Об установлении ограничительных мероприятий на территории села Ойсылкара Кудыксайского сельского округа Хромтауского района Актюбинской области Күшін жойған

Ақтөбе облысы Хромтау ауданының Құдықсай ауылдық округі Ойсылқара ауылының аумағында шектеу іс-шараларын белгілеу туралы Қазақстан Республикасының «Қазақстан Республикасының жергілікті мемлекеттік басқару және өзін өзі басқару туралы» Заңының 35 бабына, Қазақстан Республикасының «Ветеринария туралы» Заңының 10-1 бабына сәйкес және Қазақстан Республикасы Ауыл шаруашылығы Министрлігінің ветеринариялық бақылау және қадағалау Комитетінің Хромтау аудандық аумақтық инспекциясы басшысы міндетін атқарушысының 2021 жылғы 11 мамырдағы № 02-16-04/328 ұсынысының негізінде, ШЕШТІМ:

1. Мүйізді ірі қара малдарының арасынан бруцеллез ауруының анықталуына байланысты, Ақтөбе облысы Хромтау ауданының Құдықсай ауылдық округі Ойсылқара ауылы аумағында шектеу іс-шаралары белгіленсін.

2. «Ақтөбе облысы Хромтау ауданы Құдықсай ауылдық округі әкімінің аппараты» мемлекеттік мекемесі заңнамада белгіленген тәртіппен:

1) осы шешімді Қазақстан Республикасы Әділет министрлігінде мемлекеттік тіркеуді;

2) осы шешімді оны ресми жариялағаннан кейін Хромтау ауданы әкімдігінің интернет-ресурсында орналастыруды қамтамасыз етсін.

3. Осы шешімнің орындалуын бақылауды өзіме қалдырамын.

4. Осы шешiм оның алғашқы ресми жарияланған күнінен кейін қолданысқа енгiзiледi.