О внесении изменений и дополнений в "Положение об организации и проведении аукционов по продаже объектов приватизации" Күшін жойған

Жекешелендiру объектiлерiн сату жөнiндегi аукциондар өткiзу мен ұйымдастыру жөнiндегi Ережеге толықтырулар мен өзгертулер енгiзу туралы

Қазақстан Республикасы Президентiнiң "Елдегi жағдай мен 1997 жылға арналған iшкi және сыртқы саясаттың негiзгi бағыттары туралы" қазақстан халқына жолдауын жүзеге асыру, соның iшiнде мемлекеттiк меншiктi сатуды жеделдету мен жекешелендiру объектiлерiн аукциондарда сату тәртiбiн мейлiнше жетiлдiру мақсатында Қазақстан Республикасы Қаржы министрлiгiнiң Жекешелендiру жөнiндегi департаментi қаулы етедi: 📌 ЕСКЕРТУ. Кiрiспеге өзгерту енгiзiлдi - ҚР Қаржы министрлiгiнiң Жекешелендiру жөнiндегi департаментiнiң 1997.08.04. N 386 қаулысымен .

1. 1996 жылдың 22 ақпанындағы N 60 Қаулысымен бекiтiлген "Жекешелендiру объектiлерiн сату жөнiндегi аукциондар өткiзу мен ұйымдастыру жөнiндегi Ережеге" келесi толықтырулар мен өзгертулер енгiзiлсiн:

а) 1.2.4 бап алынып тасталсын, соған сәйкес 1.2.5 бап 1.2.4 бап ретiнде есептелсiн;

б) 1.3.2 баптағы үшiншi абзацтан соң: " - аукцион өткiзудiң тәртiбiн анықтау", - деп жазылсын;

в) 2.2.3 баптағы "б" тармағына мынадай өңдеу жасалсын:

"б) сауда-саттықтың голландық тәсiлi кезiнде баға белгiленбеуi мүмкiн. Аз деңгейдегi баға белгiленген кезде, оның көлемi сауда-саттық өткiзу жөнiндегi хабарламада көрсетiледi";

г) 2.5 бөлiмшесi мына мағынадағы баппен толықтырылсын: "2.5.5 Егер үшiншi және келесi саудада жекешелендiру объектiсi жалғыз қатысушыға сатыла беретiн жағдайды қоспағанда, аукционға қатысушылар саны екеуден кем болса, аукцион болмаған деп жарияланады";

д) екiншi абзацтағы 3.3.1 бабы алынып тасталсын;

е) төртiншi абзацтағы 3.3.2 бабы алынып тасталсын.