Об утверждении Правил оказания социальной помощи отдельным категориям граждан Қолданыста

Азаматтардың жекелеген санаттарына әлеуметтiк көмек көрсету Ережелерін бекiту туралы «Қазақстан Республикасындағы жергiлiктi мемлекеттiк басқару туралы» Қазақстан Республикасы Заңының 31-бабының 1-тармағының 14) тармақшасына сәйкес азаматтардың жекелеген санаттарына әлеуметтiк қорғау мақсатында Қарасу аудандық әкiмияты ҚАУЛЫ ЕТЕДI:

1. Азаматтардың жекелеген санаттарына әлеуметтiк көмек көрсету Ережесi бекiтiлсiн (қосымша).

2. «Қарасу аудандық қаржы басқармасы» мемлекеттiк мекемесiне (Мамаев Т.К) «Жергiлiктi өкiлеттiк органдарының шешiмi бойынша азаматтардың жекелеген санаттарына әлеуметтiк төлемдер» бағдарламаны қаржыландыруы ауданның бюджетiнде қарастырылған қаражаттардың шегiнде қамтамасыз етiлсiн.

3. Осы қаулының орындалуына бақылау аудан әкiмiнiң орынбасарына Н.Қ. Нөгербековке жүктелсiн.

Қостанай облысы Қарасу аудандық әкiмиятының 2003 жылғы 30 маусымдағы № 113 қаулысына қосымша Азаматтардың жекелеген санаттарына әлеуметтiк көмек көрсету Ережесi

1. Жалпы ережелер

1. Осы Ереже ауданның бюджетiнде қарастырылған қаражаттар есебiнен азаматтардың жекелеген санаттарына және әлеуметтiк қолдауды мұқтаж ететiн отбасыларына әлеуметтiк көмектi тағайындауды реттейдi.

2. Әлеуметтiк көмектi көрсету үшiн қазiргi бекiтiлген Ереже негiзiмен аудан бюджеттен қаражаттар есебiнен ақшалай түрде берiлетiн әлеуметтiк көмектi көрсету жөнiнде аудандық комиссия (бұдан әрi комиссия) құрылады.

3. Әлеуметтiк көмек төмендегi түрде берiледi:

1) шұғыл әлеуметтiк қолдауды қажет ететiн отбасыларға бiржолғы төлемдер (емделу, тұрмыстық мұқтаждықтар, жеке куәлiктi алуға кететiн шығындар, коммуналдық қызметтер және тағы басқалар);

2) азаматтардың жекелеген санаттарына мерекелiк күндерге бiржолғы әлеуметтiк көмек;

3) Ұлы Отан Соғысының қатысушылары мен мүгедектерiне тұрмыстық мұқтаждықтарына әлеуметтiк көмек;

4) тегiн тамақтандыру;

5) қарттар Күнiне бiржолғы әлеуметтiк көмек;

6) Ұлы Отан Соғысының қатысушыларына және мүгедектерiне «Костанайские новости» немесе «Қостанай таңы» газеттерiне жазылуын ресiмдеуге әлеуметтiк көмек көрсету;

7) мерейтойға әлеуметтiк көмек көрсету;

8) «Кадрлар» аудандық басқармасының шеңберiнде табысы аз отбасылардың жастарын жоғары оқу мекемелерiнде оқыту.

4. 3-тармақтың 2, 5, 7) тармақшаларында көрсетiлген төлемдерден басқа әлеуметтiк көмектiң барлық түрлерi өтiнiш нысанында қарастырылады.

2. Шұғыл әлеуметтiк көмектi көрсетудi мұқтаж ететiн отбасыларына бiржолғы әлеуметтiк көмек

5. Ауданның аумағында тұрақты тұратын адамдары әлеуметтiк себептерi бойынша тiршiлiк етуге қаражатсыз қалғандар немесе ортажандық табысымен кедейлiк шегiнен төмен, отбасы құрамында жұмыс iстемейтiн отбасының мүшелерi, соның iшiнде зейнеткерлерi мен мүгедектерi, кәмелетке толмаған балалары бар отбасылар, жұмыспен қамту сауалдары жөнiндегi уәкiлеттi органда ресми түрде тiркелген жұмыссыздар, туберкулезбен ауыратын адамдар, жалғызiлiктiлер мен жалғыз басты зейнеткерлер бiржолғы әлеуметтiк көмектi алушылар болып табылады.

6. Шұғыл әлеуметтiк қолдауды мұқтаж ететiн отбасыларға бiржолғы әлеуметтiк көмек жылына бiр рет 10000 теңгеге дейiн мөлшерде, ерекше жағдайларда емделуге екi реттен артық емес берiледi.

7. Әлеуметтiк көмектi тағайындау үшiн мынадай құжаттар қажет: әлеуметтiк көмектi тағайындау туралы өтiнiш; тұрғылықты жерi мен отбасының құрамы туралы анықтама; өткен тоқсандағы отбасының табысын растайтын құжаттар; емделуге және коммуналдық қызметтерге көмектi көрсетуге арналған-медициналық мекеменiң, коммуналдық және қызметтер көрсету ұйымдарының анықтамалары.

3. Азаматтардың жекелеген санаттарына мерекелiк күндерiне бiржолғы әлеуметтiк көмек

8. Мерекелiк күндерiне бiржолғы әлеуметтiк көмек азаматтардың мынадай жекелеген санаттарына: Жеңiс Күнiне: Ұлы Отан Соғысының қатысушылары мен мүгедектерiне үш мың теңгеден; Қаза болған жауынгерлердiң жесiр әйелдерiне, Ұлы Отан Соғысының қатысушылары мен мүгедектерiне жеңiлдiктер және кепiлдiктер бойынша қайсарлық, еңбек етiп және мiнсiз әскери қызмет үшiн ҚСР Одағының ордендерi мен медальдармен марапатталғандарына бес жүз теңгеден берiледi.

9. Осы түрлерге бiржолғы әлеуметтiк көмек көрсетiлуi аудандық Ардагерлер Кеңесiмен, ауыл мен ауылдық округтардың өкiмдерiмен аудандық еңбек, жұмыспен қамту және халықты әлеуметтiк қорғау басқармасына ұсынған тиiстi құжаттардың тiзiмдерi негiзiмен жүзеге асырылады және әлеуметтiк көмектi көрсету жөнiндегi аудандық комиссиясының хаттамасымен бекiтiледi.

4. Ұлы Отан Соғысының қатысушылары мен мүгедектерiне тұрмыстық мұқтаждықтарына әлеуметтiк көмек

10. Әлеуметтiк көмектi тағайындау барысында мынадай құжаттар қажет: өтiнiш; Ұлы Отан Соғысының қатысушының немесе мүгедектiң куәлiгi (көшiрме).

11. Әлеуметтiк көмектiң аударуы 2003 жылғы 1 қаңтардан бастап жүргiзiледi.

12. Әлеуметтiк көмек ай сайын 230 теңге мөлшерiнде берiледi.

5. Тегiн тамақтандыру

13. Әлеуметтiк себептерi бойынша тiршiлiк етуге қаражатсыз қалғандарға немесе ортажандық табысымен кедейлiк шегiнен төмен ауданның азаматтарға отбасы құрамында жұмыс iстемейтiн отбасының мүшелерiне, соның iшiнде зейнеткерлерi мен мүгедектерге, кәмелетке толмаған балалары бар отбасыларға, жұмыспен қамту сауалдары жөнiндегi уәкiлеттi органда ресми түрде тiркелген жұмыссыздарға ең төменгi зейнетақының мөлшерiмен өмiр сүретiн, жалғызiлiктiлер мен жалғыз басты зейнеткерлерге тегiн тамақтануға құқығы бар.

14. Алушылардың тiзiмi әлеуметтiк көмектi көрсету жөнiндегi аудандық комиссиясының шешiмiмен бекiтiледi.

15. Тегiн тамақтандыруға жолдауды алу үшiн мынадай құжаттар қажет: өтiнiш; тұрғылықты жерi мен отбасының құрамы туралы анықтама; өткен тоқсандағы отбасының табысын растайтын құжаттар.

16. Тегiн тамақтандыру нанды беру түрде берiледi.

6. Қарттар Күнiне бiржолғы әлеуметтiк көмек

17. Қарттар Күнiне материалдық көмектi мұқтаж ететiн зейнеткерлерге, жалғыз басты қартайған азаматтарға, сондай-ақ аудан бюджетiнiң есебiнен тұратын ұйымдардан зейнеткерлерге 500 теңге мөлшерiнде бөлiнедi.

18. Осы түрлерге бiржолғы әлеуметтiк көмек көрсетiлуi аудандық Ардагерлер Кеңесiмен, ауыл мен ауылдық округтардың әкiмдерiмен аудандық еңбек, жұмыспен қамту және халықты әлеуметтiк қорғау басқармасына ұсынған тиiстi құжаттардың тiзiмдерi негiзiмен жүзеге асырылады және әлеуметтiк көмектi көрсету жөнiндегi аудандық комиссиясының хаттамасымен бекiтiледi.

7. Ұлы Отан Соғысының қатысушыларына және мүгедектерiне «Костанайские новости» немесе «Қостанай таңы» газеттерiне жазылуын ресiмдеуге әлеуметтiк көмек көрсету

19. Аудандық Ардагерлер Кеңесi Ұлы Отан Соғысының қатысушылардың және мүгедектердiң тiзiмдерiн еңбек, жұмыспен қамту және халықты әлеуметтiк қорғау басқармасына газеттердiң жазылуын ресiмдеуiне әлеуметтiк көмек көрсету үшiн бередi.

20. Аудандық еңбек, жұмыспен қамту және халықты әлеуметтiк қорғау басқармасы тiзiмдердi әлеуметтiк көмектi көрсету жөнiндегi аудандық комиссиясының қарауына бередi.

21. Әлеуметтiк көмектi көрсету жөнiндегi аудандық комиссиясы Ұлы Отан Соғысының қатысушыларына және мүгедектерiне газеттерге жазылуына әлеуметтiк көмектi көрсету үшiн он күндiк мерзiмде қарастырады. Аудандық еңбек, жұмыспен қамту және халықты әлеуметтiк қорғау басқармасы әлеуметтiк көмектi көрсету жөнiндегi аудандық комиссиясының шешiмi негiзiмен газеттерге жазылуына әлеуметтiк көмек тағайындалғандардың тiзiмдерiн құрастырады және аудандық қаржы басқармасына қаржыландыруға өтiнiм ұсынады. «Қазақстан Республикасының бюджет шығындарының экономикалық топтастыру ерекшелiгi» құрылымына сәйкес жазылуға бөлiнген қаражаттар ұйымдарға аударылады.

8. Мерейтойға әлеуметтiк көмек көрсету

22. Аудандық Ардагерлер Кеңесi еңбек, жұмыспен қамту және халықты әлеуметтiк қорғау басқармасына Ұлы Отан Соғысының және еңбектiң Ардагерлерiнiң мерейтойымен байланысты әлеуметтiк көмектi көрсету жөнiндегi аудандық комиссиясының қарауына бередi.

23. Әлеуметтiк көмектi көрсету жөнiндегi аудандық комиссиясы тiзiмдердi қарастырады және жалпы еңбек стажына және ауданның экономикасын даму салымына байланысты 3000 теңгеден 10000 теңгеге дейiн мөлшерде мерейгерлерге әлеуметтiк көмектi көрсету сомасын анықтайды.

24. Мерейгерлерге әлеуметтiк көмектiң төлеуi жергiлiктi бюджеттiң қаражаттар есебiнен жүргiзiледi.

25. Әлеуметтiк көмектi тағайындауды дәлелдеген бас тартқан жағдайда Ардагерлер Кеңесiне бұл туралы жазбаша хабарланады.

26. Аудандық еңбек, жұмыспен қамту және халықты әлеуметтiк қорғау басқармасы әлеуметтiк көмектi көрсету жөнiндегi аудандық комиссиясының шешiмi негiзiмен мерейтойға әлеуметтiк көмектi тағайындалған азаматтардың тiзiмдерiн мадақтау сомаларын көрсетуiмен құрайды және аудандық қаржы басқармасына қаржыландыруға қолдаухатты ұсынады.

27. Мерейтойға әлеуметтiк көмектiң төлеуi аудандық еңбек, жұмыспен қамту және халықты әлеуметтiк қорғау басқармасының берген тiзiмдерi бойынша банк арқылы жүзеге асырылады.

9. «Кадрлар» аудандық басқармасының шеңберiнде табысы аз отбасылардың жастарын жоғары оқу мекемелерiнде оқыту

28. Табысы аз отбасылардың жас азаматтары ауданға аса қажет мамандықтарына жоғары оқу мекемелерiне (бұдан әрi ЖОМ) түскендерге ЖОМ-де оқуына әлеуметтiк көмек көрсетiледi. Әлеуметтiк көмектi көрсету жөнiндегi аудандық комиссиясы өтiнiштердi қарайды және тексеру актi отбасының табысын растайтын құжаттары, тұрғылықты жерi мен отбасының табысын растайтын анықтамалары негiзiмен ЖОМ-де оқу үшiн әлеуметтiк көмектi алушылардың тiзiмдерiн анықтайды. Аудандық еңбек, жұмыспен қамту және халықты әлеуметтiк қорғау басқармасы әлеуметтiк көмектi көрсету жөнiндегi аудандық комиссиясының хаттамасы негiзiмен әлеуметтiк көмектi алған студенттердiң тiзiмдерiн даярлайды және аудандық қаржы басқармасына қаржыландыруға қолдаухатты ұсынады. Төлем жергiлiктi бюджеттiң қаражаттар есебiнен жүргiзiледi.

29. Әлеуметтiк көмектiң төлеуi аудандық еңбек, жұмыспен қамту және халықты әлеуметтiк қорғау басқармасының берген тiзiмдерi бойынша жеке есепшотқа аудару үшiн банк арқылы жүзеге асырылады.

10. Әлеуметтiк көмектi тағайындау мен төлеу тәртiбi

30. «Жергiлiктi өкiлеттi органдардың шешiмi бойынша азаматтардың жекелеген санаттарына әлеуметтiк төлемдер» бағдарламасының әкiмгерi Қарасу аудандық еңбек, жұмыспен қамту және халықты әлеуметтiк қорғау басқармасы болып табылады.

31. Өтiнiштер мен басқа құжаттар ауылдық округтарына берiлгеннен соң, оның қызметкерлерi өтiнiш берушiнiң әлеуметтiк-тұрмыстық жағдайын тексеру актiсiн даярлайды. Барлық құжаттар 3-тармағының 4) тармақшасынан басқа әлеуметтiк көмектi көрсету жөнiндегi аудандық комиссиясы қарайды.

32. Қарасу ауданның бюджетi әлеуметтiк көмектi көрсетудiң қаржыландыру көзi болып табылады.

33. Әлеуметтiк көмектi бөлу (бас тарту) туралы шешiмiн қабылдайтын әлеуметтiк көмектi көрсету жөнiндегi аудандық комиссиясының шешiмi әлеуметтiк көмектi төлеуге негiз болып табылады.

34. Әлеуметтiк көмектi алушылардың тiзiмдерi әлеуметтiк көмектi көрсету жөнiндегi аудандық комиссиясының шешiмi негiзiмен жасалады және қойылған заңдар тәртiбiмен конкурсты тып алған Қазақстан Республикасының Ұлттық Банкiнiң тиiстi операциялардың түрлерiне лицензиясы бар ұйымдарға берiледi.