Об образовании совета по делам оралманов при акимате Костанайской области Қолданыста

Қостанай облысы әкімиятының жанындағы оралмандар ici жөніндегі кеңес құру туралы Қазақстан Республикасының «Қазақстан Республикасындағы жергілікті мемлекеттік басқару туралы» Заңының 27-бабына сәйкес Қостанай облысының әкімияты ҚАУЛЫ ЕТЕДІ:

1. Қостанай облысы әкімиятының жанындағы оралмандар ici жөніндегі кеңес құрылсын.

2. Қостанай облысы әкімиятының жанындағы оралмандар ici жөніндегі кеңестің жекеленген құрамы белгіленген тәртіппен Қостанай облыстық мәслихаты сессиясының бекітуіне ұсынылсын.

3. Қостанай облысы әкімиятының жанындағы оралмандар ici жөніндегі кеңес туралы ереже бекітілсін (қосымша).

4. Осы қаулының орындалуын бақылау Қостанай облысы әкімінің орынбасары Б.Б. Баймағамбетоваға жүктелсін.

Қазақстан Республикасы Қостанай облысы әкімиятының 2003 жылғы 2 маусымдағы № 134 қауылысымен бекітілген Қостанай облысы әкімиятының жанындағы оралмандар ici жөніндегі кеңес туралы ЕРЕЖЕ

1. Жалпы ережелер

1. Қостанай облысы әкімиятының жанындағы оралмандар ici жөніндегі кеңес (бұдан былай - Кеңес) консультативті-кеңесші орган болып табылады. Кеңесті құрудың мақсаты Қостанай облысы әкіміне қарасты мемлекеттік органдар мен ұйымдардың ic-әрекетін оралмандарды қабылдау, жайғастыру және әлеуметтік қорғау сұрақтары бойынша облыстағы қоғамдық және қайырымдылық ұйымдармен өзара қатынасты реттеу жөніндегі ұсыныстарды жасап шығу болып табылады. Өз қызметінде Кеңес Қазақстан Республикасының Конституциясын, ҚР «Көші-қон туралы» Заңын, басқа да нормативтік актілер мен осы Ережені басшылыққа алады.

2. Кеңестің негізгі мақсаттары мен міндеттері

2. Өз қызметінің барысында Кеңес келесі мақсаттар мен міндеттерді атқарады:

1) оралмандарға көмек көрсету мақсатында қоғамдық және қайырымдылық ұйымдармен бірлесе ic-қимыл жасауды;

2) Қостанай облысы әкіміне қарайтын жергілікті мемлекеттік органдар мен мекемелердің оралмандарды қабылдау, жайғастыру, медициналық жәрдем көрсету, балаларын мектептерде оқыту, әлеуметтік қорғау, тіркеу, азаматтығын алу, үй-жаймен қамтамасыз ету, жұмысқа орналастыру, оқыту және кәсіби дайындық, оралмандар арасындағы іскерлкті дамыту мәселелері бойынша ic-әрекеттерін реттеуді;

3) оралмандар мәселелері бойынша ұсыныстарды дайындауды және оны тиісті органдарға енгізуді.

3. Кеңестің ic-әрекетін ұйымдастыру

3. Кеңесті төраға басқарады. Кеңестің мәжілісі төрағаның немесе оның тапсырумен төраға орынбасарының қажетті жағдайда, бірақ жылына екі реттен кем емес мерзімде шақырылады.

4. Кеңестің жұмысының ұйымдастырылуын, тиісті материалдарды, ұсыныстарды дайындауды Кеңестің хатшысы атқарады. Кеңес өз ic-әрекетін қоғамдық бастамамен атқарады.

5. Кеңестің шешімі ашық дауыспен қабылданады және қабылданды деп саналады, егер оған Кеңес мүшелерінің жалпы санының көпшілігі дауыс берсе. Дауыстар тең түскен жағдайда төраға дауыс берген шешім қабылданады.

6. Кеңес мәжілісінің өту нәтижесі бойынша Кеңестің төрағасы мен хатшысы қол қойған хаттама түзеледі. Кеңес шешімі ұсынушы сипатта болады.

7. Кеңестің жұмысшы органы Қостанай облысы бойынша көші-қон және демография басқармасы болып табылады.