О проведении двухмесячника по санитарной очистке и благоустройству населенных пунктов области Қолданыста

Облыс елді мекендерінде санитарлық тазалық екі айлығын өткізу туралы Жұқпалы өткір іш ауруларынын, вирустік гепатиттің эпидемиологиялық жағдайынын күрделенуіне байланысты және елді мекендердің санитарлық – экологиялық жағдайын жақсарту мақсатында ШЕШІМ ЕТЕМІН:

1. 1998 жылғы 10 қыркүйек пен 10 қараша аралығында облыс елді мекендерінде санитарлық тазалық екі айлығы жариялансын.

2. Санитарлық тазалық айлығы кезінде қала, аудандар әкімдеріне, өндіріс, мекеме басшыларына қолдау көрсетіп олардың жұмысын бағыттау үшін облыстық штаб құрамын бекітемін. (жалғама)

3. Қала және аудандар әкімдері: - елді мекендерде санитарлық тазалық айлықтары кезінде жүргізілетін нақтылы шараларды белгілеп, онын орындалуын қамтамасыз етсін; - елді мекендердегі көшелерді, алаңдарды, аймақтарды меншік түріне қарамастан өндірістерге, мекемелерге бекітіп, тазалық жұмысына ПИК, оқу орындарын, жеке және бірлескен кәсіпорындарын жұмылдырсын; - су, канализация және басқа инженерлік құбырлардың ағып тұрған жерлерін жөндеп, көп қабатты тұрғын үйлердің төлелерін тазартып оны кептіру бағытында нақтылы шарасын алсын.

4. Ауыз су дайындау және су мен канализация жұмыстарына жауапты мекеме басшылары: - барлық су тазартқыш қондырғыларын, су және канализация құбырларын тексеруден өткізіп, жарамсыз жерлерін ауыстырсын. - барлық канализация суын айдайтын станцияларда қосымша айдағыштар (насостар) қондырсын. - су құбырларын жуып, дезинфекцияласын; - керекті реагенттердің, сүзгіштердің және залалсыздандырғыш заттардың қосымша қорын алсын.

5. Облыстық экология басқармасына (М.Жексенов) , облыстық санэпидстанциясына (А.Жумагалиев) , облыстық ішкі істер басқармасына (К.Мырзабаев): - санитарлық тазалық айлықтары кезінде жүргізіліп жаткан жұмыстардың бағытын қадағалау тапсырылсын.

6. Облыстық газеттер, телерадиокомпаниясы қалыпты түрде санитарлық тазалық айлықтар барысы жөнінде хабарлап тұрсын.

7. Қала және аудандар әкімі, облыстық экология басқармасы, ОблСЭС, облыстық ішкі істер басқармасы тазалық айлықтарынан журу барысын облыстық штабқа 25 қыркүйекте, 15 қазанда, 10 қарашада хабарласын.

8. Осы шешімнің орындалуын қадағалау облыс әкімінің орынбасары М.Н.Борисенкоға жүктелсін.

Облыс әкімінің № 704 1998 ж. 10 қыркүйек шешімінің № 1 жалғамасы Санитарлық тазалық айлықтарын дайындау және ұйымдастыру жөніндегі облыстық штаб құрамы Борисенко Михаил Николаевич - облыс әкімінің орынбасары штаб бастығы Тікенбаев Жалғас Мусаулы - Атырау қаласының әкімі штаб бастығынын орынбасары Самиев Гапур Шәріпұлы -Құрылыс және тұрғын үй, коммуналдық шаруашылығын реформалау департаменті бастығынын орынбасары, штаб бастығынын орынбасары Штаб мүшелері Агеділов Айбар Кинашұлы -мемлекеттік – құқық жұмысы бөлімі меңгерушісінің міндетін атқарушы Жексенов Махамбет Құдайбергенұлы -облыстық экология басқармасының бастығы Жұмағалиев Амантай Толегенұлы -облыстық санэпидстанциясының бас дәрігері Мырзабаев Қайырғали Жұмабайұлы -облыстық ішкі істер басқармасының бастығы Петров Виктор Тихонович - Атырау қаласы әкімінің 1 орынбасары