О комиссии по делам семьи и женщин при акиме Костанайской области Күшін жойған

Қостанай облысы әкімінің жанындағы отбасы және әйелдер ісі жөніндегі комиссия туралы "Қазақстан Республикасы Президентінің жанындағы отбасы және әйелдер ісі жөніндегі ұлттық комиссия туралы" Қазақстан Республикасы Президентінің Жарлығын іске асыру мақсатында ШЕШТIМ:

1. Комиссияның құрамы және облыс әкімінің жанындағы отбасы және әйелдер ісі жөніндегі комиссия туралы ереже бекітілсін (қоса беріліп отыр).

2. Қостанай облысы әкімінің 1999 жылғы 17 ақпандағы № 35, 1999 жылғы 19 мамырдағы № 71, 1999 жылғы 20 сәуірдегі № 105, 1999 жылғы 27 желтоқсандағы № 263, 2000 жылғы 9 наурыздағы № 60 шешімдерінің күші жойылған деп есептелсін.

Қазақстан Республикасы Қостанай облысы әкімінің 2003 жылғы 20 тамыздағы № 32 шешімімен бекітілген Қостанай облысы әкімінің жанындағы отбасы және әйелдер ісі жөніндегі комиссия құрамы Бағила Бірмағамбетқызы БАЙМАҒАМБЕТОВА Қостанай облысы әкімінің орынбасары, комиссия төрағасы Вера Григорьевна СЕМЕНОВА комиссия хатшысы Ольга Афанасьевна АБАЛАКОВА "Костанайские новости" газетінің тілшісі (келісім бойынша) Зоя Мирзовна АБУЛОВА Қостанай ауданы мәдениет бөлімінің меңгерушісі Ирина Петровна АРОНОВА аз қамтылған азаматтарды қолдау жөніндегі аймақтық қордың директоры Гүлмира Қуанышқызы ӘУЕЗБЕКОВА "Дом" салонының директоры (келісім бойынша) Қамшат Байғазықызы ДӨНЕНБАЕВА зейнеткер, Социалистік Еңбек Ері (келісім бойынша) Маркиза Жарыққызы ЖАҚСЫБЕРГЕНОВА Қостанай қаласы әкімі аппаратының басшысы Дина Махатқызы ЖАМАНШАЛОВА Алтынсарин ауданындағы "Сосновый бор" санаторийі ААҚ бас дәрігері Ольга Андреевна КИКОЛЕНКО облыстық еңбек және халықты әлеуметгік қорғау басқармасының бастығы Наталья Павловна КИМ ҚР ІІМ Қостанай заң институтының сырттай оқу факультетінің бастығы (келісім бойынша) Зора Сексенбайқызы КӨШКІНБАЕВА "Виктория" ЖАҚ Қостанай филиалының директоры (келісім бойынша) Көпей Әбдірахманқызы МАЛШЫБАЕВА зейнеткер, Қазақстан Республикасының еңбек сіңірген дәрігері (келісім бойынша) Тамара Федоровна МАТВИЕНКО олимпиадалық резервтегі балалар мен жасөспірімдер спорт мектебінің оқу бөлімінің меңгерушісі Татьяна Владимировна ТОКАРЕВА облыс әкімінің кеңесшісі Мәлике Ғалымжанқызы ТӨЛЕМІСОВА "Сұлтан" ЖШС директоры (келісім бойынша)

Қазақстан Республикасы Қостанай облысы әкімінің 2003 жылғы 20 тамыздағы № 32 шешіміне қосымша Қостанай облысы әкімінің жанындағы отбасы және әйелдер ісі жөніндегі комиссия туралы ЕРЕЖЕ

1. Жалпы ережелер

1. Облыс әкімі жанындағы отбасы және әйелдер ісі жөніндегі комиссия ( бұдан әрі - комиссия) консультативтік-кеңесші орган болып табылады.

2. Комиссия қызметінің құқықтық негізін Қазақстан Республикасының Конституциясы мен заңдары, Президенттің актілері және қаулылары құрайды.

2. Комиссияның негізгі міндеттері

3. Комиссияның негізгі міндеттері мыналар болып табылады:

1) Қазақстанның 2030 жылға дейінгі даму Стратегиясын жүзеге асырудың аймақтық ерекшеліктерін ескере отырып, өйелдер және балаларға қатынасты кешенді мемлекеттік саясат қалыптастыру үшін басымдықтарды анықтау және ұсынымдар әзірлеу;

2) отбасын, әйелдерді және балаларды әлеуметтік, экономикалық заң және психологиялық қолдаудың кешенді жүйесін әзірлеуге көмектесу;

3) халықтың өсуі мен денсаулық жағдайын, отбасы тұрмысының әлеуметтік және экономикалық жағдайлар үрдісін сипаттайтын көрсеткіштеріне кешенді талдау жасау;

4) мемлекеттік органдардың, қоғамдық құрылымдардың және азаматтардың комиссия құзырына кіретін мәселелері бойынша ұсыныстарды қарау және облыс әкіміне ұсынымдар даярлау;

5) "Қазақстан-2030" Стратегиясын ескере отырып, отбасы, әйелдер және балаларға қатысты мемлекеттік саясаттың тұжырымдамалары мен бағдарламаларын әзірлеуте қатысу;

6) отбасы, әйелдер және балалар жағдайын жақсартуға бағытталған заңды және басқа да нормативтік құқықтық актілердің жобаларын даярлау мен қарауға қатысу;

7) органдардың лауазымды тұлғаларының отбасы, әйелдер және балалар мәселелері бойынша мемлекеттік заң талаптарын сақтауын қамтамасыз етулері жөнінен облыс әкіміне ұсынымдар және ұсыныстарын әзірлеу;

8) облыста отбасы, әйелдер және балалар түрғысын толығырақ көрсету мақсатында бұқаралық ақпарат құралдарымен бірлесе жұмыс істеу;

9) азаматтардың, бұқаралық ақпарат құралдарының отбасы, әйелдер және балалар мәселелеріне қатысты өтініштерін, хабарламаларын қарау.

3. Комиссияның өкілеттіктері

4. Комиссия өз құзыры шегінде мыналарға құқылы:

1) өз отырыстарында мемлекеттік органдардың басшыларын, облыс әкіміне тікелей және есеп беруші жергілікті атқарушы органдардың басшыларын тыңдауға;

2) құқық қорғауды қосқандағы мемлекеттік органдар мен ұйымдардан қажетті құжаттарды, материалдарды және ақпаратты сұратуға;

3) тиісті мемлекеттік органдардың басшыларынан отбасы, әйелдер және балалар мәселесіне қатысты заңдардың бұрмалану фактілері бойынша тексерулер мен қызметтік тергеулерді талап етуге;

4) басшылық лауазымдарга әйелдердің кандидатураларын ұсынуға және бекітуге көмектесуге;

5) мемлекеттік органдар мен қоғамдық бірлестіктерге отбасы, әйелдер және балалар мәселелері бойынша статистикалық, талдау, әдістемелік және басқа да ақпараггық материалдарды жіберуге;

6) азаматтардан келіп түскен өтініштер, бұқаралық ақпарат құралдарының хабарламаларын қарау қорытындысы бойынша нақтылы шешім қабылдау үшін материалдарды тиісті мемлекеттік органдарды немесе лауазымды тұлғалардың қарауына жіберуге.

4. Комиссияның жұмысын ұйымдастыру

5. Комиссия төрағадан, оның орынбасарынан және мүшелерінен тұрады. Облыс әкімі оның сандық және жеке құрамын белгілейді.

6. Комиссияның отырысы қажет болған жағдайда, тоқсанына кеміне бір рет өткізіледі.

7. Комиссияның шешімі хаттамамен ресімделеді.

8. Комиссия төрағасы:

1) комиссияның жеке құрамы жөнінен облыс әкімінің қарауына ұсыныс енгізеді;

2) комиссия қызметін ұйымдастырады және оған басшылық жасайды;

3) комиссияның күн тәртібін анықтайды;

4) комиссияның отырыстарын шақырады және онда төрағалық жасайды. Комиссия төрағасы болмай қалған жағдайда оның тапсыруы бойынша отырыстарда орынбасары немесе мүшелерінің бірі төрағалық етеді;

5) комиссия өз жұмысының қорытындылары жайында облыс әкімінің алдында жүйелі түрде есеп беріп отырады.