"Об утверждении Правил использования средств, предусмотренных в республиканском бюджете по программе "Представительские затраты", и норм представительских затрат" Қолданыста

Облыстық бюджетте «Өкілдік шығындар» бағдарламасы бойынша көзделген қаражатты пайдалану Қағидасын және өкілдік шығындардың нормаларын бекіту туралы Қазақстан Республикасының 2001 жылғы 23 қаңтардағы "Қазақстан Республикасындағы жергiлiктi мемлекеттiк басқару туралы" Заңына , Қазақстан Республикасы үкiметiнiң 2003 жылғы 20 наурыздағы "Республикалық бюджетте "Өкiлдiк шығындар" бағдарламасы бойынша көзделген қаражатты пайдалану ережесiн және өкiлдiк шығындардың нормаларын бекiту туралы" № 281 қаулысына сәйкес, сондай-ақ облыстық бюджетте "Өкiлдiк шығындар" бағдарламасы бойынша көзделген қаражатты пайдалану тәртiбiн белгiлеу мақсатында облыс әкiмдiгi ҚАУЛЫ ЕТЕДI:

1. Мыналар: қосымшаға сәйкес облыстық бюджетте "Өкiлдiк шығындар" бағдарламасы бойынша көзделген қаражатты пайдалану қағидасы (бұдан әрi - қағида); қосымшаға сәйкес өкiлдiк шығындар нормасы бекiтiлсiн.

2. Өкiлдiк шығындар қағидасы мен нормаларының сақталуын бақылау облыс әкiмiнiң орынбасары Б.С. Демеуовке жүктелсiн.

Облыс әкiмдiгiнiң 2003 жылғы 4 мамыр "Облыстық бюджетте "Өкiлдiк шығындар" бағдарламасы бойынша көзделген қаражатты пайдалану қағидасын және өкiлдiк шығындардың нормаларын бекiту туралы" қаулысымен бекiтiлдi Облыстық бюджетте "өкiлдiк шығындар" бағдарламасы бойынша көзделген қаражатты пайдалану қағидасы

1. Жалпы ережелер

1. Осы қағида облыстық бюджетте "өкiлдiк шығындар" бағдарламасы бойынша көзделген қаражатты пайдалану тәртiбiн айқындайды.

2. Өкiлдiк шығындар - тиiстi қаржы жылына арналған облыстық бюджетте көзделген және облыстық бюджеттiк бағдарламалардың әкiмшiсi Қазақстан Республикасы Президентiн, Қазақстан Республикасының басқа да сыйлы адамдарын, шетелдiк делегацияларды қабылдауға, кеңестер, семинарлар, салтанатты және ресми iс-шаралар өткiзуге, сондай-ақ облыс әкiмiнiң шетелдiк сапарлары кезiндегi өкiлдiк мақсаттарына бөлiнетiн қаражат. Өкiлдiк шығындарға:

1) Қазақстан Республикасында қолданылып жүрген заңнамада көзделген жағдайларда облыс әкiмi шақыратын тұлғалардың тұру және баратын пунктiне дейiнгi көлiк шығындарына ақы төлеуге;

2) ресми қонақасыға, кешкi астарға, кофе-брейктерге, фуршеттерге;

3) ресми қабылдаулар өткiзу кезiндегi музыкалық сүйемелдеуге;

4) кәдесыйлар, ескерткiш сыйлықтар сатып алуға;

5) автокөлiк қызметiн көрсетуге;

6) аудармашылардың қызметiне ақы төлеуге;

7) залды жалға алуға арналған шығындар;

8) VIР-орындары үшiн жабдықтар сатып алуға, ағымдағы жөндеуге байланысты және соған ұқсас басқа да шығындарға рұқсат еткен өзге де шығыстар жатады.

2. Облыстық бюджеттiң өкiлдiк шығындарға бөлiнетiн қаражатын пайдалану тәртiбi

3. Облыс әкiмiнiң iс басқармасы облыстық бюджетте тиiстi қаржылық жылға арналған өкiлдiк шығындарға көзделген қаражат көлемiне сүйене отырып, өкiлдiк шығындарды талап ететiн жылдық iс-шаралар жоспарын (бұдан әрi - Iс-шаралар) жасайды.

4. Облыстық бюджетте өкiлдiк шығындарға арналып көзделген қаражат:

1) iс-шараны өткiзу қажеттiлiгiнiң негiздемесi;

2) деңгейi мен форматы бойынша делегацияның болу бағдарламалары;

3) iс-шаралар дайындау мен өткiзудiң жұмыс жоспары;

4) iс-шараға қатысушылардың iс жүзiндегi санын растайтын құжаттар;

5) шығыстардың әрбiр ерекшелiктерi негiзделген қаржыландыру жоспарлары;

6) Осы Ереженiң 3-тармағына сәйкес Жоспарда тиiстi iс-шара болған кезде жүзеге асырылады.

5. Осы қағиданың 2-тармағының 3), 4), 7) тармақшаларында белгiленген өкiлдiк шығындар бойынша облыс әкiмiнiң iс басқармасы облыс қаржы департаментiне товарлар мен қызметтердiң құнын, сондай-ақ көрсетiлген товарлар мен қызметтердi ұсынатын ұйымдардың реквизиттерiн көрсете отырып, заңнамада белгiленген тәртiптiң сақталуын растайтын құжаттарды ұсынады.

6. Облыс қаржы департаментi Жоспардың негiзiнде осы қаулымен бекiтiлген өкiлдiк шығындардың нормаларына сәйкес өкiлдiк шығындарға арналған қаражат бөлудi жүзеге асырады.

Облыс әкiмдiгiнiң 2003 жылғы 4 мамыр "Облыстық бюджетте "өкiлдiк шығындар" бағдарламасы бойынша көзделген қаражатты пайдалану қағидасын және өкiлдiк шығындардың нормаларын бекiту туралы" № 96/4 қаулысына қосымша Өкiлдiк шығындардың нормалары р/с Шығыстардың атауы құны теңгемен 1 Ресми түстiктердi, кешкi астарды беруге арналған шығындар делегациялар үшiн күнiне бiр адамға арналған есеппен жүргiзiледi; Қазақстан Республикасы Президентiнiң, Қазақстан Республикасы Премьер-Министрiнiң, Қазақстан Республикасының Мемлекеттiк Хатшысы-Сыртқы iстер министрiнiң, Қазақстан Республикасы Парламентi палаталары Төрағаларының, басқа да аса қадiрлi адамдардың қатысуымен ресми түстiктерi, кешкi астарды беруге күнiне бiр адамға арналған есеп бойынша 6500-ге дейiн 12500-ге дейiн 2 Келiссөздер, мәдени бағдарламалар iс-шаралары кезiндегi буфеттiк қызмет көрсету күнiне бiр адамға 1040-қа дейiн 3 Делегацияны қабылдайтын мемлекеттiк органның штатында тұрмайтын аудармашының еңбегiне ақы төлеу (iлеспе аудармадан басқа) бiр сағатқа ақы төлеу есебi бойынша 700-ге дейiн 4 Автомобиль көлiгiмен шетелдiк делегацияларға қызмет көрсетуге арналған көлiктiк шығындарға ақы төлеу бiр сағатқа ақы төлеу бойынша қаржыландыру жоспарларында көзделедi 1200-ге дейiн Ескерту:

1. Ресми түстiктердi, кешкi астарды беру кезiнде облыс тарапынан қатысушылардың саны делегациялар тарапынан қатысушылар санынан аспауы тиiс.

2. Делегациялардың құрамы 5 адамнан артық болған кезде делегацияға қызмет көрсететiн iлесiп жүрген адамдар мен аудармашылардың (iлеспе аудармадан басқа) саны делегацияның 5 мүшесiне 1 аудармашы немесе бiрге жүрушi есебiнен айқындалуы тиiс.