Об утверждении Положения о государственном учреждении «Управление культуры акимата Костанайской области» Қолданыста
Басқа 0
«Қостанай облысы әкімдігінің мәдениет басқармасы» мемлекеттік мекемесі туралы ережені бекіту туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 27-бабына және Қазақстан Республикасы Үкіметінің «Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы» 2021 жылғы 1 қыркүйектегі № 590 қаулысына сәйкес Қостанай облысының әкімдігі ҚАУЛЫ ЕТЕДІ:
Тармақ 1
1. Қоса беріліп отырған «Қостанай облысы әкімдігінің мәдениет басқармасы» мемлекеттік мекемесі туралы ереже бекітілсін.
Тармақ 2
2. «Қостанай облысы әкімдігінің мәдениет басқармасы» мемлекеттік мекемесі Қазақстан Республикасының заңнамасында белгіленген тәртіпте:
Тармақша 1
1) жоғарыда көрсетілген Ережені заңнамада белгіленген тәртіпте әділет органдарында мемлекеттік тіркелуін қамтамасыз етсін;
Тармақша 2
2) осы қаулыға қол қойылған күннен бастап күнтізбелік жиырма күн ішінде оның қазақ және орыс тілдеріндегі электрондық түрдегі көшірмесін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнының Қостанай облысы бойынша филиалына ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін жіберілуін;
Тармақша 3
3) осы қаулыны оны ресми жарияланғаннан кейін Қостанай облысы әкімдігінің интернет-ресурсында орналастырылуын.
Тармақ 3
3. Осы қаулының орындалуын бақылау Қостанай облысы әкімінің жетекшілік ететін орынбасарына жүктелсін.
Тармақ 4
4. Осы қаулы алғашқы ресми жарияланған күнінен бастап қолданысқа енгізіледі.
Басқа 8. «Қостанай облысы әкімдігінің мәдениет басқармасы»
мемлекеттік мекемесі туралы ереже
Әкімдіктің
2021 жылғы 20 қазандағы
№ 481 қаулысымен
бекітілген
«Қостанай облысы әкімдігінің мәдениет басқармасы»
мемлекеттік мекемесі туралы ереже
Тарау 1. 1-тарау. Жалпы ережелер
1-тарау. Жалпы ережелер
Тармақ 1
1. «Қостанай облысы әкімдігінің мәдениет басқармасы» мемлекеттік мекемесі (бұдан әрі – Басқарма) облыс аумағында мәдениет және тілдерді дамыту саласында басшылықты жүзеге асыратын Қазақстан Республикасының мемлекеттік органы болып табылады.
Тармақ 2
2. Басқарманың осы Ереженнің қосымшасында көрсетілген ведомстволық бағынысты ұйымдары бар.
Тармақ 3
3. Басқарма өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге және Басқарманың регламентіне сәйкес жүзеге асырады.
Тармақ 4
4. Басқарма мемлекеттік мекеме ретінде ұйымдық-құқықтық нысанындағы заңды тұлға болып табылады, Қазақстан Республикасының Мемлекеттік Елтаңбасы бейнеленген мөрлері және атауы мемлекеттік тілде жазылған мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары бар.
Тармақ 5
5. Басқарма азаматтық-құқықтық қатынастарға өз атынан түседі.
Тармақ 6
6. Басқарманың, егер оған Қазақстан Республикасының заңнамасына сәйкес уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.
Тармақ 7
7. Басқарма өз құзыретіндегі мәселелер бойынша заңнамада белгіленген тәртіпте Басқарма басшысының бұйрықтарымен және Қазақстан Республикасының заңнамасында көзделген басқа да актілермен ресімделетін шешімдер қабылдайды.
Тармақ 8
8. Басқарманың құрылымы мен штат санының лимиті Қазақстан Республикасының заңнамасына сәйкес бекітіледі.
Тармақ 9
9. Заңды тұлғаның орналасқан жері: Қазақстан Республикасы, 110000, Қостанай облысы, Қостанай қаласы, Әл-Фараби даңғылы, 60-үй.
Тармақ 10
10. Осы Ереже Басқарманың құрылтай құжаты болып табылады.
Тармақ 11
11. Басқарманың қызметін қаржыландыру Қазақстан Республикасының заңнамасына сәйкес жергілікті бюджеттен жүзеге асырылады.
Тармақ 12
12. Басқармада кәсіпкерлік субъектілерімен Басқарманың өкілеттігі болып табылатын міндеттерді орындау тұрғысында шарттық қатынастарға түсуге жол берілмейді.
Егер Басқармаға заңнамалық актілермен кірістер әкелетін қызметті жүзеге асыру құқығы берілсе, онда алынған кірістер, егер Қазақстан Республикасының заңнамасында өзгеше белгіленбесе, мемлекеттік бюджетке жіберіледі.
Тарау 2. 2-тарау. Мемлекеттік органның міндеттері мен өкілеттіктері
2-тарау. Мемлекеттік органның міндеттері мен өкілеттіктері
Тармақ 13
13. Мақсаттары:
Тармақша 1
1) Қазақстан Республикасы халқының мәдениетін қайта түлетуге, сақтауға, дамытуға және таратуға бағытталған шаралар қабылдау;
Тармақша 2
2) ұлттық және әлемдік мәдениет құндылықтарына баулу арқылы азаматтарды патриоттық және эстетикалық тәрбиелеу үшін жағдайлар жасау;
Тармақша 3
3) мәдени құндылықтарға еркін қол жеткізуді қамтамасыз ету;
Тармақша 4
4) мемлекеттік мәдениет ұйымдарының инфрақұрылымын дамытуды қамтамасыз ету және материалдық-техникалық базасын нығайту;
Тармақша 5
5) талантты тұлғаларды қолдауды қамтамасыз ету;
Тармақша 6
6) мәдениет саласында Қазақстан Республикасының конституциялық құрылысын күштеп өзгертуді, тұтастығын бұзуды, мемлекет қауіпсіздігіне нұқсан келтіруді, соғысты, әлеуметтік, нәсілдік, ұлттық, діни, тектік-топтық және рулық астамшылықты, сондай-ақ қатыгездік пен зорлық-зомбылыққа бас ұруды насихаттауға немесе үгіттеуге жол бермеу жөнінде шаралар қолдану;
Тармақша 7
7) мәдени құндылықтарды заңсыз әкетуге және әкелуге, оларға меншік иесі құқығының басқаға заңсыз берілуіне кедергі жасау, оларды кез келген заңсыз иеленуден қайтарып алуға шаралар қолдану;
Тармақша 8
8) мәдениет саласындағы халықаралық ынтымақтастық үшін жағдайлар жасау;
Тармақша 9
9) Қазақстан Республикасының заңдарына сәйкес азаматтардың ұлттық-мәдени бірлестіктерге қатысу еркіндігін, мәдениет ұйымдарын құруды, шетелдегі отандастармен мәдени байланыстарды кеңейтуге қатысуды қоса алғанда, ұлттық және мәдени өзіндік ерекшелігін қорғау және дамыту құқықтарын іске асыруды қамтамасыз ету;
Тармақша 10
10) Қазақстан халқының ұлттық мәдени игілігі мен мәдени мұрасын қорғауға және дамытуға, Қазақстан Республикасының бірыңғай мәдени кеңістігін нығайтуға бағытталған іс-шараларды ұйымдастыру және өткізу, сондай-ақ іс-шараларды қолдау;
Тармақша 11
11) тарихи-мәдени мұра объектілерін анықтау, есепке алу, зерттеу және олардың жай-күйіне мониторинг жүргізу;
Тармақша 12
12) тарихи-мәдени мұра объектілерін қорғау және пайдалану саласында мемлекеттік бақылауды қамтамасыз ету;
Тармақша 13
13) тарихи-мәдени мұра объектілерін қорғау және пайдалану саласындағы халықаралық ынтымақтастыққа жәрдемдесу;
Тармақша 14
14) тарих және мәдениет ескерткіштерінде археологиялық жұмыстар және ғылыми-реставрациялау жұмыстарын жүргізу кезінде тарихи-мәдени мұра объектілерінің тарихи, сәулет-көркемдік бейнесінің сақталуын қамтамасыз ету.
Тармақша 15
15) мемлекеттік, мемлекеттік емес ұйымдар мен жергілікті өзін-өзі басқару органдарының қызметінде тілдерді қолдануға байланысты туындайтын қоғамдық қатынастарды реттеу;
Тармақша 16
16) Қазақстан халқының тілдерін үйрену мен дамыту үшін жағдайлар жасау;
Тармақша 17
17) латынграфикалық әліпбиі негізінде қазақ тілін жаңғырту.
Тармақ 14
14. Өкілеттіктері:
Тармақша 1
1) құқықтары:
заңнамада белгіленген тәртіппен басқармасының, оның ішінде соттарда құқықтары мен мүдделерін қорғауды ұйымдастыру және жүзеге асыру;
Басқарманың құзыретіне жатқызылған мәселелер бойынша заңды және жеке тұлғаларға түсінікте беру;
қолданыстағы заңнамаға сәйкес өзге де құқықтарды жүзеге асыру;
Тармақша 2
2) міндеттері:
Қазақстан Республикасының қолданыстағы заңнамасының нормаларын сақтау;
Қазақстан Республикасы Президентінің, Үкіметінің және өзге де орталық атқарушы органдардың, сондай-ақ Қостанай облысы әкімінің және әкімдігінің актілері мен тапсырмаларын сапалы және уақтылы орындау;
Қазақстан Республикасының заңнамасында қарастырылған өзге де міндеттері.
Тармақ 15
15. Функциялары:
Тармақша 1
1) мәдениет саласындағы мемлекеттік саясатты іске асырады;
Тармақша 1-1
1-1) креативті индустриялар саласындағы мемлекеттік саясатты іске асырады;
Тармақша 2
2) уәкілетті органмен келісу бойынша Қазақстан Республикасының заңнамасында белгіленген тәртіппен облыстың театр және музыка өнері, мәдени-демалыс қызметі және халық шығармашылығы, кітапхана және музей ісі саласындағы мемлекеттік мәдениет ұйымдарын құру, қайта ұйымдастыру, тарату жөнінде облыстың жергілікті атқарушы органына ұсыныстар енгізеді;
Тармақша 3
3) театр және музыка өнерін, мәдени-демалыс қызметін және халық шығармашылығын, кітапхана және музей ісін дамыту бойынша облыстың мемлекеттік мәдениет ұйымдарының қызметін қолдайды және үйлестіреді, облыс мекемелерінің мәдениет саласындағы қызметін қамтамасыз етеді;
Тармақша 4
4) көркемөнерпаздар ұжымдарына «Халықтық» немесе «Үлгілі» атағын беру жөніндегі жұмысты ұйымдастырады;
Тармақша 5
5) шығармашылық қызметтің әртүрлі салаларында облыстық (өңірлік) байқаулар, фестивальдер мен конкурстар өткізуді ұйымдастырады;
Тармақша 6
6) уәкілетті органмен келісу бойынша шығармашылық қызметтің әртүрлі салаларында республикалық конкурстар мен фестивальдер өткізуді ұйымдастыруға құқылы;
Тармақша 7
7) облыстың, республикалық маңызы бар қаланың, астананың мәдени құндылықтарын есепке алу, қорғау, консервациялау және реставрациялау, сондай-ақ пайдалану, елдің көрнекті мәдениет қайраткерлерін мәңгі есте қалдыру жөніндегі жұмысты ұйымдастырады;
Тармақша 8
8) мәдени құндылықтарды уақытша әкету жөніндегі сараптама комиссиясын құрады және ол туралы ережені бекітеді;
Тармақша 9
9) тиісті аумақта орналасқан мәдениет ұйымдары қызметінің мониторингін жүзеге асырады және уәкілетті органға ақпаратты, сондай-ақ белгіленген нысандағы статистикалық есептерді ұсынады;
Тармақша 10
10) облыс деңгейінде ойын-сауық мәдени-бұқаралық іс-шаралар өткізуді жүзеге асырады;
Тармақша 11
11) облыстың мемлекеттік мәдениет ұйымдарын аттестаттаудан өткізеді;
Тармақша 12
12) өз құзыреті шегінде мәдениет саласындағы коммуналдық меншікті басқаруды жүзеге асырады;
Тармақша 13
13) облыстың мәдени мақсаттағы объектілерін жөндеу жөніндегі тапсырысшы болады;
Тармақша 14
14) тарихи-мәдени мұраны сақтау жөніндегі жұмысты ұйымдастырады, тарихи, ұлттық және мәдени дәстүрлер мен әдет-ғұрыптарды дамытуға жәрдемдеседі;
Тармақша 15
15) мәдени құндылықтарды уақытша әкету құқығына куәлік береді;
Тармақша 16
16) талантты жастарды және перспективалы шығармашылық ұжымдарды іздестіруге және қолдауға бағытталған іс-шаралар кешенін жүзеге асырады;
Тармақша 17
17) мәдениет саласында әлеуметтік маңызы бар іс-шаралар өткізуді жүзеге асырады;
Тармақша 18
18) ұлттық мәдени игілік объектілерінің ерекше режимінің сақталуын қамтамасыз етеді;
Тармақша 19
19) бюджет қаражаты көлемі шегінде балалар мен жасөспірімдерге арналған шығармашылық үйірмелерді қаржыландыруға арналған мемлекеттік шығармашылық тапсырысты бекітеді;
Тармақша 20
20) мемлекеттік шығармашылық тапсырыс қызметтерін көрсетушілердің меншік нысанына, олардың ведомстволық бағыныстылығына, типтері мен түрлеріне қарамастан, балалар мен жасөспірімдерге арналған шығармашылық үйірмелерде мемлекеттік шығармашылық тапсырысты орналастыруды қамтамасыз етеді;
Тармақша 21
21) мемлекеттік шығармашылық тапсырысты электрондық және жалпыға қолжетімді форматта орналастырудың, оның сапасын бақылаудың және нысаналы игерудің барлық кезеңдері мен рәсімдерінің орындалуын қамтамасыз етеді;
Тармақша 22
22) тарихи-мәдени мұра объектілерін анықтауды, есепке алуды, сақтауды, зерделеуді, пайдалануды және олардың жай-күйінің мониторингін қамтамасыз етеді;
Тармақша 23
23) тарих және мәдениет ескерткіштерінде ғылыми-реставрациялау жұмыстарын жүргізуді қамтамасыз етеді;
Тармақша 24
24) тиісті аумақтарды экономикалық және әлеуметтік дамыту жоспарларында жергілікті маңызы бар тарих және мәдениет ескерткіштерін есепке алуды, сақтауды, зерделеуді, ғылыми-реставрациялау жұмыстарын және археологиялық жұмыстарды ұйымдастыру жөніндегі іс-шараларды көздейді;
Тармақша 25
Тармақша 26
26) қала құрылысы жобаларын әзірлеу және бекіту кезінде уәкілетті органмен келісу бойынша барлық санаттағы тарих және мәдениет ескерткіштерін анықтау, зерделеу, сақтау жөніндегі іс-шаралардың орындалуын қамтамасыз етеді;
Тармақша 27
27) тиісті елді мекендердің бас жоспарларына тарихи-сәулет тірек жоспарларын енгізу жөніндегі жұмысты жүргізеді;
Тармақша 28
28) қорғау міндеттемелерін ресімдейді және береді, тарих және мәдениет ескерткіштерінің меншік иелері мен пайдаланушыларының оларды орындауын бақылайды;
Тармақша 29
29) Қостанай облысының тарих және мәдениет ескерткіштерін қорғау жөніндегі комиссияның жұмысын ұйымдастырады;
Тармақша 30
30) монументті өнер құрылыстарын орнату бойынша жұмыс жүргізеді;
Тармақша 31
31) мемориалдық тақталарды орнату бойынша жұмыс жүргізеді;
Тармақша 32
32) жергілікті маңызы бар тарих және мәдениет ескерткіштерінде жоспарланған ғылыми-реставрациялау жұмыстарының ғылыми-жобалау құжаттамасын қарайды және келіседі;
Тармақша 33
33) уәкілетті органмен келісу бойынша тарихи-мәдени мұра объектілерін жергілікті маңызы бар тарих және мәдениет ескерткіштері деп таниды және оларды тарихи-мәдени сараптама қорытындысының негізінде Жергілікті маңызы бар тарих және мәдениет ескерткіштерінің мемлекеттік тізіміне енгізеді;
Тармақша 34
34) жергілікті маңызы бар тарих және мәдениет ескерткішін мәртебесінен айырады және уәкілетті органмен келісу бойынша тарихи-мәдени сараптама қорытындысының негізінде оны Жергілікті маңызы бар тарих және мәдениет ескерткіштерінің мемлекеттік тізімінен шығарады;
Тармақша 35
35) жергілікті маңызы бар тарих және мәдениет ескерткіштерінің пайдалануыны және күтіп-ұстау тәртібіне мемлекеттік бақылауды жүзеге асырады;
Тармақша 36
36) халықаралық және республикалық маңызы бар тарих және мәдениет ескерткіштеріндегі жұмыстарды қоспағанда, жергілікті маңызы бар тарих және мәдениет ескерткіштерінде ғылыми-реставрациялау жұмыстарының және археологиялық жұмыстардың жүргізілуіне мемлекеттік бақылауды жүзеге асырады;
Тармақша 37
37) орталық мемлекеттік органдардың және олардың ведомстволарының аумақтық бөлімшелерінің, облыстың, ауданның, облыстық маңызы бар қаланың жергілікті атқарушы органдарының және ауыл, кент, ауылдық округ әкімі аппараттарының Қазақстан Республикасының тіл туралы заңнамасын сақтауына мемлекеттік бақылауды жүзеге асырады;
Тармақша 38
38) әкімшілік құқық бұзушылық туралы хаттамалар жасайды, әкімшілік құқық бұзушылық туралы істерді қарайды және әкімшілік жазалар қолданады;
Тармақша 39
39) мемлекеттік тілді және басқа тілдерді дамытуға бағытталған облыстық маңызы бар шаралар кешенін жүзеге асырады;
Тармақша 40
40) облыстық ономастика комиссиясының қызметін қамтамасыз етеді;
Тармақша 40-1
40-1) азаматтарды тіл қағидаты бойынша кемсітушілікке жол бермеу жөнінде түсіндіру жұмыстарын жүргізеді;
Тармақша 41
41) жергілікті мемлекеттік басқару мүддесінде Қазақстан Республикасының заңнамасымен жергілікті атқарушы органдарға жүктелетін өзге де өкілеттіктерді жүзеге асырады.
Тарау 3. 3-тарау. Мемлекеттік органның бірінші басшысының
мәртебесі, өкілеттіктері
3-тарау. Мемлекеттік органның бірінші басшысының
мәртебесі, өкілеттіктері
Тармақ 16
16. Басқармаға басшылықты Басқармаға жүктелген міндеттердің орындалуына және оның өз өкілеттіктерін жүзеге асыруға дербес жауапты болатын бірінші басшы жүзеге асырады.
Тармақ 17
17. Басқарманың бірінші басшысы Қазақстан Республикасының заңнамасына сәйкес қызметке тағайындалады және қызметтен босатылады.
Тармақ 18
18. Басқарманың бірінші басшысының Қазақстан Республикасының заңнамасына сәйкес қызметке тағайындалатын және қызметтен босатылатын орынбасарлары болады.
Тармақ 19
19. Басқарманың бiрiншi басшысының өкілеттігі:
Тармақша 1
1) Басқарма қызметкерлерін лауазымға тағайындайды және лауазымнан босатады;
Тармақша 2
2) Басқарманың құрылымын, құрылымдық бөлімшелері туралы ережені және қызметкерлердің лауазымдық нұсқаулықтарын бекітеді;
Тармақша 3
3) міндеттемелер мен төлемдер бойынша қаржыландыру жоспарын бекітеді;
Тармақша 4
4) Қазақстан Республикасының қолданыстағы заңнамасына сәйкес Басқарманың атынан мемлекеттік органдарда, өзге де ұйымдарда әрекет етеді;
Тармақша 5
5) бірінші қол қою құқығына ие;
Тармақша 6
6) сыбайлас жемқорлыққа қарсы іс-қимыл бойынша шаралар қабылдамағаны үшін дербес жауапкершілікте болады;
Тармақша 7
7) Басқарма қызметкерлерінің орындауы үшін міндетті бұйрықтар шығарады және нұсқаулар береді;
Тармақша 8
8) Басқарма қызметкерлерін көтермелеу, материалдық көмек көрсету шараларын қабылдайды және тәртіптік жаза қолданады;
Тармақша 9
9) Қазақстан Республикасының заңнамасына сәйкес өзге де өкілеттіктерді жүзеге асырады.
Басқарманың бірінші басшысы болмаған кезеңде оның өкілеттіктерін орындауды қолданыстағы заңнамаға сәйкес оны алмастыратын тұлға жүзеге асырады.
Тармақ 20
20. Бірінші басшы өз орынбасарларының өкілеттіктерін қолданыстағы заңнамаға сәйкес айқындайды.
Тарау 4. 4-тарау. Мемлекеттік органның мүлкі
4-тарау. Мемлекеттік органның мүлкі
Тармақ 21
21. Басқарманың заңнамада көзделген жағдайларда жедел басқару құқығында оқшауланған мүлкі болуы мүмкін.
Басқарманың мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.
Тармақ 22
22. Басқармаға бекітілген мүлік коммуналдық меншікке жатады.
Тармақ 23
23. Егер заңнамада өзгеше көзделмесе, Басқарманың өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.
Тарау 5. 5-тарау. Мемлекеттік органды қайта ұйымдастыру және тарату
5-тарау. Мемлекеттік органды қайта ұйымдастыру және тарату
Тармақ 24. «Қостанай облысы әкімдігінің мәдениет басқармасы» мемлекеттік мекемесінің қарамағындағы мемлекеттік мекемелер мен кәсіпорындардың тізбесі
24. Басқарманы қайта ұйымдастыру және тарату Қазақстан Республикасының заңнамасына сәйкес жүзеге асырылады.
«Қостанай
облысы әкімдігінің
мәдениет басқармасы»
мемлекеттік мекемесі
туралы ережеге
қосымша
«Қостанай облысы әкімдігінің мәдениет басқармасы» мемлекеттік мекемесінің қарамағындағы мемлекеттік мекемелер мен кәсіпорындардың тізбесі
Тармақ 1
1. Қостанай облысы әкімдігі мәдениет басқармасының «Қостанай облыстық тарихи-өлкетану мұражайы» коммуналдық мемлекеттік мекемесі.
Тармақ 2
2. Қостанай облысы әкімдігі мәдениет басқармасының «Ыбырай Алтынсариннің Қостанай облыстық мемориалдық мұражайы» коммуналдық мемлекеттік мекемесі.
Тармақ 3
3. Қостанай облысы әкімдігі мәдениет басқармасының «Лисаков Жоғарғы Тобыл тарихы мен мәдениеті мұражайы» коммуналдық мемлекеттік мекемесі.
Тармақ 4
4. Қостанай облысы әкімдігі мәдениет басқармасының «Рудный тарихи-өлкетану мұражайы» коммуналдық мемлекеттік мекемесі.
Тармақ 5
5. Қостанай облысы әкімдігі мәдениет басқармасының «Б. Майлин атындағы тарихи-өлкетану музейі» коммуналдық мемлекеттік мекемесі.
Тармақ 6
6. Қостанай облысы әкімдігі мәдениет басқармасының «Денисов тарихи-өлкетану мұражайы» коммуналдық мемлекеттік мекемесі.
Тармақ 7
7. Қостанай облысы әкімдігі мәдениет басқармасының «Арқалық қаласындағы дала өлкесі тарихы облыстық мұражайы» коммуналдық мемлекеттік мекемесі.
Тармақ 8
8. Қостанай облысы әкімдігі мәдениет басқармасының «Торғайдың Жангелдин мұражайлар кешені» коммуналдық мемлекеттік мекемесі.
Тармақ 9
9. Қостанай облысы әкімдігі мәдениет басқармасының «А. Иманов атындағы Амангелді мемориалдық мұражайы» коммуналдық мемлекеттік мекемесі.
Тармақ 10
10. Қостанай облысы әкімдігі мәдениет басқармасының «Ыбырай Алтынсарин атындағы облыстық балалар мен жасөспірімдер кітапханасы» коммуналдық мемлекеттік мекемесі.
Тармақ 11
11. Қостанай облысы әкімдігі мәдениет басқармасының «Л.Н. Толстой атындағы Қостанай облыстық әмбебап ғылыми кітапханасы» коммуналдық мемлекеттік мекемесі.
Тармақ 12
12. Қостанай облысы әкімдігі мәдениет басқармасының «Арқалық қаласындағы облыстық № 2 әмбебап ғылыми кітапханасы» коммуналдық мемлекеттік мекемесі.
Тармақ 13
13. Қостанай облысы әкімдігі мәдениет басқармасының «Тарихи-мәдени мұраны зерттеу, реставрациялау және қорғау орталығы» коммуналдық мемлекеттік мекемесі.
Тармақ 14
14. Қостанай облысы әкімдігі мәдениет басқармасының «Ілияс Омаров атындағы Қостанай облыстық қазақ драма театры» коммуналдық мемлекеттік қазыналық кәсіпорны.
Тармақ 15
15. Қостанай облысы әкімдігі мәдениет басқармасының «Облыстық орыс драма театры» коммуналдық мемлекеттік қазыналық кәсіпорны.
Тармақ 16
16. Қостанай облысы әкімдігі мәдениет басқармасының «Арқалық қазақ жасөспірімдер театры» коммуналдық мемлекеттік қазыналық кәсіпорны.
Тармақ 17
17. Қостанай облысы әкімдігі мәдениет басқармасының «Облыстық қуыршақтар театры» коммуналдық мемлекеттік қазыналық кәсіпорны.
Тармақ 18
18. Қостанай облысы әкімдігі мәдениет басқармасының «Е. Өмірзақов атындағы Қостанай облыстық филармониясы» коммуналдық мемлекеттік қазыналық кәсіпорны.
Тармақ 19
19. Қостанай облысы әкімдігі мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» коммуналдық мемлекеттік қазыналық кәсіпорны.
Тармақ 20
20. «Тілдарын» облыстық тілдерді оқыту орталығы» коммуналдық мемлекеттік мекемесі.