеттік сатып алулар туралы»Заңына (21-бап, 1-тармақ, 2-тармақша) сәйкес орман және биоресурстар жөніндегі облыстық басқармаға (Ж.Досқараев) конкурс өткізбестен, химиялық өңдеу жүргізу үшін қажетті тауарлар мен көрсетілетін қызметтерге бір көзден Мемлекеттік сатып алу жүргізуге рұқсат берілсін.

3. Облыстық қаржы басқармасы (М.Ә.Сәтқалиев) таулы алмалы ормандарда химиялық өңдеу жүргізу ісін қаржыландыруға республикалық бюджеттен 56,8 млн. теңге бөлсін және олардың мақсатты пайдаланылуына бақылауды қамтамасыз етсін.

4. Осы қаулының орындалуын бақылау облыс Әкімінің орынбасары Ә.Ә.Тойбаевқа жүктелсін.